السلام عليكم .... عندي مشكله والله مستغربه منها

خطيبي يدوام اسبوع كامل ويجي الاربعاء الخميس والجمعه في اخر مكالمه كلمته فيها

كان خوويه جنبه وازعاج قلت له انا شنو هذا الازعاااج وعصبت واهو عاتي مبسوط

وشوي الا قالي يلا باي اكلمك بعدين سكرت ورسلت له زعلانه بس


رد علي ليه حبيبتي زعلانه انا مارديت عليه للصباح رسل رساله صبح علي وكتب ليه

زعلانه صبحت عليه وبس مارديت ليه زعلانه شوي ويتصل يقول ليه ماتردي علي

سئلتك ليه زعلانه قلت له ارد شو اقول عاد انا سويت نفسي عاتي مو زعلانه قلت

له ابي اشوف غلاتي عندك ..... وبس بعدها تغير علي قام يعاملني بجفاف وانا

متضايقه واهو متعود كل اربعاء يجي عندي يتغدى وهالاسبوع ماجاااا شنو اسوي له

دقيت عليه ماييرد وبعدها اتصل قال انا مشغول بروح احلق ومدري وشو ومو مهتم فيني

قلت له فيك شي زعلان قال لا ... وانا مااشوف نفسي سويت شي غلط

... الله يعطيكم العافيه عطوني حل شنو اسوي معااه

السلام عليكم ...


طيب فعلا انتي ليه زعلانة ؟؟؟؟

لأني ما شفت شي يزعل ابدا ... فهو نفس الشي ما شاف شي يزعل وانتي تجاهلتي الرد عليه مرتين وفي النهاية بشوف غلاتي عندك ؟؟؟


حتى هو رد فعله مبالغ فيه ...



بس حبيت انبهك عن كثرة الزعل على الفاضي والمليان ... يصير زوجك ما ينتبه للزعل اللي على المليان من كثر الزعل الفاضي ...


فيه مثل امريكي يعجبني يقول : " تخير معاركك "

يعني موب كل شي ندقق عليه ونسوي منه مشكلة وزعلة ...

فيه حاجات تستاهل وحاجات ما تستاهل فوفري زعلك للشديد القوي


الله يصلح بينكم ويسخركم لبعض ،،،

بارك الله فيكي وضحي خطيب مملك او بدون
بعدين اول مرة ما يتغدى عندك
اطلقي صراحه شوي
خليه يفكر
اكيد هو كمان وده يشوف غلاته عندك



ع فكرة اكثر شيء يضايقني حتى من اصحابي لين يستشيرون
كلمة ودي اجرب
لا تخضعين علاقتك معاه لتجارب والتي غالبا لا تعكس حقيقة ما يكنه لكي

انا مع الاخت رسيل في الراي والله نصيحتها معتبرة وفري زعلك للشديد القوي .ان شاء الله استفيد من هذه النصيحة فهي مهمه.

__________________

اللهم ارزقني الدرية الصالحةا لمعافاة حسنة الخلقة والخلق .سبحان الله والحمدلله ولا اله الا الله.

ايه مملكين اكيييد

مشكورين على الردود ...

بس والله ماادري شنو اسوي معه لحد الان زعلان

وانا احس مافي سبب للزعل ومادري كيف اخليه يرضى

الحل عندي وأنا أبو هندي .

بسيطة أرسلي له رسالة تقولي فيهآ : ( أنا مبسوطة )

واذا سألك ليش مبسوطة هنا أخلي الجواب ...

ماشاء الله وبارك الله لكما وجمع بينكم بألف خير
شو يحب من اكله
اعملي هالأكلة بكرة ان شاء الله
وارسلي له رسالة حلوة واعزميه ع الغداء
خليه اذا وده يختبر غلاته عندك خليه يعرف اللحين وش كثر تغلينه
ايضا انتبهي لنقطة ان الرجل احيانا وده يفكر وده يقلب المواضيع في راسه لحاله يعني وده يكون منعزل شوي
فإذا اعتذر تقبلي اعتذاره وقولي له انك تحبينه

يعطيكم العااافيه

lovezoro ان شاء الله راح اعزمه ولو اعتذر راح اسامحه اكيد

انا احس اساسا مافي شي يخليكم توصلو لهنا وانتي تزعلي وهو يزعل
يمكن الي دايقك انو كنتي تكلميه وماابتعد عن الازعاج وبعدين قال باي بعدين اكلمك
عادي حبيبتي بس يجي لو كان هالشي هو الي دايقك قوليله انا تدايقت عشان انا احب لما اكلمك مايكون في ازعاج
والله يوفقكم

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب

مشكووررين حبااايبي على ردودكم لي

بس خلاص رضى عني وصار كل شي اوكي

و ان شاء الله ماافي زعل مره ثانيه