اكره الزواج لهذا السبب .. - منتدى عالم الأسرة والمجتمع

13-06-2007, 02:24 PM

مشاعر مرهفه

قلم مبدع

تاريخ التسجيل: Mar 2005

المشاركات: 1,063

اكره الزواج لهذا السبب ..

السلام عليكم جميعا ..

أنا مملكه من ثلاث سنوات .. والزواج باقى عليه عشرة اشهر ..

انا عندي مشكله لكني دايما اتهرب من مناقشتها او البحث عن حل جذري لها ..

ومشكلتي باختصار اني خجوله .. واكره ان حد يقرب مني او يلمسني ولو حتى بالخطأ .. وتكون لي ردة فعل عنيفه مع هالموضوع ..

تدرون انا بعيده عن اهلي بسبب دراستي ..

واصعب شئ عندي هي لحظات الوصول من السفر او المغادره والسبب ان ابوي وامي يحضنوني ساعتها ..

وانا من الخجل اتكرمش واتكور على نفسي عشان تقل الاجزاء المتلامسه من اجسادنا لاقصى حد ..

حتى اخواني الشباب ما اسلم عليهم غير بالنظر .. كل اهلي يدرون عن مشكلتي ..

امي واخواتي او حتى صديقاتي المقربات لما يتقصدوا يلمسوني اصارخ عليهم ..

واجلس حاقده عليهم فتره من الزمن ..

واخس اخس شئ عندي هو زيارة الطبيب عشان الكشف الطبي ..

ومافي مره رحت فيها المستشفى إلا لأني غايبه عن الوعي من شدة المرض ..

لأني لو صاحيه مابروح ابدا ..

اذكر مره و انا في سنه ثالثه جامعه طلعت فيني حبوب في رجولي .. واهلي غصبوني اروح لدكتور جلد ..

ووقت الكشف الدكتور قرب مني بسماعته ..

وانا ساعتها معرف وش اللي صابني ..

قمت اصارخ وابكي مثل المجنوووووووونه .. ودفيته بايديني في كرشه بكل ما اتاني الله من قوووووه ..

لدرجة ان المسكين طاااااح على الارض وهو مصدوم مرررررره من ردة فعلي ..

وخرجت من العياده اجري لعند سيارة ابوي وانا اصيح وابكي .. وامي تجري وراي ..

وصار فيلم هندي يومها ..

وكانت هذه اخر تجربه لي مع الدكاتره ..

بسبب المشكله هذه .. علاقتي بخطيبي ظلت سطحيه مرررره .. وماتطورت رغم مرور ثلاث سنوات علينا ..

يعني لا كلاااام حب ولا كلااام عن علاقه خاصه ولا عن شهر عسل ولا عن امورنا المستقبليه ..

كله كلام عن شغله ودراستي واهلنا ..

وهو كان يراعيني ويحاسب على مشاعري .. ومايفتح معاي اي مواضيع تضايقني ..

وانا مع الوقت اطمئنيت له وحسيت انه ماهو مثل باقي الشباب ..

المشكله الحين انه امس خطيبي اتصل عليّ المساء وظلينا نتكلم كلام عادي مثل كل مره ..

لكن وقبل ماينهي المكالمه ارسل لي قبله في الهواء وسكر الخط بعدها على طوووول ..

انا ظليت بعدها سهرااانه ومهمومه من اللي صاااار ..

تصرفه ذكرني بليلة الدخله والعلاقه الزوجيه وكل هذه الامور ..

وظليت احس بغثيااان وقررررف طوال الليل .. وبكيت لين غفت عيوني ..

والحين مالي نفس اكلمه ابدا ..

المكالمه اللي قبلها ظل يحايلني عشان اناديه بكلمة زوجي وماقدرت اقولها ..

احب خطيبي مرررررره .. لكني احس اني من داخلي مو مستعده لمتطلبات الزواج .. واكره شئ اسمه تقارب جسدي ..

تكفووووون وش الحل ???

واعذرووووني على الإطاله ..

13-06-2007, 02:34 PM

المرهفة الصغيرة

عضو دائم

تاريخ التسجيل: Apr 2007

المشاركات: 92

الله يعينك بس صراحه مااتوقع فيه احدمثلك
الزم تدوريلك على حل ممومعقوله تصرفك هذا
فيه ناس يكرهون احد يلمسهم في مناطق معينه بس مو كلش مثلك
الله يعينــــــــــــــــــــــــــــــــــــــــــــــ ك زوجك مارح يستحملك على كذا

13-06-2007, 03:21 PM

مشاعر مرهفه

قلم مبدع

تاريخ التسجيل: Mar 2005

المشاركات: 1,063

اقتباس:

المشاركة الأصلية كتبت بواسطة المرهفة الصغيرة

مشكوره على مرورك الطيب ..

13-06-2007, 02:35 PM

فدوتك عمري

عضو جديد

تاريخ التسجيل: Jan 2006

المشاركات: 16

اولا الف مبروووك
واتمنى لك حياه سعيد
ثانيا اختي اسوا شي ممكن تسوينه بنفسك انك تخافي من علاقه طبيعية بين كل زوجين
انا حاسه فيك وحاسه بالمك وخوفك
بس كذا رح تخربي عن نفسك
انا بقولك شي
انا الحين استحي موت اني احضن حد من خواني حتى ابوي
بس زوجك شي ثاني
زوجك تحسين انه الحضن الوحيد اللي تقدري تتخبي فيه
لا تخافي حبيبتي
واستمتعي بحايتك
صدقيني
وخوفك هذا ممكن يسبب لك مشاكل كبيره
اهدي
واستمتعي بخطوبتك وحاول تدخلوا انتي وزوجك في مواضيع حياتكم الخاصه
لانكم متزوجين ملك عليك خلاص
الله يهدي سرك ويوفقك

13-06-2007, 03:28 PM

مشاعر مرهفه

قلم مبدع

تاريخ التسجيل: Mar 2005

المشاركات: 1,063

اقتباس:

المشاركة الأصلية كتبت بواسطة فدوتك عمري

اختي كلامك ريحني ..

يعني انتي مثلي تخافين وتستحين من حضن ابوك واخوانك ??

طيب انتي متزوجه الحين ??

15-06-2007, 08:46 AM

*ملوكة*

عضو جديد

تاريخ التسجيل: Jun 2007

المشاركات: 3

واو

كيف حالك مشاعر مرهفه ....بصراحه اني كنت خجولة بس بعد الزواج صرت وحدة ثانية يعني ماكنت اقبل امي وابوي والحين اذارحت بيت اهلي لازم اقبل امي وابوي على راسهم لان بدايتي مع زوجي صار اذاجاء لازم يحضني وقبلني وبعدين صرت اني احضنهاواقبله واذا تكلم عن الجنس مااتكلم وياه وصار ايحاول فيي الى ان صرت جريئة واتكلم عادي في هاالموضوع في علاقتنا مع بعض وانصحك اختي نصيحه لوجة الله انش تبدي مع زوجك اعطيه بوسه في التلفون واذا ماتقدري حاولي وانتي جالسه بروحش كيف تعطيه البوسة وقولي الى زوجك المشكلةاللي انتي فيها وبعدين اقولي اللي اذاسويت اوجربتي اللي قلته وردي عليي ضروري وبعد ادري اني طولت بس اقول تدري ان اني صار اللي ستة شهور متزوجة والخطوبة كانت ثمانية شهور مع السلامة

15-06-2007, 11:08 AM

مشاعر مرهفه

قلم مبدع

تاريخ التسجيل: Mar 2005

المشاركات: 1,063

اقتباس:

المشاركة الأصلية كتبت بواسطة *ملوكة*

يالغاليه مااقدر اعطيه شئ .. يصيبني خوف وتوتر اول مايحاول يتودد لي بكلام ..

احبه وهو يدري بهذا الشئ .. ويبان علي من لهفتي في الرد على مكالماته ..

وعتابي الدائم له اذا تأخر باتصاله ..

لكني مع ذلك ولامره قت له كلام حب او حتى ناديته بزوجي ..

واكون حذره جدا بكلامي معاه ..

حتى كلمة عرس او شهر عسل ما استخدمهم واستبدلهم بمفردات اخرى ..

ودائما كلامنا يكون في مواضيع عامه ..

ولو طلع عنها اتهمه بقلة الادب واسكر الخط في وجهه ..

واخاصمه بالاسابيع و ما ارد على تلفوناته ..

ادرررري ان كلكم بتقولوا عني مجنوووووونه لكن هذا اللي يصير ..

وانا ما كتبت موضوعي الا لأني استغربت جدا نوعية المشاكل اللي تصير بين المملكين هنا في المنتدى ..

وكل مره اقرء موضوع اقول في نفسي معقووووووول هذا يصير ???

واظل ادعي على نفسي من الخوف ..

اتمنى اتغير لوحدي مثلك بعد الزواج لكني اخاف خطيبي مايصبر عليّ اكثر ..

على العموم .. مشكوره حبيبتي على اهتمامك .. الله يجزاكي بكل خير ..

13-06-2007, 02:37 PM

من الله في خير

قلم وفي

تاريخ التسجيل: Oct 2005

المشاركات: 489

الحل عند الطبيبه النفسيه

اختي هذي عقد نفسيه وترسبات من زمان

احسن علاج تروحين لطبيبه نفسيه وتسمع منك كل شي

وتعطيك افضل الحلول والعلاجات النفسيه بالتدريج ليمن تتغلبي على هالمشكله

والله يوفقك

__________________
استغفر الله العظيم واتوب اليه..اللهم اغفر لي ذنوبي وارفع عني البلاء

ابو عبدالاله

13-06-2007, 03:32 PM

مشاعر مرهفه

قلم مبدع

تاريخ التسجيل: Mar 2005

المشاركات: 1,063

اقتباس:

المشاركة الأصلية كتبت بواسطة من الله في خير

مشكوور على النصيحه ..

انا مافكرت سابقا ان حالتي تستلزم رؤية طبيب نفسي ..

13-06-2007, 02:40 PM

#10

little dreams

كبار شخصيات المنتدى

تاريخ التسجيل: Sep 2004

المشاركات: 2,778

غاليتي ،، بصراحة،، هل تعرضتٍ لتحرش جنسي في طفولتك ؟؟

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه