السلام عليكم ورحمة الله


( طولوا بالكم علي ولا تضحكون من الوصف لأني عجزت الاقي كلمات مناسبه )

عندي تساؤل عن حاله غريبه ما اعرف صراحه كيف اوصفها

ولكن خذوا هذا الموقف عشان تفهموا





بنت في ثاني ابتدائي
في حصة القراءه

والمدرسه جالسه تقرا الموضوع بصوت عالي والبنات يرددون وراها ويحركون اصابعهم مع كل كلمه


تتفاجأ هذي البنت بزميلتها اللي جنبها وهي تدق كتفها وتقول لها بصوت خافت

يا ......
اشفيك؟

الأبله تكلمك !

ردي عليها


وترفع البنت هذي عينها في المدرسه وتتفاجأ ان كل الفصل يطالع فيها مستغربين منها

وتقول لها المدرسه بإستنكار شديد

اشفيك ماتردين علي؟

ليش اناديك ماتسمعين؟

........ اشفيك ؟


احنا وين وصلنا في القراءه ؟

تقوم ترد عليها البنت بكل براءه عند الكلمه ....... اللي هي موقعها ثالث كلمه في السطر الاول

فتتفاجأ بالرد من المدرسه ... لا يا حبيبتي احنا في السطر الرابع

واللي يزيد الطين بله ان زميلتها اللي جنبها قالت : انتي تمزحين ! احنا هنا .. وتأشر فعلا على السطر الرابع..


طبعا الفصل فيه 40 طالبه ...كيف اكتشفتها المدرسه ؟
بسبب اصبعها اللي وقف على ثالث كلمه في السطر الأول





طبعا هالبنت هي اختكم مشكلتي اصدق



الموقف بكلمات اخرى


اني صرت زي الجهاز لما يفصل !!!!!!!!!!!!!!!!!!!!!!


هل كنت سرحانه ؟ لا مو سرحان
السرحان يسمع وينتبه من نفسه وماتاخذ ثواني


انا لا استمرت اقل شي دقايق ( مع بطء قراءة المدرسه طبعا )
ولا انتبهت من نفسي البنت نبهتني
والمدرسه كانت تناديني ولا انتبهت لها .. لو ما دقتني البنت كنت يمكن للحين فاصله ...

الفتره اللي كنت ( فاصله ) فيها ما سمعت فيها شي
ولا اتذكر اني وقفت عند هذيك الكلمه
ولا اتذكر كيف وصلوا للسطر الرابع


استوعبتم؟


اهااااااااااااااااااااااااااااااا

هذاك اول موقف يمر علي ... وانحفر حفرررررررررر بجميع تفاصيله في ذاكرتي ...

المشكله ان الحاله تتكرر معاي لليوم.... تقريبا كل شهرين لثلاثه شهور ... اكون مثلا جالسه في وسط مجلس ( وافصل ) ولما انتبه ما ادري انا ليل نهار ..وين انا ..ليش انا هنا ... ماتاخذ اجزاء من الثانيه هالاسئله وارجع اتذكر كل شي واتعوذ بالله من الشيطان واهدي نفسي .. لأن يجيني شوية خوف من هالحاله لأني انفصل فعليا عن العالم حولي .. ولا اعرف كم اكون اخذت في هالحاله فأرجع اتلفت واشوف قد ايش تغير الوضع من حولي .. وكم ارتاااااح لما احس كل شي مثل ماهو ...معناتها اني ما طولت وما احد حس علي.. ومرات القى شوية تغير .. يعني مثلا تكون اختي جالسه جنبي وافصل انا وارجع انتبه ما القاها... وينها ؟ متى قامت؟ مااااااااااااااااا ادري



المصيبه واللي خلتني اكتب الموضوع ..

انها الحين جت اخوي
وفي وضع صعب جدا




اثناء سواقته السياره


قبل كم يوم
جا عندي وهو مصدووووم
قال تحمدي لي بالسلامه

قلت الحمد لله ع السلامه ( كنت بموت خوف لأني اعرفه مجنون في السواقه )

قال جتني حاله غريبه اليوم مدري وش هي
قلت خير ( خفت لا يكون متعاطي والله )
قال تفاجأت بكل السيارات اللي حولي وانا في الهاي وي انها تبتعد عني ويزمروووووون لي

وكل ما اطالع واحد فيهم يسوي بيده حركة ( انت مجنون؟) واللي يسوي ( انت نايم؟)

تفاجأت اني وسط السيارات وشكلي كنت الصق فيهم وانا ما ادري

شكلي كنت اروح يمين يسار وانا ما ادري

قلت له سرحان؟

قال لا يابنتي ما اتذكر شي ( نفس حالتي )

قلت يعني وش هو؟


قال اسمعي .. انا اكل واشرب وابدل ملابسي واقرا واكلم جوال وارسل رسايل واسولف وانا اسوق

مااااااااااعندي مشكله ابدا



بس هالحاله !!!!!!!!!!!!!!
ما اتذكر وش صار
ولا شي


قمت طالعت فيه وانا قلبي بينقطع عليه
قلت كأنك فصلت ؟



قال اييييييييييييييييييييييييييييييييه فصلت
فعلا

ليش وانتي بعد؟

قلت اي والله وانا بعد

قال يوه من متى
قلت منذ نعومة اظافري

لكن انت من متى؟

قال لا هذي اول مره
وانا اسوق يا ربي وانا اسووووووق؟


قلت شوف مبدئيا من الآن فصاعدا لازم تشغل نفسك بشي وانت تسوق
يا تكلم احد .. ياتاكل .. يا تسمع قصه في شريط
ياتاخذ معك احد ..دايم معك

اهم شي ينشغل ذهنك
ولا اعتقد بتقدر ( تفصل )

لأن انا بعد ما تجيني الا لما اكون ساكته ...وجالسه ماعندي شغل

ونادره


وادري ان كلمة ( فصل ) تضحك بس ما اعرف وش اقول؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بسبب خوفي ع الادمي كتبت الموضوع
والا انا لي عشرطعشرين سنه ----- ماني قايله عمري الصدقي

الحين


وش هالحاله؟

ومن ايش تجي


وش علاجها؟


وهل لها تطورات؟


طمنوني الله يطمن بالكم..............

__________________
[/IMG]

بسم الله عليكي



مره سمعت عن واحده كمان فصلت انما ثلاث ساعات وحتى الآن ما تتذكر كيف وليه واين ذهبت




اذهبي للدكتور انتي واخوكي


والله ضغط الحياة وكثر التفكير ووووووووووووو

كمبيوتر الدماغ يتعب


رح اتابع معك رأي الاطباء ونشوف

يووووووووووه

3 ساعات
الله يسترررررر


والله خرعتيني
لا يارب ان شاء الله ماتوصل

بس عجبتني كمبيوتر الدماغ بيتعب

الله يسعد قلبك يارب

ولا زلت في الانتظار

__________________
[/IMG]

سلامــــات ..

عليكم جميعاً انتي .. وأخــــــــيك ..

بس سالفة الفصـــلة مشكلة ..

وكيف صابرة عليها ..

اذكر احدى قريباتي ممن اكون لها محرم ..

اخف منك شوي ..

كثيرة السرحان لدرجة انها في الجلسات العائلية ..

تفصل بس على خفيف ..

يعني تسولف معك ثم تسرح واثناء السرحان ..

ممكن تضحك اوتتغير تعابير وجهها للامتعاض ..

فيـضحك الجالسون عليها لدرجة الاحراج ..

فعــــافـكم الله من ذلك ..

__________________
حَسْبِيَ اللَّهُ لا إِلَهَ إِلا هُوَ عَلَيْهِ تَوَكَّلْتُ وَهُوَ رَبُّ الْعَرْشِ الْعَظِيمِ

اصغر اخواني انا ما اسرح

يعني السرحان يفكر في شي
ويمكن يعيش فيه
عشان كذا فريبتك تسوي حركات بملامحها


انا لا

مخي اعتقد يوقف

ماافكر في شي

ولا اتذكر شي صار خلال هالفصله
يعني ما ادري وش يحصل

غريبه السالفه

يعني اجي اربط بين المجلس قبل وبعد الفصله
فيه فراغ في النص
زي ما يكون شريط فيديو مقطوع


فهمت؟

__________________
[/IMG]

مشكلتي أصدق حبيبتي ألف سلامه عليك يالغاليه انتي واخوك

هالحاله خطرة عليكم في حالة اخوك سياقة السيارة

لاتكونو لوحدكم أبدآ

حبيبتي

هذي الحالة تسمى السبات للدماغ


وقد وجدت لك هذا العرض فيه كل شئ من كامل مجاميعه

ممكن تختبري نفسك عن طريقه


يمنع وضع روابط خارجية


الله يحفظك يارب من كل شر

__________________
حسبي الله ونعم الوكيل

والله يا جماعه اني بديت اخاف

للحين مافتحت الرابط وبطني يوجعنيييي

سبات دماغي؟؟؟؟؟؟؟؟

لا إله الا الله

__________________
[/IMG]

انا تصير معي احيانا والقى نفسي افصل فعلا والمشكله كم مرة صارت وانا اسوق

القى نفسي وصلت لمكان معين بس ما اتذكر ابدا كيف وصلت ولا كيف عديت الاشارات ولا متى وقفت


واحيانا تصير معي هالشغلة وانا في الدوام ومركزة بالشغل وبعد دقيقتين القى حد يناديني أو واقف عندي ولا حسيت عليه.


سألت عن هالحالة وقالولي من كثر التفكير والتعب


يعني مجرد ارهاق

وفعلا لما ارتاح بدرجة كافية واادرب نفسي على تمارين التنفس الصحيحة توقفت هذه الحالة ولله الحمد من سنة الآن


الله يشافيك وأخوك

راجعي الطبيب وباذن الله هي مجرد ضغوط حياة وانا اختك

__________________

ههههههههه

ياحبي لك لا يالغاليه

مو لهدرجه هو كلام تقرير عن الشئ هذا

بالعكس انا استفدت منه ولا هو شي خطير وانتي اقرأيه وبتشوفين كلامي صحيح

يالغاليه انا تجيني حاله مشابهه ولكن ليس فصل

وانما

احيانآ وانا اسولف واسولف انسى فجأة وش قلت ووين وصلت

انحرج اقسم بالله يامشكلتي اصدق ان هالحالة صابتني

تخيلي تسولفين وفجأة تسكتين والا تقولين آآآآآآ

انسى وش بقول وش قلت يعني شي مرة متعب

لاتخافين انتي اقرأيه وبتفهمين فديتك

__________________
حسبي الله ونعم الوكيل

اهاااااااا !!!

سبات دماغي؟؟؟؟؟؟؟؟

الحيييييييين بس عرفت ليش نسيتيني و ما تسألين عني ترى عندك سبات مزمن من ناحيتي ههههههههه ماتشوفين شر حبيبتي

والله كثير زعلانة منك قوليلي وش اسوي الحين ... و الله مشتاقة لكي يا مشكلة انتي هههه

__________________
يا رب اشفيني من مرضي النفسي
أمانة يا اخوتي تدعولي