السلام عليكم ورحمه الله وبركاته

ماراح اطول في الحكايه راح أبدأ

انا متزوجه ولي ولدين طبعاً واحد سنه وشهرين والثاني 25 يوووم يعني وليد أو مولود صغير

جات فتره في زواجي وزوجي يشك في شرفي بشكل فظيع وبدون أدنى سبب يعني ماشاف شيء عليا

بس وجهة نظره إنه هو شايف في الشارع بنات أو نساء يالطيف .... إلخ وأكيد انا وحده مهنهم

يشك حتى في أمه وأخته ويقول إنه كل النساء كده إلا من رحم ربي مع إنه العكس يعني قبل كده

خانني أكثر من مره وآخر مره قبل موعد ولادتي بخمس أيام حاول مع شغالتي والمسكينه

قمت من النوم على نيتي لقيته بيحاول معاها وهي ترفسه وتبكي إلين طلعت من عندي

وقلت له بعد الولاده حيصير خير وحاول يراضيني مثلت عليه الرضا وقلت بعد الولاده راح أتركه لأنه نزل من عيني المهم ولدت وأستمرت الشكوك إلى غرفة العمليات يقول إنه انا كانت عيني على الدكتور وقلت له كلام قذر (( حسبي الله ونعم الوكيل عليه )) بعد كده في فترة ولادتي جلست عند أمي الله يحفظها لكن أكثر جلوسي عندها كان زعل من موضوع الشغاله المهم جاني يوم في بيت أهلي وأتطاول علي كالعاده بأقذر الكلمات الدنيئه والقذره من شتائم وإتهامات وفجأه سمعه الوالد الله يحفظه وقاله كل مره تشتم ونسكت وتضرب بنتي ونسكت لكن اطلع من بيتي قام قال لأبوي روح ربي بنتك (( الوسخه ))
وطرده أبوي من البيت وراح شقتنا اللي هي في نفس الدور مع أمي وقال لابوي تعال اثبتلك قذراة بنتك
وحاول يقول لأبوي كلام مايدخل العقل إنه انا اطالع للرجال في السوق وإني أتفرج على لاعبين الكوره وأمور المجنون مايصدقها أو إنها عاديه يعني معا لعلم إنه يتعادطى المخدرااااااااااات
وطعن في شرفي بإنه المولود الصغير هذا البريء إللي جا على الدنيا ومو فاهم شيء إنه من رجل ثاني قريب لنا في العائله مو منه هو ؟؟؟ تخيلو قمة الوقاحة ؟؟؟
وهدد الوالد إنه راح يقتل إثنين أو ثلاث مننا مع العلم بأنه عسكري يعني عنده سلاح ؟؟؟
جا أبوي المسكين منهار من عنده وشوي ويبكي ... ,,, !!!
جا زوجي ثاني يوم يترجى في أخوي إنه يقابلني ويبي يكلمني بأسلوب فظيع لمدة ساعتين وهو يترجى أخوي شاور أمي قالتله طيب دخله دخل وحاول يصالحني وطلع من بيت اهلي ثاني يوم اتصلت علي وحده من معارفنا وفي نفس الوقت دق علي لقى جوالي إنتظار قال مع مين قلتله مع (( ... فلانه ... )) قام راح اتصل على أخته وقالها إتصلي على فلانه وشوفيها كانت تتكلم مع مين ؟؟؟
أخته الله ينتقم منها أتصلت على اإنسانه وقالتلها دقيت جوالك إنتظار مع مين قالت لها مع أخت زوجي
يعني الحرمه كلمتني وقفلت وكلمت أخت زوجها بعدي قامت أخت زوجي دقت على زوجي وقالتله زوجتك ماكانت تكلم فلانه أخذني زوجي من شعري وانا والده قيصري لي 12 يوم وضربني ضرب مبرح بكل قوته ورفع علي السكين ضرب شوهني والله يابنات احس نفسي أكرهه أكرهه أكرهه من كل قلبي أكره زوجي ما أبيه ما أحبة وأكره أخته لأنها لو كانت إنسانه تحبلي الخير وهي عارفه عن مشكلتنا من قبلها بيومين ماتقوله كده تقدر تقوله إيه بتكلم فلانه ولو كانت شاكه فيا تسألني على إنفراد والله أكرهها وأكرهه يابنات أحس أبي أطلق منه ما أبيه أحس إنه متوحش لأنه الآلام إللي في جسمي ماراحت وانا الآن لي أسبوع تقريبا عند اهلي وطالبه الطلاق وهو بيحاول يصالحني ويكفر عن ذنوبه وجمع رجال العائله كلهم لكن انا أكرهه لأني ماشفت معاه يوم حلو إلا نادراً يابنات تعبني والله تعبني ونفسيتي تعبانه ياليت ترشدوني هل طلبي للطلاق صحيح ولا لأ ؟؟؟ مع العلم إتي أكـــــــــــــــرهه من كل قلبي

وهــــــــــــو ولد عمي أخـــــــــو أبوي تخيلو حجم الحقد إللي في قلبه على أهلي وأبوي إللي هو عمّه ؟؟؟






بعدهــــــــــــا بشهر تقريباً



صار زوجي يدق على بابا في العمل يترجاه إنه يكلمني بابا قاله لا البنت ماترضى وتبي الطلاق قاله ياعمي بس فرصة أخيره وزي كده الوالد جاني وحكاني كل شيء قلتله ما راح أكلمه ولا أبغاه المهم صار يتصل الين وقت صلاة العشاء الوالد قاله انا نازل اصلي وفي اثناء هذي المكالمه الوالد فتحله موضوع إنه يتكلم في شرفي وكده طلع بنفس القناعات ما أختلفت يقوله أيوا بنتك وسخه و و و ... إلخ وصار يغلط بالكلام وإتهمني إنه انا سويتله مشكله مابينه وبين أمه وأخته وأخوه الكبير إللي من أبوه وأخوه الثاني الصغير قفل الخط أبوي ونزل للصلاه وطلع قلتله دق على أمه وأسألها عن المشكله إللي انا سويتها مع أمه ولا لو مادقيت ييني مرض وأموت كنت مقهوره المهم بعدها دق ألوالد الله يحفظه على أمه وسألها قالتله البنت ماعملت شيء غلط ولا عمرها سوت مشاكل ولا شيء الوالد قالها لاعاد يتصل علي قوليله أنا تعبت مره منه والقرار يرجع لبنتي قام الوالد قالها انا لو دخلت أخوانها كان قتلوه بالضرب بس انا ما ابا أدخلهم دام أنا عايش على وجه الأرض قامت أمه قالت من بعيد وولدها كان جالس وهي تقول للوالد لا كيف اخوانها يضربوه قام سمعها وصارت تحرش بهذا الأسلوب صار هو من بعيد يتكلم ويشتم وهي زيه تقول لا مايصحش ومن هذا الكلام المهم بعدها قلتله اعطيني هي اكلمها قلت لها انا ما أبغى إبنك خلاص أكرهه قالت طلي والأولاد قلتله فيه أم صاحبه تربيهم زي ماهو قال قبل كده أم صاحبي هي تربيهم المهم قلت لها مايشتم ورجل أهلي على راسه قامت تقولي لا إحترمي نفسك إزاي رجول اهلك على راسه سلامته قام سمع الكلمه وأخذ السماعه قفلت في وجهه الخط اول ماسمعته قال ألو إتصل بعدها على بابا قاله أبوي من جوال أمه رد أبوي المسكين وقال الو المره الاولى قفل الخط في وجه أبوي وأتصل مره ثانيه في نفس الوقت قام أبوي قال ألو قام سبه سبه وسخخخخخخخخخه مره كلنا نسمعها في الشوارع ......... أمك ........ إنتو عارفينها أكيد وابوي امه متوفيه وهو عم الحقير هذا يعني أخو أبوه الله يرحمه أنا خلاص أعصابي تعبانه ومنهارة ونفسي ابكي على أبوي وعلى موقفه بابا عنده القلب مسكين ومسوي عمليه القلب المفتوح وشكله حزين ومنحرج وشاحب وربي ابي أبكي نفسي انفجرررررررررر من القهر والألم






وبعدها بكم يووووووووم صار يتصل علي وانا مقفله جوالي بس البركه في خدمه موجود

ومطنشته مررررررررررررررررره

المهم أخوي الصغير الله يهدية مسك جوالي ودق على رقمه من رقمي الجديد إللي هو مايعرفه مرررررررره ولما شفت رقمة أتفاجأت وقفلت الجوال صار يتصل ورى بعض إتصالات جنونية صرت أرد وما أحكي يقوم ينادي بإسمي إنه يحبني ووووو ... إلخ

ما أدري كيف أتجرأ وصار يتكلم مع إنه مافي ولا إثبات إنه هذا رقمي وإنه أنا المتصله يعني فرضاً كان شخص غلطان بالفعل ؟؟؟؟؟؟؟؟

المهم ناس قالولي إنفصلي ونااااااااس قالو لأ أدعيلة وأعطية فرصة أخيره وأهلي تاركين لي الخيار

إيششششششش رأيكم ؟؟؟؟؟؟؟؟

أريـــــــج ... ,,, !!!

__________________

لاحول ولاقوة الا بالله العلي العظيم..

مشكلة ..رجل شكاك.. يضربك.. يهينك..كيف تكون العيشة معه؟ بالتأكيد جحيم

حاليا ابقي في بيت اهلك ولاتطلبي الطلاق..عسى الله ان يهديه ويصلح حاله..

الطلاق صعب ومايفعله بك اصعب..الله يصلحه بس

أختك

حائزة

__________________

جزاكِ الله خير غاليتي على رأيك وماشاء الله عليكِ أرتحت لِكِ الله يحفظك

__________________

,
,

أظن فيه حاله نفسية ..!!

كفاكِ الله شره ..

بس مو معقولة إنسان يسوي كل هذا بدون أي دليل ..؟؟

يعني وضحي له الأمور , ليش يشك فيكِ ؟؟ هل أنتِ عملتِ شيء ولا بس كذا هو في حاله نفسية ؟؟


أسأل الله له الهداية ..

,
,

أول شيء أشكرك على المرور أخي الكريم ثانياً زوجي مدمن يعني يتعاطى وياخذ حبوب الكبتاجون وهي مثيرة للشك

وإنت تتوقع لو كنت مسويه شيء أو شاف علي شيء أجي أحكي ؟؟؟؟
أخي أنا إنسانه أخاف الله في زوجي الذي لايخاف الله في لكن هذا نصيبي وقدري
وأشكرك على مرورك ورأيك

أريـــج

__________________

حسبي الله ونعم الوكيل

اختي ادعي له بالهدايه خاصة في الليل والله العظيم بتشوفين اثر الدعوه فيه

ثانيا هو الى الحين يتعاطى المخدرات لا حول ولا قوة الا بالله لازم يتعالج واذا رجعتيله يمكن يسوي فيك شي وهو ما يحس انتبهي لا تعرضين حياتك للخطر معه

وهو شكله فيه حاله نفسيه لازم تقنعيه اذا تكرر يتصل عليك انه يتعالج وتبينين انه ما في شي العلاج قولي له يمكن انت ما تحس بنفسك


الله يعينك بس لا ترجعين له الحين لاني حسيت من كلامك انه خطير...

لا تنسين الدعاء الدعاء

الله يعينك إنتي في موقف
لايحسد عليه

بصراحة أخاف أقولك أطلبي الطلاق وتنهدم حياتك

وأخاف أقولك إستمري وأغفري له زلاته وتتعبي معاه وتندمي

أخلي حل الموضوع للأعضاء الثقة أكيد راح يعطوكي الحل

وقبل كل شي إستخيري الله

وطمنينا عنك

أختك في الله
.......

أشكرك على المرور والله يختار إللي فيه الخير بس لاتنسيني من صالح دعائك ... ,,, !!!

أريـــــــج

__________________

الله يسعدك وجزاكِ الله خير على مساعدتك ووقفتك معي أختي الكريمه
والله يحقق لك كل امانيك وأشكرك على رأيك

أريـــــــج

__________________

أشكرك غاليتي على هذا الرأي وجزاكِ الله كل خير على مرورك الكريم ... ,,, !!!

أريـــــــج

__________________