السلام عليكم
كيف حالكم بداية انا كنت من زمان اقرى مواضيعكم سواء كانت زوجيه اواهليه اواي شي
كنت متردده لكن ماخاب من استشار
بسم الله الرحمن الرحيم>>>شمرت اليدين
قصتي يامحفوظين السلامه يمكن بتشتكم لكن هي محاورها الاساسيه
1-مشكلتي مع نفسي
2-مشكلة ابوي معانا
عموما مالكم بالطويله
انا من يومي صغيره وانا شيطانهواهبل بالناس وكنت معروفه اني تهاوش واطول لساني للاسف هالصفات ظلت فيني ولو جزء بسيط
ابوي كان شديد علينا كلنا بس كان يشتغل بشركة بترول ارامكو بس دوامه شفتات مانشووفه الانادرا
بس والله العظيم وادري انك بتلوموني بس ماقدر اكرهه من يومي صغيره اكره ريحته كلامه مشيه سوالفه ضحكه المجلس الي يجلس فيه اقووم منه ماحببببببه ماعمري تقبلته ابدا هوكان يضرببني يومي صغيره حتى لمن صارعمري 15 ااو16 وانتوا تعرفون الطفل يركز بباله هالشخص مش مصدر امان
كبرنا وكبرت همومنا =الله يسعدنا والمسلمين اجمعين
اقلها من اسبوعين البنات يتمنون ازواجهم يصيرون مثل ابهاتهم وانا وش اتمنى خلف الله علي اصلا اسم الله علي يجني واحد مثله

تزوجت اختي وتزوج اخوي بعدها بسنوات
ماتذكرشي يمكن لاني صغيره ماتذكر مشاكل ابوي وامي بس كانت اتذكر انه يهاوشها على ادنى شي وكانه كامل وامي الناقصه
تقاعد وامي تقاعدت ينقال تفرغوا لنا امي والله ياحبني لها مع انها دايم تحطمني بس طيبه وبسرعه تسامح وقلبها ابيض
بعكسه هو يييييييييييييييييييييييييييييييمه وربي مابالغ وش اوصف لكم قلبه قاسي صخر صخر قسم بالله ماقد يوم خذنا اوضمنا اوقالنا كلام حلووو حتى لمن يتكلم عن الناس يتكلم عنهم بالفاظ مستحيل صراحه تطلع من اب قدوه مفروض لنا مع انه يسوي نفسه مطوع وهو رب الكعبه مايمت للدين بصله بتصرفاته وهمجيته وقسوته مع انه مايضرب امي بس يذيها نفسيا وهذا بذاته يدمر اكثر من الضرب

اجل ياجماعة الخير اخوي تزوج وبعد سنه سافر لحاله يكمل ماستر وهو برا زوجته صارت مريضه بالنهاية اكتشفوا فيها الخبيث وهي توها صغيره عموما الحمدلله على كل حال تخيلوا اخوي والله العظيم ماطلب منه فلووس لانه يدري بيقوله لاتجي ولالا اصدقاائه الي هناك تقاطو بتذكرة سفره وجا يوم جا يقوله خلاص انت رح كمل دراستك وابوها وامها يتكفلون بعلاجهاااااااااا ؟>>>هذا بالله رد وين الكلمه الطيبه وين رح يولدي وانا اتكفل بعلاجها مع العلم انه موب ناقصه شي والله العالم كم يملك من الفلوس في البنوك
لانه ايش مايصرف علينا امي لانها معلمه ومتقاعده تصرف علينا قبل كم سنه سوو امشكلة كبييييييره وباع عمارة امي الي بالاسم بس لها ماعمره عطاها اجارتها وقط عليها كم مية الف ببعدانا خيرها بينه وبين العماره مع العلم ان امي ماتبيه ولاهي طايقته بس صابره عشانا ورضت بيعتها وهي تحسب عليه


تخيلوا ياجماعة الخير وربي شاهد علي ماكذب ولابالغ احنا عياله احسن ناس بالعايله الحمدلله ربي موفقنا بدراستنا ونطلع الاوائل والحمدلله ناس يشهدلنا باخلاقنا واخواني في وظايف مرموقه
ومع ذلك موب عاجبه واحنا اسوء الاولاد والبنات في نظره وهوماهوب راضي علينا واحنا فينا ومافينا وحنا تربية امنااا يكفيني فخراذا تربيه امي وقدرنا نوصل للي نوصل عليه بعد توفيق ربي
من يتمنى يشووف عياله كذا ومايفرح؟؟؟؟ قسم بالله انه مايفرح ولايفخر فينا بس اسم كذا عيال حرام يتزوج ويظلم مره ويظلم عيال حرااااااااااااااااااااام



اجل لمشكلتي مع نفسي
انا والله العظيم تعبت كثثثثثثثثثثير من نفسي ومن تحطيم امي لي
انا الحين باول جامعه اختي لمن كانت بهالسن متزوجه بس ليش لانها بيضا وانا سمرا هذا بنظرها
انا موشينه والله العظيم اني مقتنعه بنفسي واشووف نفسي مو جميله بس راضيه اتم الرضى على نفسي لكن هي لاوالف لاااا دايم تلمح حتى لوموقصدها بس انا افهمها
هذا فلانه انخطبت وهذا وهذا بتقولون اني صغيره بقولكم بنات عيالتنا هالسن يكونون متزوجات مع انه بنت خالتي كبري ولاتزوجت بس مره انخطبت وهذا بنظر امي شي عظيم
دايم تجيبلي اشياء تفتح بشره ودايم ودايم قسم بالله يوم اني باول ثانوي جلست اصيح صياح مش طبيعي
حنا عندنا وراثه بعايله ابووي تطلع اصابيع رجل من الرجلين طول بعض الاخيرين انا مورجل لا الرجلين كلهم
ودتني مستشفى عساس ايش تسووويلي عميله اواي صرفه
كرهتني بنفسي والله احيانا احتقرنفسي ثقتي شبه معدومه بنفسي بس مومعنا هذااني انطوائيه اواني حزينه لا بالعكس وسيعة صدر واضحك واسولف مع الناس وان كانت على قولتهم هم مغرروه
<<<يارب اجعلني باعين الناس كبيره وبعيني صغيره
من اقولها امي نبي نطلع نبي نسافر نبي نروح نبي نجي ترد علي لالالالا لاجا رجلك ولاتزوجتي هويوديك يطلعك يسفرك كيفك معه
وشهالرجال الي بيجيه مشفوحه وابي كل شي يسوويه وهو ياحظي كم راتبه بيصير من زين الرواتب<<الله يرحم الحال بس

وانا عصبييييييييييييييييييييه ماتحمل يقولني كلمه ونا مو من النوعيه الي اطبخ ماطبخ الا اذا قيل لي واشياء يسطيه بعد حلا شي سندويشات خفايف بس من ويييين لوووين
عاد اخذيلك انتي ولد انتي انتي انتي بلا من رب العالمين علي
ولمن اطول لساني انتي قلليه حيا انتي وانتي ماعرفت اربيك
وانا على طول اجلس اصيح واقولها كان موتنيني انتي اصلا ماتحبين الله ياخذني واموت واهلك من ذا العيشه الي ماقدشفت فيها شي عدل
وهي بعدين تتحسف وانا اتحسف
بس الزبده من سالفتي ماقولكم مابي اعرس ابي اعرس بس جد عشان على قولتتها طلعه وسفريات هههه لاني مو وجه مسؤليه لان على قولتها لوخذاني واحد بيرجعني وبيقولي مالت عليك وعلى امن ربتك
شسوي اذا مالي خلق طبخ اغصب نفسي ماحب وربي ماحب
جد اغلب يومي كليه نت نووم اكل من المطاعم
وانا من النوع الي يهتم بدراستي فاجي تعبانه ابي انام ابي اربح عن نفسي مابي اطبخ معني والله اساعدها يعني احشي لها اواحط بدالها الغدا اوالعشا (انشب عنها)
ومع ذلك مايبين في عينها اخرها اليوم وقبل كمن اسبوع لمن استلمت اول مكافاءه عشتيهم على حسابي اليوم الي بعده انتي فيك وانتي مافيييييك
حياااااااااااااااه تجيب المرض والهم؟؟؟ الله يكون بالعون بس
.................................................. .........................
حبيتت افضفض لان مهما صار صديقتي بيوم من الايام لو فضفضت لها بتقلل من مستواي اوعيشيتي وانا ماحبب اقلل من شخصي
اتمنى اتمنى انكم تشووفون لي حل واذا مافهمتوا شي قولوا لي وافهمكم لاني سردت سردا بدون ماوضح التفااصيل <<<<تكفين لاعاد توصفين

ادعي لابوكي بي الهداية دايما الله يهدي يارب ويحنن قلبوا عليكم

والله يشفي زوجة اخوكى يارب عاجلا غير اجل والله يرزقك بالزوج الصالح

طيب انا بيضاء ولسه مااتزوجت الزواج قسمة ونصيب مو شرط البيضاء تتزوج والسمرة لا

وبعدين جربي تطبخي ابدى بي وصفات سهلة وانتى راح تنبسطى من النتجيه

الله يسهل امورك

__________________
ياررب ارح قلبي وعوضني خير

شرقاويه الله يفرج همك ياقلبي ويوفقك لما يحبه الله ويرضاه

اولا / الله يعينك على ما أبتلاك أصبري على أبوك وأن شاء الله بيعوضك ربي خيرر

يمكن الله يختبر صبرك أسأل الله أن يفرج همك عاجلا غير أجل

ثانياً / أنا أنصحك أنك تكثرين أستغفار وركعتين أخر الليل يا أنها توسع الصدر > مجربه

حبيبتي المشاكل موجوده في كل بيت وأمك ياقلبي تحبك والدليل أنها صبرت على أبوك عشانكم ..

أنتي حاولي تتقربي من أمك بطيب الكلام وتبوسين راسها في الصبح وقولي يمه دعواتك ..

صديقني مهما الام تقسي على اولادها مصيرها تلين اذا شافت المعامله الحلوه والاحترام

يعني لما تقولك أمك أطبخي سوي لاتسمعينها الا كلمت أبشري يمه ..

وصدقيني راح تتغير معاملتها معك وزي كذا أبوك يمكن الفكره الي أنتي حاطتها في بالك من يومك صغيره عن أبوك هي كرهتك فيه أكثر حاولي تناظري أيجابيات أبوك وحاولي تحسني نظرتك عنه ..

حبيبتي اذا على النصيب وأن أختك تزوجت بدري لانها بيضاء مو شرط الارزاق بيد الله وصدقيني اذا صبرتي راح الله يرزقك أهم شي برك في والدينك حتى لو تلاقين منهم جفوه في المعامله هذا أختبار من الله عز وجل على مد صبرك وتحملك ..

أسأل الله أن يفرج همك ويسر أمورك ويرزقك بالزوج الصالح الذي تقرين عينك به ويقر عينه بك ..,,

__________________
سبحــأن الله وبحمده سبحــأن الله العظيم

استغفرالله من كثر ماندعي له ان ربي يهديه لنا يتجبر اكثر واكثر علينا
ويزيد في ظلمه وبخله الله المستعان بس
مشكوره

__________________
حتى اذا ماضاقت بي الجهات الاربع رددت ربي هب لي من لدنك جهه خامسه لاتذكــــــــــــــرني (بوجعي)

كل يوم قبل لا اطلع اقولها دعواتك بس ماعمري احب راسها الا بالمناسبات علاقتنا جااافه
اما ابوي فاذا اخواني غاسلين يدهم منه تبين انا ازين علاقتي معه
لااااا خليني بعيده اريح

الله يعافيك ياقلبي ويسلمك والله يفرج همومنا وهموم المسلمين والله يجزاك خير وينولك الي في بالك

__________________
حتى اذا ماضاقت بي الجهات الاربع رددت ربي هب لي من لدنك جهه خامسه لاتذكــــــــــــــرني (بوجعي)

نصيحتي يا أختي

أن تنظرين لوالدك بإجابيه فهو أب مهما كان . ولعل هناك حاجز بينكم كان سبب في إتخاذ فكرة سيئة عنه . يوجد بعض الآباء حاد التعامل ولا يجيد فن التعامل مع أولاده هكذا طبعه بس داخله أبيض مثل لون الورق . وعندي نصيحة لك يا أختي أن تحاولي تتقربين منه بخدمته مجرد ما يطلب شيء تكوني أول من يبادر بتلبية طلبه وأستمري عى هذا وشوفي النتيجة بعد فترة . هدى الله أباك وهدنا معه وهداك أنتي والجميع

__________________

أشوف إنه لازم فى الاخر والاول تعاملى أبوك وأمك معاملة حسنة والنتيجة بتاجى مع الوقت مو من أول يوم راح تلاقى أمك سكتت أو سابتك بحالك
ولازم تقربيلها وتفهميها إن كل شئ نصيب وأن لسة نصيبك ما إجى وهيه راح تفهم وبتسيبك بحالك
أما بالنسبة للطبخ هذا شئ لكى يعنى امك مابدها إلا إنها تعرفك شئ لحياتك فتعاونى معها
وربنا يديك الصبر ويهديلك أبوك ويشفى مرة أخوك

اممم والله الله يعينك// بصراحه ضايقة السالفة من الاب والام ..


اقوولج سر بإذن الله ترتـــــــــــآحين منه ,,,

اجل سمعي ,,قربي بقوولج ..! لحظة كم بدفعيين قبل هههه لا سمعي ,,


اتخيلي ابوج بكل سلبياته قدامج وامج بكل سلبيااتها قدامج وحطيهم الاثنين قدام عيونج .. وقولي ,,هم كذا من انخلقتي صـــح والا لا !!


يعني كذيه والا كذااك ما تفرق معهم ،، خااابرتنهم ززين وتعرفين ومتووقعه الزين والشين منهم ,, والاسطوانه الجميلة الفريدة من نووعهاا حاافظتنها صـــح والا لا ,,,!!



انـــزين انتي ما تهنيتي فدنيتج بهم يهوون عليج تخسرين اخرتج بعد ,,,اممم طبعا لا ,,

خلاص عيل هالصورة اللي رسمتيه لامج وابوج كتبي تحتها " جنتي ونـــــآري" وشدي حيلج ,,سوي الشي لهم بدون ما تنتظرين مقاابل ,,سووويه لله ,, سووويه لانهم جنتك وناارك ..

اتحدي عمرج بهم وخلج قد التحدي ،، بالذمة الجنة ماا تستااااهل الكد هالكثر عشاان تدخلينهاا ,,

انتي ما تشتهين اتشووفين الرسول صلى الله عليه وسلــــم ،، اجل شمر عن يديك وشدي حيلك,,,

وتذكري دووووووووم جنتك وناارك ,,اما عن العرس تراا النصيب من رب العالمين ’’ بس انتي كثري دعاا واستغفار وصلااة

ودمتي بوووووووود ..ريم الاوطان

__________________

اختي حاولي تتقربين من امك ومومعناة انها مهتمه فيك انا ماهي قابله شكلك بس الام ياعمري عليها تحب بناتها يكونون احلى البنات
وابوك حاولي تتقربين منه برسايل بالجوال واذا شفتيه دخل قبلي راسه ويده

ومن ناحية حبك للطبخ كلنا مثلك بس لما تزوجنا غصب اهتمينا

الله لايخلينا من اللي يدلعونا

شوفي يالغالية ألي يسوية ابوك شئ قاسي وتصرف غلط وانا معاك وحاسة فيك...بس يالغالية يظل والد ويجب عليكم أحترامة والصبر علية وتذكري الأجر العظيم على صبركم....وابوك أكيد مررررر بحياة قااااسية خلتة يفرغ هالشئ فيكم حاولي تحتوين أبوك حتى لو غلط عليك وبعدين على فكرة كل الأباء فيهم قسوة و قسوتهم هذي ضرورية لإنه لولاها كان شفتي علووم لكن قسوة عن قسوة تختلف قسوة هذا الأب غير قسوة هذا الأب وكذا
ولا تتخيلين ولا يجي في بالك يوم من الأيام إن أبوكم يكرهكم ؛ مستحيل في أحد يكره عياله مهما كانت قسوته
وكثير من الاحداث اللي ذكرتيها تحصل لكثير من النااس ومع هذا متعايشين معها
بريه عآمليه بالحسنى
ولاتنسين يآحبيبتي الدعآآء انا ما اقول لك ادعي عليه انا اقول لك ادعي له ..
ان الله يهديه , ويحنن قلبه ..إنتي في حاجة رضا
وإذا أنفقد الوالد أو الوالدة فقد أغلق باب للجنة فطول ماهذا الباب موجود أدعي وكثفي الدعاء أنتي ووالدتك وإخوانك وتحرو سااااعات الإجابة ودائما أقووول الثقة الثقة بالله لا تدعي باستخفاف ولا كن إدعي ربك وأنتي على ثقة ويقين تاام أن الله سيستجيب أنتي بين يدي ملك الملوك الذي خلقه وبيده موازين كل شيء

__________________
اللهم اجعلني نورا بين عيني خطيبي..
اللهم ارزقني حبه وارزقه حبي وارزقنا حب وجهك الكريم