بسم الله الرحمن الرحيم
أنا كنت من فترة طويلة منذ عدة شهور عن مشكلتي وهي أن والدي ووالدتي لم يكونوا موافقين على زواجي ولكنهم بعد عدة شهور من إصراري على الارتباط بهذه الفتاة وافقوا في النهاية ولكن بعد فترة طويلة من النقاش أدت في نهايتها إلى أن أترك البيت ثم عدت وحدثت بعض الأحداث الأخرى ولكن مش هو ده موضوعنا.
ودوله هم الموضوعين اللي كتبتهم في المنتدى في قسمين مختلفين والآراء كانت والحمد لله خير معين لي
http://www.66n.com/forums/showthread.php?t=121580
http://www.66n.com/forums/showthread.php?t=121562
على فكرة موضوع الزواج بدأ الكلام فيه من شهر 3 ولم يوافقوا إلا في شهر 11.
المهم إنهم الحمد لله وافقوا وذهبنا إلى أهل الفتاه والحمد لله البنت عجبتهم واتفقنا إن شاء الله إن الشبكة هاتكون في منتصف شهر واحد.
خللوا بالكم بقى من الحتة دي
لما طلبت أختي ووالدتي إنهم يخرجوا مع العروسة علشان يتعرفوا عليها هم لم يمانعوا ووافقوا ولكن بعد أن تأتي أختها الكبيرة من السفر لأنها عند خالتها لمدة 3 أو أربع أيام لأنها بتتكسف إنها تتكلم مع حد غريب لوحدها وبعدها يخرجوا مع بعض وأبلغت أهلي بهذا ثم لم تأتي أختها الكبيرة وتأخرت في السفر وأجلنا الموعد مرة أخرى ومرة ثالثة وبعد المرة الثالثة أنا بصراحة إتضايقت ... أسبوعين علشان أهلي يشوفوا العروسة أظن ده كتير أوي أوي... وياريتهم ردوا بالموافقة دي أختها قالت لأختي أنا هاقول لوالدي وبعدين أرد عليكي.
أنا عارف إن عندهم حق في إنهم يزعلوا من موقف والدي ووالدتي ولكنهم في بداية الموضوع قالوا إحنا هاننسى كل حاجة ثم إنهم لو هم زعلانين أنا مش مشكلة بالنسبة لي هما إنشاء الله لم يلاقوا بنتهم مستريحة معايا هايفرحوا لها لكن المشكلة إنهم حطوا العروسة في موقف إنها معاهم وإنها بتساندهم وأنا ماقبلش إن زوجتي تكون على خلافات مع والدي أو والدتي...
كل الناس عندها ظروف واحنا بنقدر لكن المفروض إنه كان يبقى فيه حرص شوية وخصوصاً بعد اللي كان حاصل قبل كده.
وخصوصاً هما كانوا عايزين يخرجوا مع العروسة مش مع أختها, يقربوا من العروسة مش من أختها, هما كانوا عايزين ينهوا أي خلاف كان قبل كده.
بس أهلها ماكانش عندهم حماس
مع إن عريس أختها وأهله لما بييجوا عندهم بيبقى فيه معسكر في البيت قبلها بيومين.
أنا مش عايزهم يضربوا لأهلي تعظيم سلام بس كان لازم يبقى فيه حرص شوية عن كدة.
أنا عارف إن العروسة فعلاً بتتكسف وبتتكسف جامد كمان وده نادر عندنا في مصر. إحنا عندنا في مصر والحمد لله بنات متدينة كتير وأخلاقهم عالية بس بالكسوف ده بيكون قليل قوي وأنا لو قلت لأهلي إنها بتتكسف تخرج معاهم لوحديها يفتكروني باستهبل وللا عبيط.
هما ما اتكلموش في الموضوع معايا بس أنا حاسس بيهم وحاسس إنهم زعلانين.
هي آه بتتكسف بس كانت ممكن تقولي خليهم ييجوا عندنا البيت أو أخرج أنا وواحدة من قريباتي معاهم ومش لازم أختها.
على فكرة أنا ماقولتلهمش إني زعلان لكن هما حاسين بكدة وكل كلامي مع أم العروسة أو أختها لأنها بتتكسف تتكلم معايا.
أنا خايف إن يكون ده زعل مش كسوف ويستمر بعد الجواز.
وأنا ماقدرش أزعل مع أهلي أو أقاطعهم علشان خاطرها.
ومش عارف أتكلم معاها في الموضوع لأنها مابتتكلمش معايا لأنها بتتكسف.
ومش هاينفع أتكلم مع أختها في الموضوع لأنها أكيد هاتنكر وهاتقول إن السبب إنها كانت مسافرة.
أنا زعلان بجد ومتضايق ومش عارف أعمل إيه.
أفهمها ازاي إن ممكن أقبل كسوفها في أي حاجه في الدنيا إلا في معاملاتها مع والدي ووالدتي
أفهمها إزاي إن والدي ووالدتي حاجه كبيرة بالنسبة لي وإن مافيش حد هايقدر يزعلنا من بعض أبدا.
أفهمها إزاي إن ما ينفعش إن هي تبقى في كفة وهم في كفه.
أنا عايزها تعرف إن هما الإثنين في كفة واحدة.
ماينفعش أستغنى عن حد بسبب التاني.
ماينفعش أستغنى عن أهلي علشانها ولا أستغنى عنها علشان أهلي
أفهمهما ده كله إزاي وهي مش بتكلمني؟؟؟؟؟؟؟؟؟؟؟؟؟؟؟

مامتك واختك عايزين يشوفها لوحدها يذهبوا الى بيت باباها ومامتك تكلم مامتها وتقولها عايزين نتعرف عليها اكتر ويعقدوا معاها اكيد مامتها مش هتمانع ان يعقدوا معاها لوحدها في الصالون ..............

الموضوع مش مستهال كدة ................مش مجرد قعدة تفتكر النفوس هتصفو اظن مرة على مرة ............يعرفوها اكتر

بس حبيت اقولك حاجة الزجاج لما ينكسر ممكن يتصلح لكن الشرخ اللى فيه عمره ما هيروح ابدا"

والله أنا ما كنتش ممانع
هما حتى ماعرضوش أي عرض
كل اللي بيقولوه إحنا موافقين
وأنا عارف إن الموضوع مش بسهولة كده
لكن اللي يهمني هو العروسة إنها لازم تكون نسيت كل حاجة وأي حاجة
هو ده اللي يهمني بس
أما أهلها فهم أول ما يشوفوها مبسوطة معايا إن شاء الله هايفرحولها
وهما عايزين إيه أكتر من إن بنتهم تبقى مبسوطة
وعلى فكرة أهلها فعلاً طيبين بجد مش كلام وإلا ماكانوش رضيو من الأول إن أدخل بيتهم تاني
بس لو أهلي حسوا إن العروسة واخدة منهم موقف
متهيألي إن علشان أخليهم يتقبلوها في وسطهم هاتبقى صعبة أوي.
وهو ده اللي أنا خايف منه

ما سألتيش العروس مرة انها لسة شايلة شىء من اهلك ...........اية يعني ما تسألها مهما كان خجلها دة سؤال عادى .......لو هى حاسة بشىء منهم قولها اصلهم ماكنويش يعرفوك..........
على عموم كثرة الزيارات والعزائم ان شاء الله هيفرحوا بيها وهى كمان وتبادل الهدايا
بعدان ما تقلق بموضوع وهي
المهم شعورها واحساسها ناحيتك ..........لو بتحبك ونفسها تكمل معاك مشوار الحياة فأكيد هتحاول تتغاضى عن كل حاجة بس انت كمان حاول تكسبها دائما

المشكلة إن مفيش أي وسيلة اتصال غير والدتها واختها
ومش معقوله هاقولهم هي بنتكم زعلانة وللا لأ
لأن أول رد هايكون لأ
وحتى لو عرفوا إن أنا هاسئلها أكيد هايقولولها قولي لأ
أنا حتى لو سألتهم هم نفسهم هايقولوا لأ
أهي مجاملات وخلاص
لكن أنا يهمني المعاملة

أعزمهم كلهم مرة بره

انت و هى و مامتك و مامتها,,

أختها و أختك,,

فى مراكب جميلة على نهر النيل الجميل,, عشاء جميل

و إن شاء الله الجو يروق

على فكرة التكلفة مش كبيرة,, مجربة

أنت الاساس,, خليك أنت القائد

أختنا على حق

هناك مراكب جيدة و ليست غالية فى المنيل و هناك أغلى شوية فى التحرير

و الله الموفق

ادعي الله بصلاتك ان يسخرها لك ونصيحة الأخيره بمحلها

__________________
سبحــــــان الله وبحمده ,,,, سبحــــــان الله العظيم

لا اله الا الله العظيم الحليم ربي اني لما انزلت اليي من خير فقير
دعائكم الصالح لي بالرجل الصالح

تنبيه :الرجاء الكتابة باللغة العربية الفصحى والابتعاد عن اللهجات المحلية والعامية

اسلوب الطرح جدا رائع والموضوع مشوق ومثير

على فكره طمنا عليك حصل ايه معاك ان شاء الله كل حاجه جت على مزاجك