السلام عليكم ورحمة الله وبركاته
والله يا اخواتي واخواني والله مادري شلون ومن وين ابدى مشكلتي
بدخل بالموضوع مباشرة
انا متزوجة صارلي 4 سنوات
عندي طفلة عمرها سنتين ونصف
انا اعاني منذ اول زواجي ان زوجي لا يقبل علي مع اني متأكدة انه يحبني
يخاف علي يزعل اذا زعلت يتألم اذا مرضت
والله يا اخواني هو طيب طيب بمعنى الكلمة
وادري الكل يحسدني عليه
بس في شي بقلبي
لدرجة اني بديت اكره نفسي
زوجي مقل جدا جدا في العلاقة الحميمية معي
وانا صارحته مرات ومرات ومرات
كثير والله تكلمت معه في هالموضوع
لدرجة ان الشك بدأ يتسرب الى قلبي
يمكن انا اللي غلط؟
يمكن انا اللي اريد زيادة؟
ابحث كثيرا في المنتديات واعرف من صديقاتي المتزوجات ومن اخواتي
ان المعدل اللي يحصل بينا فيه اللقاء قليل جدا
يعني مو انا اللي غلط
يا جماعة والله انا من كثر تفكيري في هالموضوع صرت افكر بانسان ثاني
كنت احبه قبل الزواج
وادري ان هالشي حرااااااااااام
بس انا بشر
ماني ملاك
احاول كثيرا اكلمه
الاعبه
اقوله صارحني انت ليش ما تحب هالشي؟
يقولي والله بالعكس احبه واحبك
حتى والله اذا صار بيوم وحدث هاللقاء
والله العظيم انه يكون لقاء باااااااارد جدا
احترت في هذا الزوج
اشتريت له كتاب عن الرسول صلى الله عليه وسلم وعلاقته بزوجاته
ابعث له ايميلات من مواضيع المنتدى وكيفية اللقاء بين الازواج
سئمت والله ان اعيش دور الرجل
والله سئمت
طوال نهار رمضان نايم
وانا من الصبح اقوم واحضر الفطور والاكل وشغل البيت
هو معظم الوقت قاعد مع بنتنا
يلاعبها او ينيمها بحضنه
والله يا جماعة من يوم ولدت هالبنت وازدادت الهوه بيننا
يصر ينيمها في النص بيننا
وتطور الامر انه صار ينام معها بفراش وانا بفراش ثاني ينفس الغرفة
احبها واموت فيها لانها بنتي
بس احس انه صار يتحجج فيها
تكسر خاطره تنام بروحها
ادري يحبها بجنون
بس وييييييييييييين انا بحياته؟
والله يا جماعة الخير انا حتى مرات يجيني احساس ودي بس انام يمه مو شرط يصير بينا لقاء
واللي زاد الطين بله ويضايقني
بس يجي يسألني
اظن حرام برمضان اقترب منك
صح؟
اطالعه واسكت
يعني ما صارلنا متزوجين 4 سنوات؟؟؟؟؟؟؟؟؟؟؟؟؟؟؟؟؟
ما يعرف؟
يسألني؟
اقولكم شلون صار تفكيري؟
مثلا امس
صرت اتكلم مع الله
اقولكم اللي بصدري والله
قلت يا رب يعني اذا الوحدة امتنعت عن زوجها تلعنها الملائكة حتى تصبح
وين عقاب الزوج اللي يمتنع عن زوجته؟
ليش يا رب ما في عقوبة للزوج؟
يعني الزوج ما يخطئ؟
ما يدفع الزوجة الى التفكير في رجل آخر؟
انا لست بزوجة سيئة
والله كل ما يخطر ببالي انسان اخر غير زوجي استعيذ بالله من الشيطان الرجيم
وتنزل الدمعة من عيوني
لا تقولي احد يكلمه
لان امي كلمته واااايد ولمحت له
وهو ما يفهم ولا مادري شفيه؟
مريض؟
لا بالله ماهو مريض
حتى هو يقولي
انه يدري انه بارد
وبعدين؟
وبعدين يعني؟
انا لا اريد ان ازل واقع بشي حرام
واحاول دايما اقوم اصلي وقت الرغبة
واسبح
وابعد تفكيري
والله يا جماعة الخير والله ان يصيبني الم في اسفل بطني وقت ما احس برغبة
وتظل معاي ايام
وما اعرف اذا كان هذا سببه قلة اللقاء ام شيء آخر
دلوني
ماذا افعل مع هذا الزوج؟
والله تعبت جسديا ونفسيا
واحترت
ماذا افعل مع هكذا زوج؟

__________________

	ترافقت انا وصديقي وذيب تحالفنا ثلاثتنا ما للخوف داعي صديقي من يجي الليل انومه على ذراعي خفت من الذيب يغدر وخوفي هيج اوجاعي قمت من نومي لقيت الذيب يحرسني وصديقي ورفيق دربي سارق متاعي

يسر الله امورك

بصراحة لا اعرف ما اقول لك

لكن حبيت امر

السلام عليكم

تقولين انه هذا وضعه من بداية زواجكم .... ما قلتي لنا اذا عنده تصرفات غير طبيعية ...

عرضتي عليه يروح طبيب ؟؟؟...ما ادري اذا شاب بعمره يجوز انه يستخدم المنشطات الجنسية اللي يستخدموها اللي اكبر منه بالعمر ... لازم طبيب اللي يكتب له عن نوع المنشط اللي يحتاجه اذا كان فعلا بارد مو يفرغ طاقته بطريقة ثانية ...مو استغابة أو أخوفك منه لكن أطرح كل الاحتمالات لاني ما أعرف شي عنكم .

ربنا يعينك ويغنيك بحلاله عن حرامه

اذا كلمتي زوجك بالموضوع انصحك ما تذكري له خوفك على نفسك من الغلط ... لا تفتحي على نفسك باب الشك وانتي في غنى عنه ..

قولي له انك لما تشوفيه تشتهي ... وانك تحبي انكم تكونوا مع بعض اكثر وانه راح ينبسط أكثر اذا راح لطبيب وتحسن وضعه ...

أكيد في كلام أكثر تقدري تقنعيه فيه لانك تعرفين زوجك أكثر منا .

	وعليكم السلام حاولي ان تتزيني لزوجك في ابهى الصور واختاري افضل العطور ولاداعي لشرح اكثر

اشكركم جميعا على تفاعلكم وردودكم علي
والله يا اخواني هو مو وايد كبير يعني باول الاربعينات
وانا اول زوجه له
انا الثلاثينات
هو دايما كان يقولي انه ما كان يفكر بالزواج ولا حاب يتزوج
بس غير رأيه يوم حبني
انا ايضا مرات يتسرب الشك في قلبي
اقول معقولة في رجل جذي؟
ما عنده رغبة و لا يفرغها بعيد عني؟
بس ماعتقد
لانه وقت اذا رغب يجي يقول علطول
بس ويييييين ووين بس تجي هالرغبة
يعني مقارنة باللي يقوله الاخ ان عدد مرات الجماع الطبيعي عند الرجل 2 او 3 مرات اسبوعيا
انا الحال عندي مرة بالكاد مرة كل شهر
مهما تزينت وتدللت ولبست
او حتى هجرت وبعدت
ما تفرق
حتى والله مرات بس كان يجي يطلب انا اتضايق
يعني بعد كلللللللل هالمدة الحين يجي ببالك؟
اقوم امنع نفسي عنه واقول له بعدين
ابي اخليه يذوق اللي انا ذايقته
ما يهمه
ولا كأني ضايقته بشي
والله مرة من المرات كان ناوي يصير شي
واحنا بالفراش دق موبايله وتكلم مع صاحبه ونسى شكان ناوي عليه وقام ولا كأن كان في شي
انا بالفعل صارحته مرات ومرات وقلتله الله بيحاسبك
لا تخليني افكر بغيرك
يقوم يسكت ويقول انه يحبني
والله كرهت حالي
احس اطلب شي مو من حقي
واذا حصلت عليه احس بمذلة
والله اني سمعت ان وقت الولادة الله يستجيب الدعاء
اول شي وانا اولد بنتي كنت ادعي الله يميت هالرغبة فيني حتى لا اتعذب اكثر
والله اني بالصلاة دايما ادعيها
حتى اني اتمنى اسوي عملية ختان
اتمنى اعرف دكتورة تسويها حتى اخلص من العذاب اللي انا اعانيه
واذا طلبت منه يروح لدكتور
شنو لازم يكون تخصص هالدكتور؟
امراض ذكورة ولا نفسي ولا شنو؟
اطلت عليكم
لكن يعلم الله اني ما تكلمت الا لما وصل الامر معي لحده
واعذروني على الاطالة

__________________

	ترافقت انا وصديقي وذيب تحالفنا ثلاثتنا ما للخوف داعي صديقي من يجي الليل انومه على ذراعي خفت من الذيب يغدر وخوفي هيج اوجاعي قمت من نومي لقيت الذيب يحرسني وصديقي ورفيق دربي سارق متاعي

أتوقع طبيب جلدي وتناسلي .. هو المختص بالجهاز التناسلي للرجل ... لكن خل أسأل لك وأتأكد اذا هذا هو التخصص المطلوب .

ادع بدعاء " اللهم اغنني بحلالك عن حرامك "

وادعي يزيد الشهوة عند زوجك بدال ما تدعي يشيلها منك

لا هالطريقة ما تنفع وممكن تسبب له مشاكل لا سمح الله ..

http://www.66n.com/forums/showthread...ED%C7%CC%D1%C7

__________________