السلام عليكم

لي مايقارب سنتين متزوج

لكن زوجتي مهمله وغير مهتمه

نموذج

قبل فتره ضيعت كرت تطعيمات البنت

واقول لها دوريها تقول عادي يعطونا وحده غيرهااا



وش الحل وماذكر نموذج فقط والا اكثر من مره نطلع وتنسى الرضاعه باستمرار

__________________

ممكن انك تنبها بطريقه واسلوب حلو لن كانت غير مباليه ترى بعض الزوجات يتصرفون تصرفات ويحسبونها عاديه الفت نظرها

وجهها اذا ماعجبك تصرف باسلوب مقنع والله يسخرها ويهديها لك ان شاء الله

لو مره مرتين ماعندي مشكله

لكن مرات كثيره ودائما ماانبها ولكن دون فائده

__________________

انت عاقبها عقاب ماتنساه ابد

كثير من الحريم كذا خاصة اذا كانو متعودين قبل الزواج على الشغالة
انا مرة كنت جالسة مجلس وكانو الحريم يتكلمون عن اهمالهم وعدم المبالاة وقالت وحده انها كانت تنسى دايم جوالها في السيارة واحيانا بوك واحيانا تنسى ماتاخذمعها مفتاح تقول مرة نسيت جوالي وقام رجلي اعطاة هندي يصب القهوه في العمل وقاله هذا لك اليوم كلم به بس لاتكلم بره واي احد يدق رد عليه
وطبعا وبما انها هي اللي تسدد الجوال وبعدها مانست شئ ابد

انا اول ماتزوجت كنت زي زوجتك لكن تأدبت مرة نسيت شئ لولدي وعاقبني انه رجعني للبيت بعد ماوصلنا للمكان اللي رايحينا
تخيل حالتي وانا مستعدة ولابسه وشافية على الطلعة

وفي نفس الوقت استحي اقول للناس اللي رايحة لهم رجلي عاقبني لاني نسيت اغراض ولدي لانهم راح يقولون انت المهمله وراح اصير غلطانه
بعدها تببببببببببببببببببببت

ام ربيعة

الله يهديها كلم امها خلها تعلمها انها اللحين كبرت وصارت مسئولة عن زو وطفل وبيت لازم تركز
والله يعينك ويسخركم لبعض

شوف اخوي لكل فعل ردة فعل ...

اذا بتظل تطبطب عليها وعلى اهمالها و تسامح راح تظل على طووول مهمله .. وراح يزيد اهمالها مع الوقت ..

لكن من البدايه خليك شوي حازم معها .. يعني كرت الطفل الضايع يا انها تدور عليه او ما في تطعيم واذا صار شي للطفل

انت يا امه المسؤوله ..

اذا طلعتوا ما جابت رضاعة الطفل لا ترجع فيها البيت خل الطفل يبكي شوي عشان يوجعها قلبها ومره ثانيه ما تنسى

زوجتك مهمله و تحتاج شوي للعين الحمرا ..

انتي تعاقبين الطفل اختي العزيزه ماتعاقبين الام التطعيمات مهمه لطفل عدم تطعيمه يترتب عليها امراض خطيره ..

انا اشوف انك تصارحها بعيوبها وعدم مبالتها ابسلوب التوبيخ وتكون شديد معها وحازم وربي يهديها لك ولبنتك

لا يا عطر الليل انا ما اعاقب الطفل .. فتأخير التطعيم يومين او ثلاثه مو مشكله .. عشان الام تحس بتأنيب الضمير .. وان الطفل يبكي له 10 دقايق من الجوع كمان مو مشكله علشان الام تحس بالاحراج وتأنيب الضمير وتكون حريصه على تأدية واجباتها
على اتم وجه ..

يمكن تعرفه لاخي رادع عضو معنا بالمنتدى الله يرضى عليه
عنده جملة مشهورة وهون محلها
دايما يقول الخيل من خيالها
طبعاحقوق النشر محفوظة لأخي رادع جزاه الله خير

أم وليد

__________________


اللهم بارك لي في أولادي ولاتضرهم بإحد من خلقك او بشي ووفقهم لطاعتك وارزقني برهم,اللهم يامعلم موسى وآدم علمهم , ويا مفهم سليمان فهمهم , ويا مؤتي لقمان الحكمة وفصل الخطاب آتهم الحكمة وفصل الخطاب,اللهم علمهم ماجهلوا وذكرهم مانسوا وافتح عليهم من بركات السماء والأرض إنك سميع مجيب الدعوات, اللهم أني أسألك لهم قوة الحفظ وصفاء الذهن وسلامة القلب وسرعة الفهم ,اللهم اجعلهم هداة مهتدين غير ضآلين ولا مضلين

والله ياختي حاولت معها اكثر من مره لدرجة ان صار اكثر من مشكله
علشان الاهمال

لكن خوفي من المجتمع لايقولون سوى مشكله علشان جاجه تافهه

__________________