السلام عليكم ورحمة اللـــه وبركاته
بعد تردد حبيت اقول اللي في نفسي
حتى اذا مالقيت منكم اجــــابه يمكن انـــا ارتاح لاني قلت اللــــي عندي
انـــا متزوجه منذ ست سنين ولله الحمد راضيه بما قسمه الله لي
واحاول قد مااقدر اني مااخلي المشاكل تتغلب علينا
طبيعتي حساسه مره ولا احب اسبب مشاكل واتمنى ان زوجي يكون سعيد في حياته معاي
ماراح اطول واقلكم اللي عندي
بس في شغله بسيطه بوضحها عشان تكونون في الصوره
ان زوجي اتعود انه مايوديني هو بنفسه عند صديقاتي او اهلي الا في النادر
دايم اللي يوديني اخوي
واذا رحت عند اهلي يخليني يومين وبعدين يجي ياخذني
واذا رحت اي مكان تاني سواء مع اهلي او اهله خلاص يعتمد عليهم انهم هم اللي يرجعوني
حتى لو كان على بيت اهلي يعني مو مهم اني ارجع البيت
على انه يقدر يجي ياخذني بس يكسل مررره
المهم اليوم اللي صار اني رحت لاخته المشوار صحيح انه بعيد عن بيتنا على اننا في نفس المنطقه
المهم دقيت عليه وقلت يالله تعال قال الوالد مو موجود ؟قلت لا__ قال اجل مين اللي بيرجع اهلي؟؟ قلت ماادري_ قال طيب الحين اجي
مسافة الطريق اخته حطت العشا_ دق علي قال يالله انزلي _ قلت طيب اطلع انت سلم على امك واتعشى معانا_ قال يالله بسرعه
تخيلو بالله قومني انا واولادي من على السفره
ولاطلع سلم على امه ولا اخته ولا احد
اخته مرره زعلت وامه كمان
وانا من جد انحرجت قدامهم طلعت وانا والله دموعي على خدي
كان نفسي ساعتها اقله لاترجعني البيت وديني على بيت اهلي
بس انا ماني حابه اسبب لاهلي مشكله ماودي اجيب لهم وجع الراس
على انه مو اول مره يسوي هاذي الحركه
انا اسفه لو طولت عليكم
بس اللي في نفسي ولو شي بسيط طلع
اذا انا غلطانه ياليت احد يقول لي او اعرف بس كيف اتصرف لاني اسكت في مثل هذي المواقف بس وابكي



تحيــــــــــــــاتي

الله يعينك أختي
الله يسر أمورك ويحنن قلب زوجك
إلي عودة أختي

__________________


اللهم بارك لي في أولادي ولاتضرهم بإحد من خلقك او بشي ووفقهم لطاعتك وارزقني برهم,اللهم يامعلم موسى وآدم علمهم , ويا مفهم سليمان فهمهم , ويا مؤتي لقمان الحكمة وفصل الخطاب آتهم الحكمة وفصل الخطاب,اللهم علمهم ماجهلوا وذكرهم مانسوا وافتح عليهم من بركات السماء والأرض إنك سميع مجيب الدعوات, اللهم أني أسألك لهم قوة الحفظ وصفاء الذهن وسلامة القلب وسرعة الفهم ,اللهم اجعلهم هداة مهتدين غير ضآلين ولا مضلين

عليكم السلام ورحمة الله وبركاته

ماراح أقولك إنت ِ غلطانة ليش ماعودتيه من أول ماتزوجتي إنه إنت زوجي

وأبو عيالي وإنت المسؤول الأول عنهم مش إخواني لأنه ماشاءالله راحت سنين على أول زواجكم

وماراح يرجع شي

لكن الآن لازم تتغيرين عن أول وتحاولين مع زوجك مره ومرتين وثلاث

ماأدري هل علاقتك مع زوجك قائمة على الحوار والإحترام ؟

هل هو تسيطر على تصرفاته العصبية ؟

إذا بتجاوبيني يكون أفضل قبل ماأجاوبك وأقولك رأيي في الموضوع وإن شاءالله يكون الحل الأفضل لك .

بإنتظارك

أم فيصل حرقتي أعصابي أشوفك أون لاين وماتردين على أسألتي وأنا فيني نووووم مره

بكتب لك كل اللي في بالي وبجاوب على أسألتي بعد

واضح إنه رغم حساسيتك الزائدة زوجك عصبـي وتخافين من كلمة طايرة منه تجرحك وتندمين

وحتى الحوار بينكم قليل وأتوقع إنك تتحاشين الحوار الطويل والأخذ والعطا بشكل كبير

والسبب الأكيد لأنك ماتبينه يزعل عليك

أنا مقدّره جدا ً حساسيتك وحتى إحترامك لزوجك وحرصك على راحته

لكن ماتشوفين إنك ظلمتي نفسك وتنازلتي عن بعض حقوقك المهمة ؟

شوفي ياأم فيصل كل شيء بالحوار الهادىء والمتزن له حل بإذن الله

أنا أشوف إنك تتكلمين مع زوجك وتجلسين معه جلسة مطولة وتقولين كل اللي في بالك

بعد ماتطلبين منه إنه يسمع لك للأخير

وضحي له كل شيء بداية ً من إنك تحترمينه وتقدرينه لذلك ماتحبين تطلبين طلبات كثيرة منه

والمواقف اللي تصير لك معه لاتسكتين وتكتمينها بقلبك وحتى الدمعه ماأنت راضيه تنزلينها قدامه !

ترى بالأخير إنت الخسرانة من كثرة الكتمان والله تنفجرين بيوم منها

لازم تريحين قلبك وتقولين كل شيء له ومش معنى كلامي إنه لازم يكون هواش وصراخ

مسألة إنك تروحين بيت أهلك شيلها من بالك أفضل لك ياأم فيصل

كيف تفكرين فيها وإنت ِ أصلا ً ماحاولتي تحلين مشكلتك معه ؟!!

لازم تحاربين وتحاولين مع نفسك أولا ً ومع زوجك وبإذن الله بتلقين حل يرضيكم كلكم

أتمنى أكون أفدتك والله يوفقك ويسخر لك زوجك

بصراحه عورتي قلبي
بس المفروض من البدايه كنتي تعودين زوجج انه هو اللي يوديج اي مكان تبين
لان الزوج من النوع اللي اذا عودتيه على شي خلاص يتبرمج عليه
بس تقدرين من الحين تعودينه انه هو اللي يوديج وهو اللي يسويلج عشان يحس بالمسؤوليه
ولاتعتمدين على اخوج كلش خل زوجج هو كل شي يسويلج والله يوفقج ويعينج

والله يهديه ويصلحه اميييييييين

الله يكون في عونك
ولازم بتدأي في خطوات تغيير زوجك ورح تنجحي بإذن الله
وكلام غالية صحيح
وربي يحننه عليك ويصلح حالك

ما أشوف لك غلط في اللي كتبتِ أختي الفاضله

وزجك هو الغلطان لكن حاول تفاهمين معه بأسلوب

ونقاش هادئ في جو مناسب ولا تدخلين أحد في المشكله

وإن شاء الله تنحل مشكلتك يارب

__________________

لماذا قلتي له تعال خذني وأنتي لسه ما تعشيتي مع أولادك ؟ كوني دقيقة في المواعيد إذا حضر كوني على هبة الإستعداد للذهاب معه

كونه يعتمد على الآخرين بشكل دائم في إيصالك فهذا خطأ يجب عليه الإحساس بالمسئوليه . وأنتي لاتكلفيه مالايطيق من الزيارات الكثيرة فلعله منشغل بتجارة أو عمل . ونصيحتي أختي الكريمة أن لاتجعلي من هذه النقطة خلاف بينكما فالرجال أصناف وأشكال وأساليبهم تختلف عن بعض فمنهم الحنون ومنهم القاسي ومنهم البخيل ومنهم الكريم ومنهم الغيور ومنهم البارد ومنهم العصبي ومنهم ذو مسؤلية كاملة ومنهم الإعتمادي وكل منهم له أسلوبه وطريقته وزوجك له طريقته أتمنى أن تصبري حتى يرزقك الله بولد بار يقوم بإيصالك . لكن أرجوك تعاملي مع تصرفاته بحكمة وعقل حتى لايزيد الخلاف وتتنافر القلوب . أصلح الله بينكما آمين

ما هي مشكله تخليك تروحين بيت أهلك


واذا علشانه كسووووووول ما يوديك ولا يجيبك هذا غلطك

انتي ليش تسمحين له من الأول انه يعتمد على أخوك

هو المسؤل عنك مو اخوك...

__________________