السلام عليكم

والله مدري من وين ابتدي السالفة لأني كل ما ذكرتها دموعي تصب من القهر وربي قهر وشي يقطع القلب

لي اخ معاق جسديا بالصف الأول متوسط عمره 13 سنة.. ذكي وحبوب وطيوب

والله يا بنات انه كل فرض بفرضه يصليه وانه قبل ما ينام يصلي 11 ركعه وما شاء الله عليه كل هذا

وهو معاق رجوله الثنيتن مبتورة ويلبس ارجل صناعية عشان يروح اي مشوار

المهم هو شاطر بالمدرسة ومتفوق اسم الله عليه وما ادري شقولكم

المهم في يوم من الأيام كان في حصة التفسير وأخوي يرفع يده يبي يجاوب والمدرس ما يخليه يجاوب

قام قال أخوي أبي أجاوب ليه ما تخليني استاذ.. تدرون وش سوى الأستاذ...........؟؟؟؟؟

كان معه بيده هوز وضرب أخوي على إذنه بالهوز وأخوي يا بنات سمعه ضعيف يلبس سماعات

والله اكتب ودموعي تصب على خدي,, ومن قوة الضربة طاح أخوي عالأرض حسبي الله عليه

وأصلا السماعات لو نقرب يدنا منها تطلع صوت يوجع اذنه بالكم ضربة الهوز وش سوت فيه؟؟؟؟

وياليت اكتفى المدرس بالضربة قام قاله يلعن شكلك مو كافي متحملينك انت وشكلك يالمعاق؟؟

تدرون أخوي وش رد عليه.. قال هذا خلقة ربي يا استاذ مو أنا اللي سويت شكلي كذا..

قام أخوي ووقف مرة ثانية برجوله الصناعية وراح عند المدير يشتكي من الأستاذ

النتيجة ....................................... كلم المدير ابوي وأنا عندي أبو طيب بالمرة ويحاول يحل الامور بطيبه

ما يدري ان الطيب هو اللي مضيعنا بهالدنيا.. تدورن وش قال ابوي؟؟؟ قال خلاص انا مسامح المدرس

طبعا السالفة كانت الاربعاء قبل امتحانات الفصل الدراسي الاول..

المدرس الحقير شاف ان ابوي تنازل وسكت.. تدورن وش سوا قام سقط اخوي بالمادة..

بالله عليكم كيف يسقط وهو متفوق دراسيا.. أخوي متأثرة نفسيته فوق ما تتصورن وربي متحطم بالحيل

وأمي يوم راحت لم دكتورته في مستشفى التخصصي لأن عنده موعد بعيادة السمع وقالت لها القصة

وربي وربي ان الدكتورة كانت تصيح وربي.. والله اللي يعرف اخوي بيحترق قلبه ويتقطع عليه

فكرت أمي وقررت انها تشتكي لأميرة كانت تعرفها مسئولة في جمعية المعاقين

هذي الأميرة جزاها الله خير تحب المعاقين وتكره اللي يتعرض لهم لكن المصيبة أمي ضيعت رقم جوالها

وإلا كان أمي ودها تقولهاالقصة وتخلي الاجراءات تمشي حسب ما تشوفه الأميرة
... ... .... ...

والله أكتب ومو قادرة اكتب والسبب دموعي وبكاي.. حسب الله ونعم الوكيل عدد خلقه وزنة عرشه ومداد كلماته

الوالدة طلبت مني أساعدها بأي طريقة وحقيقة أنا مقهورة وأقول الساكت عن الحق شيطان اخرس

لازم ناخذ حق أخوي لاااااااااااازم بس كيف الله يرضى لي عليكم دلوني على طريقة وساعدوني

وربي وربي بتحصلون مني ومن أمي ومن أخوي المعاق الدعوة اللي تتمنون وفوقها دعوة بظهر الغيب

أتمنى تفاعلكم وردودكم

أنت بجده صح ... لاتسكتين قدمي شكوى لجمعيه حقوق الأنسان وان شاء الله ربي ينصر أخوك..وحسبي الله ونعم الوكيل على ناس عقلها متخلف وان شاء الله ربي يقتص من المعلم شر الأقتصاص..
من جد ماأقدر أكمل لأن الموضوع أبكاني..لي عوده لاحقا..في رعايه الله

__________________
كل الشكر والتقدير للمجموعه السعوديه لدعم مرضى الصلب المشقوق على ثقتهم بي وأتمنى للحمله النجاح كما الرياض (احتواء،لأننانحبهم نحتويهم)

لاحول ولا قوة الا بالله

موضوع يقشعر منه البدن ويحرك النخوه والفزعه

اقسم بالله اتمنا انه قدامي لااوطاه مثل وطي الزقاره الوقح

فلذاك يجب الاستعانه باولاد عمه او اولاد خاله هذا شي لاينسكت عليه اذا لم يضع له حد سوفا يتمادى

والموضوع الودي لا أره منه حلاً لان هذه الاشكال يبي له دق خشم لكي يعرف

ان القوه الله سبحانه ليس بمد يد على معاق لايستطيع الدفاع عنه وابوه الذي ماخذ الامر ببساطه وبرود

فلا استطيع الا ان اقول شلت يده

السالفه لها اكثر من شهور المسائل النظاميه لاتفيد شي الا اذا كانت بحينها

المسأله يبي له كسر يد لكي يكون عبره ويعرف ان الله حق

__________________
ماتهم الي يهمك لو تبي تعيش صح صل فرضك وأقضب أرضك وخلها للي عينه ماتنام ونام


اللهم استر علينا وعلى خواتنا

ملحوظه جمعيه حقوق الأنسان لاتأخذ شهور بل على العكس من المحاكم القضائيه.. ودعي القانون يأخذ مجراه الصحيح وكذلك يجب أن تقدم شكوى لجمعيه المعاقين وخطاب لوزير التربيه والتعليم..

__________________
كل الشكر والتقدير للمجموعه السعوديه لدعم مرضى الصلب المشقوق على ثقتهم بي وأتمنى للحمله النجاح كما الرياض (احتواء،لأننانحبهم نحتويهم)

لاحول ولا قوة الا بالله ياويله من ربي الله يعينكم حسبي الله ونعم الوكيل

ما أقول الا حسبي الله ونعم الوكيل على كل ظالم..

__________________
[type=612464][/type]

سابنا
دموعك غاليه
افااااااااااا
انتي اقوى من كذا
الله يشل يده علشان يعرف ان الله حق
والموضوع حسب مافهمت وصل للصحف
زوجي عصصصصصصصصصصصصب
قال عادي هذا مجتمعنا المعيق
الله يشفي ابنك ولا يعرضه لمعلم زي هذا
ولا تنسين اذا درس محمد
ارسلي لمدرسته كل تفاصيل حالته
مع تحذير بعدم ضربه نهائي
وعليهم الاتصال بك او بوالده
في حالة تعثر دراسته او لأي سبب
المهم ان يكون العقاب والتوبيخ من جهتك انتي
وليس من جهتهم
وانتي ادرى بمصلحته اكيد

واتسبدي
والله انك صادق
اساسا في معلمين ومعلمات
معاقين عقليا ولا يصلحون لشي
الله يصلحهم او ياخذهم

سر حبي
جروح
شكرا لكم
وسعدت بمروركم

وحسبنا الله ونعم الوكيل
في كل ظالم

حسبي الله ونعم الوكيل على هيك ناس ان شاء الله بتنشل ايدو يخرب بيتهم ما عندهم قلب
والله قشعر بدني ونزلت دمعتي ....
ما تسكتو على الموضوع

__________________
اللهم بارك لي في اولادي ولا تضرهم ووفقهم لطاعتك وارزقني برهم