بعد السلام


















رجع الزوج من دوامه مهدود حيله

دخل البيت

السلام عليكم

جت الزوجه تركض : وعليكم السلام ياغناتي ..

الزوج: كيفكم اخباركم .. كيف العيال

الزوجه : تمام قلبي الحمد لله .. فديت التعبان ..

الزوج : اف مابغيت اخلص هاليوم.. الحمد لله بكره اول يوم من اجازتي السنويه ..

الزوجه فرحانه : الله يعطيك الف عافيه ..



الزوج متضايق وماله خلق يتنفس بعد

----------------------------------


الزوج غير ملابسه وتشطف ع السريع .. رجع لزوجته ... وعياله...

جت الزوجه متصلحه ... كأنها رح تستقبل اهم شخصيات البلد

العيال يهبلون وهاديين

الجو يعبق بالبخور والنظافه


جلس الزوج .. و بدأت زوجته تقدم له اطايب من القهوه والحلو والمالح

الزوجه تبادر زوجها : شرايك هالإجازه تخليها لنفسك؟

الزوج : نعم؟

الزوجه : ايه .. انت محتاج ترتاح .. سنه وانت تراكض ورا لقمة العيش.. خذ هالأجازه لك

الزوج خير ان شاء الله ؟

الزوجه : لا بس فكرت فيك.. مؤخرا تشكي من اسنانك و ظهرك واوجاع تتكرر في رقبتك .. روح المستشفى واعمل لك بكج كامل .. مايصير تأجل هالشغلات نبيك بصحتك ..

الزوج : وانتو ؟ ماتبون نسافر نروح نجي؟

الزوجه لا .. مو مشكله .. شوفتك بصحتك بالدنيا كلها ..

الزوج : والله غريبه ..

الزوجه : ليه ؟

الزوج : مافيه زوجه تسوي كذا الا في راسها موال..

الزوجه علت على ملامحها علامات الاستغراب .. وتسكت.

الزوج: اشفيك ؟ متصلحه كأن وراك استقبال

الزوجه مستغربه : انا فعلا استقبلت خلاص...

الزوج :مين ؟؟؟ وليه ماعلمتيني ان شاء الله؟

الزوجه : اغلى انسان.. حبيبي .. زوجي ..

الزوج يهز راسه ومو مهتم ..

الزوجه : اشفيك يابو ناصر ؟ متضايق .. عسى خير؟

الزوج : لا عادي .. خلاص قوموا ابي انام..

الزوجه : هنا في المجلس؟ روح الغرفه احسن ..

الزوج: وش عليك انتي انام ان شاء الله في المطبخ ...

الزوجه مستائه بصمت ومستغربه اخذت القهوه والعيال وراحت

ترجع الزوجه وتسأل الزوج: تبي شي ؟ اغطيك ؟ بردان دفيان؟

الزوج : خلاص روحي اذا بغيت شي بسويه انا لكن صحيني بعد ساعتين ..

الزوجه تروح وما يعرف الزوج وش في خاطرها


---------------------------------------------------

بعد ساعتين تجي الزوجه تصحي زوجها

بكل لطف وغنج

الزوج يصد عنها

وهي تواصل محاولاتها بكل تصميم

الزوج يقول لها : ياشيخه وخري .. خلاص شوي واقوم

الزوجه لسى تواصل مداعباتها لزوجها

الزوج يطالع فيها : انتي شكلك تبين تطلبين شي .. وشهو؟

الزوجه مستغربه : انا ابي شي؟ من متى اذا ابي شي اجي اتسحب ؟

الزوج : خلاص روحي صحيت .. ابي اخذ دش .. لا احد يدخل الغرفه !

الزوجه تروح ولا يدري وش في خاطرها

-------------------------------------------




يطلع الزوج من الحمام ويتعطر ويتغندر ويروح الصاله

يسأل بكل نشاط : فيه عشا؟

ترد الزوجه ببرود .. ايه ..

الزوج : اشفيك يا قمر ؟ وش هالحلاوه

الزوجه وعيونها مبحلقه في التلفزيون .. مرسيه يا بعلي

الزوج : اف ... ام ناصر زعلانه .. وش فيها الدلوعه؟

الزوجه .. لا عادي ..تبي اطلع العشا؟

الزوج ايه طلعيه ..

تقوم الزوجه وتجيب العشا



----------------------------------


بعد العشا الزوجه على جنب وساكته

الزوج : قمري اشفيك؟

الزوجه : قمرك؟


الزوج : هل عندك شك؟

الزوجه : ايه

الزوج : افا ؟ ليه اول مره اقولها لك ؟

الزوجه : وانا اول مره اتصلح لك قبل لا تجي من الدوام؟ اول مره اقدم راحتك على راحتي؟

اول مره اصحيك بدلع ؟

انا جيتك اتسحب وامثل عليك مشاعر اذا حبيت اطلب منك شي؟


هنا الزوج بدا يستوعب .. طلب منها تنوم العيال على وجه السرعه وهي فهمت انه يبي يناقشها بهدوء وفعلا راحت تنوم العيال..

خلال هالفتره جلس الزوج يسترجع تصرفاته


هي فعلا مو اول مره تستقبله استقبال الملوك

ولا اول مره تقدم راحته على راحتها ..

ولا اول مره تصحيه من النوم بكل غنج

ولا اول مره تهتم فيه من جميع النواحي؟


طيب ليه انا قلت لها انتي اكيد وراك شي؟

ليه قلت لها غريبه تقدمين راحتي على راحتك؟

ياربي ليه؟


اهااااااااااااااااااااااا


هو الشيطان مافيه غيره

اعوذ بالله منه

ياربي .. زعلت هالطيبه .. والله ماتستاهل

اعوضك يا ام ناصر والله لأعوضك

------------------------------


ترجع الزوجه وهي ماتدري وش في خاطر زوجها


لكن اللي تعرفه انه حس بالغلط

طلع لها صوره من النت لباقة ورد جميله جدا

الزوج: المحلات مقفله والا والله لأكون جبت لك اجمل باقة ورد في الكون يا اغلى زوجه في العالم

انا غلطت ومنك السماح .. ضغط وقرف الشغل خلاني اقول اللي قلته .. آآآآآآآسف يا غلاتي آسف


الزوجه: ولو انك مصختها بس ياللا سامحتك بألبي الكبير... .. يضحكون


الزوج : من صدقك تبيني اخلي الاجازه لنفسي؟

الزوجه : وهل عندك شك في كلامي .. ؟

الزوج : لا بس قصدي نستمتع فيها ..

الزوجه : نستمتع وانت تتألم من اسنانك وظهرك؟ لا حبيبي .. انا عند كلمتي .الله يخلي اهالينا نغير جو عندهم .. هم اهل ببلاش؟

يضحكون

الزوج : خلاص ان شاء الله من بكره ابدا في التعديلات

الزوجه : حبيبي .. بكره تجيب لي باقه زي ذي ... لا تفكر انك ضحكت علي بصوره .. ويضحكون وتعدي الليله من احلى مايكون




بعد اسبوع ونص ..يدخل الزوج على زوجته ..

الزوج : خلاص اليوم اخر موعد من التعديلات والحمد لله ...ضبوا اغراضكم بكره رايحين النماص

الزوجه : يا الله من جد! واخيرا حلم حياتي بيتحقق

الزوج : انتي حلم حياتي المتحقق .. ويهمس في اذنها ... احبك





-----------------------------------------------------------------------------------------------------------


همسه لكم اعضاء المنتدى

انا تعمدت اكتب العنوان جافي

و زدت في الجفاء بالأيقونه الغضبانه

والسلام الجاف
لأضمن اضخم دخول ...

لأن ملاحظ مواضيع غريبه جدااااااااااااااااااااااا كلها هجوم

سواء من رجال على نساء او العكس

والمواضيع بصفحات ممتده

لا اعرف هل هو لضمان مشاركات كثيره ؟ او تمديد صفحات ؟ او حب ظهور؟ او جدال لا طائل منه والسلام ؟

والمشكله اذا تم وضع موضوع يشكر في الطرف الاخر يتم التشكيك في مصداقيته !!!!!!!!!!!!!!!!!!!!!!!!!!!!!
........................


اخوتي اخواتي

الدنيا مو حرب ياغالب يامغلوب

ولا الكره الأرضيه بنصفين

استغرب توظيف الأدله لإستخدامها ضد الطرف الآخر

استغرب ردود بعض الاعضاء المتبعين لإسلوب خالف تعرف وفرق تسد

استغرب ضيق افق البعض سواء هنا او في الحياه .. والنديه الجارحه في اغلب الاحيان

حواء من آدم .. وهو اقدر بإحتوائها وهي بعدم التجني والفرعنه عليه

من تجربه

التروي والهدوء هما سيدا الموقف

والاعتراف بالخطأ وتصحيحه حال وقوعه .. وكل ابن آدم خطاء




تقبلوا الموضوع ودمتم سالمين

زوجه جدا رائعه ماشاء الله
والزوج بعد رائع ولو انه غلط في البدايه بس المهم تراجع
بصراحه اسلوبك في الطرح جدا رائع
ومعك حق في كل الي قلته لو الكل
عاش حياته بهدوء وبساطه واداء
ماعليه من حقوق
تصير الحياه ولا احلى

__________________
‏​‏‏​‏يَحيا المؤمن بيَن أمرين + ( يسر وَ عسر ) ، وَكلاهما " نِعمة " لو أيقَن !ففِي اليسر: يكون ☇ الشكر ♥ [ وَسَيَجْزِي اللَّهُ الشَّاكِرِينَ ]*وَفي العسر : يكون ☇ الصَبر ![ إِنَّمَا يُوَفَّى الصَّابِرُونَ أَجْرَهُمْ بِغَيْرِحِسَابٍ ]

الله

موضوع يفتح النفس ع الصبح

يسلم ايديك على ما خطت ويخلي لك زوجتك ويخليك لها

__________________
[/IMG]

جزاك الله خير ونفع بك
موضوع اكثر من رائع

ما شاء الله .. موضوع في غــــاية الرووووعه

__________________

الله اخي او اختي جبتها على الجرح صار لي كم مرة ادخل المنتدى واجد اعضاء كاتبين مواضيع فلسفية ترفع الضغط والكل ينزل هجوم ما بين مؤيد ومعارض وكأن الدنيا حرب والشاطر اللي يثبت وجوده وصحة ما يظنه
بس والله ابدعت\ي فقد كتبت بقلم رصاص

ماشاء الله تبارك الله

زوجة رااااااااائعة بكل معنى الكلمة ...

قصتك مميزة ورائعة و هي تنوه الى الخطوات اللي لازم تعملها الزوجة لكي تحتوي زوجها

حتى ما يستغني عنها بأي شكل من الأشكال

مو من أي شي تعصب الزوجة ... لازم يكون بالها واسع و عقها كبير

ايضا الزوج يجب ان يهتم بزوجته ولو قليلا

فالمرأة لا تطالب بذهب او مال او ....

بس قليل من الاهتمام و الدلع

اسأل الله ان يسعدكم في الدنيا و الاخرة

__________________

ربنا هب لنا من ازواجنا و ذرياتنا قرة اعين و اجعلنا للمتقين اماما

واااااااااااااااااااااااااااااااااااااااااااااو ياعييييييني هالدلع
موضوعك يجنن ويفتح النفس
تصدق كنت وانا اقرا مععععععععععصبة منك اقول وش يبي هذا فيه زوجة احن وارق من كذا
لكن فالنهاية اكتشفت ان الزوج الرايق الحساس هو السبب في روعة الزوجة
يعني باختصار الزوجين يكملو بعض وكل واحد منهم ياثر على الثاني
ماشاء الله تبارك الله الله يهنيكم

__________________
ربنا هب لنا من أزواجنا وذرياتنا قرة أعين واجعلنا للمتقين إماما

اظن ان هذا المقطع كفيل بحد ذاته ..


جعلتني اراجع حسابيتي كثيرا ،،

وفقك الله .

__________________
سبحان الله وبحمده سبحان الله العظيم

جزاك الله خير

ياليت قومي يعلمون نحن لسنا في حرب


يجب علينا أن نتسامح نتغاضى نتعاون نتكامل


شكرا لك من القلب

__________________

[استغفرالله وأتوب اليه.]