من العنوان واضح الموضوع بيكون عن ايش...للاسف اكتشفت ان زوجي مايحبني بعد 7 سنوات من الزواج
انصدمت صدمه كبيره ولو اني متوقعه هالشي..زوجي ماعمره قال لي احبج في يوم من الايام ولا يجيني في الفراش الا كل كم شهر مره...البس قميص نوم جديد مايعلق احط عطور غاليه مايعلق اعطر الغرفه والفراش مايعلق ولا كانه في شي...انا مو مقصره معاه اسوي له اللي يحبه واتعدل ومهتمه في شكلي وجسمي واحترمه وكل شي ف يالبيت نظيف وكل ثيابه نظيفه ومغسوله ومرتبه في الكبت اللي يقوله انا حاضره له بدون كلام...[س الصراحه طفشت من سكوته ومن عدم مبالاته لين جه اليوم وسالته انا ايش بالنسه لك؟؟قال ام عيالي!!!!!!!!!هني عرفت وتاكدت انه مايحبني...قلت له يعني انت ماتحبني قال لا انا من خذتج ماحبيتج ...قلت له طيب كان خليتنا ننفصل من اول الزواج..قال فكرت ان بالعشره راح احبج بس ماقدرت والمحبه مو مني هاي شي من الله يعني ماتقدرين تحببيني فيج غصب..قولوا لي ايش اسوي بعد هالمصيبها للي سمعتها؟؟كرهته وكرهته وكرهته مابي اشوفه وماراح اتعب نفسي عشانه بدوس على كل شي وبمتع نفسي وبس ماراح افتكر فيه لان على كل اللي سويته مابين بعينه..انصحوني ترى انا خلاص احس اني منهاره

السلام عليكم ورحمة الله وبركاته

هذي الايام دواره ولا بد ان يحبك مادامك مو مقصره معه باي شي انتي تعرفين طبيعة الرجل يمكن ضروف عمله او معيشته الرجل يحب المراءه الثقيله انتي لا تكبرين الموضوع وخليها على الله شوفي بانصحك نصيحه خليك ثقيله مره ولا تكثرين طلبات عليه

ايه والله صعب الكلام الي قلتيه بس انا اشك انه قال هذا الكلام في لحظة نقاش وكان غضبان يعني مايقصد الي يقول ؟؟؟؟

فهل حصل هذا الكلام بود او كنتم منفعلين هناك فرق كبيرررررررررر

الله يساعدك يااختي ويهون عليك

__________________

كان قلبي في ايديك ضامنه لا ما يخون
لا ولا بحلمك اجيك هذا في حكم الجنون

يا اختي مو كل بيت ناجح قائم ع الحب
شو جنيتي من اسئلتك غير وجع الراس
قال ام عيال ام العيال
كني ببيتك و راعي ربنا في الرجال دام بيعاملك بما يرضي الله
بلاحب بلا بطيخ
شو جنينا من الحب غير البهدلة
يضرب هالحب شو بيخرب بيوت

أختي صاحبة الموضوع :

أكبر فيك اهتمامك في زوجك ..وبيتك ..

وثقي تماماً أنه يجبك .. ولو إنه ما يحبك كان ما عشتوا .

هو نوعيته من اللي ما يعبر عن مشاعره ..

ثانياً :
الدنيا دار ممر لا مقر ...

كوني له الزوجة الصالحة ابتغاءًا للدار الأخرة ...

والله صادقة مو كل حب يساوي سعاااااااااااادة..أهم شي محترمك
شوفي زواج أول كان يمشي بدون منغصات وبدون حب بس أهم شي الرجل يخاف الله بزوجته
أنت كملي مشوارك معاه ولا تقصرين عليه لأنك ستحاسبين على ذلك ولكن الأشياء اللي مفروض هو يسويها خليها عليها....حتى لاتندميييييييين .
تأكدي بأن الحب يجي مع العشرة بس ممكن يكاااابر.

لا حول ولا قوة الا بالله

مدري شقلك بس الله يكون في عونك من جد صدمة

والله اني ماضغط عليه معاشي اصرفه ولا يعطيني الا القليل..صرفه كله على ربعه يطلع معاهم كل يوم كوفيهات غاليه وانا كفايه علي الويكند..لما قلت له تزوج وشوف الفرق مين بتسوي لك ربع اللي اسويه قال انتي مو مقصره بشي!!!!!!طيب ليش ماتحبني؟؟لان المحبه من الله ماقدر اتحكم فيها...

وهو ماكان غضبان ولاشي جاي من الشغل وقبل ماينام صدمني بهالكلام..

وعلى فكره هو كثير السفر كل شهر يسافر(ِشغل)يعني كل مسوليه البيت والعيال والخدم علي انا وهو مايدري عن شي

حبيبتي الله يكون في عونش انا حاسه فيش هكذا هم الازواج مايحبون الانفسهم والله شئ صعب انه قال لش هذا الكلام مادري كيف نفسه سمحت له انه يقول كذا بصراحه الا المحبه صعب نخلي الواحد يحبنا بالغصب هذه اكيد صدمه كبيره لش وخصوصا انش مخلصه وياه ما اقول غير الله يصبرش وتقومين من الصدمه وانت اقوى ولا اضحين مع انسان ما يستاهل التضحيه

اختي الكريمة والله هالامر صعب كتير بس
انتي حاولي تعيشي معاه بما يرضي الله واصبري حاولي وحاولي واكيد انه ربنا رح يجزيك على صبرك
اتمنى من الله انه يوفقك ويغرس حبك في قلب زوجك

__________________

[frame="1 98"]اللهم بعزتك وجلالك ارزقنا من حيث لا نحتسب
ويسرلي زواجي وجعل ابنتي من الذرية الصالحة يا رب[/frame

]