السلام عليكم و رحمة الله و بركاته
يا اخواتي انا اتقدم لي ولد خالتي و هو متزوج و عنده 5 بنات و عمره على 35 سنه ., و سبب زواجه يقول ابي الولد لان عندي بنات عشان جي ابي اتزوج و احب زوجتي بس زوجتي كل مره اتييب البنات, و زوجته ما يعرف عن زواجه يبى يخليها جدام امر الواقع , و اهلي يقولون الراي الاول و الاخير لك مع أن السبب مب مقنع . و انا مو مرتاحه , مره اقول اوفق و اريح نفسي من العذاب اللي انا فيه لاني عمري 30 سنه و كبيره جدا بعيون الناس و اقول في النفسي ها يمكن فرصه لي , و مره اقول لا الرجال متزوج و اشفق على زوجته و اقول ما لها الذنب و بتنهار من الصدمه و انا اكون سبب تعاستها و بتنهار اسره كامله , ما ابي ابني سعادتي على تعاست غيري ,محتاره و ما عرف شو اسوي ساعدوني يا اخواتي و اخواني .
الملاحظه هو قال انا يت عندكم عشان انتو اهل و اذا وافقتوا بتزوجها و اذا ما وافقتوا ما بتزوج غيرها يعني يبى الاهل و غريب ما يبى و هو ظروفه متوسط , شو رايكم ارجوا الرد سريعا



الاشراف : عذراً تم تغيير العنوان بما يناسب المضمون

وعليكم السلام ورحمة الله وبركاته

اختي الغاليه هذي ارزاق بيد الله تعالى وانتي بس الي تقدرين تحددين وش تبين ولاتنسين انه عنده مسؤلية زوجه وبنات يعني ماراح يكون متفرغ لك هذا غير اذا جبتي بنت منه وش بتكون ردة فعله هل بيدور على الثالثه !!؟؟

بس الغريب انه وش يضمنه اذا تزوجك او تزوج غيرك بيجيب الولد

استخيري والله يكتب لك الي فيه الخير

__________________

سبحااااااااان الله .... ايش راح يضمن انكم سترزقون بمولود ذكر !!! الله وحده يعلم

الافضل ان يكون سبب الارتباط اقوى من هذا الشيء الذي لايعلم تحقيقه الا الله سبحانه وتعالى ..

" لله ملك السماوات والارض يخلق ما يشاء يهب لمن يشاء اناثا ويهب لمن يشاء الذكور (49)
او يزوجهم ذكرانا واناثا ويجعل من يشاء عقيما انه عليم قدير (50) " سورة الشورى

بعد قضاء الله فإن الرجل هو المسؤول عن كون الجنين ذكر أم أنثى

فهو الذي يحمل الكروموسومات الجنسية (y) للذكر و (x) للأنثى

والبويضة تحمل (x)

فلو اتحد الحيوان المنوي (x) مع البويضة صارت انثى بإذن الله

ولو اتحد الحيوان المنوي (y) مع البويضة صار ذكرا بإذن الله


يعني الخلاصة سببه غير مقنع

كان ممكن يقول إني بتزوج كذا وحده ثانية ولا يقول هذا السبب اللي محد له دخل فيه

الولد والبنت كلهم من عند الله وهو الذي يرزق من يشاء بما يشاء سبحانه


وهو بعدين قال انه لو ما وافقتوا ما بيتزوج غيرك يعني ؟!

والله سبحانه أعلم بالنوايا

هذا غير ظروفه وسط

هل بيقدر يعدل بينكم

استخيري واستشيري والله يكتب لك اللي فيه الخير

والله انه سببه غير مقنع بالمره

واختي الوان فسرت لك ووفرت علينا بارك الله فيها

الرجل هو اللي يتحكم بجنس الجنين بعد ارادة الله طبعا

اعرف واحد عنده 10 بنات وتزوج علشان يجيب الولد وجاته بنت برضه

كله بايد رب العالمين

__________________

يعني بيتزوجك علشان الوولد وبس حتى ماتضمنو أتجيبو الولد أو لآ


أستخيري وربي يكتبلك الي فيه الخير

ماتدري يمكن هذا نصيبك الي ربك كاتبو لك

الله أيسهل أمرك

__________________
اللهم اجعلني نورا بين عيني خطيبي..
اللهم ارزقني حبه وارزقه حبي وارزقنا حب وجهك الكريم

يا اخواتي اشكركم على نصائحكم لي و يكون في ميزان حسناتكم , انا قلت لاهلي انا مو مرتاحه طلب الريال غريب و ما ا
اخذ واحد متزوج , و اظلم انسانه بريئه , اهلي قالوا ها كلامي للرجال , هو غير كلامه و قال لا اباها مو شرط الولد انا اباها.
شو رايكم لاني احترت اكثر.

سبحان الله يتزوج حتى يرزق بولد سببه غير مقنع أبداً
هذه ارزاق من رب العباد سبحانه
أعرف رجل رزق بـ ست بنات وتزوج على زوجته ورزق بـ أربع بنات من الثانية.
بالنهايه القرار لك استخيري وان شاءالله ربي يوفقك لكل خير

__________________

كيف دينه و خلقه ؟؟ وين رح يسكنك ؟؟ هل هو متحمل للمسؤولية و قادر يعدل ؟؟

هل تفكيره بالزواج مجرد فكرة خطرت بباله و لا مشروع هو قده؟؟؟؟؟؟

الاجابات عن هذه الاسئلة مهمة جداً

__________________
.
.

استودعتك أهلي في سوريا يا من لا تضيع ودائعه

دينه تقدرين اتقولين ممتاز ,
السكن قال بسكنها في البيت الثاني
من الجهه المسؤوليه الحين يقول هه اقدر على المسؤوليه بس بالمستقبل الله اعلم لان الكلام شي و الواقع شي الثاني.