موضوعيالاول بلمنتدى


انا شاكه بان ابني مراهق ماخذ مبلغ من الدولاب

ابوه كان حاطه من فتره

و ما يذكر كم باقي منه لان كل فتره يسحب منه
بدات الاحظ ابني يصرف من غير حساب على اشياء كثيره
لاانا ولا ابوه معطيه

ابوه شديد و انا ما اعرف الحل معاه و احنا برمضان



اكلم ابوه ولا اكلم الولد كلمته قبل قال ما اخذ

و ابوه محذرني اني ما اغطي عليه و ابلغه بكل شي



ايش رايكم

انتظرت مشاركاتكم ما لقيت شي



كلمت الولد

و قلت له بجديه تقول لي ولا تقول تقول لابوك


قال ماخذ 1000
500 صرفهم وباقي 500 و اعطاني المبلغ المتبقي

شاكه انه ماخذ مبلغ اكبر


برايكم كيف انمي الوازع الديني و الضمير الحي عند المراهق
لاحظت انه مثل البغباء حفظ نصائحنا انا و ابوه و يردد بس ما في تطبيق

اريد اسمع من الرجال و الشباب و من في بيته مراهق

أصلح الله حال إبنك وهداه الله لطريق الصواب لم تخبرينا عن عمره فالعمر له دور كبير ولكن سأجيب عن العام بشكل أوسع

قال الله تعالى:
( إنَّ الصَلاَةَ تَنْهَى عَنِ الفَحْشَاءِ وَالْمُنْكَرِ )

أختي الفاضله لو كان إبنك محروووم أعطوه لأنه لو لم يسرق منك لسرق من غيركم وكانت الفضيحه بعينها

فالحمدلله لم تخرج من البيت

ربي إبنك علي القيم والأخلاق وأن عزة النفس لا تأبى أن تسرق وعظمي هذا العمل

بأن يختار أن أناديه حرامي أم شريف وصادق وأمين

أقترح أن ترسلوه في شراء بعض الأغراض وترون هل كذبه في التسعيره أيضاً ملازم أشغلي وقت فراغه
بكل مفيد

وأقترح عليك أن تعدي هذه المره ولا تخبري أباه ولكن لو عاد وشكيتي ولو 1% أخبري أبوه بدون تردد

وليعلم هذا الولد أن هذه المره هي مناصحه له ولكن العقوبه ستضاعف لو كررها

بارك الله فيك اخي الكريم


اذا هذه ا لمره مناصحه و العقوبه لو تكررت


يعلم الله اننا دائما ننصحه و هو يقول خلاص باختنق من نصائحكم

نعطيه وكلما اعطيناه ظن انه اقل من غيره و انه مظلوم و انه امور كثيره

عمره 14 سنه

هو من صغره متقلب المزاج و يناقش في كل كبيره وصغيره

لماذا وكيف و ماذا ساستفيد

و نحن في نقاش طويل و ممل في كل شئ

دائما نشاهد البرامج الدينه و سبحان الله شاهدت معه اليوم برنامج على اقرا لمحمد القضاه عن السرقه

لاحظت عليه انه متحدث جيد و عارف باحكام الدين و متفوق

لكن مشكله شعوره بانه مضطهد و اقل من غيره و وازعه الديني الضعيف ملازمه له



هل استمر على نصحه بكثافه و هو يشكي انه مخنوق ام اترك له مساحه للتفكير


خوفي اذا تركته ينساق وراء وساوس الشيطان


احترت في امره

أختي ، لا ترهبينه من أبوه لا تخلينه يخاف من أبوه

أبوه لازم يكون على علم باللي صار

عشان انتي هم ما تصيرين بمشكلة في حالة لو إن أبوه درى من غير ما انتي اتخبرينه

ولازم الأبو يتقرب من الولد بحيث إن الولد يامنه على أسراره

وبداية صداقتهم لازم اتكون من المسجد

خله يروح مع أبوه المسجد للصلاة

حاولي اتحسسينه إنج واثقه فيه وإنج تدرين إنه ماراح يسوي هالشي مره ثانية

لا تحسسينه إنكم فاقدين ثقتكم فيه

وقولوا له إذا احتجت خبرنا واحنا مابنقصر عليك بشي

حببيه في الدين بطريقة الترغيب وليس الترهيب

حاولوا تتصرفون معاه بحكمة بعيد عن العصبية

والله يوفقكم حق تربية عيالكم تربية صالحه

نسيت اقولج شي ..

بالنسبة حق النصايح .. لا تنصحونه

راقبوه من بعيد وعطوه توجيها في حالة حسيتو إنه راح يغلط

إذا سوا شي زين كافؤه

وإذا سوا شي مو زين ... خبروه إنكم تعرفون عن اللي سواه

وقبل لا انتوا تعرفون الله يدري

وعطوه فرصة يصحح غلطه

في حالة تكرار الغلط احرموه من اشياء يحبها

واهم شي تقربوا منه

يا زينب

باحاول االمح لابوه بصوره غير مباشره

تعرفين رمضان و صيام

هو مصاحب ابوه ويسمع له دايما

و الناس كلها بتغبطنا على تربيه ابوه ليه و معجبين باسلوبنا

بياخذه لكل مكان وصلاه التراويح كل يوم
والطريق كله يتناقشون بالامور الدينيه و الدنيويه

ويمزح معاه بس ساعه الجد الاب اب


ما اقدر اغصب عليه بشي ودايما نتناقش

انا حابه تكون تصرفاته و افعاله من نفسه

نابعه من شخصيته هو من نفسه يفكر قبل ما يتكلم قبل لا يتصرف



هو حفظ كل كلامنا و توجيهاتنا يعني من نتكلم معاه باي موضوع يقول نفس كلامنا

ما اشوف تطبيق



احترت معاه

حابه اضيف

انا ما اثق في ردات فعله ولا في تصرفاته ولا في تقديره للامور

اعطيناه الكثير من الفرص وكل مره يفشل

ويبرر انه ما يستطيع التحكم في ردات فعله

عندي لج حل يارب ينفع
ولدج الله يحفظه بما إنه رد لج باقي المبلغ وصرف جزء منه
كلفيه بمهمه الهدف منها إن تضعينه في موقف مسؤليه وبنفس الوقت يعوض الفلوس الي خذهم
إذا عندج عيال أصغر منه خليه يساعدج في أمورهم وعن كل يوم يساعدج قولي له هذا بدل الفلوس
مثلآ لمدة اسبوع بعدها كافئيه بشي يحبه
أو اعطيه مبلغ معين وقولي له إن هذا مصروف البيت إنت قسمه على احتياجاتنا وانت تقضى اغراض الشهر
عشان يحس بأهميته وبالمسؤليه وبعدها هم كافئيه عززي عنده أهمية الثواب والعقاب وربطي هالشيي بعلاقته مع الله

شاكره لك متابعتك للموضوع

حاوللت هذا الحل سابقا و اتفقت معاه

ابوه رفض وقال لنا احنا الاثنين

انه يساعد من غير اجر لاننا في بيت واحد وكلنا بنساعد بعض

مبدا التكافل الاجتماعي وما يحبهم يكونو ماديين مع بعض

تتوقعي انت و الاعضاء


ابلغه انه اذا اتغير و اثبت لي انه اتغير اعطيه مكافاءه

قولي له انك تعرفين انه يسرق من الدولاب
بس حذريه ان المره الجايه بتعلمين ابوه

__________________
سبحان الله وبحمده
سبحان الله العظيم