السلام عليكم ورحمة الله وبركاته ..

بنتي عمرها سنة و 8 شهور تقريبا .. والصراحة انا وهي تعبنا نفسيا .. بعد عمري دايم تلتهب من تحت من الحفاظ لدرجة ان حتى بالليل وهي نايمة اذا سوت رقم واحد تقعد تصيح وتتلوى من الالم .. وجربت كل الكريمات .. وتستانس لما اشيل الحفاظ اخليها فترة تتمشى بدونه .. الحين قررت اني خلاص اشيل الحفاظ عنها .. واخليها تتعود على الحمام... بس مو عارفه كيف ابدا ..

للعلم هي ما تتكلم يعني مادري كيف اتصرف معاها ..

كيف ابدا.. للي عندهم عيال ومرو بهالمرحله ... شو سويتوا؟؟

__________________
ربنا هب لنا من أزواجنا و ذرياتنا قرة أعين واجعلنا للمتقين إماما

أرجوكم ادعو لي ..بإن ربي يجمع بيني وبين زوجي على خير

إلى زوجي ..إلى مقلتي.. إلى فؤادي...إلى بسمتي... إلى دمعتي... إلى حياتي وروحي... إلى عشيقي، حبيبي، فارسي، أميري، إلى القلب والكيان... والحب والهيام...

الـعزيـــــــــــــــز بو وداد..

أحبــــــــــــك ...

اختي ام وداد انا اشوف سنها مناسب علشان تتعلم انتي ركزي عليه كل ربع ساعه وديها لحمام وانتي بكرامه وانتي لاحظ بامبز باليل اذا ناشف الى الصباح يعني بنتك جاهزه علشان تتعلم

الله يسعدك ان شاء الله

انا ولدي بعد سنه و ثمان شهور بس مجنني مع الحمام كل شوي اودي الحمام ويقعد يلعب في كل شي هناك ولا يسوي شي ولما اطلعه بره ماشوفه إلا سواها في ملابسه

ينقل لركن الطفل مكانه الانسب

__________________

ورد العسل مشكورة حبيبتي على الرد .. بنتي حفاظها مايكون ناشف في الصباح

أم الرضا .. فديته ولدج عسل هههه يحوس بالحمام ماشاء الله .. الله يخليه ويحفظه لكم .. والله يعينك .. ويعيني انا بعد ...

__________________
ربنا هب لنا من أزواجنا و ذرياتنا قرة أعين واجعلنا للمتقين إماما

أرجوكم ادعو لي ..بإن ربي يجمع بيني وبين زوجي على خير

إلى زوجي ..إلى مقلتي.. إلى فؤادي...إلى بسمتي... إلى دمعتي... إلى حياتي وروحي... إلى عشيقي، حبيبي، فارسي، أميري، إلى القلب والكيان... والحب والهيام...

الـعزيـــــــــــــــز بو وداد..

أحبــــــــــــك ...

مستحيل الحفاظ ينشف الين الفجر الا بعد ما تبدا تروح الحمام وتبدأ تتحكم في نفسها خلال النهار ..


لكن راقبي اذا كانت تنام في النهار لمدة ساعه او ساعه ونص

وصحيت وحفاظها ناشف فمعناته انه عندها استعداد ..


وبما إنها ما تتكلم

فهذا راح يصعب عمليه التعليم شوي ..


عموما أبدئي يا غاليه معاها لمده اسبوع

كل نص ساعه روحي فيها الحمام


واذا سوتها في الحمام المرة اللي بعدها روووحي فيها بعد ساعه ..


واستمري على الروحة بها كل ساعه


لمده اسبوع


اذا لاحظتي تحسن

وانها بدأت تعمل رقم واحد أو رقم 2 في الحمام


فهذا يعني انها باذن الله مستعددددة ..




ولا تنسي االهدايا التشجيعيه في كل مرة ..




وتحذير هااااااااااااااااااام




اذا بدأتي لا توقفي الا بعد اسبووووع مهما صاااار ..



وللتسهيل عليكي عملية التنظيف


اشتري من الكلوتات البلاستيكية المبطنة

اللي تمنع ثلاث ارباع الكمية

بحيث يدوب تتبلل ملابسها

والاثاث يظل سليم ..





كل اللي كتبته


عن تجربة مع ولدي ..


اتمنى تطمنيني عن بنوتتك بعد اسبوع من البدء معاها ..



تمنياتي لك بالصبببرررررررررررررررررررررررررر والتوفيق ..

بدري عليها ياأم وداد لأن عضلات المثانة مايكتمل نموها إلا في عمر سنتين ..

وثبت علميا أن الأطفال الي يجبرونهم أهلهم على تعلم الحمام قبل السنتين هم أكثر عرضة للتبول اللاإرادي لاحقا ..

أنا حاولت مع بنتي لما كانت في عمر بنتك لكن فشلت وبعد ماقرأت المعلومات الي فوق ارتحت نفسيا ..

والآن بدأت معها قبل ماتكمل السنتين بأسبوع ومازلت في جهاد معها والله يعين وييسر لأنها شغلة متعبة خاصة إذا كان الطفل مايتكلم ..

بالنسبة للإلتهاب ،،
أي حفايظ تستخدمين لها ؟!
وهل جربتِ سودو كريم ؟! وكيف كنتِ تستخدمينه ؟!

جزاج الله خير على هالموضوع انا بنتي عمرها سنتين و نص و ما اعرف شلون اابدى معاها وهي ما اتكلم بعد بس كم كلمه و كلامها مب واضح

اخت hanoonah ممكن توضحين اكثر عن الكلوتات
اذا ممكن تقولين لنا من وين نلقاها

سوري ام وداد على مداخلتي ^_-"

__________________

حبيبتي أنا في امريكا


بس سمعت من أخوات انك ممكن تلاقيها في البيبي شوب ..



الله يعينك تراها مرحلة صععبه ويبغالها صبررررررررررر ..


تقبلي تحيااااتي ..

سودوكريم جربته ومافاد ..

لكن الحمدلله خف الاحمرار كثير..


استخدمت بامبرز .. والصراحة مايعجبني ابدا ..

وبعدين استخدمت ليبرو لما كنت في الكويت .. وكان من اروع مايكون رديت دبي ومالقيته طلع ماينباع عندنا..

فكل ماتروح امي هناك اوصيها عليه ..

ولما احمرت كان فيها اسهال وكنت استعمل بامبرز ..

الحين توها امي ردت بالسلامة ويابت لها حفاظ ليبرو ..

__________________
ربنا هب لنا من أزواجنا و ذرياتنا قرة أعين واجعلنا للمتقين إماما

أرجوكم ادعو لي ..بإن ربي يجمع بيني وبين زوجي على خير

إلى زوجي ..إلى مقلتي.. إلى فؤادي...إلى بسمتي... إلى دمعتي... إلى حياتي وروحي... إلى عشيقي، حبيبي، فارسي، أميري، إلى القلب والكيان... والحب والهيام...

الـعزيـــــــــــــــز بو وداد..

أحبــــــــــــك ...