السلام عليكم ..
انا عضوة جديدة في المنتدى الغالي امر بمشكله عويصة اتمنى الاقي حل لها لاني تعبت نفسيا وجسميا

المشكله تتلخص انها بدات بمشكله صغيرة وابوي الله يهديه كبر السااالفة جدا واخذ يراسل الناس باالجوال اللي يعتقد انهم اذوة بكلام جااارح ودعاوي سيئة ...ولما احد من اخواتي بينت رايها اخذيصرخ عليها وهاوشها وضربها تخيلوا ام لولدين مجرد قولها لرأيها ان احد الاشخاص اللي متسببين باالمشكله انه فتان وبعدين طردها من بيته وهي بعد 3 ايام جت البيت لما طل من فوق وشافها قال مين جاء فلما قالوا فلانه قال :والتبن وقفل الباب على نفسه ولا استقبلها وهي جايبه هديه وقعد لمدة اسبوعين يرسل لها رسايل شتايم له ورسائل دعاوي باالموووت واشياء زي كذا!!!!
الموهم بعد اسبوعين واكثر جت البيت واعتذرت منه وهذا تلطفا منها لانه مرسل رساااااااااااايل مستحيل ابو في العالم يرسلها !!
وسامحها ومشى الامر لكن القضيه البايخة مازالت راسخة في باله ويعيد ويزيد فيها وهي تمس اقارب مقربين لامي ولابي ..ويجرح امي بكلام سئ ولايتحمل شئ كل شئ يكبرة ويخليه مشكله وقال انا بتغير واصير اخذ حقي وزيادة وراح اشترى خيزرانات وهي عصا من خشب للضرب قال ابربي اللي يقول شئ بعدين افي يوم من الايام اخذ يتطاول على امي وسبها وقال اكرهك وبتزوج عليك ووووكلالالالام زي السم وضرب امي وامي خرجت من بيته مع اخوي..اااه والحين امي في شقة وهو باالبيت مع اختي واخواني الصغار حالتهم حاله وارسل لامي نشيدة اعتذار بس ماقبلتها تقول زي ماقال لي كلام جارح يقول لي كلام طيب ويعتذر وانا ارسلت لابوي ان امي تبيك تعتذر فقام يسبني باالرسايل وببغاء ولا ترسلين لي زي هاذي الرسايل ودق علي وخفت ارد عليه كنت مشغوله بضيوف وخايفة ادق عليه ويهاوشني لانه غااضب مني وانا ماقلت شئ قلت انا وصلت رساله من امي بس وضرب اختي اللي باالثانوي لما درى انها كلمت امي ويقول انتي كذابه وتعملون علي مؤامرات مدري وش صاااير ويقول ابطلق امك واتزوج عليها وبينهم عشرة 30 سنه صح كلها مشاكل الله المستعان هاااه قولوا وش السواااة معه تعبنا والله وامي ضايق صدرها على الي باالبيت وماتبي احد يدخل من خوالي لان ابوي عصبي ويكرههم ادعوا لنا تكفووون وابي حل ...
احاااسيس مرهفة

اعذريني اختي بس واضح ابوك عصبي جدااااا ومحتاج طبيب نفسي...

عليكم بالدعاء له بأن ربي يهديه ويشفيه من هالعصبية..

ماأعتقد إنه طبيعي ..
استشيري ذوي الخبرة ولكني من معلوماتي المتواضعة أتوقع أنه مصاب بالفصام ..

انا عااارفه ان ابوي محتااااااااج لطبيب نفسي ومن زمان بعد بس لو احنا بس قلنا له ممكن يذبحنا لانه هو دااااااايم صح والناااس غلط ومشكلته ذكاءة الزايد فهو مثقف وجامعي وكان استاااذ بس تقاعد هو طلب التقاعد واحس يحب يمدددح نفسه وعااالج ناس مريضين نفسيا فمستحيييل يتقبل هو مايتقبل اي شئ خاصة اللي يعارضه والله احس بضيقة صدر وراحمه اهلي اللي باالبيت مساكين والله فاتوقع لو اخذناة باالقوة لمستشفى بتجيه جلطه ويموت لا قدر الله مايحب اي احد يغلط عليه واحنا نخاف منه مرررة ومانقول راينا ....

الله يهديه ويشفيه يااارب مشكورة اختي قطرة مطر2

واختي معذبه مشكورة الله اعلم

آسفه مانتبهت لردك هذا,,
اختي..
واضح أنه والدك يحس بفراغ بعد التقاعد..
أحسن حل أنكم تقنعونه يعمل مره ثانية أي شغله تناسبه أو يفضلها وراح ينشغل عن الناس وعنكم..

تصرفاته تدل على خلل نفسي مو عصبية فقط!!

انا ابي حلووول ماابي تشخيص لاني ادري انه الحين مو طبيعي تفكيرة ابي حل لامي واخواني ومعاملتنا له كيف تصيييرر

ارجوووكم لاتهملوني ابي حلووووووووووووووووول

بالعكس شكل ابوك طيب لانك تقولين ارسل لامك رسالة لوماهو طيب مافكر لكن يبي له اسلوب طيب ومعاملة زينة ونصيحتي لك تبرونه قبل لايجي يوم تفقدونه .......والدي كان عصبي جدا ويزعل واشياء كثيرة كنانزعل منه علشانها لكن الحين توفى رحمة الله عليه كم اتمنى انه مامات علشان نبره لكن الحمدلله على كل حال...اختك فاقدة ابوها

فعلا ابوكي تعالي له بالمنيح يمشي هذا من ابوي الله يهديه
والله اجي جمبه ابوس يده يعطيني كل الي ابيه ومايقصر معي بشي
بس ان جيته بالصوت يقوم الدنيا وما تقعد علشان كذا اتصلي بأبوكي وسايسيه يجي بالمساسه
وترى ابوكي مررررررره طيب وقلبه صافي لكن بس يعصب ما يعرف احد
علشان كذا بس يقول شي غلط تكلمو معاه بالمنيح
اذا هو غلطان رح يشوف غلطه من حاله ومافي داعي تقولو له لانه يتضايق
واكبر دليل انه طيب سامح اختك
وارسل رساله لامك
يعني ما يكرهكم بختصار
تعالو له بطيب ويمشي مااااااااايبيله عصبيه
وفقك الله لكل خير
في رعايه الله

__________________
سبحانك اني كنت من الظالمين

ام المعالي :انا بعض الاحياان ارحمه تخيلي يرسل لنا رسااايل شينه وبعدين يرسل رسايل صور يقول البيت ينور بوجودكم احس امه متذبذب واحنا نعامله معامله كويسة بس هو من زمان ماتعودنا انا نجلس معة كثير اكثر شئ هو في غرفته فوووق واحنا تحت علاقتنا به رسميه وهو اللي فرضها علينا عودنا نخاف منه وكان لمايجلي معنا اواامر ونواهي فقط اعرف انه يحبنا مررره بس وش اسوي احسه يحس باالفراغ وهو اص يعاني من مرض جسمي الام في المفاااصل ومن زمااان من نفس اصابته..بس كمه على امي يقهرني والحين زعلان مني وقفلت جوالي خايفة تحسين هذا اللي سويته صح ولا غلط