بسم الله الرحمن الرحيم

أخواني / أخواتي

اطرح عليكم مشكلتي وأتمني تثروني بخبراتكم ولكم خير الجزاء

انا متزوج لي تقريبا سنه ونصف عمري 32وعمر زوجتي27 انا انسان كريم مرح طيب احترم زوجتي

امدحها وادلعها اذا زعلت او زعلتها اراضيها واخذ بخاطرها لان ما عمرها جت وراضتني فعلاً انفعل بسرعه بس سرعان ما انكسر

يعني طيب القلب المشكله هي دائم تنتضر اني اراضيها

زوجتي انسانه محترمه مؤدبه تخاف الله تعاملها

لما اعصب واتكلم معها تقول اذا ما تبيني رجعني لاهلي اصلاً ما تفرق معاي وانا اتعوذ من الشيطان لاني سريع باتخاذ القرارات واقول في نفسي هاذي بس حركات مو من جدها تتكلم بس ماخذتها العزه بالاثم

المشكله الحاليه: زوجتي رايحه لأهلها أجازه بمدينه وانا بمدينه أخرى اتصل جوالها ما ترد الا بعد يوم او يومين ما تلقي لي اهتمام او تتصل بشكل دوري تسأل عني ولما اسألها ليش قالت كان على الصامت او ما سمعت او تصريفات
اقلها روحي لاهلي بنفس الحي الي هم ساكنين فيه اهلها اجلسي عندهم يوم يومين خذي بخاطرهم تصرف الموضوع وفي النهايه ترفض تقول لما تجي انت هنا وفي الحقيقه أهي عندها عزت نفس بتوصلها بدايه كذلك ما تحب تجلس عند اهلي لانها تحس انا ما تاخذ راحتها مثل عند اهلها .

لما يصير بيننا زعل او نقاش بالتلفون ابداء بعد كذا أرسل لها رسائل حب وغرام واتصل وبالقوه ترد وانا الي كلامي صح والمفروض ازعل

تتوقع ان أمي واخواتي قاعدين يعبون راسي ما قالته بس هذا الي انا فاهم منها .

أم زوجتي كلامها يجنن وحلو قدامي بس اخاف انها تمثل ومن خلف الكواليس قاعده ترسم لها مخططات للعناد والتسلط لأن هذي شخصية أم زوجتي

الأن نويت ما اتصل عليها 20يوم عشان اشوف تتصل أو ما تتصل وصدقوني ما راح تتصل

انتظر رد لهذه المشكله والله يوفقكم

الأخت أم هتان الشهري

شكراً لمرورك وتعليقك

ولكن في الحقيقه كان وصولي واقامتي لما وصلت لأهلي ثم انتقلت لأهلها وجلست عندهم شهر كامل وانا خارج المدينه من المفترض أنها هي من تبادر بالزياره حتى أرضا لي أنا

اصغرهم
اشكرك اخي الكريم كلامك نويت اعتمده لاني اشوف اهو السليم
وفقك الله

رولادا

تحاورنا وتجادلنا بس هي تركيبتها معانده زي امها وبعدين انا ما مشيتها علي الصراط من بدري هذي غلطتي