احب اطرح مشكلتي لكن رجاء ابغى اهل الاراء السديده والحكماء فقط من يردون عليها رجاء خاص لأن وضعي حساس مايحتمل كلام جارح او خارج النص
بسم الله
في البدايه هناك موضوع يخص اخت زوجي وابنها المطلق لزوجته وبينهم بنت لايوجد لديها اوراق رسميه واخت زوجي طلبت من اخوها اللي هو زوجي ان يتدخل بالموضوع علشان البنت المهم تدخل بالفعل وصارت ام البنت تتصل بزوجي بين الفينه والاخرى مره تسأل عن اوراق بنتها ومره خرابيط المهم بالاساس كان زوجي كل اتصالاته مع اخوها ومره اتصلت فيني قالت اعطيني رقم زوجك علشان اخوي بيكلمه وانا عرفت انها وراها شيء واعطيتها الرقم وانا مو مرتاحه وحذرت زوجي منها وقال تطمني انا مو مراهق المهم راحت الايام وانا مو مرتاحه من اتصالات هالحرمه ومره طلبت من زوجي انه مايكلمها قال ان شاء الله بينتهي الموضوع حق البنت وحطي براسك بطيخه صيفي قلت يابنت تعوذي من ابليس وخلي الشك
المهم سافر مره واتصلت عليه وفي ساعة متأخره يمكن 3 بالليل ارسلت رساله وهو رد عليها برساله بعدين اتصل فيها ومده المكالمه دقايق وطبعا انا عرفت هالشيء من السجل حق الجوال وهو جاء من السفر وماقال لي اي شيء وواجهته وانكر لين حطيت السجل بعيونه المهم قال والله اننا مابينا شيء وهي اتصلت تسأل وش صار على موضوع بنتها قلت له اخر الليل اتصالات وش معناها والرساله مضمونها انها تطلب منه فلوس
المهم انا هنا وقفت وقلت لا اكيد السالفه فيها إن المهم صارت مشكله بيني وبينه بسببها وهو طول الوقت يحلف انه يحبني واني ماليه عينه
في يوم من الايام قررت اني اتصل فيها وكلمتها بالفعل قلت لها يافلانه انا ماودي اضرك وماابيك تضريني رجاء لاتتصلين بزوجي عيب عليك قالت والله ماكلمت بتنكر قلت لها زوجي قال لي على كل شيء قالت ايوه حتى انا قالي لاتتصلين ان زوجتي تغار منك واني طلبت منه فلوس سلف كنت محتاجتها قلت لها يوم احتجتي كلميني وانا اجيبها لك لحد الباب بس مو تتصلين على زوجي اخر الليل هذا مو من الادب ولا الذوق قالت خلاص بمسح رقمه من جهازي المهم بعدها بيومين اتصلت خالتها على زوجي وقالت ان زوجتك اتصلت على الحرمه وهاوشتها احنا مانبي خراب بيوت طبعا هو ماقال لي الا بعد اتصالهم باسبوعين
قلت له اصلا اتصالهم هذا عباره عن البحث عن مشاكل وهو اصلا مبين عليهم ناس وسخين وغير محترمين وشو يعني يكلمون رجال اخر الليل ويطلبون فلوس لا وبعد يقولون لك عن مكالمتي من الباب انهم مايبون يخربون بيوت
المهم هو ماعنده غير الحلفان ويقول والله انك بليتيني بهالبنت بلوه انا مابيني وبينها شيء
وفي عز النقاش سألته فجأه انت معك شريحه ثانيه وينها بسرعه هاتها تلخبط وقال انا ماعندي قلت إلا عندك قال انا شريت الشريحه لااخواني قلت عطني الارقام اشوف وبعدين قال لالا انا اشتريت الشريحه علشان اشوف انتي تكلمين احد بغيابي او لا
قلت له كل كلامك مااقتنعت فيه ومبين عليك تكذب من برودك وتهرب نظراتك المشكله اني مابقييت كلمه ماقلتها وهو ساكت بس يقول انا احبك انتي ولاتخربين بيتك بالشك
والحين بعد ماعرفت عن موضوع الموبايل اللي بالسياره وانا قلبي فيه حريقه هو ماكان عنده ومااقتنع بفكرة الجوالين ليه الحين بالذات طلع رقم ثاني وبدون علمي
انا شاااااااكه فيه وقلبي مو راضي يصدق كل كلمه قالها لأني اعرف زوجي اذا كذب مايحط عينه بعيني
انا بانتظار الردود

__________________

في نظري انو هالبنت ماراح يوقفها عند حدها الا رجال مثل ابوها او اخوها اذا كانت فعلا على صله بزوجك

وممكن تكلمي اخت زوجك تكلم اهلها وتوصل الكلام للرجال عشان توقف الشغله من اساسها

اما خناقك مع زوجك ماراح يجيب نتيجه اللي يبغى يلعب راح يلعب بمية طريقه وماراح يرده احد الا شئ من الله

الله يحفظك واسرتك من كل شر ويبعدها عنك ويشغلها عنك بطاااعته سبحانه

انا اؤيد هذا الكلام بشدة


(الله يحفظك واسرتك من كل شر ويبعدها عنك ويشغلها عنك بطاااعته سبحانه)

جزاك الله خير
انا فعلا قلت لزوجي بكلم اخوها يردعها اذا شفتها ناويه نيه
قال ماله داعي انتي تشوهين سمعتي انا
يحسبوني ابغى بنتهم
بس حركة اتصالها هي وخالتها على زوجي دليل على انهم ناس واطيه فعلا
وخناقي مع زوجي انه يقول انا اجامل الناس
واحر ماعندي ابرد ماعنده
اللهم من ارادني بسوء فرد كيده بنحره واشغله بنفسه وعافيته

__________________

أكثر شي نرفزني لما قالت ((ايوه حتى انا قالي لاتتصلين ان زوجتي تغار منك ))!!!!!

هذي الجمله بينت أخلاقها لأنها لو واحده نيتها صافيه ماكان هذا ردها سواء كان زوجك قالها أو ماقالها ؟؟

الحل في زوجك لازم يبعد عن مكالمة هذه المرأه بأي طريقه ؟؟

يعني مابتنحل المشكله ألا بمكالمتها لزوجك ؟؟

حبيبتي عليك بزوجك وبالدعاء

أدعي أذا كان هدفها المضره والشر لكم أن الله يجعل كيدها بنحرها ويشغلها بنفسها هي أوغيرها

ليه ماتحل مشكلتها بدل هالمكالمات أللي بدل ماتحل مشكله فتحت مشاكل ثانيه!!!!!

بس حبيت أسألك أيش كان ردك عليها لما قالت أن زوجك طلبها ماتتصل عليه لأنك تغارين منها ولك مطلق الحريه في الأجابه ؟؟

__________________
أشتقت لكم جداً 💔

انا مقدر اكلم اخت زوجي او اخو البنت لان زوجي مانعني ويمكن لو سويت كذا يطلقي يقول انتي ناويه تفضحينا هالافكار اللي براسك مافيه منها شيء ولو البنت لها نيه مثل ماقلتي انتي ماتثقين فيني
وبصراحه زوجي رجل كبير بالعمر وماله اي سوابق بالحركات بالعكس كلن يمدح فيه وباخلاقه بس هالبنت مدري من وين طلعت لي من يوم عرفت سالفتها وانا حياتي نكد وزاد الطين بله هالجوال اللي بالسياره مدري وش يستعمله له

__________________

أختي أنتبهي تسوين شي من ورا زوجك !!!!!

نصيحه لاتكلمين أحد

ليتك ماكلمتيها حتى هي لأنها بكذا شافت نفسها وتلقينها مفكره أن زوجك مفكر فيها ولا ماكان كلمتيها

عليك بزوجك لازم يبعد عن مكالماتها ولايرد عليها حتى لو دقت !!

يقدر يحل المشكله بدون مايكلمها !!

وبالنسبه للجوال الثاني أنتي أدرى بزوجك وبأخلاقه !!

بس أهم سلاح ياأختي هو الدعاء ....الدعاء ....الدعاء

ولما تكلمين زوجك كلميه من باب أنك ماترضين عليه يكلم واحده غريبه عنه لغير حاجه وأنه عيب الشي هذا

واللي مايرضاه عليك لايرضاه على بنات الناس مو من باب أنك غيرانه

وخايفه تاخذه منك !!

بعدين هل فيه صلة قرابه بينك أنتي وهذه المرأه ؟؟

__________________
أشتقت لكم جداً 💔

احب زوجي اسعدني مرورك
مافيه صلة قرابه ابدا

__________________

الجوال اللي بالسيارة ما قدرتي توصليله وتشوفي مين بكلم منه؟؟

شوفي خيتو انا صحيح مو متزوجه وعمري 19 لكن مافي حل غير تلجئين لربك لانه مهما راقبتيه ماراح يهدا لك بال
اذا متربي مايخونك واذا العكس الله يخلف عليك
الله يفرج همك ويحفظ لك زوجك من بنات الحرام
فيه دعاء اذا ماخانتني الذاكره قولي اللهم اني استودعك بصره وسمعه وفرجه وربي ماتضيع ودائعه