السلام عليكم ورحمه الله وبركاته


اني
عدت لك يا منتداي الغالي بحالتي المريره

الله يخليكم ردوا علي حتى لو بكلمه بسيطه


خطيبي(زوجي)قالي انه مايحس بوجودي معاه لاني ما اتكلم كثير ولا اقول كلام حلو
وقالي اذا بتظلين كذا بجيب غيرك للبيت انتي الحبيبه الصامته وهي الكلام الحلوه والحركات الحلوه خلك في الرسميات بس
وقال شوفي لك حل واذا لقيتي لك شي تقولينه قوليلي لان فاقد الامل منك هو الحين ما صار يجيني بالبيت ولا يكلمني
مع اني اتكلم مع الناس كلها عادي بس هو لا مع اني مو مغصوبه عليه
انا مالومه في كل كلمه قالها لاني بجد ما اتكلم وماعرف الكلام الحلو هو كلامه معسول



ابي عبارات حلوه فيدوني وقولولي كيف استقبله وايش اسوي له




للمعلوميه صار لي سنتين وانا كذا

السلام عليكم ورحمة الله وبركاته

اختي الكريمة

كل عام وانتم بخير وتقبل الله طاعاتكم

زوجك يقول هذا الكلام حتى يستثير بك هذه النقطة ويجعلك تحاولين البحث عن حل لها

واعلمي ان سنتين من الخطوبة فترة ليست سهلة ولو كان يريد التنازل عنك لتنازل من اول سنة

تقولين انه معه حق بكل كلامه

اذا الحق عليك

يجب ان تغيري من تعاملك معه وان تتدربي على الكلام الذي يريده

خصوصا وانك تتكلمين مع غيره من الاهل

علما بانه هو اولى شخص الان بانك تحسسيه بوجوده معك

والموضوع لايتوقف على عبارات تقتبسينها من هنا ثم تنقلينها اليه بدون احساس

يجب ان يشعر الزوج بان زوجته تكلمه بصدق من قلبها حتى وان كانت العبارات ركيكة وغير منمقة

يوم بعد يوم رح يصير عندك اسلوب بس لازم تبداي

وكل عام وانتم بخير

اختي ...يتخيلي ما في احد هذه الايام ما يعرف يقول كلام حلو

اقرائي في الروايات الرومنسية راح تلاقي افكار

ابحثي هنا في المنتدى راح تلاقي كل ما يفيك

لكن بقائك على هذه الحالة لمدة سنتين ..فهذا كثير يا اختي

البنت هي اللي عادة تكون رومنسية ورقيقة وذات احاسيس مرهفة

شدي حيلك اختي ولا تخجلي من خطيبك واستمتعي بهذه الايام الجميلة

و لا تطيري الرجال من يدك

ماقصرت صاحب الظل الطويل وfafi
انا خايفه انه يطير مني

ادعولي ربي يسهل امري


وعطوني عيبارات

تستطيعين استخدام اساليب اخرى غير الكلام بالتعبير عما تريدين قوله وما يريد سماعه منك

كان تكتبي رسالة


او ترسلي له عبر الهاتف

او ايميل والانترنت مليء بكل شيء

وفقكم الله

إختي .. ما قال لك هذا الكلام إلا عشان يحفزج تقولين كلام حلو ... وأقولها لك .. أنا هم كنت ما أعرف أقول كلام حلو وهالسوالف.. لكن قريت بالمنتدى وشجعت نفسي .. صحيح إنك راح تستحين في البادية وتحسين بالحرج .. لكن أول ما تنطلقين خلاص ما راح تستحين ..

يا بنت الحلال إطلقي لسانك .. هذا حبيبك وزوجك إذا ما سمع منك كلام يمدحة ويعجبة من منو بيسمع؟؟؟؟؟




وهاذي فرصة عيد ... يله راوينه شوبا سوين ..

طيب بطلق الساني وانتوا ادعولي يرد على لانه مايرد بسرعه


وفيدوني من معلوماتكم وكلامكم

حبيبتي يالغالية .. يمكن لانه دايم يقولك قولي كلام حلو .. قولي كلام حلوو .. ينربط لسانك من الحرج ..

سمعي يالغلا .. بالبدايه عبري بالتصرفات.. خليك حركة .. سويله حركات اتعبر عن الحب.. فترة .. بعدين انتي قولي كلام حلوو ... من غير مايقولك ..

نفس ماقالو اكتبي رساله .. سوي له حركة اتفاجئه شوي شوي ... وبتصرين انتي بروحك اتقولين له كلام حلو ..

الله يسهل عليك ويسعدكم

__________________
ربنا هب لنا من أزواجنا و ذرياتنا قرة أعين واجعلنا للمتقين إماما

أرجوكم ادعو لي ..بإن ربي يجمع بيني وبين زوجي على خير

إلى زوجي ..إلى مقلتي.. إلى فؤادي...إلى بسمتي... إلى دمعتي... إلى حياتي وروحي... إلى عشيقي، حبيبي، فارسي، أميري، إلى القلب والكيان... والحب والهيام...

الـعزيـــــــــــــــز بو وداد..

أحبــــــــــــك ...

اختي الفاضلة الله يخليكي لا تسوي في الراجل كدا

اقري موضوعي الموجود في التوقيع

اتمنى انك تعتبري

__________________
موضوعي المميز Oo رسالة الى كل زوجة oO من واقع حياتي

حبيبتي ترى اللسان على التعود .. وانتي حاولي تعودين لسانك علة الكلام الحلو,,
اولا ابدي مع صديقاتك والاطفال الصغار مثلا عيال اخواتك ناديهم ياحبيبتي ياقلبي ....الخ
وصدقيني راح يتعود لسانك من غير ماتتصنعين
والله يوفقك ويخلي لك زوجك