السلام عليكم ورحمة الله وبركاته
أنا عضوة جديدة والمنتدى كتير عجبني بصراحة لأن في فايدة للجميع واتمنى الاقي الحل عندك
انا بنت وحيده عند اهلي يعني بس في اخ غيري وطبعا حياتي مرفهة بما اني وحيده المشكلة بدت اني من شهر تقريبا انخطبت لانسان مو نفس جنسيتي هو انسان كتير منيح وبحبني بشكل مو طبيعي وكتير منيح معي ومع اهلي بس الي تاعبني شغلتين اول شي انو والدتو كتير غريبه هو ابو توفى من زمان واخوانو درسو وهو لا وباقي عندو 3 بنات بالبيت وتقريبا هو الي بصرف على اهلو مع انو عندو اخ دكتور ووضعو منيح بس الكل متكل على خطيبي وانا طبعا بقلو دايما انو لازم يساعد اهلو بس المشكله وقت ماانخطبنا امو مابعرف كيف صارت يعني خافت انو اخد ابنها منها يعني مابتسئل فيني واوقات بتصل بتكون زعلانه من خطيب ي مابترد علي مع اني كتير منيحه مع اهلو وبعتبرهم متل اهلي بس امو كتير غريبه حتى ماما اوقات بتتصل مابتكون سمعت الجوال ولو شافت بعدين الرقم مابترجع تتصل ودايما قدام اهلي بتشكي على خطيبي انو مو منيح معها مع انو كل الي حواليها بمدحو بخطيبي وانو هو الوحيد الي بين اخوانو حرم نفسو من الدراسه وكتير شغلات علشانهم بس هي مابتقدر وصار دايما هو مشاكل مع امو مشان هالموضوع مع اني مابشكيلو بس هو عارف اني مدايقه ولان في وحده بتقرب خطيبي زمان تقدملها وابوها قال انو ابن عمها بدو ياها وخلص راح خطبني وانتهى الموضوع بس البنت صار بدها خطيبي وصارت دايما تلعب بعقل امو يعني ساعه امو منيحه معي وساعه لا وهي اول مشكله عندي والتانيه انو خطيبي كتيييييييييييييير منيح معي لدرجة مابتنوصف وكتير بحبني وما حارمني شي بس المشكله انو انا ماحاسه اني بحبو يعني يمكن تعودت عليه كتير ومابتخيل حياتي بدونو بس كل فتره بحس اني مابدي اكلمو مع انو كتير بحبني واوقات بقلي انو هو بحبني وانا بجاولو اني كمان بحبو بس مابكون قاصدة الحب الي هو بحبني ياه وهو دايما بحكيلي ازا تركتني بموت حالي انا بحبك ومن هالكلام انا مرتاحه معو يعني ك المواصفات الي بدي ياها فيه بس مابعرف لي مابحس انو بحبو كتير بعرف طولت عليكم بس جد نفسيتي تعبانه من هالشغلات وبتمنى تفيدوني
شو اعمل بقلبي ومع والدة خطيبي ؟؟

حبيبتى هلا بك بالمنتدى عضوه جديده معنا شوفى اولا بالنسبه لخطيبك انا حاسه منك انك على الاقل فى من جهتك قبول له وهذا اهم شئ بالبدايه ومع الوقت يجى الحب ان شاء الله دامه منيح معك ويحبك وانتى متقبلاه اكيد بتحبيه لكن اهم شئ لابد انك تشعرى نفسك بانك تحبيه لانك لو استمريتى على انك ماتحبيه لكن بس تعودت عليه بيصير فعلا ماتحبيه يعنى هيئى نفسك انك بتحبيه وبيصير ان شاء الله
بالنسبه لامه الله يهديها انتى حاولى انك تستمرى على معاملتك الطيبه لها حتى تشعر بقيمتك وبطيبة قلبك وقتها راح تغير معاملتها لك وبعدين ما تتلفتى لكلامها يعنى ما يشغلك كلامها بخصوص الشكوى منه دامه منيح معك وحاولى تتكلمى معه لكن بطريقه حلوة وعفويه عن ان اخوه لازم يحاول يساعده فى مسؤلية امه واخواته لانه راح يكون مسؤل بعد ذلك عن بيت اخر وزوجه واولاد ان شاء الله ماراح يتحمل كل هذا العبئ سواء المادى او العقلى او حتى الجسمانى
لكن والله الشخص اللى مثل خطيبك دا ان شاء الله الله بيكرمه ويعطيه وما تخافى على نفسك معه لانه يعامل اهله وضحى باشياء من اجلهم ماشاء الله تبارك الله الله يكتب لكم السعادة ويسخره لك ويجعلك قرة عين له ولاهله ويجعله قرة عين لك ولاهلك يارب

__________________
اللهم بارك لى فى اولادى وزوجى وعوضنا خيرا مما فقدنا

مشكورة تيررا عالرد وجزاك الله ألف خير وجد ريحتيني شوي احس في حدا ممكن الواحد يطلعلو الي بقلبو

شخص بار بامه واخوته

لالاتتركيه ىابداا


وامه لا تحتكي معها كثيرا فقط صلة رحم لحين تتعود على وجودك بينهم



الف مبروك الحب بعد الزواج

__________________
http://live.gph.gov.sa/
اللهم اني استودعك اولادي

اول شي مشكور عالرد وجزاك الله الف خير انا اكيد بكون مبسوطة لما يكون بار بأمه واخواته وكمان الي مريحني انو كتير منيح مع اهلي بس المشكله انو والدتو كمان مع خطيبة ابنها الكبير الي صرلها سنتين مخطوبة لولدها بتعاملها نفس الشي وانا من ناحيتي بتقبل الموضوع وعادي هي متل والدتي ان شاء الله بس الي مدايقني انو هي اهلو بيتصلو يكلموها مابترد قال عشان بتكون زعلانه من ابنها ونحنا من طرفو بس الله يجيب الي في الخير ومشكووور عالمرور

عزيزتي اهلا وسهلا بك عضوة جديدا واخت لنا في هذا المنتدى اولا شوفي شخصية خطيبك اذا هو حكيم وبيعرف يوازن بين رضاكي ورضا اهلك يعني زي ما بيقولو بيعرف يمسك العصا من النص وانتي شايفه شخصيته قوية ومستقلة ومش ممكن حد يؤثر عليه بسهولة ضدك فاطمني وعاملي امه بما ييرضي الله وهي مع الوقت هتحبك وبما انه من بلد تاني لازم حد يسال عليه في بلده ويعرف التفاصيل المهمة وانتي عليكي بالدعاء ان ربنا يؤلف بينك وبين امه وانه يكون قرة عين لكي واستخيري ربنا كتير ا والله هو الموفق

__________________

تسلمين فوفو الأميرة عنجد اسم على مسمى وانك اميرة وتسلمي عالرد وجزاكي الله خير اول شي خطيبي بار باهلو وبنفس الوقت مابحب يزعلني او يزعل حدا يعني امو بتغلط مثلا مابترد على ماما بس تتصل فيها وماما بتزعل بجي هو بيعتذر عن والدتو وهيك بس اليوم الصبح اتصلي وقال انو هو حكي والدتو ومابعرف شو وانو انا غلطانه انو هي بتزعل لما يكون يحكي معي بلبل ويسهر ومابنتبه على صحتو وهيك يعني اول مرة بحط اللوم علي وانا ماحاسه اني غلطت لان طول نهار مامنحكي لان بكون بشغلو وبخلص الساعه 11 ونص يعني بالله متى بدي احكي معو وهي مابيعجبها نو يسهر وانو انا قال مابخاف عليه ومو مقدرة وضعو بس الله يجيب الي فيه الخير

قولى له خلاص حبيببى متى ماتحب تكلمنى كلمنى بالنهار او بالليل وماتزعلى حبيبتى راح يكون الموضوع شوى صعب يمكن عليهم من كلامك هو المسؤل عنهم اكيد بيخافوا من اللى بتتزوجوا انها تبعده عنهم مثلا او انها تحرمهم من خيره ودا فا معلش يمكن تحتاجى شوية مجهود حتى يسلموا بالامر الواقع ويعرفوا انك ماراح تاخذيه منهم

__________________
اللهم بارك لى فى اولادى وزوجى وعوضنا خيرا مما فقدنا

تسلمين حياتي تيررا وعنجد دخلت رجعت بس كان نفسي شوف ردودو لان لسا مدايقة وهي عنجد كتير بتغار والي قاهرني انو هو بقلي قبل الخطبه يعني بتعرفي ايا شب بكون عندو بنات ومن هالحكي المهم امو ماكانت ابدا تحكيلو لي سهران او لي اطول عالموبايل بس لما خطبني صارت هيك وانا الي مدايقني بكل الموضوع مو انها بعيدة عني او مابتسئل عني انا ماعندي مشكله لان والله انا من اول ماانخطبت اخدت عهد على نفسي قدام ربي انو امو متل امي وانا اكيد لو امي ماترد علي رح ضل اتصل ولو هي بعدت رح ضل انا قرب منها طول العمر وانا هيدا الي عم بعملو مع حماتي بس الي مدايقني تصرفاتها مع امي يعني ماما حنوونة بشكل وخطيبي بحبها كتير وبقلي بتمنى امي تكون متل امك وانا واخوي خطبنا بنفس الاسبوع واهل خطيبة اخوي مناح مع ماما بس حمماتي مابعرف كيف الي مدايقني تصرفها مع ماما يعني امي بتتصلها بس تعرف انو هي اجت على المنطقه الي عايشين فيها نحنا عشان تسلم عليها وتعزمها مابترد علينا ولو شافت الرقم بعدين عادي مابترجع تتصل ودايما مبرراتها معروفة يا ماانتبهت يا نسيت يا انشغلت بس كلي أمل انو مع الايام تتغير وتعاملني متل بناتها متل ماا انا بعاملها متل امي وتسلميلي عالرد مرة تانيه وانا فعلا اتفقت معو انو نقلل المكالمات شوي هالفتره واصلا انا الاسبوع الجاي مسافرة على بلدي لمدة شهر ونص فأكيد صعبه نحكي متل لما نكون بنفس البلد والله يجيب الخير ومشكورة مرة تانيه والله يصبرني ويقويني

يا حبيبتي انتي متلي.حسيت انك بتكتبي عني. انا حماتي عشان زوجها متوفي هي المسيطرة يعني ع البيت ومن هالكلام بتعرفي .. وكمان زوجي ترك تعليمه لما ابوه اتوفى ليكون هناك رجل بالبيت كانو اخوانه متزوجين واشي في الغربة ..
كنا واحنا خاطبين تمدح فيه ومن هالكلام لزوجي وبعد الزواج اتغيرت وصارت تقول عنه مش كويس من يوم ما تزوج اتغير وما تقبل تزور اهلي بحجة انه ابنها مش منيح معها وعلى مبدأ (ماسرني القرد ليسرني ابنه) وطبعا ابني ما كان هيك ابني اتغير بعد الزواج ومن هالقصص التي لا تنتهي..
بس اهم نصيحة انك تكوني رسمية معها بالتعامل لابعد الحدود يا حلوة

بعدين شو ما يسير تقعد تسمعك كلام وهالقصص تبعت الحموات .. [gdwl]انسي طنشي وحطي بالخرج [/gdwl]زي ما بقولو.. اهم شي ما تنقلي المشاكل من بيتها الى بيتكم لان هذا[gdwl] يفرحها [/gdwl]كانت تعمل لي مشكلة في بيتها واروح ع بيتي ابكي وزعلانة يومين اخر شي قالولي هي تعمل مشاكل خصوصي حتى تصبح علاقتتك بزوجك سيئة وهي ستكون فرحانة ف طنشت بطلت تهز شعرة براسي.. ولا انقل لزوجي اي شي عن ما تفعله لابقي على علاقتي به جيدة وحتى لا تتكدر حياتنا..
طبعا بقولك هالكلام بعد خبرة 5 سنوات ومعاناة طويلة لما قدرت استوعب النقطة السابقة ياريت ما توقعي فيها انتي

بعدين لا تنسي الحموات يغرن من زوجات ابناءهن على اعتبار انها اخدته منها مع انها هي اللي نقتها يعني حد بجيب الدب لكرمه معقول ا؟"؟؟ انتي زوجتي ابنك لانه هذه سنة الحياة
.................
عالعمومممممممممم الله يهدي سركم.. وكل الحموات هيك الا من رحم ربي..

بالنسبة لزوجك بما انك مسمية حالك فدوة لعيونك اذا هذه بداية مبشرة.. بعدين الكل اول شي بحس انه عادي بعدين بتحسي بتعلق وبحب لوحدك مع الزمن

الله يخليكم لبعض ان شاء الله