السلام عليكم ورحمة الله
هذه اول مشاركه لي واول مره افتح هذا الموقع واتمنى ان اجد الصدر الرحب
اتوقع منكم انكم عرفتوا مشكلتي من اليوزر نيم واعذروني باتكلم عن المشكله بشكل مفصل وانا والله واثقه باذن الله ان اجد حل لمشكلتي عندكم هذي اول مره اكتب مشكاتي في منتدى لاني ماقدرت اكتم بصدري العذاب الي احس فيه لاني ماقدر اشكي همي لاحد سوى خالقي لانه هوه وحده القادر ان يزيل همي ويفرج كربي
الموضوع وما فيه انا متزوجه من سبع سنوات انسان خلوق محافظ على قدر كبير من الاخلاق يحبني واثقه بحبه لي لان معاملته لي تثبت هذا الحب فهو يحترمني ويحترم اهلي ويقدرهم وكريم الى ابعد درجه طبعا لا تخلو حياتنا من المنغصات والمشاكل وهذا شئ طبيعي في اي اسره
اكيد بتقولون وين المشكله مع هذا الانسان الملاك الي الكل يحسدني عليه المشكله اني انا والناس من حولي واهله وكل الي يعرفونه واثقين فيه ثقه عمياء لان كل افعاله تدل على صلاحه فهو يصوم بكثره ويتصدق وطيب الى ابعد حد تخيلوا بعد هذا كله والثقه الي مالها حد اكتشف انه يخوني مع وحده طبعا الي كشفه الله سبحانه كان منزل برنامج في جواله تسجيل مكالمات ونسى وحده من مكالماته معها في الجوال طبعا هو انسان فاهم جدا في الكمبيوتر وفي الجوال والله معطيه الفهلوه بس للاسف استخدمها في الغلط ولما ارادالله ان يفضحه فتحت المكالمه وياليتني ما فتحتها
اسودت الدنيا بوجهي صدمه كنت اتوقعها من كل الناس الاهو............. واجهته واعترف انه تعرف عليها عن طريق الماسنجر وتركها من زمان بس رجع يكلمها قبل اسبوع بس وللاسف الشديد كانت المكالمه في شهر رمضان يصوم النهار ويصلي التراويح ويرفه عن نفسه بالحرام
بعدها ككككككككككككرهته كره العمى احرق قلبي حرق. كل ما تذكرت الموضوع اقسم بالله اتعذب عذاب مااحد يحس فيه الا الي جرب سكين الخيانه
طبعا اعتذر لي وحلف ايمان بالغه وعاهدني بالله ما عد يرجع وان يترك الماسنجر للابد وعاهدني في الحرم انه مايرجع يكلمها وايضا كلمها قدامي وانهى علاقته معها وبكى قدامي وللاسف صدقته وهولحظتها كان صادق وفعلا ترك الماسنجر الى الان
طبعا الكلام هذا في رمضان قبل الماضي ويعني مرت علي سنه واكثر وما اخفيكم اني رجعت اثق فيه نوعا ما وتعامله معي كان قمه في الاخلاق رغم المشاكل الي صارت من شك وتحقيق وعذاب كنت اعيشه من خوفي انه يرجع والحمدلله مرت الفتره بسلام
بس للاسف يافرحه ماتمت كنت قبل اسابيع يجيني شعور غريب كنت اتمنى افتح الشات ا تمنى اكلم بالتلفون واشبك مع اي احد بس الحمدلله تغلبت على هذا الشئ بفضل الله وحده فسالته ان يحييني عفيفه ويميتني عفيفه
وحسيت ان الشعور هذا وراه شئ حسيت ان زوجي ضعف ورجع وصرت افتش جوالله وسالته عن اشياء فيه وانكر وحلف بالله كذب رغم اني كنت متاكده وايقنت بعده انه رجع وظليت وراه واحلفه بالله واطلب منه يحلف على المصحف ورفض يحلف على المصحف لكن دعيت الله من قلب ان الله يفضحه لي وفعلا اعترف لي انه تعرف على وحده من دوله ثانيه وصار يكلمها
اااااااااااااه يا قلبي كم كان وقع الصدمه عليه عظيم ليتني مت ولا سمعت بالي صار ليتني كنت في حلم الله المستعان
قبل الي صار بليله كنت اقله سبحان الله رجع حبك زي ماكان انا مدري كيف نسيت الي صار ورجعت احبه
طبعا من امس واحنا في نكد وكدر وطلبته الطلاق لاني كرهته وللاسف انعاد موال السنه الي فاتت من جديد ووعود وكلام كله فاضي ما عاد يملى عيني والمشكله ان عندنا ثلاث اطفال صغار محتاجين امهم وابوهم بس والله لحظتها كرهتهم على كره ابوهم وبعد محاولات وشيل وحط ريضيت اجلس بشرط خليته يقول انتي طالق بالثلاث المحرمات ان رجعت للغزل باي طريقه كانت وما حبيت ادخل اي احد في الوضوع ما ابغى افضح سره عند اهله الي شايفين انه قدوه لاخوانه فرضيت بالحل هذا ضمان فقط انه مايرجع
اما انا فخلاص ما عاد له في قلبي ذره ثقه اوحب انهيته من قلبي اعيش معه فقط عشان اطفالي
سامحوني طولت عليكم بس والله من الهم الي بقلبي وابغى تلقون لي حل لان الي سويته مابرد قلبي .......... وارجوا ماحد منكم يلومني لاني والله اني اوفيته حقه وما قصرت معه في كل شئ وهوبنفسه يقولي انتي مامنك قصور بس الشيطان اغراني وتساهلت
ارجوكم الي عنده خبره يشور علي فانا والله اتعذب وابغا النصيحه لي وله لاني احتمال اخليه يطلع على الموضوع
والي ماعنده حل يدعيلي ان الله يفرج همي
واسال الله ان يجزيكم عني خير الجزاء ويرزق كل من يرد على موضوعي براحه تملا نفسه وعفوا يغفر ذنبه ويرزقه الفردوس بغير حساب ولا عقاب


تم تعديل العنوان ليتناسب مع المضمون ..

الله يفرج همك..وينور بصيرتك..ويوفقك لكل خير

انت الان حلفتيه..واخذت منه العهد ان تكوني طالق بالــ3 ان رجع لسوالفه..

ليه ماتضغطي على نفسك وتخلي الحياة تمشي بينكم..وترجع لمجراها الاول...واكثري من الدعاء له بالهداية

كيف بالله عليك بتعيشين معاه..من غير احساس به..وتكونوا مثل الاخوان..

كبري عقلك علشان لايرجع لسوايفه القديمة..وان شاء الله ترجعين تحبينه مثل الاول وزيادة..ولا تحسسينه باي نقص او تقصير علشان مايكون له عذر في الرجوع

__________________
اللهم اهديني وعافني واعفو عني واحفظ لي بنتي وولدي ووفقني في دراستي وحقق لي مااتمناه

الله يريح قلبك .. أعرف ان الموضوع صعب جدًا
زوجك بشر .. يخطئ ويصيب .. وكلنل ذوو خطأ
سامحيه .. حتى وان كنتي ما قصرتي معاه .. بس أكيد تحبيه .. واللي يحب يسامح اللي يحبه
ترى تشتيت الأولاد شي فظيع جدًا
طالما أخلاقه طيبة ويحبك ويحترمك اسمعيها مني نصيحة لا تخربي بيتك ومعليش على الكلمة اللي حقولها
(حتى لو جاب الثانية) مو لأن فيكِ عيب .. الله حلل له أربع بشرط العدل
عيشي حياتك وربي عيالك .. يمكن في شي مو لاقيه منك
يمكن انتِ سمرا وهو يبغى بيضاء أو العكس
مو شرط يكون تقصير منك
الله يهدّي سرك ويهدي زوجك لكل خير ويصرف عنكم كل شر

__________________

السلاااااااااااااااااااااااااااااام عليكم ورحمة الله وبركاته ...

مشكلتك كبيرة ومو سهله ...لكن تحتاج منك صبر وتعقل ..مو تهور وانصعاق وغضب ....

إنتي مو أول وحدة زوجها يسوي كذا ...

ولا زوجك معصوم عشان مايغلط ...

ولا لأنه يصوم ويتصدق وطيب هو ما يغلط أو يستطيع الشيطان يستحوذ عليه ويغويه .....!!

لكن ...تحتاجي تهدأي وتستغفري وتدعي ربنا يهديكي كيف تساعد زوجك مو تكوني ضده ...

زوجك أخطأ خطأ فادح وكونه إنسان خلوق وقدوة فخطأه أكبر من إنسان غير عاقل أو متدين لكن مو معناة الكلام إنك ما تساعديه لأنه في حالة ضعف ديني ...ولابد أت تبحثي معه كيف إستدرجه الشيطان ليقع في حبائله ومن أين دخل عليه ...
لست الأولى أو الاخيرة اللتي تقع في هذه المشكله لكن تستطيعي أن تخرجي منها بسلاااام وزيادة أواصر المحبه بينكما إذا توقفتي عن تحليف زوجك وإتهامه وجها لوجه ...

تقبليه ..وعامليه بحنان واحتويه رغم بشاعة خطأه حتى يأتي إليك ...ولا يعود للخطأ مرة أخرى ...
فهو كريم طباع وليس مادة لأنه رغم خطأه لم يتهمك واعترف بأنه مامنك قصور ....

إلتجأي إلى الله ....إدعيه أن يردلك زوجك ويتوب عليه ويعوضع فيك ...

حاولي أن تربطي خيانته بأنها خيانه لله وليس لك ليعرف بشاعة فعله ومن خان ...وأن الله يمهل ولا يهمل ...
ذكريه بأن أعجل العقوبات في الدنياذ هي الزنا ولو أنه لم يصل إليها فحتى الحديث بالكلام خيانة وقد يستوفي الله منه في أهله أو أخواته أو بناته ولن ينام حينها ....
ولا تقولي له من هذا الكلام في غضب وصراخ واتهام بل بهدوء وساعة صفاء تعرفين وقتها أنه بين يديكي ..
لا أجد أفضل من شريط وغارت الحور للشيخ عبد المحسن الأحمد...يزهده في متاع الدنيا ويرغبه في حور الجنه وكيف أنه يبيع الغالي بالرخيص والأبدي بالزائل ....

أكـــــــــــــــــــرر أطلبي العون من الله والتجأي إليه ..لا تأتي لزوجك من باب خيانتك بل من باب خياتة الله وكيف أن الله قادر عليه

__________________
قال صلى الله عليه وسلم: "ليس شيء أكرم على الله تعالى من الدعاء"
اللهم اني اطمع في مزيد رحمتك علي وعلى اخواتي في الله فرجا ورزقا يارحمان

اخواتي في الله تعبت من البعد-بنت الجوهرتين- زهور الدعاء اقل ما اقول في حقكن ونعم الاخوات ونعم الاخوات اسال الله الذي رفع السماء وبسط الارض ان يرفع قدركن في اعلى درجات الجنان
نصائحكم لي تدل على رزانه عقولكن وتبحثون عن كل ما يعيد حياثي لمجراها لكن الاحساس الي احس فيه فظيع جدا وقهر وحرقه خصوصا ان الي صار للمره الثانيه لاني ويشهدالله علي بذلت قصارى جهدي في كل شئ معه والله اني اجعل النصيب الاكبر من دعائي له بالهدايه والصلاح وسالت الله مرارا ان يصرف عنه بنات السوء وانا ادعيله من اول ما تزوجته لكن زاد دعائي بعد الي صار اكثر واكثر وهذا ليس قنوط من رحمه الله اوسؤ ظن بالله لكن اعوذبالله احسست باحباط شديد ان كل الي سويت ولا شئ حتى الان احس اني ماراح اقدر اقدم له اي مساعده اواي مشاعر لاني استنفذت كل شئ ولافاد فيه ما بقالي الا املي في الله وحده رغم محاولات الشيطان بتثبيطي يقولي مهما تسوين راح يرجع وما فيه اكثر من الي سويتي و لافاد
لكن اسال الله ان يعينني عل الشيطان.......... وحتى اكون صريحه وما اظلمه انه لما اعترفلي في المره الاخيره كان بامكانه يحلف واصدقه اومن غير ما يحلف بيطنشني حتى انسى الشكوك لكن قال انا قلتلك وماني ندمان ابدا اني اعترفت لاني ماني راضي عن نفسي وعارف ان الشي هذا غلط بس تساهلت في لحظه ضعف وابغاكي تساعديني قلتله اش تبغاني اسويلك اكثر من الي سويت قال سامحيني وخليك معي عشان ما اظيع وتشتت اسرتنا ورغم هذا كله ما قدرت اسامحه ولازلت اكرهه وما ادري كيف امشي حياتي من غير شكوك وغيره وهم ونكد
والي قاهرني اكثر انه انسان غيييييييييييور ال ابعد حد ما يغى احد يسمع صوتي ولا اكلم اي رجال مهما كان وحجابي حريص عليه اكثر مني وما احط اي اسم بالبلوتوث ولا ارد على اي رجال بالمنتديات ورغم هذا كله ما منعته انا من الاشياء هذي كلهالانه يرد على بنات المنتديات ويحط اسمه بالبلوتوث القاب عاطفيه ويسوي كل الي يبغاه لان هو رجال عادي وانا حرمه حرام..............
اشكر كن مره اخرى من كل قلبي ولا تنسوني من الدعاء حسبي الله ونعم الوكيل

إلتجأي إلى الله ....إدعيه أن يردلك زوجك ويتوب عليه ويعوضع فيك ...

حاولي أن تربطي خيانته بأنها خيانه لله وليس لك ليعرف بشاعة فعله ومن خان ...وأن الله يمهل ولا يهمل ...
ذكريه بأن أعجل العقوبات في الدنياذ هي الزنا ولو أنه لم يصل إليها فحتى الحديث بالكلام خيانة وقد يستوفي الله منه في أهله أو أخواته أو بناته ولن ينام حينها ....
ولا تقولي له من هذا الكلام في غضب وصراخ واتهام بل بهدوء وساعة صفاء تعرفين وقتها أنه بين يديكي ..
لا أجد أفضل من شريط وغارت الحور للشيخ عبد المحسن الأحمد...يزهده في متاع الدنيا ويرغبه في حور الجنه وكيف أنه يبيع الغالي بالرخيص والأبدي بالزائل ....

أكـــــــــــــــــــرر أطلبي العون من الله والتجأي إليه ..لا تأتي لزوجك من باب خيانتك بل من باب خياتة الله وكيف أن الله قادر عليه[/quote]
أتفق مع أختي زهور الدعاء ما شاء الله عليها كفت ووفت
أسأل الله العظيم رب العرش العظيم أن يرد لك زوجك وأن تكوني قرة عين له ويكن قرة عين لك وأن يخشي الله كأنه يراه وأن يصرف عنكم السوء
اللهم أمين

وعليكم السلام ورحمة الله وبركاته


الله يكون بعونك ..بكيت والله لما قريت موضوعك لأني حاسة بالنار إللي بداخلك ..

ومهما كتبتي محد بيعرف قد إيش معاناتك..

لكن نصيحه لوجه الله ..لا تساعدي الشيطان على زوجك..

الله يرضى عليك ..زوجك فيه خير ..ولكن بيبقى إنسان ..ومافيه إنسان ما يخطي ..

خذي بيد زوجك وقوليله تبغى نوقف سوى في وجه ابليس...

وماراح أخليك له ولبنات الحرام لو على موتي..

قومي صلي آخر الليل وادعي ربي ان يصلح حاله وابكي وتضرعي ..

ربي وحده هو العالم بما أنت فيه ..

اطلبيه تاخذون عمره وهناك ادعي وخليه يأمن إن الله يصرف قلبه عن الحرام..

هذا إللي اقد أفيدك به..

لكن أسأل الله باسمه الأعظم إن يهدي زوجك ويصبرك..

__________________

أختي "حبيته لكن خذلني"...

لما قرأت معاناتك كثير كثير تأثرت لها ...

وأنا رايي من راي الأخوات بس لي تعليق بسيط....


انتي اللي قاعدة اتمرين فيه مو سهل على أي امرأة ولا يستهان فيه أصلا هذا جرح كبير وخاصة انه تكرر مرتين الحين فأنا رأيي انك ما تسامحينه كذا بالساهل بدون ما يعرف انه اجرحج جرح كبير جرح لك كزوجة وكامرأة لازم اتراوينه انك متعذبة وانه أمر مو سهل اهو خانج واتخلينه يعتذر ويبكي من قلب وبعدييييييييييييييين بيني له انك بتسامحينه وبتغفري له خطأه يعني ما تطويليها كثير بس في النهاية سامحيه وحاولي تتجاوزي الأزمة وتساعديه على انه يتجاوزه اهو بعد ومثل ما قالت الأخوات سافري معاه بعمره تريح بالك وان شاء الله تهديه وتحاولي اتقولي له انه لما يرجع لازم ايغير من نفسه وانك مو كل مرة بتسامحيه بالساهل....

انا هذا رايي....

فدوكا

وجعتي قلبي يا اختي ...

أنا مع الأخوات ...

لا تساعدي الشيطان على زوجك ،،

زوجك فيه الكثيييييييييييرمن الصلاح ...

وما حد معصوم من الغلط بهالدنيا ...

لكن أبدا لا أبرر تصرفاته ...

الغلط غلط والحرام حرام .....

والله معاك ،،ويحفظ بيتك ...

اخواتي وحبيباتي Mfr&emy---gawlp---فدوكا
جزاكن الله الف خيرواسال الله العظيم الاتمر احداكن بمثل محنتي وزي ما قالت اختي Gawlp اني مهما كتبت محد بيحس بالنار الي تكوي قلبي واتمنى زي ما قلتو اوقف معاه بس ما قدرت ادعس على قلبي المجروح لاني والله المره الاولى وطيت على قلبي برجلي وقلت خلاص بعد عهوده هذي مستحيل يرجع لانه ندم وبكى وعاهدني امام بيت الله اطهر بقعه في الارض واعظم مكان بس الحين كيف وكيف وكيف اقدر وخوفي انه يضعف ويدمر اسرتنا لانه حالف بالطلاق انه مايرجع ...... المشكله الكبرى ان طريق الشر مفتوح قدامه الانترنت مفتوعنده في العمل ومكتب خاص وايضا في البيت والمساله يبغالها جهاد كبير والي متعود على شي مستحيل يتركه بسهو له...........
وفكرت اخذ عمره معاه لكن للسف نفس الشئ صار المره الي فاتت
^^^^^^^^^^^^^^^^^^^^
لا تسالوني....عن..حرٍوٍق..تصيب..الموٍهو ٍم..تكوٍيه..بنآرٍ.
.وٍلا..يقوٍى..على..الكتمآن..تج رٍع..هم..فوق..
الهم..وٍتزٍآحم..صدرٍه..آلمهموٍ م..وٍصآرٍ..لدمعته.
.مجرٍى..على..خده..آلحيرٍآن..تج يه..ليلة..
يزٍيح..آلهم..وٍيخفي..حزٍنه..آل مرٍسوٍم..وٍيزٍف
..ضحكة..موٍهوٍمه..تبين..للشقآ. .آلوٍآن..فجأه
..تظهرٍ..آلعبرٍه..وٍتخفي..فرٍح ة..آلموٍهوٍم.
.وٍترٍجع..حسرٍته..على..وٍجهه.. آلحزٍين.
.تبآن..مرٍه..يقنع..بحآله..وٍير ٍضى..بحظه.
.آلمقسوٍم..وٍمرٍه..ينفجرٍ..صبر ٍه..وٍيظهرٍ..حزٍنه.
.آلمكتوٍب..وٍبلقى..نفسي..صرٍت. .قصه..عجيبه..
قصه..عجزٍت..ألقى..لهآ..عنوٍآن