اسفة بس ودي افضفض حق احد شوي
انا ما احب الموت ..اكثر شي يخرع لما تسمع احد مات ...اليوم كنت رادة بيتنا وانا بالخط السريع دقت علي بنت خالي وقالتلي انه صديقت رفيجتي ماتت اليوم بحادث سيارة ..اهي صغيرة عمرها 20 الله يرحمها والله تعبت وانا ابجي ما احب الموت ...ماودي احد يموت .انا عرفتها فترة قصيرة بس والله اتذكرها ..ماني قادرة اشيل الموضوع من راسي تعبت وانا اسكت وابجي ..الموت حق ادري بس ما احبه ...اخوي مات وانا صغيرة بس لي اللحين اذكر العزا ..بعدين يدتي
ومن قبل اربع اسنين بابا حبيبي ..عطاني 20 دينار عشان روب التخرج وقالي راح اقعد جدام بس بعد اسبوعين مات قبل لايشوفني انا حبيبتا اخر العنقود بالتخرج ....ياربي سامنحني بس انا ما احب الموت الموت يجرح يعور القلب
يارب ارحمنا ..وارحم ابوي واخوي ويدتي ورفيجتي

الله يخليلكم دعواتكم لهم بالرحمة

غاليتي : ليس لدي ما أقوله لك .. فكلنا نكره الموت ولكن لابد من أن نستعد له قبل أن نلقاه

قرات موضوعك هذا ... وتذكرت هذا الحديث الصحيح ...

إليك فتأمليه

عَنْ عُبَادَةَ بْنِ الصَّامِتِ عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ : " مَنْ أَحَبَّ لِقَاءَ اللَّهِ أَحَبَّ اللَّهُ لِقَاءهُ وَمَنْ كَرِهَ لِقَاءَ اللَّهِ كَرِهَ

اللَّهُ لِقَاءهُ قَالَتْ عَائِشَةُ أَوْ بَعْضُ أَزْوَاجِهِ إِنَّا لَنَكْرَهُ الْمَوْتَ قَالَ لَيْسَ ذَاكِ وَلَكِنَّ الْمُؤْمِنَ إِذَا حَضَرَهُ الْمَوْتُ بُشِّرَ بِرِضْوَانِ اللَّهِ

وَكَرَامَتِهِ فَلَيْسَ شَيْءٌ أَحَبَّ إِلَيْهِ مِمَّا أَمَامَهُ فَأَحَبَّ لِقَاءَ اللَّهِ وَأَحَبَّ اللَّهُ لِقَاءهُ وَإِنَّ الْكَافِرَ إِذَا حُضِرَ بُشِّرَ بِعَذَابِ اللَّهِ وَعُقُوبَتِهِ

فَلَيْسَ شَيْءٌ أَكْرَهَ إِلَيْهِ مِمَّا أَمَامَهُ كَرِهَ لِقَاءَ اللَّهِ وَكَرِهَ اللَّهُ لِقَاءهُ . " صحيح البخاري 6026


قد يفيدك هذا الرابط

http://www.islamqa.com/special/index...site=13&ln=ara

__________________

مشكورة يا عمري ماقصرتي
والله انا ادري الله ياخذ الزين لان الله يحبهم ...بس انا اخاف دايما افكر باللي يمي اخاف افقد احد بعد ..ياربي سامحني موقصدي بس انا متوترة ...
اسفة على الازعاج

طبيعي الكل يكره الموت حتي عمر ابن الخطاب كان يكره ويخاف الموت

__________________


سلسله من 20 سؤال لهدم نظرية التطور الجزء الاول
الجزء الثاني
الجزء الثالث
الجزء الرابع
الجزء الخامس
الجزء السادس
الجزء السابع
الجزء الثامن
الجزء التاسع
الجزء العاشر
الجزء الحادي عشر
الجزء الثاني عشر
الجزء الثالث عشر

والله حبيبتي مافي احد يحب الموت لكن هذا حق علينا ... ولازم نسوي خير واللي يرضي ربنا عشان نكون من اهل الجنة

حرام عليكي انا مرة حساسة خليتيني اتخيلل المناظر كلها

( ابوكي اخوكي جدتكي وصحبتكي )

والله الدموع كانت بتنزل ...

آه لاتخليني افكر كثير والا اتعب ... ما اتخيل حياتي بدون اخواني وامي وابويا ...

الله يقبض ارواحنا على طاعته ..

يا حبيبتي..
واضح إنج حساسة يا عمري..
ماتنلامين أقرب الناس لج توفوا الله يرحمهم..
بس محد عايش للابد..
كلنا بنموت..
وتأكدي إن محد يحب الموت..

ذكرتيني..
من 4 سنين توفى خالي وكان بالثلاثينات..
عانى من المرض ثلاث سنين..
وأنا كنت ناوية أروح ديرتي عشان بس أشوفه قبل ما يموت..
بس أكتشفت إني حامل وكنت تعبانة كثير.. وحذرني الدكتور من السفر بالطيارة أو حتى بالبر لأنه متعب..
بعدها بأسبوع توفى.. و جاني الخبر وأنا كنت منومة بالمستشفى..
عاد تخيلي الموقف..
وأنا بعيدة عن هلي..
ماعندي أحد يضمني من هلي ويواسيني..
أو يشاركني حزني..
حتى عزاه ماقدرت أروح له..
وأتخيل هلي يواسون بعضهم البعض..
وأنا يواسوني بالتلفون..
آآآآآه.. قلبتي علي المواجع..
لحد ألحين لما اتذكر الموقف أبكي مثل ما بكيت أول مرة..
الله يرحمه ويرحمنا جميعا..

وأعذريني بس ماقدرت أكتم الموقف..

نعم اخيتي الكريمه فالموت حق والله يرحمها يربي ويدخلها فسيح جناته

كلنا فقدنا اناس غالين

لا يسعنا سوا الدعاء لهم بالاخره والله يخفف عنهم يارب ويدخلهم الجنه

كل نفس ذائقة الموت

كلنا سوف نموت ولكن يجب ان نكون مستعدين لهذا اليوم

اختي الكريمة

ادعي لهم بالرحمة و المغفرة

الله يرحمهم و يغمد روحهم بالجنة

اللهم آآآآآآآمين

__________________

الله يرحمها انشالله ...ماقصرتوا والله انشالله يصبر اهل البنت ..واهي وحيدة امها
كبريائي : الله يخليلج اهلج كلهم انشالله ويعطيهم طولت العمر ..امين يارب العالمين
بحرينية ولكن : حبيبتي والله موقفج يعور القلب ..الله يرحما انشالله ويدخلا فسيح جناته امين
mhyoalden,مايهزك,انتهت حياتي, alaa777 : تسلمون ...والله يسمع منكم انشالله ماقصرتوا

اللهم ارحم عبادك المؤمنين ..واغفر لنا يارب