السلام عليكم ورحمة الله وبركاته ..

الكل عارف قصتي متزوجة ولد عمتي وساكنين ببيت جدتي .. لكني تعبت من جدتي تعبت والله تعبت تتدخل بـ حياتي وكلامها لزوجي عني ..!!

زوجي جايب لي خدامة وجننتي بـ كلامها لزوجي عني تقول بنات اليوم غرفة وحدة وماتعرف تطبخ وخدامة واذا طبخت آحرقت البيت علينا !! << طيب زلة ماتعذرنا عليها ..

وتقول خدامتكم لازم تسافرونها ثلاث خدامات بالبيت ليش .. وزوجة عمي عندها.. خدامتها الرابعه ماقالت فيها شيء.. وانا اذا بغيت شيء من خدامة جدتي تقولي لاتضغطين عليها تتعب وانا اطلب منها شيء بسيط ..
وخدامتي مااقدر اسفرها لاني تعبانة هالفترة وزوجي باليوم يلبس ثلاث ثياب .. وغير كيذا زوجي طفش من كلام جدتي ويقول بنطلع اذا تشافيتي وهذا سبب خلاني اتراجع اني مااسفرها ..

ومرة تعبت الفجر وطلع يجيب لي الدواء وبعد فترة قالت له جب لي دواي بيخلص قال خلاص بكرة اجيبه اللحين بنام قالت له لو انه هناااوي ماقلت لها بكرة تقوم من نومك تجيب لها وبعدين قال خلاص اجيبه اللحين وجابه .. وهي مازالت ترددها بالمجلس جاب علاج هناااوي بالفجرية وانا اذا قلت له يقولي بكرة ...

ومرة ولد عمي كسر الكاس وتناثر القزاز بوجهي وبشعري ودخلت بعيني وجلست آبكي قالت جدتي آتركوها تراها حساسة تبكي شوي وتسكت واتصلت على زوجي يوديني المستشفى وهي قامت الله يهديها تتكلم ماله داعي طلعت القزازة خلاص لاتروحين ..
ومرة ثانية ضربني ولد عمي بالخشبة على راسي وبكيت والله انه راسي طلع منه دم وماسلمت من جدتي وتعليقاتها ضربة عزوزي تبكيك وكلام ماله داعي اكتبه ..!!

وقبل يومين سافر زوجي ويوم صارت الساعه 11 بالليل قلت بطلع قالت وين قلت لخوالي قالت هالوقت قلت ايه بنام عندهم تعالوا شوفوا ويش سوت مالك بيت و و و طلعت انا وتركتها واتصلت على زوجي هنااوي تدخل وتطلع على كيفها و و و واتصل علي زوجي وقال بس عند خوالك قلت ايه قال بسلامتك وقفلنا جوالاتنا وجاء من بكرة العصر واخذني من بيت خوالي ومارجعنا البيت الا متأخرين ونكدددددددددددت عيشتي مقفلة جوالك ومتأخرة ونايمة عند خوالك وجالسة لحالي و و و وزوجة عمي مااتقولها شيء ..

واذا جاها ضيوف وقالوا لها بنطلع تحلف عليهم مايطلعون تقولهم اللحين بيجي يوسف (زوجي ) يوديكم لبيتكم وزوجي مافي امل يوديهم بس انها تتصل عليه مليون مرة ومايرد وبعدين تقول مايرد الا على هناااوي اتصلي عليه وبعدين اقولها بيسهر وتقول ماسهر الا اليوم وامس ليش ماسهر ..؟؟

واذا قلت بروح لقطر قامت القيامة تقول اللحين امك متزوجة وتركتك وتدورينها ..!! وكلاااااام تجرحني فيه ماكأنها آمي ..

وامي قالت لي اذا اخو زوجك نفس زوجك قولي لهم عن آختك وقلته لعمتي وخطبوا اختي واشتروا لاختي بيت لوحدها وقال زوجي بشتري لهناااوي عشان ماتغار بغت تزنطه جدتي هالبنت مانبيها وهنااوي تغار ليش ساكنة بالشارع وكلاااااااااااااام تعبت منه .. وكل يوم متصلة على عمتي تقول زوجة خالد ( الي هي اختي ) ترانا مانبيها الام تعرس وتجدع بناتها علينا ........تخيلوا
هذا غيض من فيض والله شبه انجنيت حتى صرت مااطلع بس جالسة بغرفتي ومقفلة جوالي او اطلع اذا صارت تصلي ..
اعذروني ع الاطالة بس والله اكتبه وانا منقههههههههههههههههرة ..

__________________
وإني لأرجو الله حتى كأنني ... أرى بجميل الظن ما الله صانعُ .

هي حرمه كبيره اكيد تعمل الحركات زي كذا طنشي

هلا فيك ..
مااقدر اطنش شيء فوق الطاقة .. وقبل مااتزوج كنت اطنش لانها بس علي واللحين تسبني عند زوجي ..
مشكورة..

__________________
وإني لأرجو الله حتى كأنني ... أرى بجميل الظن ما الله صانعُ .

شوفي يا أخت هناوي

ترا العجز (العجز : جمع عجوز) هاذي تصرفاتهم دايم

تراهن لو يتركن أفعالهن هذي ما يحسن إن لهن دور في الحياة


جدتكِ هذي تسوي هالأفعال لنها فاضية وودها تشغل نفسها بأي شي ، أي سالفة ، أي موضوع ، أي واحد ، أي وحدة

إنتي الآن تقضين يومكِ بالنت ولا بالدراسة ولا بممارسة هواية معينة .........الخ

لكن هي لو تفكرين فيها ، كيف تقضي وقتها ؟

كل واحد في الدنيا له أمور وأشياء يفكر فيها وتشغل ذهنه ووقته


قيسي على نفسكِ ، أكيد إن إنتي عندكِ أمور تشغل بالكِ (زوج ، بيت ، أطفال ، جامعة ..........الخ)

لكن ما فكرتي يوم من الأيام وش الشي اللي يشغل بال جدتكِ ؟

إنتي إذا طالبتي جدتكِ بإنها ما تتدخل بحياتكِ ، ولا بحياة زوجكِ ، يعني كانكِ تطالبينها بأن تتنازل عن التفكير في أمر مهم في حياتها ( لأنها تعتبر التفكير في حياتكم امر مهم جدا في حياتها )


باختصار

كل العجز اللي بمثل سنها بفعلن مثل أفعالها وأشد ، واكبر سبب والله أعلم إنهن فاضيات




نصيحتي لكِ

إنكِ تاخذين أخبار جدات صديقاتكِ ، علشان تعزين نفسك بحالهن مع جداتهن ، وراح تعرفين إن كلكن في الهوا سوا

وحاولي تتثقفين اكثر بكيفية التعامل مع هالنوعية من الناس ( أتوقع إن فيه كتب كثيرة تخدم هذا الجانب)

وحاولي تسايسين جدتكٍ قدر المستطاع

خلكِ إنتي الكبيرة وخلي جدتكِ هي الصغيرة (ما امزح ، اتكلم جاد) لأن اللي بمثل مرحلة جدتكِ غالباً ما يكون التعامل معهم بمثل تعامل الاطفال ، يزعلون من أصغر شي ، ويفرحون لأصغر شي


والله يعينكِ


ولا تنسين تحتسبين الأجر في تعاملكِ معها ، حتى المكالمة اللي تكلمينها معها أحتسبي فيها الاجر


وتذكري ( مايضيع عند الله شي )

__________________

هلا فيك ..
كلامك عين العقل وماا اختلفنا ومن عمري وانا عندها ودايم صابرة وساكته بس اللحين تعبت انزل من زوجي متخانقين وهي تستلمني .. ولحظات اطنشها بس تقلقني تعبت ..
واذا وافق زوجي على شيء هي تاقف بطريقه وزوجي يجلس ساعه معها ويفهمها ويروح علينا الوقت وحنا نترخصها بنطلع ..
وانا فرحت بزواجي عشان اروح لقطر لامي وهي واقفه لي بزواجي وعزوبيتي ..
مشكور ..مشكور ..

__________________
وإني لأرجو الله حتى كأنني ... أرى بجميل الظن ما الله صانعُ .

اهلا عزيزتي هناااوي
حبيبتي
بس تتزوج الوحدةتعلمهاالدنيا كيف تطنش الكلام لانو يا كثر الكلام الي حتسمعوا
بدي بدي انصحك حاولي تتقربي منها ترى الى في سن جدتك بسرعة يحبون وبسرعة يكرهون
بس تنزلي على السوق خصيها بهدية الها
قوليلها كلام انتي ما في زيك
شو ما قولتي ما بزعل منك بتضلي جدتي الله يخليلي ياك
جربي وشو ايش بيصير
موفقة

هلافيك ..
اذا جبت لها دهن عود من السوق تاخذه وتعطيه زوجة اخوها وتقولها جابته لي هنااوي يوم طلعوا للسوق وتلعب بفلوس ولدي وتشتري اغراض مالها داعي و و و تعععععععبت ..
ودااايم اقولها انتي اروع ام وانتي كنزي بهالدنيا هي الي مربيتني بس مع ذلك تعبت معها !!
مشكورة ..

__________________
وإني لأرجو الله حتى كأنني ... أرى بجميل الظن ما الله صانعُ .

لا فض فوك أخوي زوج في المستقبل

هلا فيك ..
وكلامه عين العقل ..

__________________
وإني لأرجو الله حتى كأنني ... أرى بجميل الظن ما الله صانعُ .

أدري هناوي إنه وضعك صعب
بس صدقيني هي ماتقصد الإساءه قصداً
والله ياقلبي مافي أسهل من إنك تكسبي الكبار
هي محتاجه تحس بأهميتها وإنكم حواليها وتحبوها
طنشي الكلام اللي مايعجبك
وعامليها أحسن معامله
اسألي عنها..خصصي وقت تجلسي معاها
قولي لها سولفيلي عن زمان حياتكم..اش كنتوا تسوا؟..كيف أموركم
وزي كذا أنا لاحظت إنهم ينبسطوا لما يحكوا عن ماضيهم وحتشوفي السعاده بعيونها
وإذا صحيتي روحي لها سلمي على راسها واسألي عنها
وقبل النوم نفس الشي واسأليها إذا محتاجه شي وقولي لها تصبحي على خير
تدري هناااوي
أنا لما كانت جدتي تزعلنا
افكر في سنها وكبرها وتعبها
أتذكر إنها مسكينه
ويجي في بالي كيف حأكون لما أكبر
ولازم أتحمل عشان إذا كبرت ألقى من يتحملني
واحتسبي الأجر عند الله..
طمنيني عليك..وسلامتك ماتشوفي شر..

__________________
.. ربي لك الحمد والشكر ..