السلام عليكم ورحمة الله وبركاته

اخواني اعضاء المنتدى الافاضل حبيت اطرح مشكلتي عليكم وهي الان في بدايتها

لاني خايفه انها تكبر وتحصل امور انا موقدها..................بالذات اني مو من النوع اللي يعرف يتناقش

ويبين وجهة نظره بوضوح.................وكذلك لثقتي فيكم وفي نصائحكم الغاليه عندي............

انا توني عروس ومتزوجه من شهرين فقط............فترة شهر العسل حلوه وسفر ووناسه.................

بعدين استقرينا خلاص في مدينتنا.............وانا ساكنه في شقه مستقله فوق اهل زوجي ..............

اهل زوجي ناس الحمد لله طيبين وما يتدخلون فيني ابد الحمد لله...................عندي مطبخي ومستقله عنهم مرررررره................

لكن المشكله في زوجي بدأ يداوم وصار يروح للعمل من بدري ويرجع من العمل ويدخل عند اهله ويتغدى ويطلع شقتنا وينام........!!

ولما اقوله ودي اطبخ غداء لنا يقول انزلي تحت عند اهلي اطبخي معاهم وساعدي اخواتي في البيت..........

مع انهم ماشاءالله مايحتاجون مساعده ولاشي .................وانا لما انزل عندهم ما اقصر معاهم في شيء

ثانيا....زوجي يحب النوم يعني ينام من بعد ما يتغدى الى بعد صلاة العشاء....................واحاول اصحيه ما فيه فايده..............

ولما يصحى تكون نفسيتي زفت مره وطفشانه لانه راح نصف اليوم وهو نايم......................طبعا يقوم يلبس ثوبه وينزل الملحق عند اخوانه تحت وانا قاعده لحالي........................ويقولي انزلي تحت عند اهلي..................

وبعدها ما اشوفه الا الساعه الثانيه في اخر الليل.....................وطبعا يجيني وهو مروق وينكت عشان بس ياخذ حقوقه وينام.........................

بصراحه انا حسيت نفسي مصدومه من اللي قاعد يسويه يعني هذا صاحي ولا فيه بلاء................

يعني لاغداء ولا عشاء مع بعض ولا حتى القهوه لمااسويها يجلس معاي مثل العالم ويتقهوا..............

ما احس اني مستقره في بيتي مثل غيري ..............صارت كلمة بنزل تحت مثل الكابوس بالنسبه لي

مره كلمته بهدؤ وقلت له انا ودي انك ما تتأخر علي ....................احسك موقريب مني وكنت شوي وصيح من القهر................

قال طيب يصيرخير ...قلت له انت وش فهمت من كلامي ؟؟قالي انتي تبين تسيطرين علي وتبيني احس بالذنب............!!!!!!!!!!!!!!!

انا انصدمت وبلعت لساني وماعاد ادري وش اقول.......... وتحسفت اني تكلمت معاه بهالموضوع

اعطوني ارائكم ونصائحكم لان الموضوع بدأ يكبر ولغة الحوار بيننا بدأت تجف والله يستر من الايام الجايه...........

على فكره انا في شقتي ما عندي كمبيوتر لكن اكتبلكم من عند اهلي واذا جتني فرصه خلال هذا الاسبوع بجيهم

وانا على احر من الجمر عشان اقرأ ردودكم على موضوعي ...............رجاء حار لاتتركوني لحالي فلم اشتكي الا لكم بعد الله....................

اختكم سحابةورد

__________________
سبحان الله وبحمده..سبحان الله العظيم..

شكله هو حاط فكرة في باله انه انتي تبين تنفصلين نهائي عن اهله بحكم انه لك شقة عشان كذا يتخذ الاسلوب هذا
يبي يدخلك في اهله مرة ومايبيك تجلسين لحالك وتكرهينه باهله اكيد لانه سمع قصص فيها انه زوجة الولد تكره اهل زوجها وتحاول تسيطر عليه عشان ينساهم ويكون لها وحدها
حاولي تفهمينه تقولين له بعد الغدا ننزل ليييين وقت العشا بس ابي يوم واحد اكل معاك وبعدين وش بيقولون عننا علطوول ملوا من بعض جيبيها بدلع وحزن وكثري من هالكلام وانتي ادرى فيه

بس سؤال انتي متى تنزلين عادة عند اهله يعني بدون مايقولك ؟

ويمكن اخواته وامه يقولون له خليها تنزل تتغدا معنا دامها لحالها وماتعب نفسها تتطبخ غدا لاثنين واحنا هنا نسوي كثير

ارجو اني افدتك

__________________
اللهم لك الحمد حمدا كثيرا

هلا اختي سحابة ورد

هوني الأمور أختي .. الأمور بسيطة بإذن الله

زوجك لسى ما تعود على الحياة الزوجية الجديدة ( ما لكم إلا شهرين من الزواج )

تعود على الجلسة عند أهله .. والسهر مع اخوانه

صعب يغير روتينه بهذه السرعه ..

مع الوقت سيتغير الوضع .. وستكون أغلب أوقاته معك بالشقه !

وما عليك إلا الصبر اختي .. والتحمل ..

وحاولي قدر الإستطاعة تكسبين أهلة وأخواته .. وتساعدينهم بدون طلب الزوج

ستكبرين بعينه أكثر ..

الله يسعدكم ,, ويوفقكم

،،

خالد،،

__________________
الأماااااااكن .. كلهاااا .. مشتاااااقه .. لك !!

،،،،،، خــالـــــد ،،،،،،

شوفي يالغاليه سوي مثل مايبي

اوكي

ولا.... حاولي انه مايشوفك خلك عندهم 24 ساعه
يعني خليها فله معهم مادامهم ناس طيبين
صدقيني بيمل يمكن تطول هالفتره ..
انتي سوي نفسك مو مهتمه وشووووفي يمكن يفيد الحل
والله قهر عروسه ويصير معك كذااااااااااا
لكن انتي تحملي لسا ترى ماشفتي شي اول الغيث قطرررررررره

تحياااتي

__________________
حكمه غاليه أهديها لك: من وجد الله فماذا فقد ؟؟ ومن فقد الله فماذا وجد؟؟؟

أؤيد هذا الرأي وبشدددددده



لا وزيدي الطين بله



وباتي عندهم ليله


بحجة انك تبغي تسهري مع اخواته


واخذتكم السواليف ونمتي






خليه يحس باحساسك شوي






امشي على هذا المواااال الين يفتح معاكي الموضوع




وردي عليه رد دوبلوماااااسي




" أهلك حبيتهم من قلبي


ومونسيني في [blink]وحدتي [/blink]


الله لا يحرمني منهم "


كيد النساء مطلووووووووووووووب


والدلع

مطلوووووووب أكثر




اضغطي على اعصابك



ومثلي دور اللا مباليه



وبشرينا ياعسل ........


الله يهدي سركم ياااارب ............


أؤيد هذا الرأي

لاتحسسينه أن مافي حياتك ألا هو أبعدي عنه شوي ولا تلحين عليه

اخوي طيب القلب...........

انا انزل عندهم بعد صلاة المغرب........... واحيانا من كثر مايقهرني ما انزل عندهم لمدة يومين

مع اني والله احبهم واحب الجلوس معاهم وسواليفهم..............لكن احس زوجي بحركاته بيخرب علاقتي معاهم............

الله يهديه.....طفشني حياتي

__________________
سبحان الله وبحمده..سبحان الله العظيم..

أختي أسمعي كلام مجرب فهو مثل حالتي تقريبا

أشعر بالملل وضيقة الصدر ولابد أذهب لأهلي أو لاصحابي لأن الإنسان توه ماتعود على الرابطة والمسئولية حتى يأتي وقت الواحد يندم أنه تزوج وذلك لشعوره بالملل .

الحل خليه على راحته توكم ماتعودتم على بعض .

ثانياً : تكلمي معه بخصوص الأكل مع بعض أقنعية إنه يتغدى معك والعشاء تنزلون كلكم عند أهله
ثالثا : حاولي ماتروحين لأهلك الخميس والجمعة عطلة زوجك لأنه في وقت يجلس معك الظر والعصر والمغرب وبعد العشاء يروح لأهله ويوديك في وسط الأسبوع لأهلك