انا فعلا منهاره
زوجي يضغط علي حتى اطلب الطلاق انا وتكون مني
واذا احد ساله يقول
(اهيا الي طلبت )
يخلق مشكله عشان ما يكلمني
تخيلو طول فتره الزعل يخرج الساعه 8 ويرجع5 العصر
ينام ويرجع يطلع 6 ونص ويرجع وانا نايمه
ويويلي يا سواد ليلي اذا قلت له وينك
المهم
كان يقولي اني مجرد زوجه وعشان اربي اليهال لما نتخانق
مرات كنت اشك بكلامه
بس قبل امس كانت المفاجأه
اتصلت في صديقه تنقلي معلومات اكيده عن زوجي انه متكلم علي بمكان والخبر انتشر
يقول زوجي :
انا تزوجتها بس عشان ايب اعيال
لان امي تحن علي
حاولت احبها بس ما قدرت
ورجعت حق حبي القديم الي ما قدرت تنسيني اياه
عشيقتي تعرف عني كل شي كل تفاصيل حياتي وين اروح ومع منو اقعد ومتى دخلت البيت
وانا اصلا حياتي ووناستي مع عشيقتي
بس ظروف الطبقه الاجتماعيه وقفت عائق اني اتزوجها
وامي واهلي للاسف رافضينها
وانا ادري ان زوجتي تدري اني ما احبها
انا قدرت بطريقتي اوصل لها المعلومه.
على فكره انا اول كنت اشك انه مايحبني واني بس اسم زوجه بالورقه وام اولاده ولكن مجرده من كل حقوقي
اما الحين تاكدت
لا تقولون تاكدي اخاف المره جذابه الي وصلت لك الخبر
الخبر اكيييييييد 100%
ماني طايقه نفسي اعيش مع انسان كارهني ابدا
كل ما اشوفه يمر جدامي اكره نفسي اكثر
احس ان مافيني شي زين نفس باجي البنات
ماحب فيني ولا شي ولا حتى لاني ام اعياله
وصبرت معاه وايد
ولا اطول الساني
واحيبه واداريه
قولولي شسوي
اغير معاملتي معاه واصير نسره
ولا اسكت عنه وانعزل بغرفه ثانيه خصوصا انه كان يطلب الانفصال كل واحد بغرفه من زمان؟

تم تعديل العنوان

اختي على ما اذكر زوجك كان متزوج قبلك وانك الزوجه الثانيه بعد طلاق الاولى
هل هذه المعلومة صحيحه ام خاطئة ؟

صح!لماذا السؤال؟

الاخت الغالية
يا ريت ما تنشغلى الا ببيتك ودينك
وحاولى انك ما تفكرى الا فى هذان الشياء
واتركية فى غرفتة
واكيد حيعرف قدرك
والله الموفق

انا ما اقول الا الله يهدي لك زوجك

__________________
لا إله إلا الله محمد رسول الله

صلى على النبي عليه الصلاة والسلام

والله انقهرت عليكي اختي من أعماق فؤادي

ماأتخيل انه في ناس ماتخاف الله في الحقوق ومعاملة الزوجه اللي بدأت حياتها بكل

محبة وعطاء وتفاني .حسبي الله ونعم الوكيل

اختي لاتغيري معاملتك ودائماً أقول اعملي انتي بأصلك وتجاه ربك ..وهاذا حاله وانتي

تعامليه زين كيف لو قلبتي ؟؟؟ وحتى لو كان أريح لأعصابك تحققي طلبه وتنعزلي

بغرفة تانيه لابأس ان كان في ذلك راحتك .واحتسبي ذلك عند الله والجئي اليه جل

وعلى بالدعاء والاستغفار والالحاح على بابه الكريم ..عسى يرد لك زوجك محباً حنونا

أما من يقول لك اهتمي ببيتك وبعبادتك ..أعلم ان الكلام سهل لكن أين من كل

ذلك احساس الزوجة المر باهمالها . والله كنت دائما أقول لأمي ماعليكي من ابي

ولاتخليه في بالك وعيشي حياتك متناسية انه موجود .. وهاأنا لما صرت زوجه ومريت

بنفس الظروف تذكرت كم كنت أطالب أمي بالمستحيل .. فالمرأة كتلة مشاعر

فرج الله كربك ياأختي وصرف عنه هذه العشيقه من دون حول لك ولا قوة

الله يعينك اختي ..

شوفي اختي اذا كانت العيشه مع هذا الانسان الخالي من الانسانيه راح تسبب لك

مشاكل نفسيه و جسديه مع استمرار الحياه معه .. فانت الوحيده من تستطيع

ان تتخذ القرار .. طبعا بعد مشاورة اهلك ...

زوجك هذا ما منه فايده .. غرقاااان في الرذيله والعياذ بالله ..

الله يفرج همك ويسخرلك زوجك ويهديه يارب

اختي قلبي يعورني ؟؟ اتمنى انك تتطمنينا وش يصير معك طبعا انا ماعندي الا الدعاء لك؟؟ لاني انا بعد اعاني من زوجي مثلك ....... الله يوفقكي ويصلح زوجك ويردة لك

كم عمركِ ؟

وكم ابن عندكم ؟

وكم عمره ؟

وهل عشيقته متزوجة ؟

ولماذا تفرضي على نفسك العيش معه ؟

وما الذي يحببك فيه ؟

وكيف تعيشي مع انسان له علاقة محرمه ؟


ولماذا لم تسألو عن دينه قبل الزواج ؟

ولماذا يضطهدك واخوانك اينهم عن اختهم ؟