السلام عليكم ورحمة الله

أول شي انا معقود علي من نص سنه ومابيني وبين زوجي مكالمات لأنه هو مايتصل ولا يسأل وماشفته من ثلاث شهور ونص!!

المهم انا بحاول أختصر المشكله على شكل نقاط:
أولا: هو مايسأل عني بالمره حتى أهله يطلبوا منه يتصل علي وهو مايتصل والعيدين اللي مرزا ماعايدني؟! <<< انا دريت بعدين إنه هذا طبعهم هو وإخوانه مايسألوا عن حد ومامتربين على أبسط الذوقيات اللي الكل يعرفها لأن أمهم جابتهم فوق بعض (13 ولد وخمس بنات) قولوا ماشاء الله بس ماكانت تهتم بتربيتهم كله على الخدامه (فرق سنه بين كل واحد) حتى ماتحاول تقرب بين عيالها كل واحد في حاله ودور أبوهم غاااايب يعني هو موجود ومو موجود تارك عياله يدبروا نفسهم وأغلبهم (شباب وبنات) مامكملين دراستهم ومنهم زوجي (ماكمل إبتدائيه وانا عندي شهادة من كليات القمه!!!!)

ثانيا: ولا وحده من خواته ترمسني يعني ماحسيت إني عروس وإني بكون شي يديد عندهم ولا وحده حاولت تقرب مني يعني لا هدايا ولا إتصال. وأمه دايما انا وأمي نتصل عليها ونسأل عنها بس هي ولامره إتصلت علينا!! واللي مخوفني إني بعيش عندهم في البيت.

ثالثا: اللي بيسألني ليش وافقتي عليه بقول لكم عجبتني بساطه (هو بدوي وراعي إبل) وأهم شي يصلي صلاته في المسجد <<< ولا تستغربوا هذي من النوادر يعني انا كل اللي تقدموا لي قبل مايصلوا بالمسجد إلا بالمناسبات وبالنسبه لزوجي انا توسمت فيه الخير ورغم كل المشاكل والفروق اللي بينا أحس إنه طيب وقليل خبره وهو صغير 20 سنه بس يريد يعرس ويستقر وأعرف إنه الزواج مو كله شهد وإنه صبر وصبر وفي الأول والأخير أقول لكم النصيب سبحان الله.

رابعا: بعد العقد عرفت عنه إنه مرات يدوخ سجاره, وهالمرات لمن يكون مع أبوه والرجال الكبار يعني عاده ماخذه منهم بس لمن يسير الشغل مايدوخ لمدة أسبوع وأسبوعين وعندي أمل أخلصه من هالعاده والحمد لله ابوه الحين مايدخن. بس قبل الزواج سألنا عنه والكل قال مايدوخ حتى أمه قالت لأمي مايدوخ (كذبت علينا) وبعد العقد قالت لأ يدوخ هو وأربع من خوانه. هنى حسيتي إني إنخدعت لأن مثل هالشي مايتخبى.

خامسا: واللي مزعجني أكثر دايما ينكث بوعوده ويتكلم ووااااااااايد ولا ينفذ شي!!! يعني يقول بزوركم في اليوم الفلاني ولا يحضر بجيب وبسوي ولا يلتزم زين ليش تتكلم وإنت مو قد الكلمه. أبوي تعب معاه وأخوي مل منه ونحسه بروحه ماحد راضي يتفاهم معاه من أهله كل ماجينا نكلم أحد قالوا عندكم إياه تفاهموا معاه!! وأهلي مو فاضيين لمشاكل الصغار هذي بعد عندهم بنت ثانيه بتعرس قريب والثالثه إنخطبت في العيد هذا وكلهن مهورهن أكثر عني.

الحين أحس إن أغلب مشاكلنا إنا مانكلم بعض في التليفون لأن يوم يزورنا مايجي لوحده أغلب الوقت معاه حد عشان جي أسلم وأطلع. وللحين ماتعودنا على بعض وهو دايما يدخل أطراف ثانيه في أي موضوع.

والحين عرسنا قرب يعني في شهر أو شهرين (كان المفروض بعد أسبوع بس وين اللي يلتزم ويكون قد كلمته) غاب فتره طويييييييله لا إتصال ولا سؤال ولا حتى عيدكم مبارك والحين رجع وجايب معاه واحد (رجال كبير في السن وهو اللي خذ موافقتي قبل العقد) وكلفه يتكلم عنه و يقول لأبوي إنه مايقدر يدفع أكثر عن 20000 لليلة العرس وهذا المبلغ مايكفي غير وليمة عشاء (على حد قوله) يعني إختصر كل شي في العرس بيعشي الجيران وياخذ حرمته وبسسسسسسسس!!!!


أنا أول شي إنقهرت لأنه مو هذا إتفاق أهلي مع أهله ولأني أول فرحه لهلي يريدوا يفرحوا فيني (وعلى فكره انا ماخذه من أهلي 13000 عشان أخلص جهازي لأن الفلوس اللي خذتها من عنده ماكفت بس نحن نعرف إنه بأول الطريق وماثقلنا عليه التزمنا بكل كلمه قلناها من البدايه)
وطبعا هو ماعنده للعرس الحين لأنه شرا سياره ب 89 ألف!!!! يعني اللي حطه ثمن للسياره ضعف اللي بيحطه للعرس (40000) والله هذا هو الإستهتار بعينه ماعنده لزوجته وعنه يخسر على حديد ؟!!
انا حركته هذي واااااااايد أثرت في نفسيتي لأني حسيتي إنه مرخص فيني لأن كل وحده تحلم بفستان وزفه وكوشه وتصوير وألبوم وفرح <<< شو اللي ممكن يعوض هذا كله؟! وهو ولله الحمد راتبه 10000 في الشهر يعني مايكفي حركته من البدايه وأهماله

انا أخر شي أتوقع إن الفلوس تسوي هذا كله بينا الله يسامحه.

طبعا أهلي سكتوا وماردوا عليه للحين يتريوا ردي موافقه ولا لأ بس الللي أزم الموضوع زياده كلمت أمه لأبوي ولأمي قالت هذا اللي عندنا ولو ماموافقين ترى بنتكم عندكم وولدنا عندنا!!!

حرام أمي عصبت بس ماتكلمت ولا ردت عليها خلت الكلام لأبوي وبعدين ماحد راضي يدخل من أهله ولمن تدخلت أمه خربت ليتها ماتكلمت حتىأخوه اللي أكبر عنه يقول هو مامحترم أهل زوجته كيف أساعده؟

المهم انا طولت عليكم بس علشان أحطكم في الصوره وتساعدوني أحصل حل لأني أحس عمري ضايعه ومأقدر أرتب أفكاري وأموري كيف أحل مشاكلي معاه انا ماحس براحه أبد وماأتخيل إني صدق زوجة هالإنسان لأني وبكل بساطه ماأعرفه غير من هالتصرفات اللي ذكرته لكم وهي ماطمن أبد

طبعا الحلول اللي جت في راسي أول شي فكرة بالطلاق وإن كل واحد في حاله على قولة أمه

بس فيه حل ثاني وانا أميل له أكثر بس يباله جرأه وحزم من من؟ مني انا أمة الله!!!

وهو وهذا اللي أبا رايكم فيه:

إني أتصل عليه يعني أبادر انا ونحاول نتفق ونحل المشاكل اللي بينا بدون تدخل أي حد. شو رايكم؟ والعشرين اللي هو يشوفها ماتكفي غير عشا انا أقدر أخلها تكفي عشا وكوشه وزفه وتصوير وألبوم <<<< عندي معارف بيساعوني غير أهلي الله يخليهم لي
بس تتوقعون هالحركه حلوه يعني أكلمه وأحاول أساعده رغم إن الحركه اللي سواها واايد أثرت علي وحسيت إنه مايستاهل أساعده بس جي على الأقل مشاكلنا أحس بنحتويها ولو على الفلوس مو مشكله عندي وعرسي بإذن الله بيكون من أحسن الأعراس.

والله إني محتاره أخاف هذا يؤثر علينا بعدين (يعني يعتمد علي في كل شي) انا إن شاء الله بستلم وظيفتي بعد خمس أسابيع براتب ضعف راتبه!!!!

الله يخليكم اللي عنده رد ممكن يساعدني يكتبه والشي اللي مو مفهموم لكم انا بوضحه وأسفه إني طولت عليكم وكتبت بالعاميه.

اهلا بيكى الم حبوب
كان عندى سؤال انت لية قبلتى بية من الاول رغم انك متعلمة وهو لا
وكمان ازاى بعد كل اللى انت قولتية عنة واللى هو بيعملو معاكى تكونى لسة بتفكرى تكلمية
حبيبتى دا مايستهلكيش انت تستحقى شخص يقدرك ويقدر اهلك
انا اخاف اقولك كلمية احسن يفهم انك سهلة وممكن يستهزء بيكى بعد كدة
لما هو واهلة بيعاملوكى كدة من دلوقتى امال لما تعيشى معاهم هايعملو اية
بصراحة انا مستخصراكى فية بس الرأى الاول والاخير لكى انت
وبعدين انتى لية هاتضحى بنفسك وبعدين مافيش قصة حب بينكم

__________________
صاحبة القلب الحنون

لا اله الا انت سبحانك انى كنت من الظالمين

مشكوره إختى على الرد سبحان الله كتبتي اللي انا أفكر فيه
بس شو الحل انا في دوامه وأحس مابنينا توافق أبد
بس بحاول محاوله أخيره وهي إني اكلمه بحجة إني أسأل عن
ترتيبات العرس ولأن أهلي ماخبروا راي في الإقتراح العظيم اللي قدمه

وووووووينكم وليش كل اللي يدخل يقرا الموضوع بس مايرد؟!!

أدري كاتبه روايه بس هذا كله عشان أحطكم بالصوره وتقدروا تعطوني حلول تناسب

أتريا ردودكم جزاكم الله خير

الناس اطباع واجناس وواضح ان هذه العائلة تختلف عنكم تماما

ولا يعني انهم خطأ وانتم الصح

المهم انهم يختلفون عنكم

... ان كنتي من النوع الذي يتأقلم بسهولة مع كل الظروف والاختلافات و البيئات..

ستكون حياتك ليست بصعوبة كبيرة معاه

اما ان كنت عكس هذا فسوف تتعبين بكل تاكيد على الاقل في البدايةة

انا ملاحظة ان هناك الكثير من الفروق بينكم .. ثقافيا وتعليميا وخلفية


ولن يحل هذه المشكلة سوى قدرتك على التنازل والاندماج من عدمه

الشئ الذي بنظري تستطيعين ان تقومي به الان ... هو ان تكوني مبادرة .. سواء معاه او مع اهله

افتحي حوار معاه

انتي الان زوجته ولا ضير بذلك ...

هذا افضل من ان تضل السلبية مخيمة على الوضع من قبلك وقبله

خصوصا ان لا وقت لديك فالعرس قريب جداااا

صارحيه بما في نفسك ... وتجنبي امور قد ترينها انت حساسة



انا لي موقف على اهلك ... فهم بغاية السلبية ولم يحركوا ساكنا لجانبك كما انا ملاحظة

المفروض هذا دورهم الان

لازم كانوا هما اللي يكلموه او يكلموا اهله بكل هذه االامور ويناقشوها معهم

مشكوووره بيور سول على الرد وكلامك في محله انا اللي لازم أكون مبادره
أحس وايد أشياء غلط ولازم تتصلح
وبالنسبه للكلام اللي قولتيه عن هلي هو نسبيا صح مو كله
الحين هم ملوا منه ومن أفعاله وتركوا السالفه لفتره ماأعرف لمتى
وبعد الفروق اللي ذكرتيه انا كنت منتبه لها من البدايه بس أهلي ضغطوا علي عشان أوافق عليه حتى بكيت وقت اللي صرت زوجته (بعد إني وقعت على العقد)

والله إني في دوامه ماأعرف ألوم من هو ولا أهلي ولا نفسي. وين الدنيا ماخذتني ماأعرف!!!

اختي العزيزة انا رايي انك تحاولي تكلميه وتحلي المشاكل وتفهميه وشوفي رايه لان لو مثلا فسختي الخطوبة بدون ماتحاولي تكمليه يمكن بعدين تندمي انك ماحاولتي .. بس انتي حاولي محاولة اخيرة ولو مانفع وهو ما التزم بكلامه بصراحة الانفصال بيكون احسن الحلول لان كما ذكرتي مافي شي بيطمن في الزواج هذا
وكمان الفرق بينك وبينه كتير كبير وخاصة في التعليم حتى يكون فيه توافق فكري ويقدر يعيشك ويعاملك احسن معاملة مش يعاملك مثل ماهم اتعودو في تربيتهم
فكري كويس قبل ماتتزوجيه انتو لسه عل البر وربنا يكتبلك الخير انشاء الله ولا تنسي صلاة الاستخارة وبالتوفيق

__________________

ذبول وردة تسلمين على الرد
وإن شاء الله الليله بحاول أكلمه عشان مثل ماقلتي أعطيه فرصه وماأندم بعدين إني ماجربت هالحل
بس اللي محتاره فيه الحين كيف أبدا الكلام معاه وعلى فكره انا من النوع اللي على طووووووووول أختنق بالبكاء ماريد أبان ضعيفه

وتسلمين ورده على الدعوه الحلوه

وعليكم السلام ورحمة الله وبركاته

يعطيك العافيه حبيبتي


بصراحه الموضوع يبغاله تروي وتروي وتروي

ولاتستعجلي


اولا: انت مصليه ومستخيره فيه؟

ثانيا:كل اللي قلتيه عنه لايشفع له بالموافقه

يعني بس يصلي ... في ناس والعياذ بالله الصلاة عندهم عشان روتيني وليس تدين ومخافة الله

يعني يصلي عشان يراي الناس

وقد يكون فعلا يصلي ولكن ايضا لايشفع له

ان كان سيء الأخلاق

يعني اعذريني حتى اهله مافي شي يشفع لهم




الله الهادي

من وجهة نظري يابنت الناس

لااخلاقه ولادينه ولاتعليمه واي شيء يشفع له ويخليك توافقي عليه

يعني مو بعيده يعمل مثل ابوه ويرمي كل شي عليك


وبعدين اذا على قولتك بدوي يعني لو كلمتيه بيمسح فيك البلاط

وهو اللي بيسيبك مو انت

حبيبتي انت موبحاجه لشخص مثل هذا


من وجهة نظري


انت مو ناقصك شي

صلي واستخيري لمدة اسبوع كذا واذا استمريتي مو مرتاحه له


كل واحد يمشي في طريقه اسلم لك وانت الكسبانه طبعا


والله يعوض عليك بأحسن منه



فكري شوي

جيبي ورقه وقلم واكتبي ايجابياته وسلبياته وشوفي اي كفه ترجح عندك الإيجابيات ام السلبيات


الله يكون في عونك وييسر أمرك ويسسد خطاك ويشرح صدرك

__________________

لااله الا انت سبحانك اني كنت من الظالمين .. ربي اني مسني الضر وانت ارحم الراحمين .. إنا لله وإنا إليه راجعون ولاحول ولا قوة الا بالله .. يامغيث أغثني

إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا

[روح الغالي

مرحبا عزيزتي وشكرا على ردج اللي في محله وكل كلمه قلتيها أحس إنها صح
ونحن ماناسب بعض أبدا وانا أصلي وأدعي هالفترهه إن الله يدلني على الصح
رغم إني مليون بالميه شافيه إنه مانليق ببعض لأن بعد فرق السن اللي بينا مو هين (انا أكبر منه بأربع سنين)
بس حاولت أقول لأمي أمس إني ماأريد قالت لي يعني شو ماتريدينه؟ قلتلها يعني نفترق
طبعا أمي عصبت وااااااااايد ودعت علي!!! رغم إني ترجيته وبكيت ماتدعي علي. بس هي عادي عندها تدعي علي وفي جوف الليل وهذا اللي مخوفني وقلت لو كلمته أنا يمكن شي يتغير بالموضوع بس والله محتاره الكل يقول إني تسرعتي وماتناسبوا بعض

أمي اليوم ماترد على مكالماتي وانا مو عندهم بالبيت علشان أحاول أراضيها. رغم إن كل اللي يصير ظلم بس وين الله

(على فكره هي اللي أجبرتني على الزواج منه بنفس الأسلوب يعني ياأوافق عليه ياإنها تغضب علي وتدعي علي)


على العموم مشكوره ياروح الغالي على الدعوه الأخيره والله يسمع منك