السلام عليكم ورحمة الله و بركاته ،،،

انا متزوجة ويعتبر زواجي حديثا في عمر الزواج يعني سنة و 3 شهور

المهم اسكن في عمارة قدامي شقة وتحتي شقتان

عندي جيران عيلة هما

اب وام وبناتهم و ابنهما

ناس كويسين رغم بعض الاختلافات بيننا

لكن احسن من بلاش

ولديهم بنات صبايا

المهم بنت من هالبنات

غير عن خواتها اجتماعية و فضولية وحبابة يعني احيانا نطلع سوا او باجي عندهم او تطلع عندي

البنت طبعها انو ماخدة بعض الامور ببساطة

ولحتى مااظلمها فهي تراعي اني متزوجة يعني لما يكون زوجي بالبيت بتقلي مابدي اجي عشان زوجك

ولو اجت بتقعد بالكتير ساعة وبتقلي خلص زوجك بالبيت

ويعني هية اجتماعية ومنفتحة يعني احيانا اكون بدي اطلع معها هية وامها واخوتها الصغار بتقلي

ازا زوجك فاضي خليه يطلع يتنبسطو معنا

ليس قصدها شي لانها بتقول هالكلام قدامي لو في نيتها سوء اكيد مابتحكي اي شي قدامي

وازا قابلت زوجي تحت وسلمت عليه كلمتين وهيك

بتقلي اليوم شفت زوجك هيك حكتلو ولما عرفت انك موجودة قلت اجي اشوفك بما انو برة

لكن احيانا انقهر من بعض تصرفاتها او كلامها يعني تحسها فضولية

مثلا زوجك بتاخر بالشغل ياحرام والله بتعب يلا الله يرزقكو

يعني الكلام مافي شي

لكن كل متيجي تزودها بالحكي لازم تتاكد زوجي طالع ولا لا و كيف الدوام

مابتهمها انو قصدها شي لانها بتصير تخفف عني وتقلي بهمش بكرة بتتغير الظروف

لكن الي مابعجبني انو كتير بتسال وتتدخل بالمواضيع بدون قصد منها

وبتحب تعرف كل شي و هيك

تاني شغلة لما تيجي عندي ونكون لحالنا بحسها ماخدة راحتها زيادة

يعني ممكن تروح داخلة غرفة النوم وفاتحة درج المكياج فجاة وانا بنصدم مابعرف شو بقلها

مرة عزمتها هية وصديقتي عالغدا وكنت محضرة حمام الضيوف الي برة والحمام الخاص فينا جوة

مابحب حد يدخل عليه كان الغسيل متكوم و انا بنظف الحمامات كل يوم لكن يومها صحيت متاخر ومانظفتو

يعني مابدي حد يدخلو

فبقلها غسلي هون

وكررت اكتر من مرة

لاقيتها عغفلة دخلت الحمام الي جوة وانا ادايقت جدا

وميلت عغرفة النوم تستعمل مكياجي عشان بدها تطلع مدري وين

شو اعمل انا طيب؟؟؟

انا بعد الزواج لم اعد ارغب ان تكون لي صداقات مبالغ فيها يعني احببت ان يكون هناك مساحة في اي صداقة

لانو وضعي غير وصرت متزوجة

وخاصة هية لسة انسة

ويعني مابحب حد يدخل في بيتي كتير

خلص صالون الضيوف نظيف وزي الفل وفي تلفزيون كمان

لشو التجوال في انحاء الشقة

يعني احيانا غرفة نومي فيها خصوصيات

ملابس خاصة او ملابس لزوجي خاصة به داخلية مثلا(العفو مو قصدي لكن لابين وجهة نظري)


او حتى بالحمام تكون الغسيل مكوم وطالعة بعض الاشياء الخاصة


فكيف موقفي لما بنت انسة لسة تشوف هيك اشياء

وحتى لو متزوجة

بس لو متزوجة بكون اهون شوي يعني مابتخاف منها بالاخر بتقول هاي الها زوج

بس بكل الاحوال مابحب لا المتزوجة ولا الانسة تدخل في بيتي بهالشكل

يعني هية شايلة اي كلفة لانو هية تتعامل هيك في بيتهم

لما ادخل بتقلي تعالي فوتي او ازا كنا لحالنا بقلها بدي اشرب بتقلي افتحي التلاجة وهيك

بس انا مابحب هادا الاسلوب ولست مجبرة اتعامل به مع اي احد لمجرد انو هوة بتعامل معي فيه

غير انو بيت العيلة غير وبيت الزوجية غير

يعني بيت الاهل بضل اكثر اهلية

مرة كنت انا و هية في محل عطورات غالية

وكان نفسي بواحد ولم اشتريه لانو غالي ولم يكن معي ثمنه في حينها

وجبت سيرتو لزوجي وراح جابو هدية

وهية بالمحل كانت تقول شو هادا غالي كتير


المهم بيوم ماسكة الفاتورة ورايحة بدي اخبيها في درج

ورنت عالجرس وفتحت الباب وطلبت شي وتركت الفاتور عالطاولة لاحضر لها الشي

نسيت ان اخذها معي وتركتها

وذهبت هية لبيتها

واذا بي القى الفاتورة مفتوحة !!!

والمشكلة انو مافكرت تداري فضولها او قلة زوق الحركة وتسكر الورقة

لا رمتها عالطاولة وهية مفتوحة

يعني ماهمها انتبه او لا

يعني مافكرت انو هاي قلة زوق

لشو تعرف انو زوجي جابلي هدية؟هاي خصوصيات ومابدي حد يعرفها

!!!

البنت كويسة ولكن فيها حشرية وقلة زوق ربما حسب طريقة عيشها في بيتهم


صحيح انو المواقف لم تكن كثيرة لكن انا لا اريد ان تتدخل او تتداخل في حياتي او بيتي كثيرا

وظاهريا البنت حسنة النية وتصرفاتها نابعة عن طبيعتها هية هيك شخصتها فضولية و اجتماعية زيادة عن

اللزوم

ومابتفكر تراعي انو انا متزوجة وبيتي الو خصوصية

طبعا لما زوجي يكون موجود ما بتعمل هالحركات اصلا وقتها زوجي بنتحر لانو مابحب هيك

وانا بمنعها

لكن هية ماعملت هيك اي و زوجي موجود

انا لا اريد الموضوع ان يزيد و تفكر انو هادا اسلوبي انا ايضا

فكرت ان افتح معها الموضوع بطريقة غير مباشرة انو اقول عن قصة صديقة امي من تاليفي

كانت تتصرف نفس التصرفات بالاخر امي انزعجت وصارت تتجاهلها

لكن خفت احرجها

واما ان اقول لها صراحة فهادا مستحيل لانو صح بدي احط حدود للعلاقة لكن مابدي الغي العلاقة

انا بغربة ومحتاجة يكون لي صديقات لكن بحدود

قبل الزواج كنت غير لكن من نصائح الكل قالو لي ماعمرك تدخلي احد بيتك وخصوصياتك ولاعمرك

تسمحي لبنت مهما كانت غالية انها تتداخل في حياتك

وهالكلام هوة الصح

فما العمل لحتى المرة الجاية ان اجت تعمل هيك حركات امنعها وبنفس الوقت بدون احراج لي او الها

وبطريقة لطيفة

اليس معي حق ؟؟؟ ام اني ابالغ؟

اريد خبراتكم

انا من النوع مابحب احرج الناس وبخجل

اتمنى ان تقولو ارائكم وان غلطانة توضحو غلطي اين

وبارك الله فيكم وماحرمني منكم

__________________

مرحبا حبيبتي كيفك؟ اشتقتلقك كتير ويارب تكوني متزكرتيني

بالنسبه لموضوعك انتي قلتي انا بعد الزواج لم اعد ارغب ان تكون لي صداقات مبالغ فيها يعني احببت ان يكون هناك مساحة في اي صداقة

لانو وضعي غير وصرت متزوجة

وهذا عين العقل لانه كلما زاد عمر صداقتكم كلما تمادت اكتر فديري بالك
اختصري من هلء وخلي علاقتك بالناس سطحيه علاخر
وضعي حدووووووود لهم


الله يوفقك

__________________


قال رسول الله صلى الله عليه وسلم: ( لا تدخلون الجنة حتى تؤمنوا ولا تؤمنوا حتى تحابوا..)

فلسطينية وافتخر شكرا الك كتير

لكن كييييييييييييييييييييييف

بما انك اكيد عندك خبرة اكتر مني

خبريني الله يسعدك

__________________

اختي هذا اكبر غلط انتي سويتيه اب حق نفسك
تدخلين غريبه البيت و الفضول الزايد ساعات يودي للهاويه اختي ...جدتي كانت دايما تقول حق عماتي اياكم و تدخلون صديقاتكم بيتكم و اياكم و تخلون احد يعرف خصوصياتكم ..جدتي كانت تعشق جدي و لكن صديقتها كانت عمل بالضبط الي تسويه صديقتج و فجاه جدي تزوج صديقة جدتي ... اختي الي ما يستحي منج لا تستحين منه اذا دخلت غرفتج منعيها اب كل حزم هذي مملكتج و مكانج و اذا ما دافعتي عنه ياخذونه منج .. انتي اختي ما تدرين شنو بالقلوب !! ممكن حاطه عينها عليه .. هل تتصرف جذي مع غيرج ولا بس وياج !! اختي انا اقول ابعد عن الشر و غنيله .. وخري عنها و لا تخلينها تدخل بيتج ..ماله داعي تسلم على زوجج و تسال و لا له داعي اصلا تستعمل مكياجج !! اختي اذا فيها شيء معدي تعاديج المكياج جدا خصوصي !! انا اختي ما اخليها والله !! غير هذا اختي شنو يعني تركض اتدش غرفتج صراحه نرفزني برودج و ردة فعلج السلبيه !! هذي امور شخصيه !! اشحقه تنبش !! على شان باجر تقول حق زوجج انج تقولين حقه كل شيء و تسويلج مشكله !! انتي ما تدرين اختي !! ليش كلهم غير الا اهيا !! شنو السر !! ما سالتي نفسج !! مره ثانيه اذا زوجج موجود لا اتدش بيتج من اساسه قولي لها انا مشغوله سامحيني مره ثانيه و قللي من الطلعات !! شنو يعني تقولج خل زوجج ايي اهيا ما عليها اصلا من زوجج !! اختي ارجوج فتحي حواسج و وخري عنها لانها ناويه شر و الموضوع واضح من عنوانه
اختج بني

اختي شكرا على ردك

كلامك صحيح صدمتيني صراحة انا مشكلتي مابحب انحرج مع الناس وبخجل ولكني والله بحاول

لانو هادا بيتي ومستحيل اخلي وحدة تدخلو والموضوع ماتطور للدرجة الي بتقولي عنها

وهية هيك مع كل الناس شفتها كيف مع كل الناس وانصدمت هية هيك منفتحة عالاخر

ايضا انا احيانا باجي بديش اتعامل معها لكن الواحد بزهق ومحتاج حد يحكي معاه ولو من فترة لاخرى

والامر ليس بالسوء الي فهمتيه اختي مش لهدرجة

عموما شكرا لك

__________________

اختي اسحقه تقولين امي قالت و سوت
اختي قولي لها شوفي يا بنت الناس بكون معاج صريحه انا مراه متزوجه و انعج منع بات انج تدخليت غرفتي و تستعملين اغراضي انتي على عيني و راسي و لكن الي تسوينه زاد عنه حده و عيب .. اختي اذا تادبت اهلا و سهلا و اذا لا ماله داعي اصلا تكون موجوده اب حياتج ... هذا الي ناقص انها تسوي جدام زوجج !! اختي لو زوجج دره راح يزعل وايد !! ف لا تخربين بيتج اب ايدج و وقفيها عند حدها
اختج بني

كيف اقلها هيك اختي؟؟؟مستحيل مابقدر

خاصة انو مش لهدرجة تمادت

وانا بصدها احيانا وهيك

شكرا الك وبارك الله فيكي

__________________

شوفي يا روحي

1 لا تعطيها عين وتعذري لها دايما وقولي لها انك مشغوله بالبيت او انك رح تطلعي اليوم او اي حجه تانيه علشان تقلل من زياراتها الك

2 لو حصل واجت عندك خليك انت بمكان واحد وعامليها معامله الضيفة ولا تخليها تاخد راحتها

3 اغلقي باب غرفة نومك وهيك بتضمني انها مارح تدخل ورح تفهم انك ما بتحبي حد يدخل على غرفة نومك

4 لا تعزميها عند نهائيا ولشو العزايم الي ما الها داعي ؟؟!!

5 انتي كمان قللي من زياراتك لبيتها وشوي شوي اقطيعيها نهائيا

6 لا تكثري الحديث معها ان كان عن نفسك وخصوصياتك او غيرك لكي لا تجذبيها لك وتخلي جو القعده حلو مما يشجعها على زيارتك يعني بالعربي ( اقرفيها)

__________________


قال رسول الله صلى الله عليه وسلم: ( لا تدخلون الجنة حتى تؤمنوا ولا تؤمنوا حتى تحابوا..)

نصائحك مفيدة اختي لكن مابقدر اقطع علاقتي بالناس هية واهلها

طيب الواحد غربة ومابصدق حد يتعامل معاه

وحرام حاسة اني ظلمتها بهالموضوع لانو مو لهدرجة زياراتها كتيرة

يعني اشي ومنو

لكن بعض التصرفات قارفاني
شكرا الك حبيبتي

__________________

بنات شكرا على نصائحكم

المثل بيقول حرص ولا تخون (بتشديد الواو)

وانا اعترف يمكن انا عطيتها شوية وش

لانو بكون زهقانة وبدي حد اتعامل معاه بدل الغربة يعني مش راح احبس حالي

لكن كلامكو خوفني والحبسة اهون من انو اعرض بيتي للخطر

وانا قررت التالي :::

1- ازا اتصلت تزورني يوم خميس وجمعة حزحلقها واقلها بصريح العبارة معلش عشان زوجي بالبيت حرام

بدي اقعد معاه

2- ازا بدها نطلع حقلها تعبانة من الحمل

3-اخلي الزيارات مني انا يعني انا الي ازورها ببيت اهلها يعني اقلها بدي اشوف اهلك واخواتك

4-بيني وبين حالي ارتب اموري بحيث اخليها تشوفني مرة بالشهر بالكتير

5-لو دخلت البيت وحاولت تتحرك فيه حقلها وين رايحة في شي؟

6-ازا مدت ايدها عالمكياج حقلها بصراحة لا بلاش

7-حراقب نفسي وكلامي وماححكي اي شي عن حياتي او زوجي


8-يعني مش حقطع العلاقة بس حخليها سطحية بالتدريج

لاقطيعة ولا لزقة

لانو هادول جيران بالنهاية

وعموما اكرر واعيد البنت ماتمادت بالدرجة الكبيرة هاي لكن انا اريد وضع حد للامور

وإن شاء الله انفذ هاي الخطوات لانو ولادتي بعد 5شهور ومابدي انا بس اولد تيجي عالبيت تتدخل او تلزق

انا كنتش احب احرجها عشان ماتنقطع العلاقة وعشان كنت بحب الصداقات وهيك

ولانو محتاجة ناس في حياتي لانو ظروف عمل زوجي وهيك

ولانو مش حلوة اكون فوقهم ومايعرفو شي عني

لكن يظهر انو الافضل هيك

بعد فترة راح ارجع بموضوع اخر اقلكو ان نجحت او لا

واخبروني هل الخطة هيك منيحة؟؟وشو ممكن اعمل كمان

وبارك الله فيكم

__________________