السلام عليكم ورحمة الله وبركاته


اولا ماهي مشكلة بس مدري شلون اعبر عنها

مقولة تقول يخلق الله من الشبه أربعين ماذا لو صار انسان واحد يشبهونا 100 -1000

تتوقعون الموضوع في انه او امر طبيعي وعادي؟؟

من لما كان عمري صغير لين الحين وين اروح السؤال يتكرر شبه يومي بالجامعة لاني كل تيرم مع قروب جديد والله العظيم بهاشكلية انتي من وين ؟ فلانة تقرب لج؟؟ لمن اقول لاء مو معقول واااااااااااااااااايد تشبهج مدرسات ايام المدرسة يسالوني صار عندج اختج تدرس معانا صح لمن انفي مايصدقون يقولون انا اكذب

مرات نكون في عرس يسألوني وانا جالسة يم امي انتو من وين؟ امي ترد عليهم اكيد سؤالكم الثاني انه في احد يشبها
يستغربون يقولون شدراج؟ تقول لهم امي هذا السؤال ينسأل عليها في كل اجتماعات مع صديقاتها او مع ناس جدد او اماكن عمل او مدرسة او من مدرساتها كل الناس تقريبا لما يقعدون معاها يسألونها هالسؤال

صار السؤال مثل الي يقول لها شنو اسمج؟؟؟


للعم عندي 3 صديقات الحين يشبهوني لدرجة ماحد يقدر يصدق ان احنا مو اخوات لمن نقول لهم مو اخوات بجذبونا هههههه مرة طلعت بطاقة الشخصية اوريهم وصديقتي تقول لهم اي اختي تونا شايفينها كانت ضايعة

واحده منهم قريبة مرت عمي ومرت عمي هذي غريبة عن العائلة واهلها عرفناهم لما تزوجها عمي وعندهم بنت يالله انا تفاجات يوم شفتها من شبهاا لي ولا اسمها على اسمي بعد !! وسافروا هي واهلها وانا واهلي بالسفر هههههههه يسأل احنا توأم لما اقولهم احنا اصلن مو اخوات يقولون احنا نسخر ونمزح معاهم

طيب هذا في الناس غريبة بس الاهل اتوقع عادي بس مو لهدرجة بعد
اخواني لابد بشبهوني لاني اختهم هههههه اخوي الي اصغر مني بكم سنه نسخه مصورة عني الا اللهم انه ولد وانا بنت

بنت عمي الصغيرة عمرها 4 سنوات صرت اتعقد اخذها معاي مكان كل يسأل ماشاء الله بنتج وايد تشبهج
هذي من وهي صغيرة تشبهني يوم انا صغيرة وحتى الحين مثل حركاتي وملامحي وكلامي وانا صغيرة تردد مثل كلماتي وعصبيتي وعنادي ونحاستي حتى ضحكتها يحطون لها صوري وانا صغيرة وصورتهاالحين يقولون من انتي تاشر على صورتي !!!!!

عندي ولد عمي عنده ولد بمثل عمر بنت عمي وهم نفس الشي بس فقط الشبه ياخذه مني
اهل امه يوم جافوني استغربوا شبهه علي وماصار على امه هههههههه

يعني هل هذا الشي له تفسير؟ احد عنده معلومة عن هالشي
؟؟
احد يصير له هالموقف ؟

مرة رايحة اقدم اوراقي لشغل وجلست املي اوراق جنب السكرتيرة واسولف معاها سألتني انتي من وين قلت لها منطقتي قالت لي تقرب لج فلانة اختج ؟ قلت لهاانا اكبر البنات عند امي وابوي قالت مو معقولة تشبهج وااااااااااااايد

يعني الحين لو وحده تقتل بقولون انا من كثر شبهها لي وحده مجنونة بقولون هذي مو المجنونة ؟؟

اخرمرة انسألت هالسؤال قبل يومين في عزومة زوجة ولد عمي اهلها يسألوني فلانة وحده ماعرفها شنو تقرب لكم قلت لهم اختي في الاسلام امي استلمت الاجابة وعلمتهم سالفة هالشبه الي صارت تنرزفني

بستخف انا من هالشبه الزايد احد يفسر لي هالشي حتى اهلي نفسهم مستغربين

__________________

غريبه والله اختي دمعات بتحصل لكن مش بهذه الكثره وما عندي تفسير ..الله يكون بعونك

غالبا يسير معي هذا الشي

وعلى قولك باغلب الاماكن الي اروح لها

حتى بالكليه كانو بعض الاستاذات يقولون انتي اخت فلانه والا علانه

يعني عادي

__________________

اللهم لك الحمد حتى ترضى ولك الحمد اذا رضيت ولك الحمد بعد الرضا

حمداًكثيراً طيباً مباركاً فيه كما ينبغي لجلال وجهك وعظيم سلطانك

اللهم بارك لي فيما رزقتني واجعله من عبادك الصالحين واحفظ ولدي من كل سوء ومكروه واجعله قرة عين لي ولوالده

انا زيك ياختي لازم القى من يقول تشبهين فلانة .....تعرفين فلانة ..؟ حتى صرت استغرب من كثرة التشبية .

الله يعينك والله مادري وش تفسيرة لكن وجهك مالؤف ماشاء الله المفروض تفرحين لانه نعمه من الله ان الانسان يكون مالؤف وين ماكان

__________________
ياكثر ماعندك من خير يارحيم
بس يبغى لنا شويه صبر
الحمدلله كما ينبغي لجلال وجهك وعظيم سلطانك

salsapil

اهلا وسهلا غناتي يعين الجميع انا تأديت من الشبه هذا في فترات من حياتي
شرفني مرورج

smsh
هلا ومرحبا على الحضور اختي ان شاءا لله عادي يكون على الاقل تطمنت في ناس مثلي بس مالقيتي تفسير لهشي ؟
شكرا على حضورج اختي

جواهر الماس

هلا ومرحبا اختي جواهر من جدشي يحير بالجامعة او مكن مجمع اروح له اوقف مع اسولف معاه لازم هالسؤال ينسأل اروح لاختي المدرسة مدرساتها يسألوني هالسؤال من جد غررريب

وش تفسيررره؟؟؟
اسعدني مرورج يالغالية


غموض السنين
هلا والله بالوردة غموض اسعدني حضورج يالغلا بس تدرين خيو من كثر على قولتج مألوف صار موقف خايس للحين مانساه بسبه هالشبه

انا اول ماخذيت رخصة قيادة كنت بعدني صغيرة يمكن 18 وكنت متهورة بالسياقة واولى سنة جامعة كانت الجامعة قبل يسوون الهايوي يبي لها تقيربا 40 الى 45 دقيقة ادا كانت السرعه 80 الى 100 كنت اقضيها في 15 او 20 دقيقة

بعدين على سنة ثالثة تعقلت وخلاص سنة رابعة اوكي تمام صرت واخر ترم لي كنت يوم رايحة الجامعة واسوق عادي 100 يمكن بس ولا اسرع ولا شي يوم رجعت البابا يقول لي تعالي ابيج وعيونه حمر ومعصب يقول لي ليش تسرعين يهددني بياخذ ليسني مني وانا احلف ماسرعت الا يقول لي واحد اعرفه قال لي انه بنتك على خط الجامعة شفتها تسوووق بسرعة وبتهور اليوم وحلفت له ومادري شنو ومو مصدق وهددني وبعدين قلت صديقك هذا متى شافني والساعة كم؟ وبعدين يوم وريت ابوي جدولي اني كنت بالمحاضرات اتصل على صديقه وقال له وطلعت وحده ثانية غيري وهو يظن ان للحين عندي سيارتي القديمة وانا كنت هذيك الفترة توني شريت سيارة جديدة بس مصر انه انا ومو مصدق

يعني تخيييييلي!!!!!!!!! لاي درجة تعقدت من جد

شكرا لحضورج اختي غموض

__________________

شبهك كثير .. فلا تقلقي ..

__________________
سبحان الله وبحمده سبحان الله العظيم
سبحانك اللهم وبحمدك أشهد أن لاإله إلا أنت, أستغفرك وأتوب إليك

مرحباااااااااااااااااااا اختي
عادي الوضوع دائما يصادف اي انسان هالسوال وين شايفك؟
تقرب لك فلانه بنت فلان؟
وجهك مو غريب انت فلانه؟

يعني يالغاليه.......
خذي الموقف بصدر رحب ولاتشغلين بالك فيه
خليه مثل اي سؤال ؟
وحطي في بالك ملايين البشر ينسئلون نفس الشىء...

وعلى فكرة يعتبر مثل هاالاسئله
انا وين شايفك؟؟
من باب الرغبه في الحديث معك وفتح مجال للتألف
لان شكلك خلاهم يرتاحون لك ويبغون يكلمونك...
انبســـــــــطي بعد وش احلى من كذا.........

الله معـــــــــــــــاك

__________________
عذراً ، الصورة الرمزية مخالفة ولابد من تغييرها حتى تستمر فاعلية العضوية

الادارة

ensaaan

يسلمووو خيتي على المرور
على رايك لا اقلق يمكن لان البحرين صغيرة ^_^ وناسها شويه

شرفتيني بمرورج


*ملكة الاحساس*

هلا بكل الغلا حبيبتي

والله ارتحت لكلامج الله يسعدج

بس انا حبيت اعرف وش معنى ان وايد ناس تشبهنا
بشكل علمي او ديني وش يعني ؟!

شرفتيني بمرورج لا هنتي غناتي ^_^

__________________

سبحان الله العظيم
تصير لكن ماهو لذي الدرجة