السلام عليكم ورحمة الله وبركاته

اخواني واخواتي انا عضوة قديمه لكني سجلت بمعرف جديد لاني ماابغى زوجي يقرأ موضوعي واجرح مشاعره ..
انا متزوجه من 7 سنوات وعندي اولاد والحمد لله مبسوطه مع زوجي ..
زواجنا كان تقليدي لاني انا وزوجي بيننا صلة قرابه وبعد الزواج اعترف لي زوجي انه تزوجني عن حب من طرفه هو لانه شافني صدفه قبل مايتقدم ويخطبني بسنوات وكنت وقتها ادرس الثانوي ومن يومها حسب كلامه حبني وتعلق في وكان دايما يسأل امه واخواته عني لحدما خطبني وتزوجني ..
طول السبع سنوات هذي زوجي اثبت لي انه يحبني بقوووووة ودائما يأكد لي ان حبه لي يزيد سنه عن سنه ماشاء الله وانا الحمد لله قايمة بكل واجباته وماعمري قصرت بحقه ومريحته من جميع النواحي ويمكن علشان كذا متعلق في ......
طبعا بتقولون ماشاء الله وين المشكلة ؟
المشكلة يااخوان ويااخوات اني مااحب زوجي مثل مايحبني ..
اعزه صح واحترمه واكن له مودة وغالي عندي لانه زوجي وابو عيالي وهو اخلاقه عالية ومستقيم وطيب وكريم ومثال الزوج الصالح لكن ماقدرت احبه بشغف ..ماقدرت اعشقه بجنون واغار عليه مثل كل الزوجات ..
ماادري اذا كنتم فهمتوني ولا لا ؟ صدقوني الحب مو بايدي وقلبي مااقدر اتحكم فيه تمنيت طول السنين هذي احبه زي مايحبني بنفس القوة والشغف احبه كرجل وحبيب وعشيق بس ماقدرت ..تمنيت ان شعوري تجاهه يصير اقوى من مجرد المودة والمعزة والعشرة لانه فعلا انسان رائع يستحق كل الحب بس قلبي رافض ومسكر ..انا هذا ماعندي مشكلة فيه لاني كاتمه كل هذا في قلبي ولا عمري وضحته له وانا مقتنعه بالحكمة الي تقول انك تعيش مع شخص يحبك ومجنون فيك افضل من انك تعيش مع شخص انته تحبه ومجنون فيه وهو مايحبك ..
لكن مشكلتي الحقيقية الي مسببه لي تأنيب الضمير اني طول السنين هذي امثل عليه الحب ودايما اقول له كلام الحب والعشق وانه حبيبي وقلبي واني اموت فيه وهو مصدقني وفرحان ويعتقد ان هذي مشاعري فعلا بس الحقيقة اني مااحس بكل الحب هذا تجاهه واحس اني اكذب عليه واخدعه لكن مرات احاول اقنع نفسي ان هذا يعتبر من حسن التبعل للزوج لانه ماراح يستفيد شي لو عرف بحقيقة شعوري تجاهه وانه مجرد محبة وود ومعزه علشانه زوجي مو حب قوي وشغف بالعكس ممكن اجرحه واضايقه ..
يمكن تعتبرون مشكلتي تافهه لكني ابغى اعرف رأيكم هل الي قاعده اسويه صح او غلط ؟
انا امثل على زوجي الحب لانه فعلا يستحق الحب وامنيتي اني احس بالحب هذا وابادله نفس مشاعره ولهفته علي وتكون مشاعر حقيقية مو تمثيل لكني عجزت ..تكفون انصحوني هل علي اثم اني قاعده اكذب عليه ...هل استمر بالكذب هذا طالما ان زوجي مبسوط وسعيد؟ ..

.. العزيـــزة ( كادي سالم ) ..

.. كل ما تشعرين به هي وساوس الشيطان لا أكثـــر ..

.. انتي تحبين زوجك , وتعشقينه .. والدليل أنك كتبتي هذا الموضوع .. وبمعرف جديد .. حتى لاتجرحين شعوره ..

.. لو كنتي فعلا لا تحبينيه لكتبتي الموضوع بمعرفك الاصلي .. وما همك زوجك .. اذا قرأ كلامك أو لا ..

.. كل ما تشعرين به من عدم حبك لزوج ,, وتانيب الضمير هو .. لأنك تشعرين أن زوجك يحبك اكثر مما تحبينه ..

.. وهذا اوجد لديك شعور أنك لا تحبينه .. لانك تعجزين على ان تجارينه في مدى حبه لك ..

.. كل ما يقوم به زوجك لاسعادك .. وراحتك .. وكل ما يقدمه لك من حب ..

.. اوجد لديك شعور انك لا تحبينه ..

.. فقط لأنك لا تستطيعين ان تقومي بما يقوم به لك ..

.. لكنك فعلا تحبينه .. بل وتعشقينه ..

.. فقط تخيلي حياتك بدونه .. لن تستطيعي اكمال التخيل .. لانك تحبينه وتعجزين عن تخيل حياتك بدونه !!

.. عزيزتي .. أسعدي زوجك بما يرضي الله .. وبادليه الحب .. وستشعرين بتحسن .. وستنتعشين .. وترجع لك احاسيسك الجميلة تجاه زوجك ..

.. وأتركي عنك فكرة ( انك تمثلين الحب ) .. لا أحد يستطيع تمثيل الحب لسنوات !!

.. لأانه بالاول والاخير أنسان ,, وسيمل ويتعب ..

.. قومي وزيني بيتك ورتبيه .. وتهيئي لاستقبال زوجك .. وعانقيه .. وأخبريه انك تحبينه .. ولا تتخيلين حياتك بدونه ..

.. واتركي اوهامك جانبا ..

.. الله يسعدك ويوفقك ..

.. ويبدو أنك تمرين حاليا بفتره فتور او ملل من الروتين .. لذلك قومي ببعض التغيير في بيتك ,, حياتك ,, نظامك ,, شكلك ,, ملابسك ,, التغيير له مفعول قوي على النفس ..

__________________

أختي الكريمه كادي ..

ماشاء الله تبارك الله ..

مثال رائع لحياة زوجيه رائعه ..أختي ليس شرطاً أن يكون الحب بين الزوجين ..

صحيح إن توفر الحب والعشق فهو طيب بين الزوجين لكن ليس شرطاً لإقامة الحياة الزوجية ..

فالله سبحانه وتعالى قال

{ وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ}


فإن انتفت المودة فالرحمة باقيه ولله الحمد ..

فياأختي لاتلومي نفسكِ كثيرا على ماتفعلي .. بل من الرائع جداً هذا الإقدام منكِ على تبادل الحب

ولو كان تمثيلاً .. فأنتي تسعي لإستقرار الحياة بينكما وهذا نُبُل الأخلاق وردٌ للجميل ..

فاستمري على هذا المنوال وإياكِ في التخلي عنه .. حاولي وجاهدي ذلك .. وعندي لكِ بشارة

بإذن الله فضلاً عن الجزاء من الله سبحانه وتعالى والثواب على ذلك ..

ستجدي نفسكِ بعد سنوات قلّت أو كَثُرت أنكِ أحببتِ زوجكِ بالفطرة .. وعشقتيه ولا تستطيعي

الصبر عنه .. بل ولا تتمني الساعة التي تُفْقدكِ إياه ..

بارك الله فيكِ ورزقكِ حباً يملأ قلبكِ .. وينور حياتكِ ..

__________________
كيف اقاوم الهم والألم. بالسجود راحة واطمئنان.

نهاية نوال..!

الله يجزاك خير اخوي مشكور .

مشكورة اختي على ردك وكلامك ريحني الله يجزاك خير وان شاء الله تصير مجرد وسوسة شيطان .

تخيلي زوجك يتعرف على وحده وتكتشفين بالصدفه وتلقين صورتها بالكمبيوتر حقه.. طويله ورشيقه وملكة جمال وزوجك مخزن لها صور كثير .. وش بيكون شعورك وقتها؟؟

تخيلي لو زوجك صارحك بانه قرر يتزوج وحده ثانيه ويبيك تكونين على بينه وش بيكون شعورك؟؟

تخيلي لو زوجك بدا يبرد من ناحيتك وبديتي تلاحظين كثرة مكالماته وخروجه من البيت ودايم جواله عليه رقم سري.. وكل ما حاولتي تلفتين نظره او تسولفين معاه حسيتي انه ماله خلقك وانه مستعجل يبي يطلع.. وش بيكون شعورك؟؟

ابيك تجاوبيني على اسألتي وتتخيلين الموقف بمخك وتوصفين لي شعورك بالضبط عشان اقدر اساعدك ونشوف حل لوضعك..

__________________

مشكور اخوي اتوقع اني راح اتضايق اكيد لو اكتشفت لا سمح الله ان زوجي يعرف غيري وعنده صورها لان الخيانه مرة من جميع النواحي ومافيه امراه عاقلة ترضاها لنفسها والحمد لله اني واثقه من زوجي من الناحيه هذي لانه مستقيم ويخاف الله .. واكيد ابتضايق لو لاحظت انه تغير علي وماصار يهتم فيني لاني خلاص تعودت منه الاهتمام والحب ..
المشكلة بسؤالك الثاني ...انا من الناحيه هذي مااغار على زوجي ودائما لما كنت اتناقش مع اي وحده من اخواتي او صديقاتي حول موضوع التعدد اقولها اني ماعندي مانع زوجي يتزوج علي بشرط يكون عنده القدرة الماديه انه يفتح بيت ثاني ويعدل بيننا خصوصا اني واثقه منه وعارفه انه ماراح يظلمني لكن زوجي ظروفه المالية صعبه وعايشين بايجار وعلينا ديون صحيح اني ممكن اتضايق شوي في البداية بس في النهاية هذا شرع الله ومايحق لي اقول شي او اعارض اذا كان يقدر من جميع النواحي على التعدد ...وكل وحده اقول لها الكلام هذا تستغرب وتقول انتي اكيد ماتحبين زوجك ولا عندك غيرة عليه واي وحده تحب زوجها ماراح ترضى يتزوج عليها حتى لو كان مليونير وفعلا بديت اصدقهم لاني مااغار على زوجي مثل غيرتهم على ازواجهم واحيانا يمزح علي زوجي بخصوص الزواج والتعدد ومااتضايق ابدا بالعكس امزح معه واضحك واقول خلاص انت بس اشتري لي بيت ملك وسوي الي تبغيه لاني تعبانه من التنقل بين بيوت الايجار والديون ..
والحقيقه مثل ماقلت لك زوجي ماعمره اعطاني فرصه للغيرة ودايما يقول لي انتي تكفيني عن كل الحريم في الدنيا ومستحيل اناظر لوحده غيرك ..

سلام عليكم
اختي العزيزه احييج علا صراحتج , ماودي اجرحج واقولج حطي نفسج بمكانه انه طول هل سنين الحلوه الي عشتيها معاه
واخر شي تتفاجيين انه مايحبج ونه يمثل عليج طول السنين .شنوراح يكون رده فعلج
انصحج واقوللج لاتخلين الشيطان يوسوس فيج .يمكن فيه شغله معينه انتي تكرهينها فيه لاكن لاتنسين انه في صفات حلوه ..
وانسي السنين الي راحت وافتحي صفحه جديده مع نفسج
والله لايفرقكم عن بعظ

مشكور اخوي لكن الحمد لله انا عمري ماقصرت معه بشي ومن يوم تزوجنا عايشين بايجار وعلينا ديون بس صابرة ومتحملة كل الظروف ولا عمري شكيت او ضايقته بالكلام بس قلبي مو بايدي الحب من الله اعتقد اني امثل عليه الحب افضل من اني اقول له انا مااحبك مثل ماتحبني واجرحه واكيد هو فيه عيوب بسيطه مثل كل انسان والكامل الله سبحانه بس عيوبه دائما اتغاضى عنها وماتهمني ..

أنتِ امرأة صالحة من الطراز الأول.

فقط ابعدي عنك هذه الوساس ..

وإذا تقولي انك مثلتي عليه 7 سنوات إنك تحبيه ...مثلي على نفسك أنك تعشقيه وووو

بارك الله فيك.