ياناس شوفولي حل

قصتي اني خطبت بنت قبل سنتين وهالبنت كانت جميله جدا من اول ماشفتها ارتحتلها وحبيتها وكنا نتزوج
صراحه كان كل شي فيها يجذبني
لاكن تدخل بعض شياطين الانس وتفركش هالزواج وذلك من طرفي


بعد ماتفركش الزواج كنت خلاص شلتها من راسي وعزمت ادور غيرها لاكن مايمر اسبوع الا واتذكرها بعدين اقول خلاص برجعلها ثم اهون واقول لا تبي تنساها مع الزمن


المصيبه اني ماقدرت انساها تخيلوا سنتين مرت والبنت تزوجت من سنه وللحين كل اسبوع افكر فيها


تصدقون ياناس اني خطبت بعدها ثلاث بنات وشفتهم لاكن مالقيت الاحساس اللي حسيته معها ولا الجمال اللي شفته فيها مما دعاني الى صرف النظر عنهن

نصيحتي ياخوان لا تكابرون وتعاندون وتصيرون مثلي وخصوصا في مساله الزواج





ياخونا شيروا علي اتزوج واخذ اي وحده عشان انساها وما اظن ان فيه وحده ابرتاح معها مثل مارتحت مع خطيبتي الاولى

الله يعينك ويرزقك احسن منها ............عسى ان تكرهوا شيء وهو خير لكم وعسى أن تحبوا شيء وهو شر لكم او كما قال عليه الصلاة والسلام


هذه اول مشاركة لي في هذا المنتدى بعد انتظار دام شهرين

الله يجزاك خير

اخي الفاضل
هي وتزوجت لو ماتزوجت كان قلت لك ارجع واخطبها
يعني لازم تنساها وتدعي لها بالتوفيق
انت تعجلت وهذه نتيجة العجلة وسبحان الله ماتعرف وين الخير
اتوكل على الله واعزم واخطب غيرها
واكيد انك ملاح تلاقي نسخة منها
الله يوفقك ويرزقك بالزوجة الطيب الصالحة الا تكون لك زوجة من الحور العين

__________________
لا تنسوني من صالح دعائكم

مشكوره اختي واللله بعض الاحيان يقودني الامل اقول يمكن تتطلق من زوجها وارجع اخذها مدري هالوساوس ماراح تخليني وشكرا

لاابد 000 يااخ قزم بس عصبي 00 اجلس استنيها! وفكر فيها! لين تلاقي نفسك عجوز! ولاوحدة بترضى فيك لاوبعد قزم بس عصبي!

اخوي انت مدام حاط في راسك انها جميلة ومافي احد احلى منها ترى مراح تنسى000 والي خلقها خلق غيرها

وكمان يمكن زواجك منها شر وصرفة ربي عنك000 احمد اللهّ وشوف نفسك واترك البنت في حالها اللهّ يستر عليها

00000 وعلى فكرة ترى حرام تشوف بنات الناس وتقايسهم بتلك الين تلقى الاجمل اتقي ربك0000 واخلص النية0اتمنى اكون افدتك000 0

اختك ام سلمى000

تدري ليه اخوي البنت هذي في بالك؟؟

لأنك شفت اللي بعدها أقل منها شكلا بس!!


يمكن اعجبت فيها ارتحت لها بس ماعتقدت انك تعلقت بها استحالة من دقائق معدودة

بس يمكن لأنك شفت البنات اللي بعدها وضاق صدرك حسيت ان هذيك فاتتك

لايضيق صدرك أخوي ولاشي ياكثر البنات في بيوتهم وبمواصفات احلى منها

ثق تماما ان كل اللي صار لك أسباب عشان تتزوج اللي ربي كاتبها لك

وماتدري لعله خيرة من امرك عدم زواجك بها وبغيرها

نصيحة اخوي كل ماجت في بالك على طول حاول تفكر بشي ثاني عشان تأكد لنفسك انك خلاص صارت ماتعنيلك ولاشي.


ولاتشوف اي بنت الا بعد معرفتك بمواصفاتها تماما من أهلك

ماتعرفون وش معنى شوفة شرعية للبنت والله لو نشررررررح كتب ماعتقد تحسون بللي تحسه البنت وقت الشوفة الشرعية

الله يوفقك

__________________
اللهم لك الحمد والشكر
"ولئن شكرتم لأزيدنكم"

شكرا اختي شوبارد نورتي الموضوع

خطبتنا استمرت تقريبا 5 شهور وكنت اكلم البنت هالفتره وصدقيني ما كتشفت غلاها الا لما فقدتها يعني انا مدري بس كان كل شي فيها يعجبني

وعلى قولك البنات ببيوتهم والقا افضل منها صح كلامك لاكن انا ماحب اشوف بنات الناس وبالاخير مايكون نصيب وبنفس الوقت البنت لها مشاعر ولا ودي تنصدم بسببي


وياليت تشرحيلنا وش تحس فيه البنت اثناء النظره الشرعيه
لاني من جد ودي اعرف

تسأل نفسك ليه هي الوحيده اللي تعلقت فيها اكثــــر ؟

لا .. مو عشانها احلاهم ... لو سألت غيرك بيقول فيه أزين





لأنها أول تجربة - خطوبة - ومعها بديت اول ذكريات مشروع العرس


حطها بعقلك كذا : أولى التجارب دايم راسخه في البال يعني ما تنسي


لا تسألني : من أين لك هذا ؟

فكـــر وبتعرف ان كلامي يبي يلامس جزء كبير من المشكلة .... ورد علي



goOd luCk

صح انا دريت قبل ماشوف مشاركتك لناها بالصفحه الثانيه وانا كتبت له نفس الكلام لناها اول وحده..... مشكوره