السلام عليكم و رحمة الله و بركاته

أسعد الله أيامكم و أوقاتكم

أنا مطلقة لي سنة بدآية طلاقي ما كنت أفكر بطليقي آبد

بس صار كل ما يمر وقت أشتاق له آحن له أفكر فيه كثير

لدرجة الحين صار معي بكل وقت ما يغيب عن باللي

ما أدري إذا هالشئ معي أنا أو مع أي وحدة مثل حالتي مطلقة !!

تعبت من كثر ما أفكر فيه .. و أحاول أوقات أقنع نفسي إنه ليه التفكير

بواحد خلاص ما عاد بيني و بينه أي شئ بس ما قدرت ...

ساعدوني .. المشكلة إنه حتى بالبيت مو لاقية أحد أتكلم معه

كلهم مجرد ما أبي أتكلم صرخوا فيني : ( منتي آخر من تطلق ) !!

ما أدري بس الغريب إنه وقت زواجنا

ما كان بينه و بين أهلي إتصالات

و حتى لمن يوديني لبيت أهلي ما يدخل معي

و من فترة لفترة بس يدخل يسلم و يطلع

الغريب بالموضوع إنه من تطلقنا صاير كل فترة يتصل على أبوي و يسلم و إذا قلت لهم غريب إتصالة وش يبي ؟

قالوا لي ما يبي شئ بس يسلم !! ( أنا أخاف إنه وده بالرجعة بس أهلي ما يبون يعلموني ! )

لأنه واحد وقت ما كان ملزوم بالوصل و السلام ما كان يسأل ليه بعد الطلاق صار يسأل و يسلم ؟!!