السلام عليكم ورحمة الله وبركاته
ابدخل بالمشكله مباشره:

انا متزوجه عن حب ولي سنه ونصف عايشه في غربه مع زوجي
زوجي له معارف بس انا لا ومعارفه فقط رجااال
وطول اليوم طالع
12 ساعه دوامه الاول يجي ساعتين بالبيت ويخرج لدوام اخر
يرجع 11 مساء يجلس نص ساعه وينام
لكن انا؟؟
حياتي ممله دائما فاضيه ماعندي اطفال تخرجت وجلست ابحث عن وظيفه لم اجد
وكل ماجيت اسجل بدوره او دبلوم قال زوجي ماعندنا فلوس
حتى الكليات هنا بفلوس
كان ادخل اي قسم بس الاهم اني اداوم واختلط بالناس
انا بطبعي اجتماعيه ماتعودت على الوحده اني قبل بيت اهلي كان دائما ضيوف طالعين داخلين
لكن بعد الزواج وبعدي عن اهلي حياتي تغيرت
اشكو من ضغوط نفسيه فضيعه
زوجي لافتحت موضوع معاه سالته شرايك؟ شنو وجهه نظرك؟
يقول: مدري مدري
دائما باله مشغول وماايرد علي ولا يسولف معاي مثل الخلق والناس
اجاباته تحبطني وصرت ماحب نطلع سوى لانه مافي سوالف ولاشي
قبل الزواج كنت اعرفه من 4 سنوات
الحب اعماني عن بروده وقله كلامه
الحين تزوجت وماعندي اطفال فحسيت بالفراغ والملل
دلووووووووووووووووني على الحل؟؟ ايش اسوي؟؟
المصيبه انه هو تو قالي شفيك مضايقه قلت له مو مرتاحه بحياتي
لو انا مااحبك كان انفلنا ورجعت اعيش عند اهلي بوطنا بعيد عن الغربه
قال: حتى انا مو مرتاح!!!!!!!!!!!!!!!!!!!!
لكن ايش اسوي عشان اسعدك؟؟ ايش الحل؟؟
انا احس باهماله لي حتى لمى ابغى اطلع لموعد مقابله وظيفه او اي موعد صباحي هو يكون بدوام لازم نقل يوديني
هو مايقدر يطلع من دوامه اقوله هذا الشي يحسسني بعدم اهتمامك
قال: انتي تعرفين طبيعة عملي مديري يرفض نهائي الاستاذن
انا مصدقته بس ضاقت فيني الدنيا
لاني بلا هدف.......حياتي كئيبه
لاتقولون لي يكفيك شغل البيت هذا يعتبر رساله عمل يعني واجب
وليس رؤيا اي طموح يعني انجاز يعني تحقيق ذات وسععاده
عطوني حل ملمووووووووووس
لا تولون لي اقراءن قران وبس والله اقراه دائما
بس انا اخاف على حياتنا تنهار اكثر صرت اكره زوجي مليت منه ومن حياتي
دائما فاضيه وجالسه على النت ..مااطلع ولا ازور ولاشي
لاتقولون لي اطلعي يوميا معاه هو ممل ودائم باله مشغوله اسولف مع مين؟ مع نفسي


تكفوووووووووووون ساعدوني
وادعو لي بالذريه الصالحه

اختي انا مابقدر أساعدك قبل ماتقولي هل اغترابك بدولة عربية ولا أجنبية
وهل الإغتراب مؤقت ولا خلص دائم

والله يرزقك الذرية الصالحة
ودمتي بحفظ الرحمن
تحياتي

__________________

عربيه

انتى عندج المشكلة وان شاء الله الحل بعد عندج
انا لما يكون عندي موضوع قريته بالنت او كتاب او حتى لو سمعت سالفة جديدة اقولها لزوجي واذا يوم ما طلعت لي سالفة نكون مثلك صخة وساكتين - اذا دولة عربية تهون السالفة مو شرط جامعة اشتركي بدورات او الندوات المجانية حتى لو سياسية ( غشمرة ) المهم تكون شغلات مجانية - وعلى موضوع الدورات اللي فيها رسوم ابتدي استغني عن شغلات وجمعى فلوس شهريا وروحي هالندوات
جربي سوي طبخات او حلوياات وبيعيها ع الجيران مو عشان انتى محتاجة فلوس كثر ما محتاجة تشغلين وقتج
او حتى شوفي لو عند جيرانج اطفال وقولي ابي ادرسهم ( لا تورطيهم اختاري منهج سهل )
الفراغ الزايد مو زين يعني شغلي روحك بسرعة لان الوحدة والفراغ يفتح لك ابواب شر اسم الله عليج

تخيلي نفسك صحافيه وكل مرة اشتغلي بموضوع وحطي عندنا بالمنتدي ( موضوع علمي - ديني - )
او حتى اكتبي مواضيع وارسليها فاكس للمجلات والجرايد وما أدراج يمكن نشوف اسمج فيهم وينتسابقون عليك الجرايد -

في وظايف ما تحتاج مواصلات يعني اشتغلي بالبيت او النت
في ندوات ايضا بالنت
في حلقة تحفيظ بالمنتدي الحين - ليش ما تشتركين وماشاء الله طالما فاضيه يمكن تغلبينهم !

السلام عليكم ورحمة الله

عزيزتي مشكلتك أثرت في نفسي و يا رب الله يفرج همك عن قريب

جربي تتشاركين معاه في أعمال بسيطة مثل إعداد طبق معين أو شيء من هذا القبيل إسأليه عن العمل خليه يكلمك عن أصحابه و إسأليه عنهم و لو عندهم زوجات خليه يعرفك عليهم

جربي تعيدين ذكرياتكم مع بعض ، اقرأوا رسائلكم القديمه لو كان عندكم ، اعملي له جلسات رومانسيه تذكروا فيها لحظاتكم السعيده مع بعض ، ولو في مجال ياخذ إجازة تتفرغون فيها لبعض و تغيرون فيها جو أو تسافرون أظن بتفيدكم

أتمنى تستفيدي من هاذي الكلمات البسيطة و الله يوفقك

مشكوووورين كلكم والله يجزاكم خير ويسعدكم يارب

بالنسبه لاني اساعده هو يرفع الضغط يحكي كلام ماافهمه يتكلم دائم انجليزي وانا ماعرف واذا قلت له ترجم قال مااعرف معناها بالعربي غايه ماصار يرفع ضغطي وابعد عن الاحراجات مااساله ولا شي

وبالنسبه للخرجات والطلعات لحالنا سكوته وردوده البارده تحبط كل شي يقول مدري مدري
مره قلت له انت شفيك كذا مالك راي؟؟
قام قال بعد هالعمر بتجين تربيني ثانيه>>وعطاني نظره خفت بعدها هههه
بعذري قهرني بكل شي ماله دخل فيني

تسلمووووووووووووون والله يبعدكم عن الفراغ ويحقق امانيكم
ويرزقني ياواحد يااحد الذريه الصالحه الي تملى علي حياتي وكل محرومه
ياحي ياقيوووم

حياتي فديتك....الله يفرج همك ياااااااااااااااااااااااااااااارب العالمين
والله قطعتيلي قلبي وكسرتي خاطري بعد.......و في نفس الوقت خوفتيني,هيهيهيهي لاني أحب واحد من 3 سن والحمد الله الشهر الماضي أمتلكنا وهو يعيش برى البلد عشان و ظيفته..وانا دلوعت الجميع هنا في بلدي علاقتي كبيره مع أهلي كثييير بطريقه ما تتخيلوها كيف كل أخوالي و أعمامي يدلعوني ويقولي دوووووم بنفتقدك كثييييييييييييييييييير ودائما عندنا في البيت ولا نحن عندهم وبيتنا ما يخلى منالضيوف........احب الناس كثيييييير......االله يعلم كيف بتكون حالتي لما أروح عنده,أدعولي
لكن يا حياتي حاول معاه,,,,لا تيأسي ,أرجووووووووووووووووووووووكي حاربي هل ممل
اممممممممممممم تعرفي أيش تسوي أشتري لعبه الحب بالكرستال للمتزوجين هذي العبه مره حلوووووووووه تقتل الفتو الي يهدم عش الزوجيه صراحه حلوه حتى علماء النفس شجعو عليها........حاولي معاه قوليله أنك تركتي كل هلك عشانه وبعتي الدنيا عشانه,فحاول تفضي نفسك شوي عشاني.
الله يسعدك ان شاء الله قريب لا بعيد...ويرزقك الذريه الصالحه يمكن لما تحملي و تجيبي أطفال بيتغير..
طمنينا عليكي

عزيزتي ..
من كلامك السابق استشعرت أن هناك بعض الإختلاف الفكري ..
طوري من لغتك الإنجليزية ..
ارتقي بتفكيرك لمستواه ..
شاركيه الحديث فالأمور التي تهمه وتشده ..


كم الفارق العمري بينكما ..؟؟

حبيبتي اسئليني انا عن الغربه الغربه قتل لكن ببطئ اقول لك وش سويت كنت ما اعرف حد وما اتكلم اللغه بتاتا (لغه البلد) لكن بدأت اروح على المسجد وادرس فيه قرأن والله قمه بالروعه خلي زوجك يسعى بالامر اضغطي على نفسك وكلميه ولحي عليه وشوفي الفرق بعد ما تطلعين من البيت للمسجد والله قمه بالروعه بالذات انك تجلسين بالمكان الي يحبه ربنا وترتاح نفسيتك اكتر
في امان الله
وطمنينا عليكي

__________________
سبحانك اني كنت من الظالمين

الله يفرج همك ياااااااااااااارب
ويرزقك الذريه الصالحه

والله حاسه بمعاناتك لاني في غربه مثلك

طيب ليش ماتطلعين الحالك من البيت موب لازم زوجك يكون معك !!!؟؟؟؟

لانك اذا طلعت من البيت أكيد راح تتعرفين على ناس كثير

انت وين غربتك فيه يمكن أقدر أساعدك بأفكار أكثر (على حسب الدوله اللي أنت فيها )

__________________