السلام عليكم ياخواتي المنتظرات الصابرات الصامدات


والله لما حسيت الهم جبال قلت ازيح لو جبل واحد من صدري تعبببببببانه تعببببببببانه من طول الانتظار

وانا والله والله نيتي بزواج الاستقرار الحياه الدراسه احس اني فقط انسانه لاني محرومه من كل شي كل شي

ادعولي بقلوبكم المنتظره الصادقه اختكم في كرب شديد مايعلم فيه غير رب العباد


تم تعديل العنوان ليتناسب مع المضمون / البتول

أخيتي

الله يفرج همك و يرزقك من حيث لا تحتسبين

الله يرزقك زوج صالح عاجلاً غير آجل ياارب

الله يفرج همك و يفتحها عليك يارب

عليك بالإستغفار و سورة البقرة و صلاة الثلث الأخير ........

__________________

اللهم ارحمني و اغفر لي فوق أرضك و تحتها و يوم عرضي عليك

عليكم السلام
الله يفرج همنا اجمعييييييين

الله يسعدك انشغلي بامور الاخره وربي بيهونها عليك

__________________

شكرا لكم وخفف الله عني وعنكم

منشغله بأخرتي ولكن لابد من فسحه ومساحه لدنيا ولكن لما التفت لا القى شي لي سوى نفسي الحمدلله الحمدلله الحمدلله

الله يفرج كربك حبيبتي ويزيح همك ..

لازمي الاستغفار ..

وادعي ..

اللهم إني أعوذ بك من الهم والحزن وأعوذ بك من العجز والكسل وأعوذ بك من الجبن والبخل وأعوذ بك من غلبة الدين وقهر الرجال ..

من قالها صباح ومساء أذهب الله همه ..

وقولي حسبي الله الذي لا إله الا هو عليه توكلت وهو رب العرش العظيم 7 مرات ..

من قالها صباح ومساء كفاه الله ما اهمه دنيا وآخره ..

اللهم فارج الهم كاشف الغم رحمان الدنيا والآخره ورحيمهما أنت ترحمني فأرحمني رحمة تغنيني عمن سواك ..

والله حبيبتي اذا كنتي تظني ان الزواج راح يملا كل شيء انتي غلطانهـ ..

احيانا الزواج يكون سجن اكثر من العزوبيهـ ..

والزوجهـ اكثر من البنت في انها وين ماتلتفت تلاقي نفسهـا ..

اشغلي نفسكـ بمعهد ولا شغل ربي اكيـد بيفرجهـا لأن اللى ربي كتبه بيصير ..

لكن لا تنتظري شيء واحد اشغلي نفسكـ بغيرهـ على طول ..

والله يرزقكـ ويرزق كل بنت زوج صالح يصونها ويراعيها ويحبها ويحميها ويعوضهـا عاجل غير آجل يارب ..

اللهم آمين اللهمـ آمين اللهم آميـن ..

RoOd شكرا لك واحب اقولك ما اقدر ادخل معهد ولا حتى تحفيظ هذا كله ممنوع صداقات لا اقاراب ماعرفهم ولا نزور حد ولا احد يزورنا انا مو عارفه ليش البنت لو طلبت حق الزواج يهاجموها ويقولون الزواج شي مثل فلم الرعب انا محرومه من ابسط واقل حقوق محرومه لو مليت ما القى مكان اروحله
محرومه من كل شي في الحياه تعرفون ان صايرلي 2 سنه ما اشتريت والله العظيم لبس لان وين بلبسه مافي مكان
تعرفون ان الاعياد تمر العيد ورى العيد ما نشوف احد

حرام اطلب متنفس وحياه

على الاقل انتي يا متزوجه عندك شهاده انا لو جار علي الزمن ماعندي شهاده ولا وظيفه حرام لو اطلب شي بسيط
هل كل الزواج وطلبه معناه رجل سيئ الطباع والخلق

يا خواتي المتزوجات انتو يمر عليكم اشهر معاكم مصروف انا تمر سنه محفظتي مافيها ريال واحد لان لا داعي اصرف وعلى ايش اصرف مافي شي اشتريه واكدسه

تعرفون عندي ملابس لها 5 سنوات و 6 جديده مالبست ولامره وحتى صغرت علي اشتريتها وماقدرت البسها بمكان

قدرو ظروفي وظروف الاخوات الي ماتقدملهم شخص في حياتهم والسبب اخلاق اهلها وتعاملها مع الناس

اذا كانت الوحده متزوجه ولسه تنصح ناس مثلي ومثل اي اخت منتظره ان الزواج سجن تتطلق بسرعه وتروح لبيت ابوها وش مجلسها في السجن ها؟؟

****

مثل هذه المشاركات مرفوضة و تتسبب في إيقاف العضوية

الله يكون بعونك يااختي ويكون بعونا لاني احس قصتك شبيهه نوعا ما بقصتي الله يفرجها علينا وعلى كل المسلمين والمسلمات .