السلام عليكم ،
انا متزوجة من عشر سنوات تقريبا زوجي كان زميلي ف الكلية، وانا احبه كثيراً وهو يحبني ويغير علي كثيراً، المشكلة انه عندما نتخانق خناقة كبيرة يقوم بضربي ع وجهي ويسبني انا واهلي بابشع الالفاظ ويقول اني استحق ذلك ثم عندما نتصالح بعد ذلك يبكي ويقول اني استفزيته وخرجته من شعوره وانه لا يقصد ان يسب اهلي وانه يحبهم وانه بيضايق جداً لما بيضربني وانا اسامحه ف كل مرة لاني احبه ولا اريد خراب البيت حتي كانت آخر خناقة بيننا تعصب علية ونحن ف مكان عام ولم انطق حتي انه هددني بالطلاق وهو دائما يهدد، لم انطق وتركني وذهب وكنا ليلاً وذهبت للمنزل بمفردي وكنت مضايقة منه ودخلت حجرتي واغلقت ع نفسي لثاني يوم حتي المساء عندما جاء واتهمني باني مشيت وتركته اتغاظت ومقدرتش استحمل وقلت له انت رحت ف داهية وتركتني لم اشعر بنفسي وعارفة اني غلطانة بس رد فعله كان عنيف ضربني عع وجهي بالقلم عدة مرات وسبني بالاب والام وبعدها لم نتكلم وانتظرت ييجي يصالحني لم يحدث وسافر بعدها عدة ايام لم استطع ان اكلمه قبلها كنت مخنوقة منه وعندما عاد ايضا لم يكلمني كلمو واحدة او يطلب مني شيئاً ثم جاء بعدها بعدة ايام وقال لي كلام غريب لا افهم ماذا يريد ،قال احنا مش هينفع نكمل مع بعض ( وهو دائما يهدد وانا اقول له بحبك ومقدرش اعيش من غيرك)فالمرة دي حفاظاً ع كرامتي قلت له وانا كمان لاني تعبت ومبقيتش قادرة ع استحمال الضرب والاهانة امام اولادي قال انا عارف انتي لم تعودي تحبيني قلتله لا انا بحبك بس حفاظا ع كرامتي هسيبك قال لي الحاجات دي مفيهاش كرامة قلت له لا فيها المهم تناقشنا كثيراً وقال انا خايف عليكي تنهاري بعد ما نترك بعض وضميري يئنبني قلت له لا تخاف كنت عايزة اشعره اني المرة دي انا الي عايزة اتركه واني مش هتحايل عليه زي كل مرة ثم قال لن اطلقك نعيش مع بعض منفصلين عشان الاولاد قلت له لا نتطلق ( من وراء قلبي للتهديد)قال لا لانها سوف تكون آخر طلقة قلت له احسن عشان ميبقاش فيه رجوع رفض وانهيت الكلام معه ثم تلكك بعدها وجاء ليكلمني صديته والآن هو لا يكلمني ولا يطلب مني شيئاً ويقول انه لم يعد يحبني ويحلف انه سيتركني ويقول لي بأة اسافر وارجع ولا تسلمي علية قلت له انت شتمني بابشع الالفاظ وضاربني وبعد كل ده اجي اسلم عليك ليه معنديش كرامة وذهبت انا ودست ع كرامتي وتحدثت معه يقولي خلاص انا اخذت القرار وبلاش تضيعي وقتك معي ، واخذ يبكي ، قلت له خلاص بلاش نهدم البيت وانا احبك يقولي بعد كل ده بتحبيني انتي بتضحكي علية عشان متطلقيش قلتله لا بحبك عشان عارفة ان فيك حلجات تانية كويسة ،احب ان اضيف انه ف الوقت العادي يكون طيب جداً وحنين ويحب اولاده جدا ولا يرفض لهم طلب، انا مش عارفة اعمل هل اتحدث معه ثانياً او اتركه حتي يهدأ وهل هو جاد او كالعادة تهديد ، انا مش فاهمة هو عايز ايه ، ارجو مساعدتي ، بارك الله فيكم.

السلام عليكم،
انا جديدة في هذا المنتدي الرائع وكتبت مشاركة في الصباح وذكرت اسم الاستاذ ابوحكيم والاخت Beta ولم يتم الرد علي المشاركة فهل هناك خطأ في شئ؟ ارجو التوضيح وبارك الله فيكم وفي هذا المنتدي

أهلا بكِ عزيزتي

أمس كان هناك مشكلة فنية بالمنتدى .. موضوعك ما فيه مشكلة وبمكانه الصحيح ..

لي رجعة لموضوعك ..ليتك تكتبي شرح أكثر عن طبيعة المشاكل بينكم .. على ماذا تدور المشكلة وكيف توصل لأن للطلاق والتهديد به
وما أسباب طلاقكم المرتين السابقات؟ وكيف رجعتوا؟

وان شاء الله قريبا يدخل اخونا ابو حكيم للمنتدى ويكتب رده هو أيضا

__________________

السلام عليكم اخت Beta، اشكر اهتمامك جداً
انا بطبيعتي عصبية وهو عادي ولكن عنما يتعصب يكون شديد العصبية،لا انكر انه يحبني كثيراً جداً ، خناقتنا كلها هايفة حاجات صغيرة تقلب بخناقة كبيرة ويتعصب علية وفي اثناء عصبيته يقول انتي طالق ثم عندما يهدأ يندم ويقول مكانش قصدي اقولها خرجت من فمي من غير ما اشعر ويبكي ويقولي انا بحبك ومش عايز اخسرك.في اول سنوات زواجنا كان لما يزعقلي مثلا او يتنرفز علية للاسف كنت اتنرفز وازعق واقوله متكلمنيش كدة ومتغلطش لانه للاسف غلاط فبيستفزني وكانت الخناقة تكبر ويضربني ويشتمني ويقولي احنا مينفعش نكمل مع بعض وانا قررت اسيبك فأبكي واتحايل عليه واتأسف واتزلل واقوله انا بحبك ومقدرش اعيش من غيرك وبلاش نهدم البيت يوم اتنين تلاتة لغاية مايرضي يصالحني، بعد مرور االسنين هدأت كثيراً يعني لما يتنرفز او يغلط اسكت وادخل حجرتي وافضل فيها وهو يشعر بغلطه وييجي يعتذر حتي كانت آخر خناقة من اسبوعين تقريباً وهي كما ذكرتها من قبل تركني في مول ومشي وكنا ليلاً وذهبت للمنزل بمفردي واغلقت علية حجرتي وجاء ثاني يوم يزعق و يتهمني اني مشيت وتركته ،للاسف انا كنت متنرفزة منه جداً كيف يتركني من دون ان افعل له شيئا ويتلكك ويزعقلي ويمشي وانا لم انطق فقلت له انت رحت في داهية وسيبتني لوحدي بليل عايز ايه فضربني واخذ يسبني انا واهلي وانا لم ارد عليه وسافر وعاد ولم نتحدث الا بعدها بثلاثة ايام جاء يهدد كالمعتاد احنا مش هينفع نكمل مع بعض وانا مبقيتش بحبك وانتي كمان فقلتله لا انا بحبك بس انا كمان مش عايزة اكمل معاك عشان زهقت وتعبت من اسلوبك انت عمرك مهتتغير هو فوجئ بكلامي كان منتظر اني اتحايل عليه واني ماقدرش اعيش من غيره فبكي وقالي انا عايز ارحمك مني بس خايف اظلمك وكلام كتير وقالي احلفي ع المصحف انك عايزة تسيبيني قلتله لا مش هحلف قالي ازاي بتحبيني وعايزة تسيبيني قلتله عايزة احافظ ع كرامتي قالي بس لو تم الطلاق دي هتبقي اخر طالقة قلتله عارفة احسن عشان اخلص وميبقاش فيه رجوع قالي انا مش هطلقك نعيش منفصلين مع بعض عشان الولاد قلتله لا، طبعا انا بضغط عليه عشان يفهم اني جبت اخري معاه وزهقت عشان يبطل اسلوبه ده وانتهي الكلام ومن ساعتها كلمني مرة واحدة وبس ورحت اقوله حاجة اعد يعيط ويقولي انا مش عايز اكلمك وخلاص احنا اتفقنا اننا مش هنكمل مع بعض قلتله انت بتعيط ليه قالي انا اعصابي تعبانة وابعدي عني مش عايز اشوفك ومبيطلبش مني حاجة خالص، انا مش فاهمة هو عايز ايه كلامه قبل كدة معايا انه مش عايز نطلق وافعاله دلوقت انه هيطلقني عشان مبقاش بيحبني ، هو عنده مشاكل ف عمله هل يكون لها تأثير ع حالته دي ، انا بحبه لانه ف الوقت العادي طيب وحنين ورومانسي ، هل يعاقبني عشان قلتله انا كمان عايزة اسيبك ومش عايزة اكمل معاك، انا منهارة ومش فاهمة اتعامل معاه ازاي، هل اتركه كام يوم حتي يهدأ ؟ شكراً علي المس

حكتب مختصر جدا عشان تاخر الوقت عندي وبنفس الوقت مش قادرة اسيبك من غير رد لاني حاسه بيكي
جوزك عاوز يطلق مش عشان بقا دلوقتي مش بيحبك .... انما لانه تعب جدا وارهق ويئس من وضعكم واللي بيحصل ده كله منك ومنه
وزي ما هوا غلطان لانه بيتعصب أوي فإنتي كمان غلطانه لانك من البداية وهو الموضوع لسه هايف بتفضلي تناقشي لحد ما يوصل لحالة العصبية وبعديها بتسكتي وتهدي ... وده غلط يا حبيبتي.

هو مش حيطلق فما تخفيش وظروف شغله اكيد لها تاثير كبير

كان يودي لو تقوليلي الحاجات الهايفه اللي بتتخانقوا عليها
وكمان عاوزه اسألك اذا تاكدتم من الطلقتين اللي فاتوا من شيخ ثقة او قاضي اذا وقعم وللا لا ... لانه من كلامك جوزك بيكوت متعصب جدا لجرجى بينسى هو عمل ايه .. زي اخر مرة لما سابك بالمول وتاني يوم بيلومك ليه سبتيه

اعذريني حطلع من النت دلوقتي لكن عاوزاكي متخفيش وان شاء الله حكمل معاكي انا وابو حكيم لغاية متنتهي المشكلة وتعرفي ازاي تخليها متتكررش
تصبحي على خير

__________________

اشكر قلقك واهتمامك جداً ربنا يكرمك ويجازيكي خير.
اول طالقة لنا كانت في اول زواجنا كنت في اول حملي الاول واول مرة اسافر واتغرب واترك اهلي وعملي وحياتي كلها ومع الحمل في اول ثلاثة سهور كنت تعبانة جداً علطوول دوخة وترجيع من اي ريحة وكان لما زوجي يقترب مني اجري ارجع وكنت بتكسف اقول له عشان ميزعلش وكنت دائما تعبانة ولا اتكلم ففتكر اني اصبحت لا احبه ولا اطيقه وفي مرة ضربني وقال انتي طالق وترك البيت وكلم اهله وهم سألوا شيخ وقال يقع الطلاق بس يرجعها في ساعتها وخلاص وبعدها اعتذرلي زوجي وقال لي انا افتكرت انك بطلتي تحبيني.اما بالنسبة لخناقتنا الهايفة فسوف احكي اخر خناقة ، كنا كويسين جداً ونازلين نتفسح وكنت ارتدي عبايتي وهي بجيوب وليست اول مرة ارتديها معه وكان الجو بارد قليلا فوضعت يدي في جيبي واحنا في المول ففوجئت به يزعق ويقول شيلي ايدك من جيبك مش منظر العباية كدة بتبقي ضيقة مع العلم انها واسعة وهذه ليست اول مرة فقلت له ايدي ساقعة وانا مش شادة العباية خالص ومشيت ناحية المحل فجاء خلفي وشدني جامد من ذراعي وزعق وقال بتمشي وتسيبيني قلت لا انا مسيبتكش فقال شيلي ايدك بقول قلت له لو سمحت اخفض صوتك عشان الناس حوالينا قلتها بمنتهي الهدوء قال تحبي احلف عليكي طلاق دلوقت انا اتصدمت وقمت دخلت المحل ولم ارد عليه جاء خلفي وقال شيلي ايدك من جيبك وانا والله كنت شيلتها لاني كنت بتفرج علي الاشياء ف المحل قلت له شيلتها خلاص قام قال ثانياً تحبي احلف عليكي طلاق دلوقت قلت له احلف واستمريت في اني اعمل نفسي بتفرج حتي لا يتطور الموقف وهو مشي من جنبي وكان بيتفرج فانتقلت لمكان آخر ف نفس المحل فجاء من خلفي وقال انتي مش مستعنياني قلت له ليه انا عملت ايه فقال اقسم بالله انا ماشي وسايبك ومشي فعلاًوهذه ليست اول مرة يفعلها فعلها قبل ذلك وكان معي الاولاد وجريت وراه ركب سيارته ومشي ولما كلمته في الموبايل مبيردش علية، فالمرة دي قلت مش هجري وراه وتركته يمشي وكنت مصدومة انا لم افعل شئ يستحق رد الفعل ده عشان يهدد بالطلاق ويتركني ، هذا مثال للخناقات الهايفة . يا ريت تقولي اي لو انا غلطانة انا فعلاً مبقيتش عارفة اتعامل معاه ازاي ، احنا كل الي يعرفنا بيقولي زوجك بيحبك جداً وبيغير عليكي جدا طيب ليه كدة انا مش حاسة معاه بالأمان حاسة انه ممكن يسيبني في اي وقت وانا فعلا بحبه وعارفة انه بيحبني جداً.
عايزة اسأل حضرتك بتقولي هو مش هيطلق طيب حضرتك امال ليه مقاطعني وحلف انه مش هنكمل مع بعض واني لو عايزة مطلقش نعيش منفصلين، انا تعبت والله ومش عارفة اتعامل معاه مع انه في الوقت العادي طيب وحنين، اشكر تعبك وطولت عليكي ربنا يجازيكي كل خير.

اولا كويس انكوا اتكلمتوا مع بعض ..
ثانيا جميل انه اعتذر عن ضربك وسب الاهل ..
اما مسأله زواجه فانا لا اعلم شخصيته ولا نواياه ولكن من يريد ان يفعل شيئا لا يعمل نشره قبلها ..
الخطوات السابقه جيده وخصوصا عودته الى حجرتك ..
طبعا الامور لم تصبح ورديه ومحتاجه خطوات اخرى ..
انا ارى مادام بادر بالاعتذار فالواجب عليكى معاملته بالمثل ..
قد تكون رساله رقيقه تبلغيه بانه كبر فى نظرك عندما اعتذر عن ضربك وسب اهلك وانك فى المقابل ماكنتى تتمنى ان تخرجى عن شعورك وانك تعتذرى عن اى تصرف اقترفتيه بانفعالك وتذكريه بايامكم الجميله وبابنتكم ..
لا تذكرى شيئا عن زواجه الثانى ولا تطلبى منه شيئا ولكن وضحى انك اردتى ان تعلميه انك ابدا ماكرهتيه يوما فهو ابو اولادك اولا واخبرا ..
لا اعلم ردة فعله على ايجابيتك هذه ولكن افعلى ماعليك وانتظرى بحجرتك كما كنت .
لو جاء يحدثك لا تعيدى اخطاء الماضى ولكن ردى على اى اتهام بما تعلميه من حقيقه .

شكراً استاذ رؤوف لرد حضرتك، فعلاً انا عملت زي ما حضرتك بتقول اعتذرت له كثيراً وقلت له اني لم اقصد شئ وتأسفت ع خروجي عن شعوري قبل ذلك مع اني بطلت وذكرته بأن بيننا اولاد واشيام وذكريات جميلة ولكنه لازال يصدني ويخرج من البيت ويعود متأخراً ، يا ريت تقول لي يا استاذ رؤوف ماهي الخطوات التانية الي ممكن اعملها هل اتحدث معه كل يوم مثلا او اتركه ثانيا حتي يهدأ مع نفسه؟

مادام انفتح الحوار وكل واحد طلع اللى عنده فلازم تكسرى حاجز الجفوه ..
زى مارحتى عنده على الكنبه وكلمتيه روحى تانى واتكلمى معاه ..
ليس كلام عتاب ولكن حديث دافئ عن الاحوال واحكيله على اللى حصل فى يومك من احداث ..
اشركيه فى يومك وبدون ازعاج ..
لو نجحت لاقناعه بالمبيت بالفراش معك متذرعه انك تخافى تنامى وحدك او انك تريده جنبك لاحساسك بالامان بجواره ..
ان حدث ودخل فاتركيه يرتاح قليلا وينام وبعدها بسويعات جربى تحتكى بيه وتدفعيه للاقتراب ..
ان حدث فتلك خطوه اخرى جيده ولكن كونى متعطره ومرتديه غير مارآكى به عند نومه ..
تلك مراحل ان اجتزناها نستطيع ان نقول اننا عدنا كما كنا .. وماحدث بالماضى واحدث مشاكل اتجنبه