مساكم الله بالخير والسرور

رغم اشتياقي للراحه في وسط الاسبوع ..الراحه من الشغل ومن المدراس ..
الا انه اذ ا جاءت العطله الاسبوعيه "الويك اند " اتمنى ان مافي عطله ...

مادري في احد مثلي يكررررررره عطله الاسبوع الخميس والجمعه ..

وحتى الاربعاء الي هو كان افضل الايام عندي ايام الدراسه ..ليتها تعود ...

وبما ان الظاهره هذه غريبه وغير طبيعيه ..
قلت خلنا نناقشها هنا ..


في اعتقادي ان الاسره السليمه هي الي تجتمع في عطله الاسبوع ..الاب والام والاطفال ...
يقومون بنشاطات او هوايات يتشاركون في حكايات او قصص صارت خلال الاسبوع ..
يعني اي شئ ..
بالمختصر يعيشون جو من الحميميه والدفء الي يكونوا محرومين منها طيله الاسبوع بسبب الروتين اليومي الي يفرض السرعه في كل شئ ..
ويفقد متعه اليوم ..

لكن مع الاسف الي يصير في اغلب الاحيان ..ان الازواج ..(نساء ورجال )
من يو م يطلع من الدوام الي هو مرتب وين السهره اصلا ..طبعا مع الاصدقاء او الصديقات
والزوجات ...طايرين عند اهاليهم ..طول الويك ند ..وترجع يوم الجمعه العصر ..للبيت ..


طيب وين الحميميه وين الجو العائلي "الصغير"

مافي مانع من الاصدقاء ولا من الاهل لكن مب كل ويك اند يضيع بينهم ..
ليييييييييييه من خصص لهم وقت في وسط الاسبوع ونخلي نهايه الاسبوع للسهر في البيت ..

ايش رايكم ..ولا انا الي غلط ..

فعلا كلامك اختي صحيح


واعتقد من الضروري اهتمام الزوجين ببعضهم البعض والحرص على قضاء اوقات كبيره مع بعض


لان البعد يسبب الجفاء

__________________

اهلا بك اختي فعلا البعد يسبب الجفاء ..والتعود على البعد نفسه مصيبه ..


بارك الله فيك سررت بمداخلتك


تحياتي لك

وربي كلامك صحيح أنا بعد صرت أكره العطلة الصيفية لان نفس الروتين والملل والزوج اللي مهملك ختى جمعات الأهل صرت ماأحبها مجرد ماتجي العطلة أروح أزور أمي وارجع للبيت صرت بيتوتيه مع عيالي وأبوهم مشغول على الفاضي والمليان

__________________
[IMG]http://[/IMG] ((كل نفس ذائقة الموت))
ا((للهم أرحم أخي أبو عبد الإله رحمة واسعة اللهم تجاوز عنه )) طلب لمن قرأتوقعي أن يدعوا لأخي بالرحمه

(( الم * أحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لَا يُفْتَنُونَ * ))اللهم فرج كرب أخوي وفك أسرهم...وثبتهم على الحق الذي يرضيك...

و الله كلامك صح لانه مهما كان هذا الوقت الوحيد اللي كل فرد في البيت يكون ما عنده شيء

اما وسط الاسبوع كل مين لاهي

فممكن التقاء الاصدقاء في وسط الاسبوع و زياره الاهل ( مجرد زياره مو شرط مبيت ) في نهاية الاسبوع


تحياتي

__________________
يا رب افرجها من عندك ،،، يا رب ريح بالي و بال زوجي
سبحانك اللهم و بحمدك اشهد ان لا اله الا انت أستغفرك و أتوب إليك
حسبي الله الذي لا اله الا هو عليه توكلت و هو رب العرش العظيم

اشكر لك مداخلتك ومرورك ..لكن مع الاسف الاصدقاء مايحلى لهم القاء الا في اخر الاسبوع عشان تطول السهره ..وتحلى القعده ..


تحياتي لك

احنا في الغربة لا أهل ولا أصدقاء كثر

بس الدوامات ماخذه الوقت بالكامل

وما نصدق ونهاية الاسبوع يجي عشان نطلع انا وعيالي وزوجي

بس مع ذلك لازم في كل طلعة نذكر كيف لو كنا مجتمعين مع اهلينا

الغربة عذاب <<< قلبتها نكد


بعدين مو شرط ان الزوجة كل نهاية اسبوع لازم تبات عند اهلها ؟؟

بالصراحه ودي أجلس مع زوجي بس ما أصدق خبر يجي الأربعاء

عشان أطلع لأني أطفش من الجلسه بالبيت

وازعاج أولادي الله يحفظهم

وبيني وبينكم الجلسه مع أمي تسوى الدنيا وما فيها

مع إحترامي للجلسه مع الزوج الله يسترعلينا و عليه

__________________

اكيد الجلسه مع الام تسوى الدنيا ومافيها وانتي صادقه ....
والله صدقتي ...
الجلسه مع الزوج بعض الاحيان تغث ..واظني انا مكبره الموضوع

سررررت بمرورك

اختى الهدى ..
ماحد راضي بوضعه ..وهذا حال الانسان طماع بطبعه ..
بس انا اقولك ياليتني ..في غربه ..مدتها عشر سنين ..وماعدي غير زوجي وعيالي ..: طبعا d
طبعا امزح جنه بلا ناس ماتنداس ..على قولتهم ..
حاولي اختي تستغلي هذا الوقت في تقويه الحب والتواصل بينك وبين زوجك ..
استغلى الفرصه انه ماعده احد غيرك ..وحاوطيه في بالحب ..والحنان وعوضيه ..عن بعد اهله واصدقاءه عشان هو بالمقابل يعوضك ايضا ..

والله يهونها عليكم ..يارب ويرجعكم سالمين غانمين ..


تحياتي لك ..