السلام عليكم ورحمة الله بركاته
.
.
.
.
.
.
.
شخباركم...........أولا باركولي إني حملت وانا وزوجي طايرين من الفرح

الشي الثاني:..........
في يوم من الايام كنت قاعدة فالصالة مع اهل زوجي واحنا من عاداتنا إنا نقطي وجهي عن اخوان زوجي غير المحارم.....فمرة كنت قاعدة وياهم واذن الظهر وخليت الذي اغطي فيها وجهي(الغشوة) وتلفوني.
ورحت اصلي فغرفتي وما كملت في غرفتي 7 دقايق يوم طلعت من غرفتي الخارجية شفت رجل من بعيد وكان على بالي زوجي نفس زوجي ويوم مشيت اكثر الرجل طلع .......المهم يوم فتحت الباب الزجاج قلت حد عندنا.... ردت اخت زوجي نعم اخوي فلان وقالتلي مرة ثانية يوم تطلعن من الغرفة غطن وجوهكن وانا ما تكلمت حتى كلمه وشليت غشوتي وتلفوني ورحت غرفتي............المهم انهم كبروا السالفة وسوها قصة وطلعوا عيوب الدنيا فيني وزاعلني انا وزوجي.........ش الحل ..........انا غلطانه

..المفروض اتخبريهم

1.إنج نسيتي الغشوة برا الغرفه..
2. المفروض منهم يخبرون أهل البيت إذا في رجال غريب في البيت على أساس تاخذين الإحتياطات..

و بعدين إذا كانت هذي أول مره.. خبريهم .. إنج ما رح اتعيدينها بإذن الله و قوليلهم إنه اللي صار قبل ما كان عن قصد.. و بعدين الإنسان مب معصوم من الخطأ..

__________________

اللهم ارزق إخوتي زوجات صالحات و أخواتي أزواجا صالحين عاجلا غير آجل يا رحيم..

"علمت أن رزقي لن يأخذه غيري فاطمأن قلبي"

و ألف مبروك على الحمل .. الله يتمم لج على خير .. و تفرحين بالمولود يا رب..

و يجعله ربي من الذريه الصالحه و الباره لوالديها

__________________

اللهم ارزق إخوتي زوجات صالحات و أخواتي أزواجا صالحين عاجلا غير آجل يا رحيم..

"علمت أن رزقي لن يأخذه غيري فاطمأن قلبي"

الف الف الف مبروك على الحمل....والله يتمم لج على خير...ويجعله من الذرية الصالحة ياااااااااارب

وثانيا بالنسبة لمشكلتج عزيزتي.....مثل ما قالت الاخت بر الامان...خبريهم انج ما كنتي تعرفين انه في ريال بالبيت

وانج نسيتي تاخذين الغشوة معاج....وااشرحي لزوجج الموقف ...واعتذري منه مع انج مب غلطانه بس

علشان تهدأ الامور...وقولي لزوجج انه المفروض يكون واثق منج ثقة كاملة وما يهتم بكلام الغير..

والله يسعدج ويفرج همج

اختج......لمني بشوق

__________________

الف مبررررررررررررررررروكـ


مااعليك الي رسوويتيه مو سبب عشان يتكلمون وينتقدون فيك ربي يوفقك انت وزوجك

__________________
لا إله إلا الله عدد ما كان وعدد ما يكون ، وعدد الحركات والسكون

بر الأمان:
شكرا على الرد ..........زوجي يعرف بكل السالفة وانا ما كنت ناوية اقوله بس هو قالي انه عرف من اخته لا تتفاخر وتعرفون شو قالت والله انا رغت (صردتني)حرمتك، زوجي ما رمس لأنه ما يريد يكبر الموضوع بس هي تمت تزيد وتعيد لين ما عصب وهزبها(نازعها).......وكان اخوه الذي ما تغشيت منه مجود وحلف من ذاك اليوم انه ما يدخل البيت وامه تمت زعلانه واخته زعلت.......وكنت اريد افهمهم موقفي وارد على الكلام الذي سمعته عني بهدوء بس زوجس قالي لا تكلمين حد ولا كأنج تعرفين شي. والله يبارك فيج

لمني بشوق:
مثل ما قلت للأخت بر الأمان إن زوجي منعني من الكلام

عيون الظبي:
متقولين لمنو هالكلام محد بيسمع.

واشكر الجميع عالمشاركة

أختكم:
محد دلوع شراتي

اشكر الجميع عالمشاركة
والله يبارك فيكم
.................................................
انتظر ردود اخرى

أختكم:
محد دلوع شراتي

بالإذن .... ينقل الموضوع إلى مكانه الصحيح ... عالم الثقافة والتوجيهات الزوجية


ألف مبارك أختِ الكريمة ....

__________________
... ( بالحب نعيش أجمل حياة ) ...

أوف ..
قسما بالله ناس ترفع الضغط ..
يعني إنتي ماتعمدتي تطلعين عليه كاشفة وجهك ..
وأخته المفروض تتكلم جدامج مو من وراج ..
وإنتي لازم ماتسكتين وتدافعين عن حقج ..
وهذا الأخ العزيز ..
أسمحي لي .. دلوع ..
بس على هالموقف البسيط يعصب ويحلف مايطب البيت ..؟؟
والله يا اختي بيني وبينج ..
عمرنا ماراح نرتاح إلا إذا استقلينا في بيت بروحنا ..
بلا أم زوج وأخت زوج بلا خرابيط ..



عذرا ..
مبروك على الحمل والله يتمم عليج ..

هذا اللي كنت باأقوله....