السلام عليكم يااعضاء المنتدى ..


مثل مو مكتوب بالعنوان ودي اصلي العيد بالمسجد لكني خايفه..


خايفه اشوف اهلي طليقي وزوجته بصلاة العيد .مع اني مااعرفها لكن بميزها .. واخاف كمان اشوف طليقي برا وترجع الذكريات المدفونه .. ويصير يومي وعيدي كله نكد وحزن ..


انا ماقد قابلتهم من بعد الطلاق ولي سنه ونص ..

ومدري كيف بتصرف لو قابلتهم لاني من النوع الخواف .. وفي هذي المواقف ارتجف رعب .. اخاف يسولي حركه او يعطوني نظره تقهرني لأني عارفتهم زين ..



كان ودي اني اقابلهم وانا متزوجه عشان اغيظهم كلهم واغلط كلامهم يوم قالو (مين اللي بيرضى فيكي) ..


امس قلت لأمي شكلي مابروح اصلي .. قالتلي بتروحي وان شالله ماتشوفيهم ..


علموني كيف اتصرف لو قابلتهم .. لحد يقول روحي سلمي عليهم .. لانه من سابع المستحيلات ..


علميني ياشوبارد اعطيهم من نظراتك واقهرهم فردا فردا ..

__________________


اللهم فرج كربتي ويسر امري واكتب لي الخير يارب

طيب أختي ما فيه الا هالمسجد
الحمد لله عندنا مساجد كثيره
كلمي امك وقولي لها تروحون مسجد غير اللي هم يصلون فيه

زي ما قال أخي كوجاك
إما تغيري المسجد ..
أو تروحي عااااادي .. وتضحكي وتتكلمي مع أهلك
ولا تتلفتي كثير ..
أفضل .. لأن العيون بتتكلم !!


تسلمي عليهم ؟؟
مين قال .. ؟؟
مو أحرضك على منكر لا سمح الله
لكن بالمرة ما تجي ..
إنتِ كمااان بشر !!


الله يبارك لك في عيدك
وييسر لك أمرك يااارب

وكل سنة وانتوا طيبين

ابويا مابيرضى ولا راح اخلص من كلامه وبيقول بلا دلع بنات... ولانه المسجد هذا لاصق فينا ..

واقرب مسجد بيصلو فيه العيد لازم نروح له بالسياره ..


ومن جد هذا مو دلع لكني جبانه ..

__________________


اللهم فرج كربتي ويسر امري واكتب لي الخير يارب

طيب وهم لازم يصلون في هذا المسجد
يعني هم ساكنين في نفس منطقتك؟؟

اختي جزاك الله خير ، هل ستظلين تحبسين نفسك في سجن الطلاق ؟ هل انت اول أو اخر امراة تتطلق ؟ لماذا هذا

الخوف من اهل طليقك وكانك اقدمت على جريمة لا تغتفر ؟

والله اني انزعج جدا من بعض اخواتنا المطلقات عندما تسترجع شريط ذكريات ماضيها مع طليقها وتعيده على ذهنها

يوميا مما يسبب لها حالة من الكابة والتشاؤم .

اختي كوني على ثقه بان الذي رزقك بذالك الزوج قادر على ان يرزقك بخير منه فلا تيأسي ، وارجوا منك ان تبتعدي

عن التفكير في الانتقام اوالرد عليهم مهما صدر منهم من نظرة او حركة ساخرة ، وانصحك بالصلاة في هذا المسجد

واجعلي الابتسامة والبشاشه تعلوا محياك .

__________________
قال رسول الله صلى الله عليه وسلم { اتق الله حيثما كنت واتبع السيئة الحسنة تمحها وخالق الناس بخلق حسن }

ثقي بالله وتوكلي عليه

وروحي وصلي العيد بالمسجد ولا على بالك

ولا كأنك تعرفينهم

واقري على نفسك المعوذات واسة الكرسي

وايه ( وجعلنا من بين ايديهم سدا ومن خلفهم سدا ........) صدق الله العظيم

وانشاء الله ما يجي عيد الاضحى الا والعريس قبله قولو آآآمين

طالما انت واثقه من نفسك لا يهمك احد
انت واثقه ان كلامهم عنك مو صحيح

أحلى ما في العيد صلاة العيد لا تفوتينها روحي مع امك و خواتك و إن شاء الله أنك ما تشوفينهم أهم شئ ؟أنك تشوفي أهل فريجكم و جيرانكم و تسلمي عليهم هذا عيد و لازم أنك تعيدي مثل كل الناس ........

لو كانوا أهل طليقك منكم أقصد فيه صله رحم بينكم (عمامكم أو خوالكم) عاااااااااااااااادي سلمي عليهم و عيدي عليهم و أنتي تضحكي ...... صديقيني كذا راااح تكوني أحسن منهم و تاخذي الاجر... بعدين خلاص تجاهلي الموضوع صار له سنه و نص عيشي حياتك و استمتعي بالعيد في مثل قديم عندنا يقول (حجران يقطع مصران) بما معناه أنه تجاهل لك لهم راح يموتهم قهر ...

الله يسعدك دايما يا أختى و يفرج عنك الضيق و يجيك فارس الاحلام قريبا ان شاء الله
على فكره أنا ما نسيتك في مكه

__________________
إن مشاعر الإنسان سر من أسرار الله تعالى..
يودع ما يشاء في قلب من يشاء من عباده..
فسبحان من أودع حبكم في قلبي..

أحبـــكم في اللــه


الحـــــــــــــــــــــــــــــب

هو تلك اللهفة لانتظار الغد وانتظار الدقائق القادمة .. الحب هو التفكير في الماضي وربطه بالحاضر والتحليق مع سحب المستقبل ....

الكثير منا ليس له شريك في عاطفته و لكنه يعيش على فتات هذا الأمل ـ إمّا قصة انتهت و إما قصة يعتقد بأنها ستبدأ في يوم ما ...و لكن الشائع في الأمر بأن الجميع يعتقد بأنه مُحب....

تبين الصحيح ..أقولك الصراحة ..أنا لو ماكانت وعندي شك اني بشوفهم ..ما أروح ..

أنا نفسيتي كذا ..بس بعد انتي شوفي نفسك ..