السلام عليكم ورحمة الله وبركاته


اخواني واخواتي أسعد الله جميع أوقاتكم بكل خير



سؤال موجه لكم وخصوصاً النساء


أنا زوجتي حامل وسوف تدخل إن شاء الله شهرها التاسع بعد يومين بإذن الله تعالى وهي بكريه ..


المهم تناقشنا في موضوع ولادتها ووين راح تولد المهم أن اعطيتها حرية الاختيار سواء تولد في بيتي أو عند أهلها , تناقشنا اليوم على أساس انه القرار النهائي علشان بعض التجهيزات لأن الولاده احتمال تكون في أي وقت ، فقالت انها ترغب تكون فترة النفاس عند أهلها والولادة عندي !!



أنا ما أعارض هالكلام لكن ..


هل يُعقل أني أخرجها من المستشفى وآخذها لأهلها اللي يبعدون عنا مسافة 350 كيلو متر ( 4 ساعات سفر ) ؟ << طبعاً من المستشفى على طول إلى أهلها في مدينه ثانيه

والسبب أنها مستحيه أن ابوها يوديها المستشفى !!


وش رايكم هي جالسه جنبي الآن وتقرا الموضوع انتظر آرائكم لأني أفكر اخليها عندي ونبطل من الروحه بعد الولاده ..



ودي وعبير وردي

__________________
لا تسقني ماءَ الحياةَ بذلةٍ .. بل فاسقني بالعز كأسَ الحنظلِ
مـــاءُ الحيــاةِ بذلةٍ كجهنمٍ .. وجهنـــمٌ بالعـــز أطيــب منــزلِ

عادي اذا هي تبي اهم شي راحتهاوانت عارف المستشفى تخليها 24ساعه بعد الولاده وبعدين تعطيها خروج...
انا اذا ولدت اروح لاهلي وهم عني ساعتين واتحمل....وان شاء الله تقوم بالسلامه...

__________________

مااعتقد ان فيها شي انها تسافر بعد الولاده في السياره لانه انا سافرت بعد الولاده مباشره وكنت عمليه قيصريه والحمدلله ماحسيت باي شي بس اهم شي السرعه والمطبات تبعد عنها وربي يهون عليها ان شاء الله

__________________
مـاهـو بكيفي اعلن الحـرب وياااك.لو قال عقَلي! .. قام قلبي يصده~!..

طيب شاكر لكم اخواتي ..


بس هل لازم تكون ممدوه ( منسدحه )؟


لان سيارتي ما ادري تكفي تنسدح في المقعد الخلفي والا لا مع انها مريحه لكن ما ادري ..

__________________
لا تسقني ماءَ الحياةَ بذلةٍ .. بل فاسقني بالعز كأسَ الحنظلِ
مـــاءُ الحيــاةِ بذلةٍ كجهنمٍ .. وجهنـــمٌ بالعـــز أطيــب منــزلِ

ما ادري على حسب تحملها!!!

انا وحدة من الناس ماعندي تحمل مدري عشان ولادتي كانت صعبة ولا انا جزوووع..

المهم ما علينا..

بس حطوا في بالكم بيكون معاكم نونو رضيع ويحتاج رعاية ورعايتهم صعبة شوي..

والأم هل تقدر تشيل نفسها وتشيل النونو بطريق السفر؟؟


لو ماعندها مشكلة عادي .

__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))

الله يقومها بالسلامة يارب

انا مثل زوجتك بالضبط ، اولد عند زوجي لاني احب اول ما اخرج من الولادة القاه جنبي ويكبر في اذن النونو ، احس انه واقف معاي في اصعب لحظات حياتي

وارفض رفضا قاطعا اني اولد عند اهلي رغم اصرارهم بس الراحة النفسية اهم شي واذا ولدت بعيد عن زوجي تتعب نفسيتي

وبعد الولادة اجلس بالمستشفى 24 ساعة ، بعدين اريح في البيت يومين ، وبعض ولاداتي ريحت اسبوع لانه امي الله يجزاها خير جاتني

المهم بعد كذه اروح لاهلي اكمل نفاسي عندهم ، وغالبا الدكتور يطلب مراجعة بعد 10 ايام ، ويطلب فحوصات للبيبي عشان العظام وخلافه ، والولد كنت انتظر اطهره بعدين اروح

بالنسبة للسفر ، اول شي مو لازم تكون ممدة ، لكن اذا ولادتها طبيعية تكون الخياطة مؤلمة وماتقدر تجلس ، فتحتاج وقتها كفر البواسير تشتريه من الصيدلية يجي مفتوح من الوسط عشان لا تضغط عالخياطة

واما العملية فحلو انها تتمدد في المقعد الخلفي

واذكر آخر ولادة تعبت جدااا فيها كانت صعبة شوي ، وكنت تعبانة رغم اني ريحت اسبوع في بيتي ، فكان طريق السفر كله وانا ممدة في المقعد الخلفي

والمسافة بين المدينتين 400 كيلو

بالسلامة يارب

اختي زوجة الراسي..

القرار لك طبعا ..

لكن حطي ببالك الطفل المولود .. بيكون لسه لحمة حمرا

و اي نفحة برد بالغلط ممكن يمرض لاقدر الله ...

الموضوع لو فيه احتمال واحد بالمية انه الطفل يتاثر . اذن بلاه احسن ...

صعب عليك تضلي قاعدة 4 ساعات و انتي ماتدري كيف بتكون ولادتك ربي يسهلها .. .. ناهيك لو البيبي احتاج تغيير او رضاعة ...


طيب يا اخي الراسي ليه انت ما تاخذها لبيت اهلها .. و تضل عندها و توديها انت للمستشفى في حالة كانت

منحرجة من ابوها ..

او حتى وديها لاهلها و ارجع لمدينتك و شغلك .. و اول ما تحس بعلامة الولادة على طول تتصل عليك

و المخاض و الولادة بياخذو وقت يعني يمديك تروح لها

في ولادتي اول ما حسيت بالالام اتصلت على زوجي و على طول اخذ شنطته و سيارته و اجا بس مالحقني للاسف

لانه المسافة كانت 14 ساعة بالسيارة .. و انا ظليت 12 ساعة لما ولدت .. فرقت على ساعتين بس

ربي يسهل عليها ولادتها و يقومها و البيبي بالسلامة يارب

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

والله ردك يا أختي أعجبني وتقريباً دخل مزاجي ويا عساها تقتنع فيه ..


هو فعلاً أقدر أجي لو بتصبر مثلك 12 ساعه بس هل تقدرين تعرفين انه اكيد انها حالة ولاده معك والا لا ؟


اما بالنسبه للجيه انا اقول لها الحين اني اقدر اجي في اي وقت اذا اتصلت وكان عندها بوادر ولاده ، وباعتقادي يمديني اوصل لها في خلال ثلاث ساعات ..


عموماً بيض الله وجهك اختي على الفكره الحلوه وعساها تقتنع ويمكن يجي رد من احد الاخوات يكون حل افضل ..


شكراً بحجم الكون,

__________________
لا تسقني ماءَ الحياةَ بذلةٍ .. بل فاسقني بالعز كأسَ الحنظلِ
مـــاءُ الحيــاةِ بذلةٍ كجهنمٍ .. وجهنـــمٌ بالعـــز أطيــب منــزلِ

والله انا ما انصح
بالنسبه لها ..هي نا راح تقدر تقعد لمسافات طويله بسبب الجرح
ثانيا .. انا شخصيا صار عندي هبوط لعدة ايام يكون مثل دوخه ودقيق بالقلب ووهن .. وهالشي صار مع كثير من الوالدات ..فاحتمال يصير لها
ثالثا.. البيبي في اول فتره بيحتاج الرضاعه كل ساعه .. و يرجعون ..و تغيير بامبرس كل شوي .. لازم تغير البامبرس علي طوول عشان ما يصير عنده حراره

فنصحتي لها .. اولدي في المكان القريب من اهلك

__________________

هلا فيك اختي


فعلاً هذي الأمور اللي أنا خايف وكمان أنا خايف من أمور أعظم لأن مو معقول نسوي هالشي وأعتبرها بصراحه مغامره بصحة شخصين عزيزين علي ..


ثاني شي لو حصل شي لهم فهم في ذمتي ، حتى أهلي وأهلها راح يلقون اللوم علي لأني اتوقع لو يدرون بهالشي راح يرفضون وبيرفضون علي أسوي هالسواة ..


وبعدين هي تقول لا تقول لاهلي ولا اهلك وبنسافر ونجي عندهم واذا عرفوا وخفت يقولون لك شي قول لهم أنها هي اللي رافضه تجي من البدايه ورافضه تقضي فترة النفاس في مديننا اللي حنا فيها ، طبعاً أنا راح اللوم يقع علي كله لأنهم بيقولوا انت الرجال والمفروض تحكم عقلك في مثل هالامور وما تخاطر بزوجتك وطفلكم حتى لو هي قالت


عموماً أختي بارك الله في الصلب الذي أنبتك والبطن الذي حملك

__________________
لا تسقني ماءَ الحياةَ بذلةٍ .. بل فاسقني بالعز كأسَ الحنظلِ
مـــاءُ الحيــاةِ بذلةٍ كجهنمٍ .. وجهنـــمٌ بالعـــز أطيــب منــزلِ