السلام عليكم ورحمة الله




بصراحه انا اكره المقدمات خاصه اذا طولت عليكم عموما

كيفكم ان شاء الله طيبين


بصراحه قصة الليمون قصه سحرتها وخليتها تطيب من المرض بدون قصد


هذا يا اخواني اليوم كانت زوجتي مريضه مثل باقي الناس خاصه بهذا الوقت حلقها وراسها وعضامتها كل شي المرض المعتاد

وجالسه عللى الكنب وتعرفون الواحد اذا صار مريض نفسه بطرف خشمه يعني الاخلاق تصير سيئه

وحنا جالسين بعد صلاة المغرب كل واحد في جهه وشكلها يضيق الصدر والبيت سكوت
ونا جالس اقلب بالقنوات وهي يا تكح ماسكه راسها يعني الوضع كان مزري جدا

فجاةه جى موضوع عن الفواكه برنامج من الطبيعه وشفت الليمون قلت يا ولد خلني اروح اجرب قوتي
واقوم للمطبخ قلت يار ب القى ليمون لاني بصراحه ما افتح الثلاجه ابد

ولقيت دورت العصاره اليدويه بما ان الليمون مو مستاهل وقلت خلني اسوسع صدري خلني اعصر
واطلع اربع ليمونات واعصرها بصراحه انبسط مره ونا اعصر احس بكل ليمونه تخلص انجاز
وكلمت ولله الحمد عصرها كلها

رحت وسويت عصير ليمون وخلصت ما ادري بصراحه وش الي خلاني اسويه الي اعرفه اني اقطع الوقت
خلصته وحطيته بكاس ورحت للصاله وهي تناظرني مستغربه
ونا في طريقي لها
تقول هذا لي
قلت ايه لك وش فيك خايفه ترا ما حطيت سم ولا شي
ترا الليمون مفيد لمثل حالتك يلا اشربه المهم الابتسامه واصله اذنها وحسيت انها فرحانه


جلست واخذتنا السولف وهي مبسوطه وبعد مرور ساعه حسيت اني ما سمعت كحه او قالت راسي
او اي اعراض المرض

قلت شفتي شلون الليمون مفيد وفجاه والقى كاس الليمون في الطاوله الي جنبها ما شربت ولا شي منه

قلت سبحان الله وش الموضوع وراك انقلبتي اخبرك مريضه ضحكة وانتهى الموضوع وبعد كذا سوت العشى لنا


عاد سؤالي لها الدرجه ممكن تفرح بالشي الي انا اشوفه عادي جدا جدا

اذا كانت الاجابه بنعم فسبحان الله نحن الرجال نغفل عن اتفه الاشياء ممكن تكون سبب في سعاده الطرف الاخر ولا تاخذ مننا دقيقه واحده فقط


اذا كانت الاجابه نعم

شايفين يالرجال افهموا زين شوفوا وش سوى نايف مسكين حاجة جدا بسيطة لكن لها اثر يقعد سنييييين في قلب الزوجة
ماشاء الله عليك الله يخليكم لبعض ياااااارب
بكرة سويلها عصير برتقال
وبعده اشتريلها كابتشينو وشوف وش بتسويلك

__________________
اللهم لك الحمد حمدا كثيرا

الف شكر اختي

ولا زالت حتى اليوم تذكرني بعصيري السحري ومفعوله القوي

وشي طبيعي يكون الود بين الازواج يعني انا اذا مرضت تقوم فيني ولا تخلي شي قاصرني
طيب وهي ما تمرض من الطبيعي اني لازم اسوي لها مثل ما تسوي لي وخاصه في هذه الظروف
يستطيع الازواج ان يعبرو لبعضهم عن الاهتمام والحرص

الأجابه نعم..

و الله اشياء بسيطه تعلي البسمه في قلوبنا ...

ذكرتني بزوجي اليوم اتصل اول ما رديت قلت الو قال احبك بنره صوت رائع و الله اثر في و دمع عيني على طول ...الله يطولي في عمره يا رب..

الله يجزاك خير

اختكم
روح زوجها

__________________

شيلوني برفق و حنان انا هديه من الرحمن
شيلوني بحنيه ماما تعبت فيه
شيلوني و سمو اسم الله انا عطيه الله
اخذوا الحلاوه و اكلوها و بولادتي امي هنوها

اكيد اختي ان الانسان يفرح اذا حس بالاهتمام من قبل اقرب الناس له


مشكوره على ردك الجميل

الله يخليك لها ويخليها لك ويرزقكم الذرية الصالحة ...

والله ياأخي احنا يالحريم بسيطين ومايبيلنا شي كلمة تودينا وكلمة تجيبنا

نفسياتنا مع أزواجنا في تقلبها كأنها الأسهم بالضبط حركة ترفع المعنويات فوووووووووق وحركة تخلينا في أشد حالات التحطيم !!!

كثّر وأنا أختك من هالحركات ترى هاذي هي سحر الحياة الزوجية وبتخلي زوجتك خاتم في يديك ...

والله انك صادقة
ماشاء الله عليك
الله يوفقكم ويخليكم لبعض

__________________
[read]اللهم إني استودعتك قلبي فلا تدع فيه أحداً غيرك واستودعتك لا إله إلا الله فلقني إياها عند الموت[/read]

ربي يسعدك واكيد لازم كل شخص ما يغفل عن هذه الامور البسيطه

اكيد

اشياء بسيطه تدخل الفرحه لقلب المرأه

بس للاسف اغلب الرجال يغفلون عنها

__________________

مشكوره اختي


ونا معك تماما الرجال يغفلون عن هذه الامور ولا ادري ما السبب او من يتحفظ عليها لاسباب نجهلها