أول شي نسوي الكيكة .. وهي موجودة في موضوعي بعنوان " كيكة ولا أروع بتاكلون صوابعكم وراها"
www.66n.com/forums/showthread.php?t=131699

بس الفرق إنج تقلليل الطحين وتضيفين الشوكولاته البودرة ..



وتجهزين الصحون اللي بتدخلينها الفرن وأنا اخترت هذيله الصحنين .. ورشيتهم بالزيت



وصبيت الخليط ودخلتهم الفرن على درجة متوسطة ..



بس الصحن الطويل حطيت فيه شوي لوز مبشور كنوع من التغيير<<<





بعدين جيبي زبدة بس لا تكثرين >>>لا يزعلون علينا قوم الريجيم بعدين



وسكر>>>> سووا نفسكم ما قريتوه



وسووا من السكر كراميل ..



وخذوا نص الكراميل و الزبدة وحطوهم بالخلاط..



بتتطلع كريمة سميكة ...





شو تنتظرون الصورة؟؟ يعني ضروري؟؟ .. ما تعرفون شكل الكريمة؟؟؟
أمزح .. ترى برنامج تحميل الصور ماطاع يحمل هالصورة بالذات مادري ليش .؟؟ شكله مشتهي كريمة!!

بعد كذا طلعوا الكيكة من الفرن وشربوها بشوي من العصير عسب ترطب.. <<حسب الرغبة << بس أنا أنصح بالتشريب<< الأخت قلبت " الشيف أسامة السيد "



وقطعوها وشربوها من الداخل بعد << بس لا تكثرون



وخذوا قطعتين وحدة حطوا فيها كريمة والثانية شوي كراميل ..



وسكروهم على بعض .. بس لا تضغطون وايد << بعدين مين بينزل الكريمة من على السقف!!!



وابدؤا حطوهم في الصحن



و حبة جنب حبة .. لين ما يمتلي الصحن..



زينوهم باللي تشتهون... مكسرات,,, حلويات,,, نوتيلا,,, أي شي..
وهذا اقتراحي



حطوها بالثلاجة .. لين ما تتماسك ويصير سهل عليكم إنكم تاخذون قطعة قطعه (كل قطعة مكونة من قطعتين)

و بالهنا و العافية على قلوبكم


بتسألوني انزين وين الكيكة الثانية ؟؟

لا تفكرون إنها احترقت علي عشان كذا ما حطيت الصور .. لا و الله .. بس تعبت الحين و بحط صورها بعد ما أشوف ردوردكم في نفس الموضوع .. وأبى تصفيق حار .. ترى هذا اختراع <<<تعبت عمري وايد

ولو سويتي كيكتين بيضا وسودا وكل قطعة خلتيها مكونة من وحدة بيضا ووحدة سودة بيكون خيااااااال... وأنتظر ابداعاتكم!!1

صبروا صبروا نسيت <<< خدامتنا رشت على كيكة حلاوة شوكولاته نفس النوتيلا اسمها "تشوكي تشوكي" إذا تعرفونها وإذا ما تعرفونها بحط صورتها... إن شاء الله

يوووووووه نسيت الصورة شوفوها>>>> وادعولها لأن أبوها مريض الله يشفيه.. وحالفة علي أحطها ع النت>>> عشان تتدلع قدام صديقاتها>>



لا تنسوووووووووون .. ادعولي ولها بكل خير.. وإن الله يحقق لي أمنياتي ويرزقني الشهادة و العمرة ...




أختكم
al ameer

__________________

بسم الله ماشاء الله
اكتر من مبهره بجد بجد شكلها رائع واكيد طعمها احلا
ربنا يشفى والد الخدامه ويصلح حالك وحالها
امين يارب
ممكن اكلها وووووووووووواو لذيذه

__________________

الله يخليج يا رب... والله يسمع منج ويستجيب لدعائج ياااااااارب ...


وإذا عن ممكن تاكلين ولا لأ...... فــ أقولج..



الصحن و اللي داخله ما يغلى عليج

__________________

لذيييييييييييييذه تسلم الايادي

__________________
فقلت استغفروا ربكم انه كان غفارا(10)يرسل السماء عليكم مدرارا(11)ويمددكم بامول وبنين ويجعل لكم جنت ويجعل لكم انهرا




أستغفرالله الذي لا اله الا هو الحي القيوم و اتوب الي

__________________

روعة ماشاء الله ..

شهتيني بها وودي أقوم أعملها دحين ...

لكن الوقت متأخر وبكره عندي مستشفى ...

وأعرفك ماتقصري فلا تنسيني بقطعة ياعسل بالبريد الجوي ..

لك ودي ..

__________________

__________________

__________________

الله يسلمج .. والحمد لله .. الله يبعد عنا وعنكم كل شر يارب

__________________

تسلم الايادي علي الافكار الرائعة


تحياتي

__________________