السلام عليكم اخواتى جميعا وكل عيد وانتم بخير وسلام
اخواتى انا فى مشكله البعض يراها تافهة لكنها والله تتعبنى نفسيا
انا وبكل بساطه بغير على خطيبى من الدنيا كلها معدا طبعا امه
بغير عليه من بنات عمامه وخلانه وحاسه انى هاكرهم بسبب الغيره دى
عايزه منكم تنصحونى او ...........تنصحونى ايضا بجد
انا تعبانه وهو تعبان اغلب مشاكلى معاه سببها غيرتى
محتاجه نصيحه تهدينى ياجماعه

__________________

انتبهـي

لا يطيـر من ايدك لا سمـح الله..

__________________

..اللهمــ ارزقني زوجـاً صالحـاً يحبني وأحبــه ويعينني على طاعتـك,, اللهـم آآمين..

غيرتك طبيعية على زوجك من بنات عمه وبنات خيلانه

أصلا ما يجوز أنهم يكشفوا عليه ويطلعوا أمامه ويجلسوا يتكلموا معه

لكن للأسف هذه مشكلة عند كثير من العوائل في مصر وأيضا عند قليل من العوائل في بلدي ( السعودية)

صراحة ما عندي حل للمشكلة إلا أن أدعوا لك

أسأل الله أن يحل لك هذه المشكلة وأن يطفيء نار الغيرة بصلاح أحوالكم

اقتباس:

المشاركة الأصلية كتبت بواسطة الهتاني غيرتك طبيعية على زوجك من بنات عمه وبنات خيلانه أصلا ما يجوز أنهم يكشفوا عليه ويطلعوا أمامه ويجلسوا يتكلموا معه لكن للأسف هذه مشكلة عند كثير من العوائل في مصر وأيضا عند قليل من العوائل في بلدي ( السعودية) صراحة ما عندي حل للمشكلة إلا أن أدعوا لك أسأل الله أن يحل لك هذه المشكلة وأن يطفيء نار الغيرة بصلاح أحوالكم

.................................................. .................................................. ..
والله ياأختى على الرغم انها مشكله عاديه لكن بجد كانت سبب لمشكله كبيره بينى وبينه
لان بنات قرايبه بيتعاملو معاه بجراااااااااائه زايده او وانا فعلا بحس بغيره لانهم بكل بساطه بياخدو مكانى
وهم معاه اكتر منى لان زيارته ليا بتكون مره واحده فى شهر
يعنى قرايبه معاه اكتر منى لانهم فى نفس البيت
ده غير انهم بيخرجو معاه عادى وبيركبو السياره معاه عادى جدا
بالزمه مش من حقى انقهر واموت من القهر كمان
اتمنى منك اختى الدعاء ليا والله انا محتجاله اوى لانى عماله اعيط
والعيد كان عيد صعب لانه بيقضيه مع ابناء عمامه
بنات وولاد يعنى اقضى العيد معاهم

__________________

[QUOTE=ضايعه فالدنيا;1671174]انتبهـي

لا يطيـر من ايدك لا سمـح الله..[/QUOTE

.................................................. ..................................
ولا هايطير ولا حاجه هو وانا ولله الحمد سعدا وبنحب بعض جدا لكن ياأختى عندهم فى اختلاط رهيب فى العائله وكأنهم اخوات شقيقهم من قريبهم
يعنى بيظهرو شعرهم امامه عادى بيخرجو معاه ولا كانه خطيبهبهم
يبقى اغير ولا ماأغيرش انا بحس انهم بيخدو مكانى
صحيح مكانى فى قلبه صعب يتاخد لكن بردو مش كفايه
لازم يعمل حساب غيرتى دى ويحترم شعورى حتى انا بعيد
هل عيب يعنى انه يقاطعهم اعتقد عادى صح ولا انا غلطانه
اتمنى منك ياأختى مداخله تانيه

__________________

انتي عايزة تطفشي العريس و لا أيه

بصي يا اختي الخطوبة دي مجرد جسر للجواز

بكرة حتضحكي علي الأيام دي

حاولي تحسبي كل كلمة انتي بتقوليها

و أجلي كل حاجة لغاية الجواز

__________________
انا منتدي عالم الأسرة و المجتمع

اقتباس:

المشاركة الأصلية كتبت بواسطة جويرية22 انتي عايزة تطفشي العريس و لا أيه بصي يا اختي الخطوبة دي مجرد جسر للجواز بكرة حتضحكي علي الأيام دي حاولي تحسبي كل كلمة انتي بتقوليها و أجلي كل حاجة لغاية الجواز

.................................................. .................................................. ...
اجل ايه ولا ايه والله يااختى تعبااااااااااااااااااااااانه وكان عيد صعب جدا
والله مارضيت احسسه بحاجه على الرغم ان حصل بينا مشكله يوم الوقفه علشان عرفت انه هايخرج رايح مشوار مع بنت عمه اول يوم العيد لوحدهم وهى هاتركب معاه السياره لوحدهم بالزمه مش ازعل واموت من الزعل تعرفى انا قولتله ايه
لو موافق تخرج معاه يبقى علاقتنا تنتهى وكل واحد ياخد حاجته ومفيش مشكله خالص بالنسبالى وفضلة اعيط
لكن هو هدانى وحل المشكله بانه ياخد اخوه الصغير معاهم فى العربيه وهم خارجين وده فعلا اللى حصل
لكن بنات عمامه يااختى غير محجبين وانا اللى خطيبته عمره ماشافنى بشعرى ولا مكياج صاخب ولا جريأه مثلهم
بجد مخنوووووووووقه جدا على الرغم انى والله مش راضيه احسسه انى لسه زعلانه ومدايقه
لكن هو بيزعل لما بقولو يقطع علاقته بيهم
مش عارفه بجد اعمل ايه
ادعيلى اختى واتمنى مداخلتك ياعزيزه ياجوريه

__________________

ربنا يتمم فرحك علي خير وتتجوزي في اسرع وقت

وبعدين هما لو عاجبينه بنات عمه كان اتجوز منهم

وبعديين سيبه يعمل اللي هو عايزة يعني هو حيطير

لأن مفيش حاجة في ايدك بعد ما تتجوزي حتعرفي تتصرفي ازاي في المواقف دي

بالعكس كدة انتي حسستيه ان انتي بقي غيرانه عليه قوي و بتحبيه قوي

تحاولي في الخطوبة انك متظهريش كل عواطفك ( تتقلي يعني ) عشان يعجل الجواز


و ألف مبروك مقدما و يا رب تتجوزوا الأسبوع الجاي

__________________
انا منتدي عالم الأسرة و المجتمع

.................................................. ............................................
جوجو شكرا ياحبيبتى كنت والله محتاجه اسمع كلامك ده ولو فعلا عجيبنه ولاد عمه كان خد واحده منهم
انا هاعمل بكلامك وهاتقل عليه
بس يارب مايطير
بس صعب اوى نتجوز الاسبوع الجاى
لسه صغيرين
لما نكبر شويه

__________________

والله يا اختى هذه مشلكة مجتمع

نسأل الله الهداية للجميع

ونسأل الله ان يحفظ خطيبك من الفتن ما ظهر منها وما بطن

ويحفظك انت ايضا آمين يا رب العالمين

ولكن لى ملاحظتين على كلامك يا اختى

اولا كثرة الحلف بالزمة

ولقد نهى رسول الله صلى الله عليه وسلم على الحلف بغير الله عز وجل

فلا تقسمى بالرسول او الام او الشرف الخ

ثانيا من كلامك فهمت انك تجلسى مع خطيبك وتتحدثوا فى التليفون

اولا يا اختى هذا لا يجوز لانه مازال اجنبى عنك

ستقولى اقول لك انه يجلس ويخرج مع قريبته وانا خطيبته لا يجلس معى

اقول لك يا اختى هذه حدود وضعها الله عز وجل حفظا لك وله

والالتزام بها ومراعاتها لوجه الله عز وجل يجعل الله يبارك فى هذه الزيجة

ثم انه فى حالة امتناعك عن الجلوس معه بمفردكم او محادثة فى التليفون

اكيد سيجعله يبتعد عن قريباته لان وقتها يشعر بالخجل من الله عز وجل

انه يخرج مع من هى اجنبية عنه فى حين ان خطيبته تتقى الله عز وجل

وتمتنع عن الكلام معه فى خلوة مراعاة لوجه الله فقط

ولتتأكدى من كلامى ستلاحظى ان كثرة المشاكل بينكما هى بسبب الخلوة

والتحدث فى اشياء تتأتى من ورائها المشاكل

وتذكرى يا اختى من ترك شىء لله ابدله الله خيرا منه

اتركى التحدث معه الان فى خلوة لوجه الله وسيحفظه الله عز وجل لك

وسيبارك لكما فى هذه الزيجة بأذن الله ويسعدكم بالذرية الصالحة ان شاء الله

وبعد العقد بأذن الله ستشعروا بالفرق وعندما تختلوا ببعض تشعروا بالسعادة

لانكم الان زوجين على سنة الله ورسوله ولا تشعرى بأى تأنيب للضمير

بعد اى موقف يحدث بينكم عكس الان

وثقى يا اختى انه ممها جلس الخاطب والخاطبة بحجة التعرف على بعض

لن يعرفى بعض حق المعرفة الا بعد الزواج

والمطلوب بعد حدوث الايجاب والقبول

السؤال عن العريس فى سكنه وعمله

دراسة وضعه الاسرى وكيفية معاملة والده الى والدته

واخوانه الى زوجاتهم

ثم الاستخارة لله عز وجل واخيرا الاستشارة

هذه هى الاشياء التى يستدل بها على شخصية الخاطب

وليس الخلوة والتحدث لفترات طويلة

ارجوا الا اكون قد اثقلت عليك

ولكن هذا لوجه الله عز وجل واببغائا لكى تنالوا رضاء الله عز وجل

فى الدارين الدنيا وبعد عمر مديد مبارك فى الآخرة

__________________