السلام عليكم

يا اخوان انا عندي اخ اكبر مني بخمس سنين وهو عمره 29 وهو غير متزوج المشكلة هو له شهر
متعرف على اخويا جدد عنده بالدوام ومن تعرف عليهم وهو متغير من ناحية تصرفاته صاير دايم يضحك وتجيه
حاله هيستيريه وعيونه حمر ويحاول يخفي حالته وعيونه عني واذا قلت له ابطلع معكم يصرفني مع العلم ان
اخوياه القدامى هم اخوياي يعني 24 ساعة اعرف وين يقضي يومه وقدام عيوني واخوياه القدامى الحين يسئلوني عنه لانه انقطع عنا لاكن من تعرف على هالجدد مايبغاني اتعرف عليهم ولا اطلع معهم واخوياه الجدد اشكالهم قشران وواضح عليهم الخراب والسربته
للمعلومه اذا طلع معهم يرجع ويقعد في بيت الشعر لحاله ويتقهوي ويضحك لحاله !! واذا سألته ليش تضحك يقول البرنامج يضحك وهو كذاب لا يضحك ولا شي وامس
مزودها شوي جا البيت الساعة 2 الليل ولما جا يوقف السيارة صدم الرصيف اللي عند البيت ووقفته كانت غلط ودخل البيت متلطم مسرع وراح نام وترك الداوم ومن بكرة قام يصارخ على اخواتي وهم ماسوو شي واخلاقه بخشمه
للمعلومية حتى الوالده واخواتي ملاحظين هالشي ويسئلوني عنه وانا اقول لا عادي الامر طبيعي
والاغرب من هذا كله انه ماوده يتزوج بحجه انه قاعد يجمع وهو نصاب عنده فوق ال 250 الف وابوي اصلا
بيتكفل بموضوع الزواج !!! يعني واحد عمره 29 ليش مايبغى يتزوج !!

يا اخوان انا الوضع مو عاجبني وشاك انه يحشش او يسكر او وراه شي كبييير وخايف على والدتي واخواتي انا بأطلع من البيت لاني باتزوج قريب واخوي الثاني متزوج ومشغول بأهله ووالدي كبير في السن
شورو على وش اسوي؟؟

__________________

موضوعه بسيط راقبوه ورح شوف من يجالس وين يجلسون ومن اصحاب اصحاب اخوك لابد انك راح تتوصل لشيء وقتها وعندما تعرف نوعية ربعه ان كانوا من اصحاب المخدرات او من اصحاب الجلسات والخمر وشوف لك واحد مخاوي شما يعمل في المباحث وظبط لهم كمين محترم يقلع جذورهم ويوديهم ورا الشمس بس اخوك في يوم الكمين اقفل عليه في البيت لاطلع واستخبر بما اصاب اخوياه بتلقاه يرجع يحترم نفسه ويمشي على العجين مايلخبطهوش مثل ماقالوا اخونا المصريين

__________________
اياك اياك..في صاحبك تطمع حتى ولو ان كان بسطلك ذراعه

هههههههههههه مباحث لالالا
فكرتك طيبة بس بنسبة 80% اخوي بينقفط معهم لانه اخوياه بيدبسون عليه وبيسوون له تحاليل وعلى ساحة الصفا

اقول ليش ماادق على مستشفى الامل يجون يمسكونه ويسوون له تحاليل ويعالجونه غصبن عنه بس المشكلة هنا انه بينفصل من شغلة ؟

__________________

أخوي

أخو زميلتي نفس الشئ مرة من المرات تعرف له كذا على شلة و سبحان الله المباحث مثل ما قال الأخ المهاجر
المثخن ، قبضوا على أصحابه و هو ماكان معهم على حظه

من يومها خااف و تعدل سلوكه يوم شاف نهاية أصحابه
أشوف الحل اللي قاله الأخ المهاجر كويس

حتى لو بعد عن أصحابه الجدد ،،
طيب ليه يرفض الزواج ؟

فكرت الاخ المهاجر ممتازة بس انا قد سئلت واحد ان المباحث ما تمسك في يوم واحد لا تقعد تراقب المكان
اسبوع وتتاكد من اللي يسوونه وتقبض عليهم وانا كيف امسك اخوي اسبوع ؟

بالنسبة للزواج كان يحب بنت خالتي وهي تحبه وتزوجت وسحبت عليه وبعدها كره الحريم

__________________

أتوقع ان أخوك يتعاطى حبوب الكبتاجون ...


لانها تخلي الواحد يضحك بدون سبب احياناً ويعصب ويتصرف بهستيرية ...


موضوعه جداً صعب ... الله يعين ..


اما عن الحل :


خبر أمك بالموضوع وخليها تدعيله بصلاتها ... ترى دعاء الوالدين مستجاب ..


ولاتخبر أحد من أقاربك صدقني ماراح يسوون فايدة ..لان هذا رجال كبير مو بالسهولة السيطرة عليه ..



لكن خله لما يطيح بتيهه ويتم القبض عليه مع ربعه ... وقتها راح يتغير لما يكون بالتوقيف أو السجن


... كثيييير من عيال جيراننا كانوا كذا ... ومانفعت معاهم جميع الوسائل والمحاولات من قبل الوالدين والاعمام ورجال الخير ...


غير بعد دخولهم السجن والضرب اللي تعدلو وصاروا يمشون صح ... بعد الويل اللي شافوه !!!!!

__________________
بنفس القدر من الجهد نجعل أنفسنا أقوياء أو ضعفاء

والله ياوخيتي لو انا متاكد انه بس تعاطي كان تصرفت من زمان بس خايف من المخفى ان اخوياه يهربون
وهذي مشكلة كبييييييييره

__________________

يمكن انه يتعاطى شي حاولو راقبوه وشوفو وين يروح وايش يسوي
ربي يهديه ويصلحه

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب

اليوم ركتب سيارته وشميت ريحة زي زيت خروع والله العالم انه حشيش الله يهديه بس
ادعوله

__________________

وعليكم السلام


أنت قلت أن أخوياه القدامى يسألون عنه
إذا أفضل لك أنك تتواصل مع أقر أخوياه ومن تثق بدينه وخلقه
وتشرح له كل اللي شفته على أخوك واتفقوا كيف يـأثرون على أخوك بأي طريقة





جرب هذه الخطوة وشف وين يوصل موضوع أخوك

والله يكفيه شر المخدرات وشر رفقاء السوء




عزوبي بس رجل

__________________

يا حي يا قيوم برحمتك أستغيث أصلح لي شأني كله ولا تكلني إلى نفسي طرفة عين