السلام عليكم ورحمة الله وبركاته
اخواني واخواتي اعضاء المنتدى الرائع كروعتكم

طبعاً قبل ما اذكر المشكلة لازم اقول ان زوجي يحترمني ويحبني وماهو مقصر معي وهو رجل محافظ على الصلوات بأوقاتها بس المشكلة اللي حصلت هو للآن مايعرف انني فتحت جواله وقلت لازم استشيركم قبل ما اكلمه او اسوي اي شيء ..
المهم انني وزوجي نريد نتعالج للإنجاب يعني ماعندنااطفال
وزوجي طلب منه تحليل للسائل المنوي ولازم يدخل حمام المستشفى و لإعطائهم العينة ..بس المشكلة
انه صعب شوي ويوم جلسنا نتكلم ع الموضوع قال لي وهو يمزح طبعاً انا لازم اخذ ممرضة للحمام طبعاً انا ضحكت واغلق الموضوع وماراح للمستشفى يعني مومستعجلين..
المهم مع زوجي جوال مايستخدمه كثير يعني اخذه لشريحة شركة جديدة وقبل كم يوم شفت هذا الجوال مغلق رحت فتحته وماني شاكة بشيء بس فتحته مثل دائماً مابيننا حواجز خاصة بالجوالات
ومافيه شيء حتى الصور العاديه صفر والاصوات صفر ورحت للملفات المستلمة ووجدت 3مقاطع فيديو
مخلة
والله انني انصدمت وماكنت متوقع هذا الشيء وجلست ابكي ومن القهر اللي فيني حذفت مقطع وفكرت ان زوجي يسوي لي مشاكل حطيت الباقي وكنت افتكر انه بيسألني لكن ماسأل ولاشي وبعد يومين فتحت الجوال مرة ثاني ووجدت مقطع مخل ٍجديد افظع و افظع لممثلة ..
وفكرت انني اكلمه بس خفت انه ينقهر لأن المقاطع مرررة مخزية واول مرة اشوف هالشيئ في حياتي وهو عارف..
والى الان والجوال في البيت وهو مغلق وزوجي الشاطر مايعرف انني ادري باللي فيه ومرت 4ايام وهو لايأخذ الجوال ولايفتحة والمقاطع موجودة الى الان والله اني عايشة في رعب واحس ان ثقتي بزوجي بدأت تهتز..
لأنه مو من هالنوع جوالاته 2 مستحيل يقفلهم برقم سري ايميله انا افتحه دايماً وهو مايفتح ايميلي ولايسأل حتى الرقم السري ... كيف اتصرف برأيكم هل اسكت وكانني بريئة وما ادري بشيء ام اكلمه تخيلوا احد فتح هذا الجوال وشاف اللي فيه يعني الجوال مغلق عادي وليس برقم سري ..والله انني خايفة ولدرجة انني احاول اغطي الجوال وارفعه بعيد بس معقول هو غبي لهالدرجة؟؟ اعذروني ع الاطالة والله اكلمكم كأنني اراكم واسمعكم ...ساااااااااعدوني.

كيف محافظ عالصلوت أل5
ويستسهل مشاهدة هالمقاطع؟!
أذا شفتي زوجك حآولي تتعبثين بالجوال ألمشبوه_ راح يمنعك طبعا ومن هنا تحاولين تسالينه .. ليش تمنعني... الخ
هنا راح ينفتح الموضوع وكلميه!؟
اذا انكر وكذب!!!
راح نرجع لنفس النقطه شلون محافظ ع ألصلوات الخمس ويكذب!!
إذا ما وضح لج الموقف او عالاقل برر الشي هذا (مثلآ : اخذ هذي المشاهد عشان تساعده في عمل التحليل)
اما اذا لف ودار وعصب وحط الخطأ عليج فتأكدي ان الخلل في زوجك ولازم تناقشينه علشان يعرف انك عرفتي بهالشي وقوليله عألاقل اذا مومستحي من نفسك ومومستحي مني عالأقل استح من رب العالمين اللي تقابله كل يوم 5مرات!! ... والا شالفرق بين الملتزم والغير ملتزم؟! والا المسأله رياء ونفاق!!
؟

__________________
اللهم احفظ لي زوجي وسخره لي واحفظ لي اولادي

ممكن يكون محافظ على الصلوات الخمس وتقع منه كبائر .. يعني تتوقعي ملايين الناس اللي تحافظ على الصلوات الخمس كلهم منزهين عن الأخطاء !!

ما تعرفي قصة الصحابي الذي كان يؤتى به إلى النبي صلى الله عليه وسلم دائما .. ويجلد بسبب شربه للخمر .. فلعنه أحد الصحابة فقال له النبي صلى الله عليه وسلم ( لا تلعنه فإنه يحب الله ورسوله ) أو كما قال النبي صلى الله عليه وسلم

أختي .. الأمور لا تؤخذ بهذه القسوة .. (ادع إلى سبيل ربك بالحكمة والموعظة الحسنة) ..

في ناس ماينفع معها الا المواجهه وتقوله في وجهه انت مخطئ حتى لانكون شياطين خرس!!
واعتقد زوجها رجل كبير وفاهم ومو
محتاج لاسلوب للشوكولا !! ):

__________________
اللهم احفظ لي زوجي وسخره لي واحفظ لي اولادي

فيه ناس صح .. بس مو كل الناس

واضح أن زوجها حبوب ويتأثر بالطريقة هذي .. أنا شخصيا تؤثر في نفسي كثيرا مثل الطرق هذي أكثر من المواجهة بكثير .. الكتابة رائعة لمن يحسن استخدامها .. أما الشيكولاتة ليست أساس في الموضوع وإنما مرفقة مع الرسالة

انا رايي انك تكلميه واجهيه وعلميه انك عرفتي وانصحيه وذكريه ان هذا حرام كيف يبغى ربي يرزقه الذرية وهو يفعل المنكرات وينظر للحرام ..
والله العظيم زوجي كان دايما يتراسل مع زملاه مقاطع اباحية ورقص حريم وجواله ابدا مايخبيه عني ويوم فتحت جواله بس ابغى ارسل لجوالي مقطع بلوتوث لبنتي والا اشوفها فعلى طول قلت له يابو فلان ويش ذا اللي في جوالك قال ايش قلت له اسماء المقاطع اللي محفوظة على طول انحرج واعتذر وقال والله هذولي زملائي يرسلولي بلوتوث مادري ويش هي ولما افتحها واشوفها يضحكوا عليا قلت له وليه ماترد عليهم وتمنعهم يرسلوا لك مثل هالاشياء وانت المفروض تنصحهم وتكسب فيهم اجر وافرض ان احد من اولادك فتح جوالك كيف بتكون نظرته لك وعلى طول مسحهم..

وقلت له شكلي من اليوم ورايح بسوي تفتيش دوري على جوالك زي ما افتش على جوالات اولادك واللي القى في جوالوا شي غلط يحرم من الجوال هههههههه والحمد لله من هذاك اليوم ماعاد شفت في جواله اي شي غلط ...

مثل ما قالت أحد الأخت أميرات .. من شاف مصيبة غيره هانت عليه مصيبته

أختي .. أولا تذكري بعض الأمور قبل اتخاذ أي إجراء

* الإنسان معرض للوقوع في الأخطاء مهما كان تدينه .. بعض الصحابة رضوان الله عليهم وقعت منهم كبائر .. وبعضهم كان يجاهر بها .. ثم تابوا وأصلحوا بعض ذلك

* حين تكوني على علاقة جيدة مع زوجك كما ذكرت - ما شاء الله - .. ورغبت في حل مشكلة ما .. فتذكري أنك ستحلي مشكلة لشخص هو جزء منك .. وليس شخصا يمشي في شارع ليس لك به أي ارتباط .. وضعي نفسك في موقف زوجك - لا قدر الله - وفكري ما الذي سيردعك عن الفعل دون التأثير على العلاقة بينكما ..

* الحل السريع للمشكلة هو أهم شيء .. حتى لا تتفاقم ويصبح الخلاص منها صعبا .. ولابد من الحكمة مع ذلك وترك العواطف جانبا .. بل وحاولي أنت تعالجي المشكلة على أنها معصية وخطأ فحسب .. لا أن تعالجيها على أساس أنها جرحت أنوثتك .. بمعنى لا تقولي له أبدا (ما قصرت معك بشيء .. ولا ناقصني شيء من الجمال والخلقة والعلاقة الحميمة وووو ) لأن ذلك يجعل الموضوع وكأنه غيرة فقط .. أرجو أنت تفهمي قصدي من هذه النقطة جيدا لأنني وجدت صعوبة في كتابتها بأسلوب سهل

والآن .. سأقترح عليك حلا أرى أنه مناسب لحالتكما

لا أؤيد المصارحة وجها لوجه .. فلأن العلاقة بينما جيدة فليس من المناسب أن تري زوجك في موقف لا يحسد عليه ولا يعرف ما الذي سيفعله .. لذا أقول أن الطريقة المناسبة هي كتابة رسالة ورقية .. بطريقة جميلة .. وكأنها رسالة حب .. اكتبيها وكأنك تكتبين تلك الكلمات لنفسك .. ولا بأس أن ترفقي معها قطعة من الشيكولاته أو شيئا من هذا القبيل .. ولا تكثري الكلام الناقد .. ولكن أكثر من الدعاء له وأكثري من المديح وذكريه بأنك على علم بأن الإنسان معرض للخطأ ..

هذا رأيي والله أعلم بالأصلح

وفقكما الله لما يحبه ويرضاه وأصلح لك زوجك

السلام عليكم ورحمة الله وبركاته
.
.
.
قد يختلف رأيي عن آراء المعظم
ولكن أنا شابف إنه الموضوع مو لازم ياخذ أكبر من حجمه
فبلوى المقاطع الإباحية انتشرت بالفعل
وقد يكون حصل عليها بالصح أو بالغلط من باب الفضول مثلا
أنا شايف إنك تتصرفي مثل الأخت جناين ورد
فهو تصرف لطيييييييف وغير مزعج للزوج
وأهم شي تشيلي من راسك عدم الثقة أو اهتزازها
الموضوع ما يستحق كل هالأشياء
.
.
.
أسأل الله العفو والعافية
والله المستعان

__________________

السلام عليكم ورحمة الله وبركاته
اولا عندى اعتراض للاخ تبا للعزوبية الذى ذكر فيه ان الصحابة كانوا قد وقعوا فى الكبائر اخى كن متاكدا قبل ان تتكلم هم ماوقعوا فى الكبائر الا قبل دخولهم لالااسلام اما بعد اسلامهم فقد صلح حالهم كثيرا ونحسبهم انهم كانوا من خير البشر بعد الرسول والخلفاء الراشدين
ثانيا يا اختى ربما احد بعثهم لزوجك وهو مايدرى عادى تصير او الموبايل اشتراه وفيه هالمقاطع
مافى احلى شى منا لصراحة والجلسة بهدوء
والله يصلح حالكم ويرزقكم بالذرية الصالحة
اللهم امين

__________________