|
انا عن نفسي اخذ معاي للسوق بلوزه واقيس على القطعه اللي ابشتريها
بس مشكلتي بملابسي الداخليه |
مقاسي عادة معروف هنا .. عادة المقاسات الاوربية تكون مضبوطة
و احيانا حسب موديل الملابس تتغير المقاسات مثلا اذا كان موديل البلوزه ضيق جدا و انا حاباه فضفاض .. اخذ اكبر من مقاسي شوي و بالنظر اعرف الحمدلله .. بس كانت تواجهني مشكلة .. اذا اشتريت طقم قطعتين او بجاما قطعتين فا لازم احد القطعتين ما تجي علي و عندي صديقة مقربة جدا جدا بمثابة اخت عندها عكس مشكلتي فا كنا نشتري نفس الطقمين و نتبادل القطع قياسات البناطيل او التنانير تعرفيها من الاكتاف ( هذه سمعتها مادري وين بس المهم سمعتها من حد تمسكي التنورة و تحطيها على الكتف من ورا و اذا جت من الطرف للطرف معناها راح تناسبك ان شاء الله او يحطوا الذراع جوا خصر التنورة و لو وسعت الذراع معناه راح تناسبك |
اختي اكيد تعتمدي على المحيط الاكبر و تصغري بعض الاجزاء .....
اختي انا اعتمد على الشبر في اختياري اقيس محيط الوسط ثم محيط اكبر حجم....(الارداف) وطبعا الاجزاء العلويه تقيسي بشبر محيط الصدر والخصر ممكن يتضيق...اتمنى فهمتيني ... وصديقتي تعتمد على متر صغير تضعه دائم في حقيبتها ومسجله مقاستها في ورقه... اما مسألت الاختيار بين المقاس الافضل بصراحه انا كثير يصيرلي كذا فأخذ القطعتين واروح غرفت القياس اقيسها بسرعه واختار الافضل وارجع وحده واشرط على البائع اني باخذ قطعه وبشوف الانسب..... اذا معي قيمتها حاسبت عنهم كلهم ولرجعت القطعه يرجع افلوسي واذا مامعي يبقى زوجي رهينه عندهم لين ارجع من غرفة القياس واذا كان لديكي تحفظ على خلع الملابس بغرف القياس فانتي غير مضطره لكشف وجهك او خلع ملابسك يمكن قياسها من تحتها... واما مافائدت الجاهز اذا بنعدل فيه ...فيبقى للجاهز جماله وتميزه من حيث الخامه والالوان والموديل ... اتمنى اني جاوبتك على جميع اسألتك وافدتك. موفقه خير.. |
هلا عسوله والله مره فرحت اني قدرت افيدك ....
اما مسألت القطعتين اختي اشرطي على المحل سواءً ماركه او عادي انك بترجعي وحده ماراح تاخذي الا وحده لان المحلات العاديه احيانا مايكون عندهم نظام الترجيع .... والماركات احيانا يكون عندك فرصة ترجيع وحده ويحسبها عليكي ولا يرضى مثلا لو بتغيري اللون بعد كم يوم او ترجعيه كله لذلك انا صرت اقولهم لاتدخلها بالكمبيوتر خلي المبلغ على جنب عشان لايحسب الترجيع علي وانا بصراحه اروح اقيس بغرف القياس بنفس السوق ومثل ماذكرت كثير ما احتاج اني انزل ملابسي اكون عامله احسابي بلبسي اني اقدر اقيس من تحت التنوره والبلوزه قطن ماسكه على الجسم عشان اقيس من فوقها...لان زوجي يزعل مره لو رجعت للمحل مرتين وانا بعد اتعب يروح الوقت ونزلات السوق على لبس واحد روح وارجع قيس وبدل ولا رجع عشان كذا صرت اقيس اللي ارتاب فيه لو ماضبت معي الاشبار او شكيت بالموديل بيجي حلو علي ولا لأ............... وكل عام وانتي بخير.. |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|