السلام عليكم أخواني وخواتي ...

وكل عام وانتوو بألف خير يارب وعسى ايامكم كلها مسرات وأفراح..

أدري مشكلتي أنا وأخواني مالها حل .. ويشهد الله علي ماكتبت الي كتبته إلا عشان افضفض واستفسر عن بعض الاشياء وأطمع في دعوه في ظهر الغيب لعل وعسى الله يستجيبها .. وتنفرج مشاكلنا وتنحل أزمتنا..

آه .. آآه من هالزمن الي بات واصبح فيه كل شي محلل ومباح.. أمي وبوووي الله يهديهم ويصلحهم ..

أبوي طلق أمي طلقه وحده عقب 27 سنه زواج وعقب 20 سنه حلوه وهاديه وطبيعيه مثل اي زوجين..
لكن ما أقول غير حسبي الله ونعم الوكيل على كل ظالم وعلى عيال الحرام..

أبوي إنسان مسالم وحقاني ويخاف الله في نفسه وعياله والناس .. عمره محد تأذى منه لا من بعيد ولا من قريب.. طيب الكل يحبه .. لكن الله ابتلاه بشي عظيم ...عظييييييييييم وهو شرب الخمر.. لكنه من كم سنه راح بيت الله وتاب.. والحمدالله على كل حال .. وقبل رغم شربه عمره ما قصر معانا ولا مع أمنا الله يسامحهاااااااا ...(الي فضحتنا عقب هالعمر كله)

الطامه الكبرى .. أمي الي هي أم ومربية أجيال مثل مايقال.. والي هي جده من 8 سنوات.. وعندها من العيال 14 وخمسه مزوجين.. تعيش مراهقتها .. كرهت أبوي بدون أسباب على أقل وأتفه مشكله ترمينا على أبوي وتروح لأمها وتتبرى منا ليوم الدين وتحلف أنها ما ترجع لنا ولا تبينا وتدعي علينا وعلى أبوي .. ما تخاف الله في جدتي (أم أبوي)وهي حرمه كبيره في السن لا حول لها ولاقوه وهي تبكي وتترجاها ما تطلع من بيتها والله ذاك اليوم احتقرتها يوم شفت حالة جدتي عورني قلبي انا واخواني وكرهنا الدنيا يوم شفنا دمعات جدتي ..آه بس

أمي من عرفت التلفون وهي كل يوم تغازل حد .. وياليت الي تحبهم على قولتها يستاهلون والله أن ابوي شيخ بمعنى الكلمه ..ماشاء الله عليه نظيف مرتب ووسيم والله ما يعيبه شي ..
والاشكال الي فضلتها أمي على أبوي وعلينا من جنسيات ثانيه آسيويه أعزكم الله ريحتهم على بعد مسيره تنشم وصخين وقذرين وأشكالهم الله لايوريكم .. يوم شبعت من هالاشكال رجعت على أصحاب أبوي .. آه قسم بالله بمووووت من الحسره الحين أبوي صار انسان ثاني قاطع كل اصحابه كره الناس تغير علينا قام يشك فينا وقطع عنا كل التلفونات ونحن عاذرينه صار يشك حتى بظله..

المشكله يا أخواني أمي من المجاهرين بالمعصيه والله انها تعايره بشربه قدام أخواني الصغار ..أصغرهم عمره 8 سنوات ... تخيلوووو بعد ماتاب .. وهي مصره على عنادها وجبروتها .. حسبي الله ونعم الوكيل..

اكتشفنا من فتره ان امي طلعت راعية طبوب؟!!!!!!!! والله اعلم كيف تحصلهن ومن وين تجيبهن.. هذا غير أنها ماعمرها سمعت كلام أبوي تطلع ما يطرى عبالها ...تساااااااااااااافر متى ماحبت بروحها من غير محرم وبدون شور ... ياناس تتصرف كأنها بنت 14 والله نحن بناتها اصغر منها ونستحي نسوي الي تسويه من لبس وحركات.. عباة الراس قالت وع انا مب جدة الدنيا عشان البسها ورمتها .. شوووو نسوي افضحتنا الله يسامحها.. لاحد يقول أبوي مقصر أبوي عمره ماقصر وياها بشي أتصدقون رمت أغراضه وثيابه من غرفتها عشان حضرتها ماتبي أزعاج بالليل لانها مشغوله بتلفوناتها.. والله كرهناهاااااااا كلنا وما نبغيها خلاص عافتها النفس..

والله هالي قلته قلييييييييييييييييييييييييييل جدا مقارنة بالباقي والله لو مو الفضيحه واللوم كنت كتبته .. المشكله أنها ماتبغي اتوووووب ... واتجاهر بمعصيتها شووو الحل معاها أبوي طلقها كرها حاول يصلحها أكثر من 7 سنوات وهوو يحاول؟
لا تعتقدون أن أمي بلا أصل وفصل .. أمي قبيليه ومن رؤؤس القبايل ..
عندي سؤال؟؟
هل يجوز أناا نبرها ونحن نعرف كل سوالفها؟!! هل يجوز نطلب لها المغفره وأن الله يسامحها؟؟
وسؤال بعد الي يسوي طبوب ويروح لهالدجالين والكهنه هل يعتبر كافر وماتنقبل توبته؟ وهل يجوز أنا نغسلها أذا الله خذ أمانته؟؟؟؟

أسمحولي طولت عليكم ... واتمنى انكم تدعون لنا بالستر وتدعون ان الله يهدي أمنا.. ويردها لعقلها ورشدها..

الله يعينكم

طيب امك ماتخاف من ابوك ؟؟

ليه ماتعلمون عليها خوالك وجدك وجدتك

اعتقد ان هذا احسن حل اذا كانت امك الله يهديه ماتخاف من احد ولا تعمل حساب لاحد

لا والله لا ماتخاف من حد لا من ابوي ولا من خوالي الي تعبوو منها
ولا دارت لجدي وسمعته الطيبه رحمة الله عليه .. ولو هو حي ماتجرت وصار الي صار
أمها تكره ابوي وتكرهنا وهي انسانه ماديه جدااااا اعطيها فلوس بتوقف في صفك..
والحين هي حرمه كبيره لاتهش ولاتنش

وعم امي رجال كبير وتعب منها وهو الي شار على ابوي يطلقها ويطردها من بيته ..

لاحول ولاقوة الا بالله ..!!!
بس رجال واحد من خوالك يوقف بوجهها وقفة رجل ...
وين الرجاجيل ..!!!!!!

لاحول ولاقوة الا بالله

ياختي ولو تراها امك ادعي لها كلميها ابكي تحت رجولها كلميها عن الحساب والآخرة

امك اممممممممممممممممك مهما سوت لايقسى قلبك عليها

حاولي بكل ماعندك وكوني سبب في صلاحها بعد الله سبحانه

الله يهديها ويصلح حالكم

__________________
اللهم لك الحمد والشكر
"ولئن شكرتم لأزيدنكم"

لالالالالالالاتيئسوا من الدعوة لها بالهداية ..

لاحول ولا قووة الا با الله ..




اللهم يامن لا يرد سائله ولا يـُخيِّب للعبد رجاءه إنا قد بسطنا إليك أكف الضراعة متوسلين إليك بأسمائك الحسنى ما علمنا منها وما لم نعلم. يارب يهدي والدتك ويبعد عنها كل رفقاء السوء ...


اللهم لا تثقل بهم أرضا ولا تكرِّه بهم عبداً . وفرج همهم اللهم يا سامع الصوت ويا سابق الفوت ويا كاسي العظام لحما بعد الموت اللهم نسألك وأنت أرحم الراحمين الثبات والصبر لأختنا
ولكل مبتلى من المسلمين اللهم يا ودود يا ودود يا ذا العرش المجيد يا فعالا لما تريد أقسم لنا من خشيتك ما تحول به بيننا وبين معصيتك ومن طاعتك ما تبلغنا به جنتك ومن اليقين ما تهون به علينا مصائب الدنيا أمين.. أمين وصلاة الله وسلامه على خير المرسلين حبيبنا محمد عليه أفضل الصلاة وأتم التسليم

__________________

‏
{رَبِّ لَا تَذَرْنِي فَرْداً وَأَنتَ خَيْرُ الْوَارِثِين}

لاحول ولاقوة الا بالله

انا لله وانا اليه راجعون ..


مهما صار ومهما كان فهذه أمك ...

وواجبك أو واجبكم تجاهها الدعآء لها بالهداية

ومن يذهب الى السحره والكهنه ويصدقهم بما يقولون فقد كفر بما انزل على محمد

ولا تقبل له صلاة اربعين يوما ...

والله مصيبـــه أسئل الله تعالى أن يهدي والدتك وأن يردها لوعيها ولزوجها الذي هو والدك

وعليكم بالنصح لها وأخبارها أن السحر والشعوذه والكهنه

طريق الى الشرك بالله ..شرك أكبر خالد مخلد في النار لاحول ولا قوة الا بالله

الله يهديها ...الله يهديهــــــــــا ويهدي ضال المسلميــن

وهذه المشكله أنها ماديه ...همها الاكبر الدنيا ...

اللهم لا تجعل الدنيا أكبر همنا ولا مبلغ علمنا ...

طيب حاولوا اخافتها بالموت ...لان الموت رادع لكل مستكبر ...

أكذبوا عليها وقبل لا تكذبون عليها أسئلوا شيخ ثقه ..بالكذب للمصلحه

أنكم مثلا أو أحد منكم رأى رؤيا فيها وأن منيتها دنت ...فلتبادر في التوبه طبعا بأسلوب

لعل الله يفتح على قلبها ...الله يهديها

الله يكون بعونكم ...ويثبتكم وجمع شملكم ...يارب العالمين

__________________
[move=up]اللهم اشفي مرضانا ومرضى المسلميـــن

اللهم فك سحر المسحوريــن ...

اللهم عليك بالسحرة فانهم لا يعجزونك , اللهم سلط عليهم يدا من الحق

حاصدة تحصد بها رؤسهم , اللهم نصرك المبيــن..

اللهم أعتقنا من النار ووالدينا وجميع المسلمين

يارب العالمين , يارب العالميــن يارب العالمين[/move]

طيب ليش ما تشيرون عليها انها تقرى عند شيخ


الله العالم ان اللي فيها يا سحر والا مس والا شي الله يكفي الشر


هذي مو تصرفات حرمه عاقله وجده ... اكيد متلبسها بسم الله علي وعليكم


ولاعب في حسبتها .... ادعو لها بالهداية


وان شاء الله ربي يصلح حالكم ...

افضل حل وهو الوحيد يقفل عليها ولاتطلع الا للمقبرة مهما كلف الثمن هذه سمعت عائلة واسرة مو من السهولة ينسكت عنها

هذه تقتل الله يعافينا