أهلين بكل الصبايا اللي للحين ما تزوجوا.. لا تتضايقون من تأخركم في الزواج لأن العزوبية لها مميزاتها أيضاً
كلكم ورود متفتحة مهما تأخرتوا في الزواج؛ معروف ان المرأة العازبة تحتفظ بنضارتها وشبابها لفترة أطول من المتزوجة وأم العيال
بقول لكم شي يمكن ماراح تصدقونه،،
واحدة دخلت الأربعين مؤخراً وللحين ما تزوجت، أذكر شكلها من كنت طفلة؛ كانت صديقة العايلة وكانت تزورنا باستمرار وبعدها انقطعت أخبارها أكثر من 20 سنة... المهم صار عندنا مناسبة من فترة قصيرة وشفتها وتفاجأت من شكلها!! نفس الوجه ما تغير وكأنها عشرينية الأمس، نفس الجسم الرشيق والخصر النحيل، شعرها ما خف ولا تغير شكله، ونفس الروح الرياضية والنفسية الحلوة. عارفين ليش؟ لأن البنت تظل بنت مهما مرت السنين. صحيح ما ردها للكبر والشيخوخة بس تكون أبطأ من المتزوجة اللي تتعرض لإنفعالات نفسية وعاطفية لأن الحياة الزوجية ما تخلو من المشاكل، هذا غير الولادة وتربية الأبناء اللي تهد الحيل وتشيب الشعر قبل أوانه!

ولا تنسون الأجسام كيف تتحول للأسوأ بسبب الحمل وتمدد الجلد والولادة خصوصاً القيصرية!
يعني اللي ابي اقوله يا بنات: عيشوا حياتكم ولاحقين على العذاب وخراب الشكل والشيخوخة المبكرة

هههههههههههههههههههههههه

ربي يسعدك ان شاءالله

خليتيني متفائله

والله إنك صـــــــــــادقة
بس ماراح يقتنعون إلا لمن يجربون
العذااااااب بنفسهم هم على بالهم
إن الزواااااااااااج رحلة سياحية و رومانسية
ومادروا إنه مسئولية و مشغولية

مغرورة بأمي: إن شالله على طول السعادة والتفاؤل يا غلاهم.

جداوية وأفتخر: ههههههه صادقة هم على بالهم الزواج سفر ورومانسية وبس!.. أغلب البنات كذا، يبون يتزوجون عشان يتكشخون للزوج في فترة الملكة ويتدلعون عليه ثم يلبسون الفستان الأبيض ويصورون فيه ويعيشون حلم ليلة العمر والزفة وبعدها شهر العسل.. بس أول ما تخلص الفترة الوردية هذي تبدا الأقنعة تطيح ويعرفون ان الزواج مو مجرد وناسه!...اذا جربوا تحمل مسئولية البيت والعيال.

تتكلمن كأننا مراهقات ونحلم بالفستان الأبيض وبس

نعرف الحياة كيف وأنها مسؤولية لأننا نشوف اللي حوالينا

بس أريد زوج يشاركني حياتي

وبصراحة حياتي الحين ما فيها شي ممتع ,, مناسبات ممنوع ,, طلعات قليل ,, حفلات ممنوع

بس لما أتزوج أكيد بيصير مسموح


أشكرك أختي

عزيزتي الفتاة، انا أقصد الفئة اللي عايشة حياتها بتعاسة وتشاؤم فقط لأن النصيب للحين ما جاها.. اللي الزواج بالنسبة لها هاجس يطاردها في كل مكان وكل الأوقات حتى حرمها من الاستمتاع بشبابها وحياتها.
وبغيت أوصل رسالة لهالفئة أن الزواج مو كل شي في الدنيا وعدم الارتباط المفروض ما يعني نهاية العالم بالنسبة للفتاة لأن الحياة قصيرة والواحد منا المفروض يعيش حياته في سعادة وحتى لو ما توفرت له سبل الراحة والسعادة لازم يخلقها هو بيده.
أهم شي التفاؤل عشان نقدر نعيش ونحافظ على صحتنا وجمالنا للأبد

وبعدين لا تفكرين يا الغالية ان الزواج ممكن يكون هروب من تحكم الأسرة فيك.. جايز ترتبطين -لا سمح الله- برجل معقد ويتحكم فيك أكثر من أهلك! ، وصدقيني أعرف بعض البنات اللي تزوجوا وندموا لأنهم ارتبطوا برجال شكاكين أو فيهم خوف شديد على المرأة أو رغبة قوية في التحكم وإخضاع المرأة له.
واحدة منهم كانت دلوعة أهلها لدرجة انها تسافر لحالها للخارج للسياحة وقت ما حبت وكانت تسافر أكثر من مرة في السنة من أوروبا إلى أمريكا والخليج.. كانت مونسه عمرها فوق ما تتصورين.
المهم، تقدم لها واحد مثل عليها دور الشاعري والرومانسي في بداية الخطوبة وكل ما زارها جاب معاه بوكيه ورد والا رسايل حب. وبعد الزواج طلع الوجه الآخر؛ ممنوع تطلعين بدون إذني ولا تروحين السوق لحالك وسفر لحالك ممنوووووع وانسي سفراتك وحريتك قبل واذا طلعت معاه ما يوديها كافيه ولا مكان عام لأنه يكره هالأماكن! لاحظي كيف التحكم!!
ويكره المولات وزحمة الناس ويخاف أحد يشوفها كاشفة ومعذبها في عيشتها بنفسيته الكريهة وعدم احترامه لها لدرجة انه يتحكم في شغلها وكافة أمور حياتها، فاضطرت المسكينة انها تطلع تتمشى من وراه بالخش بعد ما كانت حرة وعايشة حياتها.
عشان كذا اقول لكم يا بنات لا تفكرون ان الزواج حل لجميع مشاكلكم.. الزواج قسمة ونصيب، ويا يصيب أو يخيب!

سبحان الله ههههههههه تتطلع تتمشى وراه بالخش بعد ماكانت حره وعايشه
انتي برايك اختي فيه شاب محافظ بايامنا هذي يقبل يتزوج وحده تسافر لحالها
من دوله لدوله كانه رجال ..معقوله وصلت بنا السطحيه لهذه الدرجه

معك حق حبيبتي

و الله عندي نفس الرأي

خلينا نتبهدل بس نفرح بأزواجنا و عيالنا

و كمان المسؤولية احنا فيها الآن

و مسؤولية الزواج أرحم

على الأقل من حين لآخر نسمع كلام رومانسي ينسينا التعب

__________________

	يا مرحبا .. نورت المنتدى بوجودك .. حياك الله

اولا انا شاب
وثانيا لو بعرف انه الزواج كده ما قربت عليه
وثالثا وانا بحسد كل الناس العزاب على عيشتهم وميزاتهم اللي لا تعد ولا تحصى
واشكروا ربكم على النعمه اللي انتوا فيها
والسلام ختام

كلامك صحيح

__________________
سبحان الله وبحمده سبحان الله العظيم