السلام عليكم ورحمة الله وبركاته

بصراحه مدري من وين ابدا بس انا مره متضايقه وماعندي احد ينصحني ويعلمني وينورني ويقولي وش اسوي

مشكلتي مع زوجيييييييي

انا بكون مره صريحه وما راح اجمل نفسي بقول كل شي واتمنى اني القى ناصح حقيقي لي في ها المنتدى

انا الان لي 6 سنوات متزوجه وعندي طفلين

عيوبي

من السهل استفزازي
من كثر الضغط صرت عصبيه
ما احب اتكل على احد يعني شغلي احب انا اسويه يعني لو يقولون خذي ها الخدامه تساعدك اقوول لاء لاني ما راح ارتاح نفسيا وحتى ما احب الخدم في بيتي يمكن بعضكم يقول هذي ميزه بس بتعرفون بعدين ليه سميته عيب

انفعل بسرعه ما احب الباردين
زوجي دايم يقول اذا تناقشنا اسمعيني ولا تقاطعيني بس ارجع واقاطع بس الحين صرت امسك نفسي طيعا مو مره

اغار على زوجي واي كلمه ما تعجبني احللها الف تحليل يعني هو قال لي مره كذا اجل اكيد قصده كذا

مميزاتي

حنونه
احاول قد ما اقدر اريح زوجي
اتضايق لما يتعب واحزن عليه واخدمه يعيوني
اراعي ضروفه قد ما اقدر
وذكييييه وهو بنفسه دايم يقول انتي مره ذكيه بس للاسف ما قدرت احل مشاكلي ذكائي خانني ها المره


نجي الحين حق عيوب زوجي

كثير الزعل
دايم مشغول
مزاجي
ما يطرطع ابسرعه لانه يسكت ويزعل بس اذا تكلم يتلفظ علي ويقول كلام ما ينقال وهذا بتعرفونه لما اقول القصه

مقصر با الكلام الحلو احسه يحب الكتابه اكثر من الكلام في ها الموضوع


مميزاته

حنون
يحب اطفاله
يحاول يرضيني قد ما يقدر
يحبني بس مدري هل لا زال او وقف
حريص على دينه ومحافظ على الصلاة








نجي للقصه


انا من تزوجت وانا تصير بيني وبين زوجي مشاكل مثل اي زوجين بس الي يقهر انها احيانا تكون تافهه بس يكبرها زوجي

وفيه اشياء لما اتذكرها لحد الان اجلس ابكي خصوصا الي صار اول الزواج لاني انصدمت تخيلو وحده لها اسبوع متزوجه وتزعل هي وزوجها

المهم توالت المشاكل بينا بس ما راح اقولها لانها اشياء قدييمه وراحت وانا علي من الجديد


السنوات الاخيره من زواجي في حال كنت زايره اهلي لانهم في مدينه وانا في مدينه ثانيه اذا كنت جايه ومابيني وبين زوجي شي اقد اسبوع او اسبوعين عند اهلي وبعدها يجي ياخذني او نرجع في الطياره لاكن اذا كانت بيننا مشكله ما انحلت يخليني عن اهلي با الشهر او الشهرين ما عنده مشكله وانا نفسي عزيزه صعبه اقول له احجز لنا او تعال خذنا والانفس مب صافيه واذا كان ما فيه شي بيننا لو اجلس اسبوع دق علي قال متى تجون اشتقت لكم مب فاهم ان بيتي هو مكان استقراري انا وعيالي وانه سواء بيننا مشكله او لاء لازم ارجع للبيت لان مكاني هناك مو في بيت ابوي مع ان ابوي الله مغنيه واذا رحت عنده عشت ملكه انا وعيالي بي ولو ابي الاستقرار احس اني اى الان مو مستقره احس ان جلستي في بيت ابوي اكثر من جلستي في بيتي

يعني تبين تبسطيني وما تزعليني ولا تصير مشاكل اجلسي عندي واذا العكس مايبيني يبي يريح باله انا هذا الي وصلني من تصرفاته معي

مع ذالك ارجع واقول انه ما يقصر معي ويحاول يرضيني قد ما اقدر ويتاثر با الكلام الحلو والحنيه يعني لو هو زعلان وارسل له رساله حب وكلام حلو على طول يدق علي وبرضو الغريب انو لما نكون مع بعض وما اعطيه وجه واسوي نفسي مشغوله اححس انه يلحقني وينفذ طلباتي بس لما يجي من الدوام واعطيه انا الاخبار والكلام والا اقوله ليش ساكت او انا اكلمك وانت امطنشني اتلعب اعيالك يعصب غريب والله

نجي للزبده

انا قبل 6 شهور طلعت من النفاس وبعدها بسبوع سفرني وحنا با لطريق اختلفنا على موضوع تافه وطنقر الرجال وانا ما اشوف ان له حق يزعل لان الموضوع ما يهمه
رجعنا وبعدها بفتره صار لما يتكلم او يقول شي يرفع الضغط ما يبيني ازعل يبيني اضحك وانا ما اقدر ما احب المصخره وقلنلكم بسرعه الواحد يستفزني
قبل شهر واسبوعاختلفت انا وياه علشان اولدي ويقولي لا تضربينه ولا تهاوشينه والولد قل ادبه تهاوشنا وقال لي يا حيوانه وتلفظ علي وعلى اهلي ابكلام والله ما ينقال انا ما رديت عليه نفس كلامه بس قلتل له والله انك قليل ادب بعد ها الكلام قال والله ربي رحمك اب ها الولد ولا كان وريتك الشغل قلت قم وريني خلني اشوف وش بتسوي قال والله لا اقهرك واربيك
جلست يومين بعدين رحت انا تنازلت وكلمته جلسنا بعدها 3 ايام وكان ما بيناا شي شاف الملابس توني امطلعتهم من الغساله قال وضعك مزي يبيلك وحده اتساعدك جيبي خدامه يقصد الي با الساعات والا شوفي لك حل هو يدري اني ما احب الخدم حى هو يخاف منهم علشان اعيالنا بس الوضع مع طفلين ورا بعض وبيت صعب والي عندي واحد حرك ما شاء الله تبارك الله والثاني صياح ليل ونهار يعني اقلها قدر وضعي

قمت انا قلت خلاص جب خدامه قال وش تبين الجنسيه جلست ان افكر ابزعمي وقلت اممممممممممممم ابي قال تبين انيوزلنديه انا طارت اعيوني الظاهر تاثر با الايميل المنتشر وها الرسائل عن خادمات من اوروبا يعني هل هو غبى هل هو يبي يشوف انا اغار عليه والا لاء خصوصا انه عاقل مب راعي خرابيط بس الظاهر انا غلطانه لانو صار كم موقف وعرف اني اغار المهم
يوم قال ها الكلام انا طارت عيوني وتجيه ذيك الخزه قلت ليش ان شاء الله انت تبيها لك قال ليه يستغبي قلت اذا تبيها لك هذا شي ثاني واذا للحمامات وتنظيف الارضيات انا اعرف اختار فعلا ان لم تستحي فصنع ما شئت قمت انا تركته ورحت قال انتي يبيلك دكتور نفسي لازم تروحين قلت هذا وانا ما بديت وما قلت شي وهو الي جاب سيرة الحريم فيه رجال عاقل يقول الحرمته ها الكلام قال والله انتي يا فلانه منتب طبيعيه قلت خليت العقل لك وتركته قام اولدي جاب عباتي وانا معصبه جيت باخذها منه وارفعها الا تدخل ابو الشباب وقال خليها قلت بعد قال اقول خليهل لا اقطعها قلت قطعها قام سحبها مني وقال خذ يا بابا تراددنا ورجع قال لي يا حيوانه ها المره ما سكت قلت لانك حيوان مثلي علشان كذا اختني يعني وصلنا المرحله سيئه جدا جلسنا 10 ايام ما نتكلم بعدها انا من زود غبائي برضو رحت وتنازلت وكلمته قبل ما اجي هنا بيوميمن كنا نتكلم بس الانفس مهب صافيه لما وصلت عند اهلي كلمته وما رد رجع كلمني من بكرا انا كنت نايمه وكنت عارفه انه بيرح للبر فا ارسلت له مسج وقلت له انا عارفه انك نايم ما حبيت ازعجك فا ارسلت مسج جلس 5 ايام ما كلم دقيت انا عليه ما رد بعدها بي 3 ايام اتصل وقال رجعت امس في الليل بس الكلام بيننا مره رسمي ماكنه زوجي الاولي وانا احس ابرود اتجاهه يمكن من مثر المشاكل لاني من النوع الي ما ينسى والحين لي 25 يوم عن اهلي وقبل اسبوع ارسلت له مسج على ايميله وقلت له على الاشياء الي مضايقتني منه وماثره على حياتي معاه وقلت له اذا بنفسك شي علي قلي او اكتب لي لاني انا ما اادعي الكمال لانو ما فيه شي كامل بس ما رد علي

كلمني قبل امس تكلم عن مشروعه اشوي وقفلنا يعني رسمين مره وقال اني بكون مشغول مع العمال ولاول مره اصير جريئه واسئله قلت اجل متى تبي تجي قال ليش اجي قلت تاخذنا ما توقع اني بقولها

قال ليش انتم ما تجون انا قاص لك تذكرة عوده قلت له انا لا ما قصيت قال الا با الضرف اشوى اني ما رميته قلت اجل احجز لي في اليوم الفلاني او الي وراه والى الان ما رد علي قال احجز واقولك وما سمعنا شي

هذي القصه

وبصراحه انا اعاني من الحرمان العاطفي معه ابي كلام حلو ابي احد يحسسني اب انوثتي ابي زوج يحترمني وياما لمحت له خصوصا اني الحمدلله ما علي قاصر ابد وهو بنفسه دايم يقول لي جمالك مره يعجبني بس اذا عصبتي وصرختي اقول وشون هذي يطلع منها كذا كل ها الزين وتصارخ قلت له سبحان الله نفس الي افكر فيه اقول وسيم ويخاف الله وشهاده عليا ومنصب زين لكن الفاظك مهب زينه وتنفرني منك
قام سكت

انا مثل ما قلت لكم اعاني حرمان عاطفي وهذا يعكس كثير على تصرفاتي معه تعبت مدري كيف اعامله خصوصا اني ارسلت له الرساله بس ما رد تعبت وقرفت احس اني على اعصابي وكاني جالسهعند ناس يتمنون يمسكون علي الزله

اي سؤال انا حاظره وهل ارسل له رساله ثانيه والا احقره وهل اسئله عن حجز الرحله والا برضو اسكت والي يبي ينصحني وينورني ويعطيني نقد بناء حياه الله



الاشراف /اختى الكريمة ان شاء الله تكتب على هذا النحو ... وشكرا

وما شاء الله تكتب على هذا النحو

على فكره حبيت اقولكم ان زوجي دايم مشغول من الصباح لحد الساعه 7 او 7ونص المغرب يجي واذا عندهم ضغط يجي 8 يعني يومي تقريبا الحالي

على فكره احس اني ما صرت احبه مثل اول يعني صار شي وتعودت عليه في حياتي

لالالا انتي يبغالك جلسة محترررمة

باذن الله راجعتلك ولو بعد حين

الله يهدي سركم ويصلح بينكم يارب

اختي اثابك الله وقوى عزيمتك لو انك ما تحبينه كان ما كتبتي هالكلام
انصحك اختي بهالفتره انك تدقي عليه وتكلميه برسميه ولكن لازم ترجعي بيتك وتسالي عن التذكره ولا تسمحيله ان يعودك ويعود عيالك على البعد عن بيتك
استغرب منك انك تقولين انك تستحي تقولين له متى بتردنا انت عندك طفلين صعبه تجلسي برا بيتك فتره طويله(عن تجربه)ردي بيتك ترا البعيد عن العين بعيد عن القلب انصحك اختي بانك تهدي اعصابك ولازم تعودي نفسك على عدم العصبيه لانها بتنفر زوجك منك وترا انا عندي نفس الحاله وقاعده احاول واضغط على نفسي ومره تخيب ومره تصيب والهه يعينك ويعينا جميع
قصه الخدامه هو عارف انك حاره ويبي يستفزك والرجال يحب يحس انو زوجته خايفه عليه وتغار عليه من الحريم

لا تطولين علي الله يخليك بروح اقرا موضوعك

ام ولدها با النسبه لموضوع الخدامه اكبر غلط انا سويته اني خليته يعرف اني اغار

,
,

أختي مع إحترامي الشديد لشخصك الكريم ..

العيب فيكِ أنتِ ..

يعني أنا أستغرب كيف تردين على زوجك وتقولي له : لأنك حيوان عشان كذا أخذت حيوانه زيك ..!!!!! وهو في حالة غضب

والله لو أنا مكانه لانفجرت أعصابي وأخذت الرأس وضربته بأقرب حائط ..

أختي أنتي تقولين أنك بسرعة الواحد يستفزك .. يعني أنتي عارفه داءك

طيب ليش ماعرفتي الدواء ..

النبي صلى الله عليه وسلم يقول : لاتغضب , لاتغضب , لاتغضب ..

وأنتي تغضبين وعلى من ؟؟ على الزوج ..


كل رجل يحب إستفزاز زوجته وأنا أحدهم ..

ولكن لا أجد مثل ردوك على زوجك .. لأن زوجتي تعلم أنني أستفزها وأمزح معها ..


والله لما قرأت أسمك في الأعضاء الجدد إستغربت , فقلت : العادة الواحده تكتب زوجي نور عيني هذه أكيد في بينهم مشاكل .. وفعلا هذا الي ظهر ..


بس كل أسباب المشاكل تافهه لأنك تضعين رأسك برأس زوجك وهذا خطأ ..

العناااااااااد ليس حلا للمشاكل خاصة مع الزوج ..

لأن طبيعة الرجل لازم يكون هو الغالب , وهو صاحب الكلمة الأخيرة ..

أنا أعتقد أن السبب الرئيسي في نفسيتك..

فأنت تحملين على عاتقك أتعاب كثيرة : البيت , الزوج , الأبناء ..

وهذا التعب هو الذي يؤثر سلبا على حياتك ..

حاولي تأخذين أطفالك عند أمك وتجلسين كم يوم في فندق مع زوجك تأخذون ليله هادئة بعيدا عن شقاء الدنيا ..


أسأل الله أن يحببكِ إلى زوجكِ وأن يحبب زوجكِ إليكِ

وأن يؤلف بين قلوبكم , وأن يرد كيد الشيطان في نحره ..

,
,

طيب انت تشوف انه عادي يقولي يا حيوانه انا لما شفته يستسهلها ويقولها اذا عصب قلت خليني اردها عليه علشان يعرف كيف ها الكلمه مهينه وتقهر وووالله هذا الي كان قصدي ابيه ما يستسهلها علي شافني ما ارد عليه وزاد علي

,
,

أنا معك أختي أن زوجك أخطأ وهذه الكلمة يجب ألا تخرج منه

ولكن لماذا لاتنظرين في سبب خروجها منه وهو عنادك ..!!؟

أختي الرجل لاتخرج منه مثل هذه الكلمات إلا عندما يخرج عن طوره وهو لايخرج إلا إذا تم إغضابه وهذا ماحصل ..

,
,

شوفي ياقلبي

اول حاجة لاااازم تعرفي انه الزوج له القوامة يعني هو اللي يقوم شؤن المرأة والمرأة ماتقدر تخطي شبر من غير ما تشرك زوجها في قراراتها ماراح اقول غصبا عنها لكن هذا شرع الله اولا وهذا داعي الفطرة ثانيا

يعني المرأة دايما تلجأ للرجل ، تعتبره مصدر الامان ، وتستمد منه قوتها

فتخيلي انتي معايا ، ولي أمر ، قائم بأمور دولته ، كيف يكون تعامل رعيته معه؟

في شئ مهم بل هو أهم أركان الحياة الزوجية ومن غيره ماينفع لا حب وبطيخ

الشئ هذا ياقلبي هو (الاحتراااام)

انتي وزوجك تفتقدوا للاحترام مع احترامي الشديد لكم انتو الاثنين

لازوجك يحترمك ولا انتي تحترميه وهذا أساس المشكلة من وجهة نظري

شوفي ياقلبي حطي في بالك انه زوجك له من الاحترام أشد من احترامك لوالدك

وله من الدلال أشد من دلالك لابنك

وله من العاطفة أشد من عاطفتك لنفسك

حبيبتي الزوج هو الحياة

لااااااازم تحافظي عليه عشان تحافظي على حياتك

بينك وبين زوجك ماااااااااافي شي اسمه (كرامة)

هذه الكلمة اشطبيها من قاموسك

هذا بيتك وانتي اولى واحق فيه

هذا بيتك فاهمتني ، بيتك قبل مايكون بيته

وبالتالي مو من حقه يقولك تعالي ولا روحي

اذا تزاعلتوا وقال اطلعي قوليله هذا بيتي ماني طالعة منه لو ايش يصير

تبغى تطلع اطلع انت اما انا ما اترك بيتي ومحد له حق يطردني منه

والله انهبلت لما قريت كلامك واعتبار طلبك الرجوع لبيتك (جرأة)

ياعمري هذا بيتك افهمي معنى بيتي ردديها بيتي آخرها ياء الملكية يعني هذا البيت واحد من ممتلكاتك زي شنطتك عبايتك في أحد له حق يحرمك منها او ياخذها منك غصب؟

الشي الثاني زيارتك لاهلك طويلة ولوحدك وهذا غلط

تبغي تروحي لاهلك روحي لكن ارجعي معاه

لاتعوديه على غيابك

حبيبة قلبي

مشكلتك انك عصبية وماتختاري كلامك قبل ماتقوليه

قبل ماتردي اي رد عدي لعشرة بعدها فكري الرد هذا لائق؟ الرد هذا راح يزعل زوجي مني ؟ الرد هذا راح يساهم في خراب بيتي ؟

واذا مالقيتي رد فالصمت ابلغ من الكلام احيانا

حتى اذا هو كان سفيه وشتمك لاتردي عليه

خليه يستحي على وجهه وينحرج من كرم اخلاقك

حبيبتي لازم تفهمي حاجة مهمة

الزوجة غير مساوية للزوج ابدا

يعني انتي موووقده

لاتحطي راسك براسه

قالك والله لاوريك الشغل تردي عليه تقولي وريني !!!!!!!!!!!

ياااااااعمري انتي لاااااااتخربي بيتك بيدك

هذا زوووجك عارفة معنى زوجك

غلط واكبر غلط تردي عليه بهذا الاسلوب

اسلوبك استفزازي جداااااا واي رجل مكان زوجك طبييييييييعي يطول لسانه

معليش لاتزعلي مني انتي اللي تضطريه يطول لسانه

اتعلمي ياقلبي انك تسكتي اذا هددتك لاتعاندي وتحطي راسك براسه

اذا قالك اوريك الشغل ردي بدلع وانوثة وقوليله وانا اهون عليك ؟ ادري ما اهون عليك

لازم تتعلمي تقلبي الامور لصالحك بدلالك وانوثتك

اكبر غلط انك تعاملي الرجل بقوة وندية ، الانثى سميت انثى لانوثتها

جربي تستخدمي سحرك الانثوي معاه وانا اضمن لك النتيجة برقبتي

هدي نفسك ولاتخلي عصبيتك تتحكم فيكي وتخرب عليكي حياتك

لي عودة اكيد واتمنى من الله تنصلح اموركم ويهدى حالكم