السلام عليكم ورحمة الله وبركاته

انا زوجي كان انسان طبيعي من يوم عرفته كان عادي يصلي ومايسمع اغاني

لي الحين 6 سنوات متزوجه لكن من سنتين زوجي بدأ يتغير.. صار وهو يصلي يوسوس

ويعيد الصلاه مره ومرتين وثلاث.. وتطوت المشكله وصار يعيد بالوضوء مرات يقعد ساعه

بس عشان يتوضأ.. وسواسه القهري زاد بشكل ماينطاق

قبل سنه راح لطبيب نفسي واعطاه علاج واستخدمه وصار احسن لكنه ماستمر عليه بالمده اللي

حددها الطبيب.. لانه خايف انه يدمن عليه طول العمر .. وقعد تقريبا 5 شهور وهو متحسن

لكن الحين رجع لحالته بشكل اقوى لدرجة انه ماعاد صار يصلي نهائيا..

انا قلتله انت صلي وماعليك حتى لو انك متاكد انها غلط لاتعيدها لان الشيطان هو اللي يخليك تحس

انك غلط ...

لكن هو مو قادر وله تقريبا اسبوعين ويمكن اكثر مو قادر يصلي وكل ماحاولت معاه باسلوب جدا رقيق

وبكل هدوء .. اقله جرب بس ذي المره ارجوك.. يقوم يتنرفز ويعصب واشوف في عيونه نظرات كانه

خايف .. بالرغم انه انسان جدا باارد ومو عصبي ابدا ..

ارجوكم.. اللي يعرف حاله مثل زوجي .. لايبخل علي ويعطيني حل..

انا نفسيتي تعبت .. احس بديت اكرهه.. حاسه انه صار كافر لانه مايصلي ولا يحاول ..

قبل فتره.. يعني من شهر .. شفته وهو يتوضأ ووجه صار احمر وفيه علامات تدل انه بينفجر من البكاء

لانه مو قادر يتوضأ...

انا من جد خايفه ربي يغضب علي وعليه..

الله يجزاك خير يااختي ماقصرتي ..

لكن والله حاولت معه بالطريقه هذي بس هو مو راضي يقول مابي احد يشوفني ويقفل الباب..

قلت مره وحده وترجيته يجربها لكن رافض تماما..

اختي الوسواس القهري الافضل يكون يتعالج عند طبيب

وقبل قليل بحثت عن عيادات نفسيه لاجل موضوع اخ هنا بالمنتدى

ووجدت انو افضل العيادات عيادة مطمئنه ابحثي عن رقمهم بالاستعلامات

وابحثي عن علاج الوساس القهري من قبل مقالات دكاتره مختصين يمكن تفيدك بشيء

__________________
وعند الله لاتموت الامنيات

شكرا .. من سنه تقريبا تعالج عند دكتور لكن خاف انه يدمن عالادويه فترك العلاج من نفسه ..

لا بأس طهور ان شاء الله

الله يجزاكي بالخير ع صبرك
قبل كل شيء اكثري بالدعاء له

جربي خلطة ابن الرومي - موجود عند العطارين
الخلطة عبارة عن - شب وملح صخري و سدر
تأخذين سبعة اكياس من العطار
وتضيفين تقريبا 3-5 لتر ماء للكيس الواحد
وكل يوم يغتسل بكيس

اذا امكن يوميا تدهني كل جسمه بزيت الزيتون يكون افضل

بخصوص الوسواس القهري
اذا ما وده يتعالج عند نفساني
ممكن يستمع لإصدار كيف تريح بالك من الوساوس
للدكتور صلاح الراشد
ابحثي موجود ع النت 3 اجزاء
لو طبق التمارين ان شاء الله يتحسن كثير

اذا هناك شيخ ثقة يرقى عليه يكون افضل

واسأل الله العظيم رب العرش الكريم ان يشفي زوجك

باذن واحد احد.. اني بشتري هالعلاج من العطار لكن خايفه انه مايرضى يستخدمها ..ياارب يرضى

جزاك الله خير وبحاول اخليه يسمع اصدار الدكتور

ربي يشفيه ويعافيه يارب
اختي هل في احد من اهله مثلا يعرف بالموضوع؟
لو عنده احد مقرب منه جدا جدا ممكن يساعدكم بهالموضوع لعل وعسى زوجك يقتنع

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب

لا محد يدري.. ومره قلت له ايش رايك نقول لامك.. لان امه ماشاءالله جدا ملتزمه وحافظه القران.. لكن مارضى قال ماحللك لو احد يدري ومره تضايق

اللي يعانيه وسوس قهري وصله لترك الصلاة ولاحول ولاقوة الا بالله
لاتخلينه وسط هذا الوباء..وذكريه انه صلاته هي عامود اسلامه لربه تعالى
وذكريه بأن الصلاة لاتسقط على المريض واللي مو قادر يقوم من فراشه
مادام انه فيه كامل عقله..فسيحاسبه الله عليها والجئي لأهله بعد الله اذا ماقدرتي تغيرينه

__________________
اللهم صلي وسلــم على سيدنا محمد
وعلى أصحـــاب وأزواج سـيدنا محـــمد
يارب إني مسني الضر وأنت أرحم الراحميـــــن..لا إله إلا أنت سبحانك إني كنت من الظالمين