السلام عليكم ورحمة الله وبركاته......

سبحان الله ماأدري الدنيا ماشيه بالمقلوب ولا البشر معكوسين ......

بمعنى ....اذا ربي رزق الرجال زوجه قمة بالتفاهم ....العطاء ....الحب اللامحدود

التضحيه .....الرومانسيه .....صار الزوج بذئ اللسان ....الرومانسيه شرق وهو غرب

النوايا السيئه ....الانانيه في المشاعر ...التحطيم .....عذبي نفسك عشاني ولا تقصرين

وانا على حسب المزاج .....

واللي رومانسي .....حنون ....معطاء...كريم في الحب ....والمشاعر .....والتفاهم

يرزقه الله بـ زوجه تكون هي رجل بشكل انثى .......

وهذهـ هي حالي طبعا الاولى والله ليس مدح في نفسي ولكن هذا ماأعيشه

الرجال اقتلبت حياته طايح فيني تحطيم تهزئ ....ليه عشان انقبلت في الكليه زوجي من

النوع اللي يكرهـ ان اكون متميزهـ عنه دائما يقول ماأحب اعدد مميزاتك ولا التغيير اللي

سويتيه في حياتي عشات ماتصابين بالغرور ....قلت بالعكس عشان ازيد لك بالدلال

مع اني ولله الحمد اعرف اني غيرت بـشخصيته مايقارب 80% للأفضل

ولكن عندهـ جحود فظيع ....صاير هاليومين مايتحمل مني ولا كلمه ...صرت اتجنب الكلام معه

بس انفذ اوامرهـ .....صاير يتمسخر علي من ناحية الكليه ويكسر مجاديفي يقول ماراح تنجحين

مصدقه نفسك السنه هاذي طبعا انتساب وان نجحت ابغى احول انتظام يقول هذا بعدك ...

ماني مستعد مشاوير الصباح والظهر قلت اجيب سواق قال لا لا .....

وليه رجعتي تدرسين لاتكوني راح تتوظفين حلمي ....ياناس انتحر ....

واللسان بذئ ...المزاج عصبي .....كل يوم منزل دعوهـ آخرها اليوم الله ياخذك عشان مريت

من قدام التليفزيون وهو يطالع الاخبار ...عندهـ صفه غريبه اذا صرنا جالسين ناكل ومديت له شي

على بالي رومانسيه يقول شبعت ...خلاص ماأبغى ذاك اليوم نتعشى مديت له زيتونه قلت آخر حبه

للي تحبه اخذها قلت ياالله ماتوقعت ياعمري انك تاخذها تصدقون رجعها قال عشان تتأدبين

هل هذا الموضوع يستحق التأديب ....لاتقولين ازعلي مشكلتي مااعرف ازعل وهذا الموضوع

هو اللي عطاهـ الضوء الاخضر انه يتمادى على مشاعري يعني حتى لو غلط علي اجي انا اراضيه

والله ثم والله انني لاادعي الكمال ولكن هاذي شخصيتي ....اعرف شخصيه غبيه بس ايش اسوي

مع هذا احبه ولاابغى ازعله .....

كيف اتصرف معه ....تحطيمه .....تهزيئه....كسر نفسيتي من اجل الدراسه هذا وانا لسى مادوامت

انتظركم لا عدمتكم ....

__________________
حققت حلمي ...ولازلت انثى طموحه ....

حاولي تتا قلمين مع اسلوبه صح صعب عليك لاكن هاذا اللي تقدرين تسوينه لانه طبعه ماراح يتغير راح يمل من نفسه وطريقته ولابد يجي يوم ويتغير هاذا الكلام عن تجربه 0بالنسبه لدراستك قاومي ولاتعطينه فرصه يخليك تتركينها باسلوب طيب مرن وتحملي مهما ابدى من تذمر 0لاتخلينه يكسر مجاديفك 0ياما تعبت في سبيل شهادتي الجامعيه وهو يتطنز علي ويقول مصيرك للبيت وحتى بعد ماتخرجت يعايرني ويقول وش استفدتي غير التعب وانا ارد واقوله اقل شي ادرس عيالنا ماحديتهم لاحد00والله يهدي زوجك 00

وهذا ماافعله معه ...وليس لدي الا الصبر ...والتمسك بالقرار.....

اسعدني مرورك .....

__________________
حققت حلمي ...ولازلت انثى طموحه ....

لاتزعلي ولا تنهمي وامضي نحو هدفك وطموحك بخطى ثابته ولاتجعلي كلامه وتصرفاته تأثر عليكي
ومادام زوجك من هالنوعيه لازم تصبري وطنشي حاولي بيني له ان هذا الكلام لن يثنيكي عن تحقيق حلمك
واذا في مجال حاولي تفاهمي معه بهدوء ولطف. والله يصلح حال زوجك

اذا انت اكرمت الكريم ملكته واذا انت اكرمت ال000تمردا

يمكن زوجك يمزح .. تعرفين مزح الرجال وش ملحه بعض الاحيان ..

واذا كان مايمزح صارحيه بهالشي .. انك تفرحين اذا مدح شي فيك .. وكللل شي بخاطرك ..

ويمكن انتي تقولين اشياء تضايقه مثل (لولا الله ثم انا ما صرت كذا او ما وصلت لهالمراحل) ترا الرجال مايحبون تمنين عليهم بشي .. حتى لو كان بسيط ..

بعدين شكل زوجك معجب فييييك مره ويغار منك بعد .. ويتمنى يوصل مثلك .. يمكن تعليمه قليل .. ومو واثق من نفسه ..

انتي دورك انك تنمين فيه الثقة بالنفس .. وتعززين قدراته الزينه اللي فيه وتتغاضين عن الاشياء اللي مو حلوة فيه ..

الله يسعدك .. : )

__________________

معليش كنافه
أعذرني مت ضحك على سالفه الزيتون ..
لي عوده ..
أبفكر لك بحل ...

__________________

هههه
حرم ..اكيد كنافه قبل لازوجها يحط الزيتونه بــ فمه
!!
إسإلته ...لذيذه؟؟
عشان جذي ..عصب !! قال..لايكون انتي مسويتها ..ولا طابختها!!!

كنافه حاولي هاليومين تصيرين له (حلبه) .. بدل كنافه .. عشان يجرب مرارتك شوي!!!

__________________
اللهم احفظ لي زوجي وسخره لي واحفظ لي اولادي

يا كنافه اصليه

انت كل ما جا كلمك وينزل من عزيمتك
قوليله

الفضل لله ثم الك اني وصلت للي وصلت له

لو لاالله ثم تشجيعك و صبرك و وقوفك جنبي



و ان شاء الله باستمرار تشجيعك لي الله بيوفقنا

و كلميه انك بتفكري تشتغلي
حتى تحسنو مستواكم و تشترو بيت و تاثثوه و لمستقبل الاولاد

و انك حتكوني جدا سعيده و انت دايما بتتكلمي عنه امام القريب و البعيد

عن تضحياته ووقوفه جنبك و الكل حاسديكي عليه


و كل ما جا يحطم قوليله يا بعد عمري اليوم كلمتني

و انت تعرفي مقدمات التنكيد و كسر المجاديف و كسر النفوس

من طريقه تنفسه و نظرته

قوليله كلمتني ام فلان ولا فلانه و مدحت فيك وقالت ياريت زوجي مثل زوجك

و قعدت احصنك و احصن نفسي




انفخي فيه شويتين هو حيمل ويسكت

لا تبينين له انك مستغنيه عنه و انك شايفه نفسك عليه

هو خايف انه دراستك حتغيرك عليه

هذا هو كل الموضوع

دايما اعطيه تطمينات انك انت نفسك ما راح تتغيرين

__________________

حبيبتي زوجك يحبك تكوني ضعيفه ومكسوررره له
لكي يرضي شي بنفسه والله أعلم’’’’’
بس انتي حاولي انك تبيني له انك ضعيفه ماتعرفي تسوي شي بدونه
وحاولي تستشيرينه وانك ماتعرفي تتصرفي من غير رايه
ولا تحاولي تنتقديه
والزمي الصمت وتجاهله فتره
صدقيني راح يحس بتغيرك ويحاول يلفت انتباهك بموضوع او اي شي
وسياست الصمت تضع الرجل بحيره
والله يوفقك

__________________
سبحان الله وبحمده
سبحان الله العظيم