أخوي المبدع الكبير
والله كلمة رائع شوية عالموضوع...
والله كلامك فعلا في محله.. على الأقل في السوق متغطيين محد يشوفنا غير رب العالمين واتحسر وادعي بيني وبين نفسي
كل شي ولاقعدة الصديقات اذا تكلمو وقالو وانت شتتوقعين زوجك شيقول شيسوي؟ هاه ردي عاد ياشوبارد
اثناء الاختبارات النهائية في لجنة التصحيح فجأة معلمة قالت هاه يامعلمات كل وحدة تقولنا شيدلعها زوجها
رفعت راسي على طول ابي أدور بنت مثلي
ولقيت وحدة والباقي متزوجات
فلانة: انا يقولي النوري وانت.. انا سمورة .. وانت.. انا مايدلعني باسمي دايم يقول حبيبتي عمري
قلت بنفسي اطلعي ياشوبارد احسن لك ماتسوى يتقلب وجهك قدامهم!! وكنت قاعدة اصحح مع معلمات مادتي
سكرت القلم الأحمر وقلت للي جنبي معليش بنات عطشانة بروح اشتري موية شوي وارجع
قمت ويوم بغيت امشي قلت اقول اقعدي ياشوبارد تعودي يمكن تطول السالفة سنين استقوي على المواقف وجلست
ولازالو.. ها وانت انا يقولي امون وانت.. وانا لازلت اصحح جا دوري قالت شوبارد وانت وش راح يدلعك زوجك قولو امين يابنات الله يجيبه
قالو بصوت واحد اميين
اااااااااااااااااه ابتسمت وبداخلي صرخة قلت اذا جا علمتكم وش يدلعني قامو يضحكون ويعلقون وكملت التصحيح وبس!!
ويوم خلصت وصرت اراجع اكتشفت اخطاء بالتصحيح من بعد الموقف!!
والفستان الأبيض هذا لحاله سااااااااالفة يارب جعلي البسه وبنات المنتدىقريب نص جهازي صور عرايس
اللي بتتزوج يابنات تقولي ارسلها كل شي من طقطق للسلام عليكم كوش مسكات فساتين حتى التسريحة معد بقى الا الرجل عاد مقدر عليه
اخوي والله احس كأنك عايش معنا لو بعلق على كل كلمة مااقدر جايبها انت بحذافيرها بصراحة..اجل لاتلومونا اذا ضاقت صدورنا
والله اخوي اللي انت كاتبه بالضبط أحس فيه وفيه زيادة بعد.. يله الحمدالله
الله يجزاك الجنة ويوفقك.